ARYNews.tv | Urdu – Har Lamha Bakhabar

Tag: Tik Tok

  • ایان علی کا اپنے مداحوں کے لیے تحفہ

    ایان علی کا اپنے مداحوں کے لیے تحفہ

    لاہور: پاکستانی ماڈل و گلوکارہ ایان علی نے بھی ویڈیو شیئرنگ ایپ ٹک ٹاک جوائن کرلی، انہوں نے اپنی پہلی ٹک ٹاک ویڈیو مداحوں کے ساتھ شیئر کی۔

    تفصیلات کے مطابق سماجی رابطے کی ویب سائٹ انسٹا گرام پر ایان علی نے اپنی ٹک ٹاک ویڈیو پوسٹ کی جو ان کی پہلی ٹک ٹاک ہے۔

    یہ ویڈیو ان کی تصاویر پر مبنی ہے۔ انہوں نے مداحوں سے یہ بھی کہا کہ وہ ان کے حالیہ البم کے گانوں پر ٹک ٹاک ویڈیوز بنائیں اور ان کے ساتھ شیئر کریں۔

    اس سے قبل ایک پوسٹ میں ایان علی نے مداحوں کو اپنے فلاحی ادارے کے بارے میں بھی بتایا تھا۔

    انہوں نے بتایا تھا کہ ان کا ادارہ بی مائے فرینڈ آرگنائزیشن خواتین اور بچوں کو محفوظ اور بہتر زندگی فراہم کرنے کے لیے کام کر رہی ہے، جبکہ ادارے کے تحت انہیں تمام تر بنیادی ضروریات بھی مہیا کی جارہی ہیں۔

     

    View this post on Instagram

     

    Friends I believe everythin that happens in ur life leads u towards betterment.It is an honor for me to share with u guys somethin that I was doin always but now on a much larger scale … My charitable organisation “Be My Friend Foundation” that I registered in United Kingdom which is goin to help out Children & Women in any form that I can either it’s Education,Medical Help basic necessities like Food,Shelter or Legal Help in my beloved home Pakistan or anywhere in the World.I always thought that how can we make the World a better place with all the negativity that’s around us couldn’t thought of a better idea then this 🙂 I decided that from now on whatever profit I will be recieving annually from the royalties of my Debut Album “Nothing Like Everything” & any other projects that I will do I m goin to donate 50 percent profit to my “Be My Friend Foundation” Social links: Instagram: @bemyfriend.foundation Facebook: https://www.facebook.com/BeMyFriendFoundation Twitter: https://twitter.com/bemyfriendfdn Official Website: http://bemyfriendfoundation.com

    A post shared by Ayyan (@ayyanworld) on

  • پی ٹی اے کا ٹک ٹاک سے بھی غیراخلاقی مواد ہٹانے کا مطالبہ

    پی ٹی اے کا ٹک ٹاک سے بھی غیراخلاقی مواد ہٹانے کا مطالبہ

    اسلام آباد: پاکستانی ٹیلی کمیونی کیشن اتھارٹی (پی ٹی اے) نے یوٹیوب کے بعد ٹک ٹاک سے بھی غیراخلاقی مواد ہٹانے کا مطالبہ کردیا۔

    تفصیلات کے مطابق پی ٹی اے کی جانب سے سماجی رابطے کی ویب سائٹ ٹویٹر پر بتایا گیا کہ ویڈیو شیئرنگ ایپلی کیشن ٹک ٹاک سے غیراخلاقی مواد ہٹانے کا مطالبہ کیا گیا ہے۔

    بیان میں بتایا گیا کہ ویڈیو شیئرنگ پلیٹ فارم کی جانب سے غیراخلاقی مواد کو ہٹانے سے متعلق حالیہ کوششوں کا اعتراف کرتے ہوئے چیئرمین پی ٹی اے نے ٹک ٹاک سے مطالبہ کیا کہ مواد کی نگرانی کے لیے مضبوط اور معتدل طریقہ کار اختیار کیا جائے تاکہ پاکستان میں غیر قانونی مواد تک رسائی نہ ہوسکے۔

