دنیا کے ایک بڑے سفید ہیرے کو، جسے دی راک کا نام دیا گیا ہے، نیلامی سے قبل گزشتہ روز پہلی بار دبئی میں نمائش کے لیے پیش کیا گیا۔ توقع کی جا رہی ہے کہ یہ ہیرا 3 کروڑ ڈالر سے زائد قیمت میں نیلام ہوجائے گا۔
آکشن ہاؤس کرسٹیز نے بتایا کہ ناشپاتی کی شکل کا 228 اعشاریہ 31 کیرٹ کا یہ ہیرا جو 20 سال قبل جنوبی افریقہ کی ایک کان سے نکالا اور پالش کیا گیا تھا، نیلامی کے لیے آنے والا اب تک کا سب سے بڑا سفید ہیرا ہے۔
کرسٹیز کے مطابق سفید ہیرا دی راک دبئی میں 26 سے 29 مارچ تک نمائش کے لیے پیش کیا جائے گا۔ ڈیبیو کرنے کے بعد اسے تائی پے، نیویارک اور جنیوا لے جایا جائے گا جہاں 11 مئی کو اس کی نیلامی ہوگی۔
کرسٹیز کے زیورات کے بین الاقوامی سربراہ راہل کیڈکیا کا کہنا ہے کہ مشرقِ وسطیٰ میں ہمیشہ سے ہی اہم جواہرات اور قیمتی پتھروں کے بڑے قدر دان موجود رہے ہیں، اسی وجہ سے ہم نے سوچا کہ ایک ایسے خطے میں اس ہیرے کو لانچ کرنا ہمارے لیے اچھا ہوگا جہاں اس قسم کے اہم جواہرات کو جمع کرنے والے عظیم کلیکٹرز موجود ہیں۔
آپ نے مشہور شخصیات سے ملتے جلتے لوگ دیکھے ہوں گے، بعض لوگ بے انتہا مماثلت رکھتے ہیں لیکن کچھ تو ایسے ہوتے ہیں کہ جن کے چہروں میں انیس بیس بھی فرق نہیں ہوتا۔
ایک ایسی ہی شخصیت سوشل میڈیا پر وائرل ہورہی ہے جسے اور کسی نے نہیں بلکہ خود امریکی اداکار و نامور ریسلر ڈوین جانسن (دی راک) نے اپنے ہم شکل کی تصویر کو پوسٹ کیا ہے۔
تفصیلات کے مطابق امریکی اداکار و نامور ریسلر ڈوین جانسن (دی راک) کا ہم شکل سامنے آگیا جس کے بعد مداحوں کا اصلی راک کو پہچاننا مشکل ہوگیا۔
دنیا بھر میں سلیبریٹیز کا ہم شکل ہونا کوئی بڑی بات نہیں، دنیا کے کسی نہ کسی حصے میں مشہور شخصیات کے ہم شکل لوگ نظر آتے ہی رہتے ہیں۔
ڈوین جانسن کے ہم شکل کی تصویر جب ان تک پہنچی تو انہوں نے اس تصویر کو اپنے ٹوئٹر اکاؤنٹ پر شیئر کر ڈالا۔ اپنے ٹوئٹ میں دی راک نے لکھا کہ "بائیں جانب نظر آنے والا شخص بہت اچھا ہے۔”
Oh shit! Wow.
Guy on the left is way cooler.
Stay safe brother and thank you for your service. One day we’ll drink @Teremana and I need to hear all your “Rock stories” because I KNOW you got ‘em 😂😈👊🏾🥃 #ericfieldshttps://t.co/G38tOr68cW
ساتھ میں راک نے اس شخص کی خدمات پر اس کا شکریہ بھی ادا کیا۔ راک نے اپنے پیغام میں اس شخص سے ملاقات کرنے کی خواہش کا اظہار بھی کردیا اور کہا کہ مجھے آپ سے راک کی کہانیاں” سننی ہیں، میں جانتا ہوں کہ آپ کے پاس یہ کہانیاں ضرور ہوں گی۔
میڈیا رپورٹس کے مطابق راک پولیس کی وردی میں دکھائی دینے والا شخص راک کا ہمشکل ہے جس کا نام ایرک فیلڈز ہے۔
ہالی ووڈ ایکشن ہیرو ڈیوین جانسن ’دی راک‘ اپنی فٹنس کا بہت خیال رکھتے ہیں لیکن اب کی بار چھٹی کے روز وہ خود پر قابو نہیں رکھ پائے اور بد پرہیزی کی انتہا کردی۔
