بالی ووڈ کنگ خان شاہ رخ خان اور دبنگ اسٹار سلمان خان کی سپرہٹ جوڑی ان کے مداحوں کو آنے والی فلم "ٹائیگر بمقابلہ پٹھان” میں نظر آئے گی۔ ذرائع کا کہنا ہے کہ حقائق جان کر سب حیرتے زدہ رہ جائیں گے۔
اس حوالے سے ذرائع کا کہنا ہے کہ بالی ووڈ فلم ساز آدتیہ چوپڑا "ٹائیگر بمقابلہ پٹھان” بنانے کی تیاری کرچکے ہیں جبکہ اس فلم کے ہدایت کار سدھارتھ آنند ہوں گے اس فلم پر جو اخراجات آئیں گے ان کی تفصیل قارئین کو حیرت زدہ کردے گی۔
ٹائیگر بمقابلہ پٹھان میں شاہ رخ خان اور سلمان خان پٹھان اور ٹائیگر کے جاسوس کا کردار ادا کرتے نظر آئیں گے، فلم میں مبینہ طور پر دونوں ایجنٹوں کا آمنا سامنا ہوگا۔
کاروباری تجزیہ کار ترن آدرش نے ٹویٹ کیا ہے جس میں انہوں نے لکھا ہے کہ بڑی پیش رفت یہ ہے کہ سلمان خان اور شاہ رخ خان اسٹارز اداکاری والی فلم کو سدھارتھ آنند ڈائریکٹ کریں گے، اسے آدتیہ چوپڑا پروڈیوس کریں گے۔
BIGGG DEVELOPMENT… SALMAN KHAN – SHAH RUKH KHAN: SIDDHARTH ANAND TO DIRECT… #SalmanKhan and #ShahRukhKhan starrer #TigervsPathaan will be directed by #SiddharthAnand… Starts Jan 2024… Produced by #AdityaChopra. #YRF pic.twitter.com/C6DlqAZGeg
— taran adarsh (@taran_adarsh) April 6, 2023
اس حوالے سے ذرائع کا کہنا ہے کہ شاہ رخ خان اور سلمان خان کی ٹائیگر بمقابلہ پٹھان کتنے کروڑ روپے کے بجٹ میں بنائی جائے گی؟ فلم کا بہت انتظار کیا جا رہا ہے جس کا بجٹ آپ کو مکمل طور پر حیران کر دے گا۔
میڈیا رپورٹس کے مطابق کچھ بھی ہو تو سدھارتھ آنند کی ہدایت کاری میں بننے والی یہ فلم کافی مہنگی ثابت ہوگی، ذرائع کا کہنا ہے کہ آدتیہ چوپڑا اور ان کی ٹیم نے ٹائیگر بمقابلہ پٹھان کے بجٹ کو 300 کروڑ روپے تک محدود کردیا ہے۔
ان اعداد و شمار میں اسٹار فیس شامل نہیں ہے کیونکہ ان دونوں نے منافع میں حصہ لینے کا انتخاب کیا ہے۔ اس کا مطلب ہے کہ ٹائیگر بمقابلہ پٹھان کی لاگت پٹھان اور ٹائیگرتھری سے زیادہ ہوگی۔ اس کا مطلب یہ بھی ہے کہ ٹائیگر بمقابلہ پٹھان بالی ووڈ سے آنے والی سب سے مہنگی فلموں میں سے ایک ہوگی۔