برطانوی روزنامے دی گارجین نے ایک رپورٹ شائع کر کے بھارت کو عالمی سطح پر اجرتی قاتلوں کے جتھے میں شامل قرار دے دیا ہے۔
تفصیلات کے مطابق دی گارجین میں بھارت کے حوالے سے ایک آرٹیکل چھپا ہے، جس میں کہا گیا ہے کہ بھارت عالمی سطح پر اجرتی قاتلوں کے جتھے میں شامل ملک ہے، بھارت کی دہشت گردی سے کینیڈا اور امریکا کے رہائشی بھی محفوظ نہیں رہے ہیں۔
تحریر کے مطابق کینیڈین وزیر اعظم نے بھارتی سفارت کاروں پر ہردیپ سنگھ نجر کے قتل کا الزام لگایا تھا اور ان الزامات میں دعویٰ کیا گیا تھا کہ بھارت عالمی سطح پر ظلم اور تشدد میں مصروف ہے، بھارت کے جرائم میں قتل، بھتہ خوری اور دھمکیاں دینا شامل ہے، لیکن واضح ثبوت کے باوجود بھارت نے الزامات مسترد کر دیے۔
رپورٹ کے مطابق مودی سرکار نے جواباً کینیڈا پر’’سکھ انتہا پسندوں‘‘ کو پناہ دینے کا الزام لگا دیا، جب کہ امریکی عدالت بھی بھارتی انٹیلیجنس افسر کو گرپتونت سنگھ کے قتل کی سازش میں ملوث قرار دے چکی ہے۔
طالبہ کو پٹرول چھڑک کر آگ لگا دی گئی، ریسکیو کی دل دہلا دینے والی ویڈیو
آرٹیکل میں کہا گیا ہے کہ نریندر مودی کی حکومت نے کینیڈا اور امریکا سے سکھ رہنماؤں کے قتل کی تحقیقات میں تعاون نہیں کیا، بھارت کی جانب سے اس قسم کے اقدامات اسرائیلی موساد کی بیرونی کارروائیوں سے مماثلت رکھتے ہیں۔