ہالی ووڈ کے معروف اداکار ڈیوین جانسن ’دی راک‘ چونکہ فلم انڈسٹری میں اداکاری کے جوہر دکھانے کے ساتھ ساتھ ایک ریسلر بھی ہیں اور اداکار و ریسلر اپنی فٹنس کو برقرار رکھنے کے لیے مناسب اور صحت بخش خوراک کو ہی غذا کا حصّہ بناتے ہیں۔
تاہم اس اتوار کو ڈیوین جانسن ’دی راک‘ نے ’چیٹ ڈے میل ‘ کے طور پرمنانے کا فیصلہ کیا، مزیدار اور لذیز کھانوں تصاویر انہوں نے سوشل میڈیا پر اپنے مداحوں کے ساتھ بھی شیئر کی۔
ڈیوین جانسن کی جانب سے شیئر کی گئی تصاویرجو خورد ونوش کی اشیا شامل تھیں ان میں جاپانی ڈش ’سوشی‘ بھی شامل ہے۔ جاپانی ڈش سوشی کو چاول اور سرکہ، چینی اور نمک سے بنایا جاتا ہے، دیگر اجزاء میں سبزیاں، سی فورڈز اور پھل شامل کیے جاتے ہیں۔
دی راک نے سماجی رابطے کی ویب سائٹ انسٹاگرام پر اتوار کے روز اپنے ’سوشی‘ پکوانوں کی تصاویر شیئر کی تھیں، ساتھ ہی دی راک نے تحریر کیا تھا کہ ’میں اتوار کی سوشی ٹرین میں سوار ہوں‘۔
امریکی اداکار کا کہنا تھا کہ ’چیٹ ڈے مھٹائی کے بغیر مکمل نہیں‘ اس لیے سوشی ٹرین کے بعد کوکیزکی ٹرین میں سواری کروں گا۔
ہالی ووڈ کے ایکشن ہیرو دی راک نے انسٹاگرام پراگلی تصویران بسکٹوں کی شیئر کی جو انہوں نے سوشی کے بعد کھائے تھے، ساتھ ہی راک نے لکھا کہ ’یہ بسکٹ دودھ، چاکلیٹ، مکھن والی مونگ پھلی سے تیار کیے گئے ہیں اور ان کے درمیان مونگ پھلی اور مکھن کی کریم رکھی گئی ہے۔ انہوں نے لکھا کہ ’یہ بسکٹ بہت ہی لذیذ تھے‘۔
واشنگٹن: معروف ہالی ووڈ اداکار ڈوائن جانسن نے 17 برس سے اپنی جگہ اسٹنٹس انجام دینے والے شخص تانوئی ریڈ کی خدمات کا اعتراف کرتے ہوئے انہیں بیش قیمت ٹرک تحفے میں دے دیا۔
تفصیلات کے مطابق ہالی ووڈ کے مشہور اداکار 46 سالہ ڈوائن جانسن نے پیر کے روز سماجی رابطے کی ویب سائٹ پر ایک ویڈیو اپلوڈ کی تھی، جس میں وہ اپنی جگہ اسٹنٹس کرنے والے شخص کو قیمتی تحفہ پیش کر رہے ہیں۔
دی راک نے یہ تحفہ تانوئی کو شکریہ کے طور پر پیش کیا۔ تانوئی ان کے کزن بھی ہیں۔
دی راک کا کہنا تھا کہ ’میرے فلمی کیریئر میں جتنے بھی اسٹنٹ تھے سب تانوئی نے کیے ہیں اور متعدد اسٹنٹ کے دوران ریڈ کی کئی ہڈیاں بھی ٹوٹی ہیں اور گہرے زخم بھی آئے ہیں۔
انہوں نے کہا کہ ’میں نے کسٹم پک اپ ٹرک اس وقت ریڈ کو ڈیلیور کروایا جب اسٹنٹ کے دوران انہیں لگنے والی چوٹیں ٹھیک ہورہی تھی‘۔
امریکی خبر رساں ادارے کے مطابق دی راک کا کہنا ہے کہ ’تانوئی ریڈ نہ صرف ہمارے خاندان اور میرے مستقبل کو عزم و جذبے کے ساتھ پیش کرتا ہے بلکہ ہالی ووڈ کے تمام اسٹنٹ برادری کی ترجمانی کرتا ہے جو ہمارے شعبے میں ریڑھ کی ہڈی کی حیثیت رکھتا ہے‘۔
سوشل میڈیا پر وائرل ہونے والے ویڈیو میں دیکھا جاسکتا ہے کہ تانوئی ریڈ پک اپ ٹرک کو دیکھ کر حیران ہوگئے اور دی راک کے سرپرائز پر آبدیدہ ہوگئے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔
امریکا میں ہونے والی نئی تحقیق نے ثابت کیا ہے کہ ’بھیڑ‘ مشہور و معروف شخصیات کو شناخت کرنے کی حیرت انگیز صلاحیت رکھتی ہے‘ اس کا عملی مظاہرہ ایک لائیو ٹی وی شو میں مشہورِ زمانہ ریسلر اور فلم اسٹار’دی راک‘ کے ساتھ کیا گیا۔