    اس سے قبل گزشتہ ماہ پی ٹی نے ٹک ٹاک پر فحش اور غیراخلاقی مواد اور اس کے نوجوان نسل پر انتہائی منفی اثرات کے حوالے سے معاشرے کے مختلف طبقات کی جانب سے متعدد شکایات موصول ہونے کے بعد ویڈیو ایپ کو ‘ حتمی وارننگ’ جاری کی تھی۔

    جس کے بعد ٹک ٹاک کی جانب سے حتمی نوٹس کا جواب دیتے ہوئے جاری کیے گئے بیان میں کہا گیا تھا کہ ایپ انتظامیہ کی اولین ترجیح قانون کی پاسداری کے ذریعے ایپ کے اندرونی ماحول کو محفوظ اور مثبت رکھنا ہے۔

    بیان میں ٹک ٹاک کی جولائی تا دسمبر 2019 کی رپورٹ کا حوالہ دیتے ہوئے بتایا گیا تھا کہ گزشتہ سال ہٹائی گئی نامناسب ویڈیوز میں سے 84 فیصد ویڈیوز ایسی تھیں جنہیں کسی بھی شخص نے نہیں دیکھا تھا۔

  • ٹک ٹاک کے جنون نے تین دوستوں کی جان لے لی

    ٹک ٹاک کے جنون نے تین دوستوں کی جان لے لی

    نارووال : ٹک ٹاک ویڈیو بنانے کے جنون کے باعث تین دوست نہر میں ڈوب گئے، ایک نوجوان کی لاش نکال لی گئی دو کی تلاش جاری ہے،

    تفصیلات کے مطابق پاکستان میں ٹک ٹاک کے شوقین افراد کی تعداد لاکھوں میں ہے جو اپنی ویڈیو بنا کر ٹک ٹاک پر اپ لوڈ کرتے ہیں، اس دوران ہزاروں نوجوان خطرناک انداز میں ویڈیو بنا کر ایپ پر ڈاؤن لوڈ کرتے ہیں جس کے باعث گزشتہ ایک سال کے دوران درجنوں افراد نوجوان اپنی زندگی کی بازی ہار گئے ہیں۔

    ذرائع کے مطابق تین دوست ٹک ٹاک ویڈیو بناتے ہوئے نارووال کی ڈھلی نہر میں ڈوب گئے۔ ایک نوجوان کو مقامی لوگوں نے اپنی مدد آپ کے تحت بچالیا جبکہ دیگر 2 کی تلاش کا کام اب بھی جاری ہے۔ ڈوبنے والے نوجوانوں کو تلاش کرنے کیلئے ریسکیو اور مقامی لوگوں کی جانب سے آپریشن کیا جارہا ہے۔

    ریسیکیو 1122 کے اہلکاروں نے دو نعشوں کی تلاش کے لئے آپریشن شروع کردیاہے، نہر میں پانی زیادہ ہونے کی وجہ سے ریسیکیو آپریشن میں مشکلات کا سامنا ہے۔

    واضح رہے کہ اس سے قبل پیر کو ہی گوجرانوالہ سے ایک نوجوان کے ٹک ٹاک ویڈیو بنانے کے چکر میں نہر میں ڈوبنے کی خبر آئی تھی۔ دسویں جماعت کا طالبعلم کلیم بٹ ٹک ٹاک ویڈیو بناتے ہوئے اوجلہ نہر میں ڈوب کر جاں بحق ہوگیا تھا۔

    میٹرک کا طالب علم18سالہ کلیم بٹ گوجرانوالہ کے پوش علاقے واپڈا ٹائون کا رہائشی ہے، کلیم بٹ اپنے دوستوں کے ساتھ نہانے نہر پر آیا تھا، کلیم بٹ ٹک ٹاک بنواتے ہوئے نہر میں گر گیا اور اچانک تیزلہروں کی نذر ہو گیا۔

  • ایم پی اے دعا بھٹو کی بہن نے سندھ اسمبلی میں ٹک ٹاک ویڈیو بناڈالی

    ایم پی اے دعا بھٹو کی بہن نے سندھ اسمبلی میں ٹک ٹاک ویڈیو بناڈالی

    کراچی: تحریک انصاف کی رکن اسمبلی دعا بھٹو کی بہن نے سندھ اسمبلی میں ٹک ٹاک ویڈیو بناڈالی۔

