خاتون سیلون میں تیزی سے ایک سیلون میں داخل ہوتے وقت شفاف شیشے کے دروازے سے ٹکرائی جس کے بعد دروازہ زور دار آواز کے ساتھ گرکر چکنا چور ہوگیا۔
موجودہ دور ڈیجیٹل دور ہے اور سوشل میڈیا پر آئے دن کچھ نہ کچھ ایسا نیا سامنے آتا رہتا ہے جس کو دیکھ کر بعض اوقات ہنسی چھوٹ جاتی ہے تو کبھی کوئی ہولناک منظر سامنے آکر رونگٹے کھڑے کردیتا ہے۔
ان دنوں بھی سوشل میڈیا پر ایک سی سی ٹی وی کی بنائی گئی فوٹیج کی ویڈیو وائرل ہورہی ہے جس میں دیکھا جاسکتا ہے کہ نامعلوم خاتون سیلون میں داخل ہونے کیلیے تیزی سے اندر آتی ہے لیکن لگتا ہے کہ خاتون کو کچھ زیادہ ہی جلدی تھی اسی لیے اس نے کھلے راستے کے بجائے وہ شفاف شیشے کے دروازے کے فکس حصے کو راستہ سمجھ کر وہاں سے داخل ہونے کی کوشش کی۔
سیلون میں داخل ہونے کیلیے تیزی سے شیشے کے شفاف دروازے سے زور دار ٹکرانے کے نتیجے میں دروازہ زور دار آواز کے ساتھ سیلون کے اندر گر کر چکنا چور ہوگیا تاہم خوش قسمتی سے اس وقت اندر کوئی موجود نہیں تھا ورنہ سنگین حادثہ بھی ہوسکتا تھا۔
دوسری جانب ویڈیو میں خاتون دروازے سے ٹکرانے کے بعد اپنے چہرے کو پکڑے پیچھے کی جانب جاتی نظر آتئی ہے جہاں ایک ہیلمٹ پہنا شخص اس کی مدد کیلیے قریب آیا لیکن شاید خاتون کو چوٹ زیادہ لگی تھی اس لیے وہ
اسے پرے دھکیل کر اپنا چہرہ پکڑے وہیں بیٹھ گئی۔
اس سنسنی خیز ویڈیو کو اب تک 44 ہزار سے زائد لوگ دیکھ چکے ہیں اور اس پر طرح طرح کے تبصرے کررہے ہیں۔