تفصیلات کے مطابق امریکا کی کیمبرج یونی ورسٹی نے حال ہی میں ایک تحقیق کی ہے جس کے نتیجے میں سامنے آیا ہے کہ انتہائی معصوم اور بھولی بھالی صورت کی حامل بھیڑ درحقیقت ایک انتہائی ذہین جانور ہے جو کہ مشہور شخصیات کو پہچاننےکی حیرت انگیز صلاحیت سے مالا مال ہے۔
اپنے منفر انداز کے سبب امریکا کے مشہورِ زمانہ ریسلر اور فلم اسٹارڈیوین جانسن المعروف ’دی راک‘ اپنی نئی فلم ’جومانجی ‘ کی تشہیر کے لیےجمی کیمل لائیو نامی امریکی ٹی وی شو میں جلوہ گر ہوئے جہاں شو کے میزبان نے اس تحقیق کو آزمانے کا فیصلہ کیا۔
میزبان نے ایک جانب دی راک کو کھڑا ہونے کے لیے کہا اور دوسری جانب شو میں شریک عوام میں سے ایک عام آدمی کو اٹھ کر آنےکو کہا۔ اس کےبعد ایک بھیڑ لائی گئی جسے آزاد چھوڑا گیا تو وہ بلا تعامل ڈیون جانسن کے پاس گئی اور دوسری جانب کھڑے عام آدمی کو اس نے بالکل نظر انداز کردیا‘ بھیڑ کے اس رویے نے ناظرین کو حیرت میں ڈال دیا۔
یہ تحقیق حال ہی میں کیمبرج یونی ورسٹی میں کی گئی ہے جس میں ثابت کیا گیا ہے کہ بھیڑ ‘ انسانوں کے چہرے اور تاثرات پہچاننے کی غیر معمولی صلاحیت کی حامل ہوتی ہیں اور وہ اپنے نگہہ بانوں کو نہ صرف یہ کہ پہچان سکتے ہیں بلکہ ان کے چہرے کے تاثرات کو بھی سمجھتے ہیں۔
اس تحقیق میں یہ بھی ثابت کیاگیا ہے کہ بھیڑفیونا بروس اور ایما واٹسن کی تصاویر میں بھی فرق کرسکتے ہیں۔ کیمبرج یو نی ورسٹی نے اپنی تحقیق میں آٹھ بھیڑوں کو شام کیا جنہیں صحیح پہچان کرنے پر انعام میں عمدہ قسم کی غذا دی جانی تھی۔ بھیڑوں نے ہر بار صحیح انتخاب کیا اور با آسانی فیونا بروس‘ ایما واٹسن ‘ سابق امریکی صدر باراک اوباما اور جیک گیلن کو باآسانی شناخت کرلیا۔
کیمبرج یونی ورسٹی نے بھیڑوں کی مشکلات میں اضافہ کرتے ہوئے مشہور شخصیات کی تصاویر انہیں معمولی ردو بدل کے ساتھ اور مختلف اینگلز سے لی گئی تصاویر دکھائیں اور معصوم نظر آنے والی بھیڑیں یہ معرکہ بھی سر کرگئیں‘ خیال رہے کہ یہ وہ صلاحیت ہے جو صرف انسانوں میں پائی جاتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاس اینجلس: ڈبلیو ڈبلیو ای سپر اسٹار رومن رینز اور دی راک کے ٹاکرے کی تیاریاں جاری ہیں، دونوں ریسلرز کا "ریسل مینیا 34” میں آمنا سامنا متوقع ہے۔
تفصیلات کے مطابق ڈبلیو ڈبلیو ای کے اسٹار ریسلر رومن رینز نے کہا ہے کہ اگر دی راک سے ان کا سامنا ہوا تو یہ ایک مہنگا ترین مقابلہ ثابت ہوسکتا ہے اور رنگ میں راک نہیں بلکہ میں ہی موجود ہوں گا کیونکہ مجھے اپنے اوپر بھروسہ ہے۔
ریسل مینیا کے اگلے مقابلے میں دی راک اور رومن رینز کے آمنے سامنے آنے کی اطلاعات ہیں تاہم دی راک کی فلمی مصروفیات انہیں رنگ میں آنے کی اجازت نہیں دے رہیں۔
ڈبلیو ڈبلیو ای انتظامیہ کا کہنا ہے کہ اگر رومن رینز کا مقابلہ راک سے منعقد نہ ہوسکا تو ان کی جگہ یہ لڑائی بروک لیسنر لڑیں گے۔
رومن رینز اور دی راک کے مقابلے سے قبل "ریسل مینیا 34” میں دونوں ریسلرز کا پرومو تیار کیا گیا ہے جس میں راک اور رومن اپنے حریفوں پر حملہ آور ہوتے دکھائی دے رہے ہیں۔