    اے آر وائی نیوز کی رپورٹ کے مطابق ٹک ٹاک کا بخار سندھ اسمبلی پہنچ گیا، پی ٹی آئی کی خاتون رکن سندھ اسمبلی دعا بھٹو کی بہن نے ٹک ٹاک پر ویڈیو بنا کر سوشل میڈیا پر پوسٹ کردی۔

    سندھ اسمبلی میں بنائی گئی اقرا بھٹو کی ویڈیو سوشل میڈیا پر وائرل ہوگئی جس کے بعد رکن اسمبلی دعا بھٹو کو معافی مانگنا پڑ گئی۔

    رکن اسمبلی دعا بھٹو کا کہنا تھا کہ بہن نے ویڈیو ہال میں نہیں لابی میں بنائی تھی، انہیں سندھ اسمبلی کی کرسی پر بیٹھ کر ویڈیو نہیں بنانی چاہئے تھی۔

    ویڈیو میں دیکھا جاسکتا ہے کہ اقرا بھٹو بھارتی فلم انڈسٹری کے معروف گانے پر ڈبنگ کررہی ہیں جس کے بول ہیں ’تم نے اگر پیار سے دیکھا نہیں مجھ کو تو چھوڑ کر شہر میں چلی جاؤں گی۔‘

    مذکورہ ویڈیو پر پیپلزپارٹی رہنما شرمیلا فاروقی نے تنقید کرتے ہوئے کہا کہ پی ٹی آئی ایم پی اے دعا بھٹو کی بہن کا انتہائی غیرذمہ دارانہ اقدام ہے سندھ اسمبلی ہال کو فلمی اسٹوڈیو میں تبدیل کردیا گیا۔

    شرمیلا فاروقی کا کہنا ہے کہ اقرا بھٹو کا یہ اقدام سندھ اسمبلی کے قانون کی خلاف ورزی ہے، اسمبلی میں صرف ممبران کو ہی شرکت کی اجازت ہے۔

  • اداکار فیروز خان نے ٹک ٹاک کو ’کینسر‘ قرار دے دیا

    اداکار فیروز خان نے ٹک ٹاک کو ’کینسر‘ قرار دے دیا

    کراچی: شوبز انڈسٹری کے معروف اداکار فیروز خان نے ویڈیو ایپلی کیشن ٹک ٹاک کو کینسر قرار دے دیا۔

    تفصیلات کے مطابق پاکستانی فلم اور ڈرامہ انڈسٹری کے معروف اداکارہ فیروز خان کا کہنا ہے کہ میں دوبارہ کہہ رہا ہوں ٹک ٹاک معاشرے اور نوجوانوں کے لیے کینسر ہے۔

    سماجی رابطے کی ویب سائٹ ٹویٹر پر اداکار فیروز خان نے مزار قائد پر رقص کرنے والی نوجوان لڑکی اور قبرستان میں قبر پر لیٹ کر ویڈیو بنانے والی لڑکیوں کی تصویر بھی شیئر کی۔

    واضح رہے کہ مزار قائد پر رقص کرتی لڑخی کی ویڈیو کے بعد ایک اور خاتون کی ویڈیو سامنے آئئی تھی جس میں خاتون کو قبرستان میں ویڈیو بناتے ہوئے دیکھا جاسکتا ہے، سوشل میڈیا صارفین کے ساتھ اداکار فیروز خان نے بھی ٹک ٹاک ویڈیوز پر شدید تنقید کی ہے۔

    یاد رہے کہ مزار قائد پر رقص کرتے ہوئے ویڈیو وائرل ہونے کے بعد مزار کی انتظامیہ نے ایف آئی اے سے رجوع کیا تھا جس کے بعد سیکیورٹی عملے نے کارروائی کرتے ہوئے 6 نوجوانوں کو حراست میں لے کر پولیس کے حوالے کردیا تھا۔

