کراچی: وزیراعلیٰ سندھ قائم علی شاہ کہتے ہیں تھر میں متاثرہ افراد کی بھرپور مدد کر رہے ہیں،الزام لگانے والے وہاں جا کر دیکھ لیں۔
سندھ اسمبلی کے اجلاس کے دوران وزیراعلیٰ سندھ قائم علی شاہ نے خطاب میں اپنے کارنامے گنواتے ہوئے کہا کہ تھرمیں متاثرہ افراد کی بھرپور دیکھ بھال ہورہی ہے بچےبھوک سےنہیں غربت سے مرے ہیں۔
وزیراعلیٰ سندھ قائم علی شاہ نے جوش خطابت میں حکومت سندھ کی کارکردگی سےپردہ اٹھاتے ہوئے کہا اسپتالوں کی حالت آج سے نہیں برسوں سےہی خراب ہے، وزیراعلیٰ سندھ نے کہا کہ الزام لگانے والے دیکھ لیں مٹھی کے اسپتال کا کراچی کے سول اسپتال سے مقابلہ کیا جا سکتا ہے، اسلام کوٹ میں دس ارب روپے سڑک کی تعمیرپر خرچ کئے۔