ویڈیو دیکھیں
ریسلنگ کے مداح بھی دی راک اور رومن رینز کے مقابلے کا بے صبری سے انتظار کررہے ہیں، مداحوں کا کہنا ہے کہ یہ میچ ریسلنگ کی تاریخ کا ایک اہم ترین مقابلہ ثابت ہوسکتا ہے۔
یاد رہے کہ رومن رینز نے ریسل مینیا کے اہم مقابلے میں انڈر ٹیکر کو شکست دی تھی جس کے بعد معروف ریسلر نے اپنی ریٹائرمنٹ کا اعلان کردیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
ڈبلیو ڈبلیو ای میں آپ نے اکثر پہلوانوں کو لڑتے ہوئے دیکھا ہے ان کی دھماکہ خیز انٹری بھی آپ کو یاد ہی ہوگی، اسٹیو آسٹن جب رنگ میں آتے تھے تو اس سے قبل گلاس ٹوٹنے کی آواز آتی تھی جو آج بھی لوگوں کے ذہنوں میں ہے۔
ایسے ہی چند معروف ریسلرز اور ان کی انٹری کے تھیم سانگ کے حوالے سے بیان کرتے ہیں کہ ان کے تخلیق کرنے والے کون ہیں؟
دی راک
ریسلنگ اور فلموں میں اپنے نام کمانے والے دی راک کی جب انٹری ہوتی ہے تو اس کا تھیم سانگ ’’اِز دز اسمیک‘‘ اپنی منفرد ہی پہچان رکھتا ہے، اس تھیم سانگ کو جم جانسٹن نے تیس سال قبل اس خوبصورت انداز سے تخلیق کیا کہ اس کا سحر آج بھی لوگوں کے ذہنوں میں موجود ہے۔
شان مائیکل
چند عرصے قبل انڈر ٹیکر سے آخری فائٹ ہار کر ریسلنگ کی دنیا کو خیرباد کہنے والے شان مائیکل نے اپنے کیریئر کا آغاز 1992ء میں کیا، شان مائیکل کی انٹری کے تھیم سانگ کو بھی جم جانسٹن نے مرتب کیا اس کے بول ہیں ’’آئی تھنک آئی ایم کیوٹ‘‘ اس دور میں ہر بچے کی زبان پر یہ ہی گانا تھا،
انڈر ٹیکر
انڈر ٹیکر جن کی آمد سے ہی مخالف ریسلر پر لرزہ طاری ہوجاتا ہے ان کی آمد کے ساتھ ہی ایک آواز سنائی دیتی ہے اور چاروں اطراف اندھیرا چھا جاتا ہے۔ جسے دیکھ کر لگتا ہے کہ آپ کوئی ڈراؤنی فلم دیکھ رہے ہیں، مگر یہ فلم نہیں انڈر ٹیکر ہوتے ہیں۔
ٹرپل ایچ
ریسلنگ کی دُنیا میں ٹرپل ایچ کے نام سے مشہور اس ریسلر نے ہیوی ویٹ ٹائٹل کی چیمپئن شپ میں اپنا لوہا منوایا۔ ٹرپل ایچ کی آمد کے ساتھ ہی ایک میوزک بجتا ہے اور وہ رنگ میں داخل ہونے سے قبل پانی پیتے ہیں ہیں اور اپنے سر کے اوپر پانی ڈال کر اپنے آپ کو تروتازہ کرتے ہیں۔
ایڈی گوریرو
ایڈی گوریرو وہ واحد ریسلر ہیں جو رنگ میں بے ایمانی بھی اس انداز سے کرتے تھے کہ مداح ہنسنے پر مجبور ہوجاتے تھے۔ گو کہ وہ اب اس دنیا میں نہیں ہیں مگر ان کے مداح آج بھی ان کی ریسلنگ دیکھ کر محظوظ ہوتے ہیں۔ ، گوریرو کی آمد بائیک پر ہوا کرتی تھی، گوریرو کے تھیم سانگ کو بھی جم جانسٹن نے ترتیب دیا۔
جان سینا
معروف ریسلر جان سینا جنہوں نے حال ہی میں ڈبلیو ڈبلیو چیمپئن بننے کے بعد صرف دو ہفتوں میں شکست کھاکر ٹائٹل سے محروم ہوگئے۔ مگر جان سینا کا تھیم سانگ جو لوگوں کو ان کی آمد کے ساتھ ہی جھومنے پر مجبور کردیتا ہے، سینا کا تھیم سانگ ’’یور ٹائم از اپ، مائی ٹائم از ناؤ‘‘جان سینا کے کزن مارک پریڈکا نے 2005ء میں مرتب کیا اور انہیں امید تھی کہ یہ سانگ سینا کا ٹریڈ مارک بنے گا۔