  • پولیس موبائل کے ساتھ اداکاری، ٹک ٹاک ویڈیو نوجوان کو مہنگی پڑ سکتی ہے

    پولیس موبائل کے ساتھ اداکاری، ٹک ٹاک ویڈیو نوجوان کو مہنگی پڑ سکتی ہے

    کراچی: شہر قائد میں پولیس اہل کار دوران ڈیوٹی ٹک ٹاک کے مزے لینے لگے، پولیس موبائل میں باوردی اہل کاروں کی موجودگی میں گانے کی ویڈیو سوشل میڈیا پر وائرل ہو گئی۔

    تفصیلات کے مطابق سوشل میڈیا ایپ ٹک ٹاک پر نوجوان کی پولیس موبائل میں ویڈیو وائرل ہو گئی، ویڈیو میں نوجوان کو گانے پر پولیس موبائل کے ساتھ اداکاری کرتے دیکھا جا سکتا ہے۔

    نوجوان نے پولیس موبائل کے ساتھ دو ویڈیوز بنائیں، جن میں نوجوان کے ساتھ موبائل میں باوردی اہل کار بھی دیکھے جا سکتے ہیں، ٹک ٹاک ویڈیوز کے وائرل ہونے کے بعد پولیس اہل کار اور مذکورہ نوجوان کسی پریشانی میں مبتلا ہو سکتے ہیں، کیوں کہ پولیس اہل کار اور افسران کا ٹک ٹاک پر باوردی ویڈیوز بنانا خلاف ضابطہ ہے۔

    پی آئی اے کی تین فضائی میزبان ٹک ٹاک ویڈیو پر بین الاقوامی فلائٹس سے گراونڈ

    اس سے قبل بھی کراچی کے علاقے میٹھادر میں پولیس موبائل میں ایک ماڈل نے ٹک ٹاک ویڈیو بنائی تھی، جس کے بعد ایس پی سٹی نے واقعے پر ضابطے کی کارروائی کرتے ہوئے ایس ایس او شبانہ جیلانی کو عہدے سے ہٹا دیا تھا۔

    خیال رہے کہ سرکاری اداروں میں باوردی حالت میں اور ڈیوٹی کے دوران ٹک ٹاک ویڈیوز جیسی سرگرمیاں خلاف ضابطہ قرار دی جاتی ہیں، کچھ عرصہ قبل سوشل میڈیا پر پی آئی اے یونیفارم میں ملبوس فضائی میزبانوں کی ویڈیو بھی وائرل ہوئی تھی، جس انتظامیہ نے ان کے خلاف ضابطے کی کارروائی کرتے ہوئے تینوں فضائی میزبانوں کو بین الاقوامی فلائٹس سے گراونڈ کر دیا تھا۔

  • والدین ہوشیار! ٹک ٹاک بچوں کےلیے خطرناک ہوسکتا ہے

    والدین ہوشیار! ٹک ٹاک بچوں کےلیے خطرناک ہوسکتا ہے

    بیجنگ/لندن : سوشل میڈیا کی معروف ترین چینی ویڈیو ایپلیکیشن ٹک ٹاک اور اس میں موجود پیغام رسانی کے فیچر کیخلاف انفارمیشن کمشنر نے تحقیقات کا آغاز کر دیا ہے۔

    تفصیلات کے مطابق بٹ ڈانس بیجنگ کی جانب سے تخلیق کردہ اس ویڈیو ایپلیکیشن میں صارف محض 15 سیکنڈ کی ویڈیو اپلوڈ کرسکتا ہے۔ یہ صارف کو اپلوڈ کی گئی ویڈیو میں فلٹرز اور خاص قسم کے افیکٹس فراہم کرتا ہے۔اس ایپلیکیشن کے حوالے سے ایک تاثر قائم ہوتا جا رہا ہے کہ اس کی ویڈیوز بچوں پر بُرے اثرات مرتب کر رہی ہیں۔

    برطانیہ کی انفارمیشن کمشنر الیزبتھ ڈینہیم نے ڈیجیٹل، ثقافت، میڈیا اور کھیل کی ایک کمیٹی کو بتایا کہ وہ ٹک ٹاک کے حوالے سے بچوں کیلئے ٹرانسپرینسی ٹولز اور اس ایپلیکشن پر بچے کس طرح کی ویڈیوز دیکھ رہے ہیں اور ڈاؤنلوڈ کر رہے ہیں کا معائنہ کر رہی ہیں۔

