Tag: Theft and robbery

لاہور : پنجاب کے دارالحکومت لاہور میں مسلح افراد نے چوری و ڈکیتی کی وارداتوں میں شہریوں کو لاکھوں روپے سے محروم کر دیا، پولیس نے واقعات کی رپورٹ درج کرکے تفتیش کا آغاز کردیا۔

تفصیلات کے مطابق مناواں کے علاقے میں مسلح افراد گھر میں گھس کر مجاہد اور اس کے اہلخانہ کو گن پوائنٹ پر یرغمال بنا کر3لاکھ 20ہزار مالیت کی نقدی طلائی زیورات لوٹ کر فرار ہو گئے۔

قا ئد اعظم انڈسٹریل ایریا کے علاقے میں ڈاکوؤں نے گھر میں گھس کر مبین اور اس کی فیملی سے اسلحہ کے زور پر3لاکھ روپے لوٹ مار کی اور فرار ہو گئے جبکہ نواں کوٹ کے علاقے میں چار موٹرسائیکل سوار ڈاکو فاروق اور اس کی خاندان سے گن پوائنٹ پر2لاکھ روپے70ہزار روپے نقدی و طلائی زیورات لے گئے۔

ستو کتلہ کے علاقے میں مسلح ڈاکو شریف اور فیملی سے گن پوائنٹ پر2لاکھ 45ہزار روپے نقدی و طلائی زیورات چھین کر باآسانی فرار ہونے میں کامیاب ہوگئے۔

؎ایک اور واردات میں شفیق آباد کے علاقے سے ڈاکو محمود کے گھر سے2لاکھ 20ہزارروپے نقدی و طلائی زیورات لوٹ کر فرار ہوگئے۔ ماڈل ٹاؤن میں مسلح ڈاکو فیصل کے گھر والوں سے ایک لاکھ 45ہزار روپے نقدی و طلائی زیورات چھین کرلے گئے۔

اس کے علاوہ ڈیفنس بی کے علاقے میں ڈاکو گن پوائنٹ پر اسحاق سے 60ہزار اور موبائل فون۔ مغل پو رہ سے ڈاکو ثا قب سے95ہزار نقدی اور موبائل فون اور کاہنہ کے علاقہ میں شہباز سے ڈاکو گن پوائنٹ پر70ہزار نقدی اور موبائل فون چھین کر فرا ہوگئے۔

غالب مارکیٹ سے ڈاکو گن پوائنٹ پر حسن سے50ہزار نقدی اور موبائل فون لوٹ کر فرار ہوگئے جبکہ ہربنس پورہ اور سبزہ زار سے گاڑیاں اور پرانی انارکلی، باٹا پور،مناواں اور ملت پارک کے علاقے سے موٹرسائیکلیں چوری کر لی گئیں۔