نیویارک: ری پبلیکن پارٹی کے امیدوار ڈونلڈ ٹرمپ امریکا کے 45 ویں صدر منتخب ہوئے تو ان کی 46 سالہ سلوینیائی نژاد اہلیہ میلانیا کو خاتون اول کا درجہ مل گیا لیکن کم ہی لوگوں کو معلوم ہے کہ وہ دراصل کون ہیں، کہاں سے آئیں اور ٹرمپ سے کیسے شادی ہوئی۔

میلانیا ٹرمپ کے بارے میں کچھ ایسی باتیں جو یقیناََ آپ نہیں جانتے ہوں گے۔

میلانیا ڈونلڈ ٹرمپ کی تیسری بیوی ہے

میلانیا اور ٹرمپ کی پہلی ملاقات نیویارک فیشن ویک میں 1998 میں ہوئی ، ان دونوں کی شادی 2005 میں ہوئی ،ان کے ہاں ایک بیٹے کی پیدائش ہوئی ، جسکا نام بیرون ہے۔

ٹرمپ اور میلانیا کے درمیان محبت کا سلسلہ اس وقت شروع ہوا جب ڈدونلڈ اپنی پہلی بیوی ایوانا کے ساتھ رہ رہے تھے اور ان دونوں کی شادی 1977ءمیں ہوئی ، جن سے انکے تین بچے ہیں۔

ایوانا اور ڈونلڈ ٹرمپ 1980ءمیں نیویارک کے نامی گرامی رئیس تھے لیکن 1992ءمیں ان کی طلاق ہوگئی تھی،

بل کلنٹن اور ہیلری کلنٹن ملانیا کی شادی میں شریک تھے

ڈونلڈ ٹرمپ اور میلینیا کی شادی پام بیچ فلوریڈا میں ہوئی ،اس وقت تین سو مہمانوں میں بل کلنٹن اور ہیلری کلنٹن بھی موجود تھی، میلانیا نے جو شادی کا جوڑا پہنا اس کی قیمت 100,000 ڈالر تھی اور اس پر 1500 کرسٹلز جڑے تھے اور اس جوڑے کی تیاری پر 550 گھنٹے لگے تھے۔

میلانیا ٹرمپ 5 مختلف زبانیں بول سکتی ہے

میلینیا ٹرمپ کو سلووینین، انگلش، فرانسیسی اور جرمن زبانیں بولنے پر عبور حاصل ہے۔

ٹرمپ کی صدر بننے کے بعد میلانیا ٹرمپ خاتون اوّل بن گئی، اس طرح وہ کمیونسٹ معاشرے میں پیدا ہونے والی امریکہ کی پہلی خاتونِ اول جبکہ امریکہ سے باہر پیدا ہونے والی دوسری خاتون اول ہیں۔

اس سے قبل لوئس ایڈم امریکہ سے باہر پیدا ہونے والی پہلی امریکی خاتون اوّل ہے، جو امریکہ کے چھٹے صدر جان کوئنس کی اہلیہ تھی۔

میلانیا ٹرمپ کا سوتیلا بھائی بھی ہے

میلانیا کی زندگی کے حقائق تلاش کرتے ہوئے رپورٹر جولیا لوف نے نکشاف کیا کہ میلانیا کا ایک سوتیلا بھائی بھی ہے، میلانیا کے والد وکٹر کناوس، جنہیں وہ روائتی اور محنتی بتاتی ہیں، میلانیا کی والدہ سے شادی سے پہلے انکا ایک بیٹا بھی ہے۔

سب سے کم مقبولیت رکھنے والی خاتون اول

واشنگٹن پوسٹ کے مطابق میلانیا ٹرمپ ہیلری کلنٹن کے بعد سب سے کم مقبولیت رکھنے والی خاتون اول ہیں، میلانیا ٹرمپ اور بل کلنٹن کے حوالے سے ایک سروے کیا گیا ، جس میں بل کلنٹن کو سب سے زیادہ شہرت رکھنے والا قرار دیا گیا جبکہ سروے میں شامل نفص سے زائد لوگوں نے ان کے بارے میں مثبت رائے دی۔

سروے میں کہا گیا کہ صدارتی انتخاب کے تمام امیدواروں کی اہلیہ میں سب سے میلانیا ٹرمپ سب سے کم مقبولیت رکھنےن والی خاتون اول ہے۔

مہاجرین سے متعلق بیانات پر ڈونلڈ ٹرمپ کی حمایت

کسی بھی صدارتی امیدوار کی اہلیہ کی اپنے شوہر کی پالیسیوں کی حمایت کرنا حیرت کی بات نہیں لیکن میلانیا کے ایک غیر ملکی ہوتے ہوئے امریکہ میں مقیم غیر ملکیوں سے متعلق ٹرمپ کے خیالات کی حمایت پر بہت حیران کن تھا ۔

ایک انٹرویو میں میلانیا کا کہنا تھا کہ میں نے غیر قانونی طریقے سے کبھی بھی امریکہ میں رہنے کا نہیں سوچا۔

مشیل اوباما اور میلانیا ٹرمپ کی ملاقات میں کیا بات ہوئی

انتخابات میں کامیابی کے بعد وائٹ ہاؤس میں ڈونلڈ ٹرمپ نے براک اوباما سے ملاقات کی اور صدارتی اقتدار کی پر امن منتقلی پر بات چیت ہوئی۔ وہی مشیل اوباما نے میلاینا کو وائٹ ہاؤس کا دورہ کرایا اور دونوں خواتین کے درمیان وائٹ ہاوس مین بچوں کی نگہداشت سے متعلق پروگرام پر غور کیا گیا۔