لاہور : پاک فوج نے تھر اور شمالی وزیرستان کے متاثرین کے لئے لاہور سےامدادی سامان کے گیارہ ٹرک روانہ کر دئیے ہیں،تھر میں قحط سے متاثرہ علاقوں اور شمالی وزیرستان میں عارضی طور پر نقل مکانی کرنے والے افراد کے لئے پاک فوج کی امدادی کارروائیاں جاری ہیں۔
سات ٹرکوں میں اڑسٹھ ٹن سامان تھر کے لئے روانہ کیا گیا۔ اور چارٹرکوں میں نو ٹن سامان شمالی وزیرستان بھجوایا گیا۔ بریگیڈیئر مظہر اقبال کیانی کمانڈر لوجسٹکس لاہور میں قائم کئے گئے پاک فوج کے کیمپوں میں مخیر حضرات اور طالبعلم بھی امداد کے لئے بڑھ چڑھ کے حصہ لے رہے ہیں۔
لاہور کے آرمی ریلیف کیمپس سے اب تک ایک سو ستاسی ٹرک سامان ملک کے مختلف متاثرہ علاقوں میں بھجوایا جا چکا ہے۔