    انفارمیشن کمشنر کا کہنا تھا کہ محض مارچ کے مہینے میں ٹک ٹاک 10 کروڑ سے زائد بار ڈاؤنلوڈ ہوئی ہے، جس کے اس وقت 5 کروڑ سے زائد ایکٹیو صارف موجود ہیں جبکہ فروری کے مہینے میں 13 سال سے کم عمر بچوں کی معلومات اکھٹی کرنے کے جرم میں امریکا کی وفاقی تجارتی کمیشن (ایف ٹی سی) نے ٹک ٹاک پر 57 لاکھ ڈالر کا جرمانہ عائد کیا تھا۔

  • ٹک ٹاک کی بندش کا معاملہ زیر غور ہے، چیئرمین پی ٹی اے

    ٹک ٹاک کی بندش کا معاملہ زیر غور ہے، چیئرمین پی ٹی اے

    اسلام آباد: پاکستان ٹیلی کمیونیکشن اتھارٹی (پی ٹی اے) کے چیئرمین نے تصدیق کی ہے کہ ملک بھر میں سماجی رابطے کی موبائل ایپلیکشن ٹک ٹاک کی سروس بند کرنے کے معاملے پر غور شروع کردیا گیا۔

    ٹک ٹاک ایک ایسی موبائل ایپ اور پلیٹ فارم ہے جس میں صارف اپنے پسندیدہ گانوں یا جملوں کا انتخاب کر کے صرف ہونٹ ہلا کر اپنی ویڈیو ریکارڈ کرتا ہے۔

    پاکستان میں گزشتہ ایک برس کے دوران ٹک ٹاک کے صارفین کی تعداد میں تیزی سے اضافہ ہورہا ہے، ایک محتاط اندازے کے مطابق ملک بھر میں چالیس ہزار سے زائد صارفین یہ ایپ استعمال کررہے ہیں۔

    کچھ حلقوں کا ماننا ہے کہ ٹک ٹاک پر اپنی ویڈیوز بنانے والے صارفین مشہوری کے لیے تہذیب کا دامن ہاتھ سے چھوڑ رہے ہیں۔ یہ افواہ بھی زیرگردش تھی کہ حکومت نے 10 جنوری سے ملک بھر میں موبائل ایپ کی سروس بند کرنے کا فیصلہ کرلیا۔

    وفاقی وزرا اور پاکستان ٹیلی کمیونیکشن اتھارٹی نے سروس کی بندش کے حوالے سے کوئی تردید یا تصدیق نہیں کی تھی۔

    مزید پڑھیں: اسمگل شدہ موبائل فونز کی روک تھام، نئی پالیسی تشکیل

    چیئرمین پی ٹی اے محمد نوید نے اے آر وائی کے نمائندے کو تصدیق کی کہ پاکستان ٹیلی کمیونیکشن اتھارٹی کے پاس ٹک ٹاک سروس کی بندش کا کیس زیر غور ہے جس پر کوئی حتمی فیصلہ نہیں کیا گیا۔

    موبائل رجسٹریشن

    چیئرمین پی ٹی اے محمد نوید نے اس بات کی بھی تصدیق کی کہ موبائل رجسٹریشن کی تاریخ میں 15 جنوری تک توسیع کردی گئی۔ اُن کا کہنا تھا کہ رجسٹریشن کی تاریخ میں توسیع کا فیصلہ کابینہ کی منظوری کے بعد کیا گیا۔

    یہ بھی پڑھیں: غیررجسٹرڈ موبائل کی تصدیق کروائیں، پی ٹی اے کی صارفین کو ہدایت

    پاکستان ٹیلی کمیونیکشن اتھارٹی نے وفاقی حکومت کی ہدایت کے بعد ہی رجسٹریشن کی تاریخ میں توسیع کی جس کے بعد اسمگل شدہ ڈیوائسز بلاک ہوجائیں گی۔

    قبل ازیں اعلان کیا گیا تھا کہ نان کمپلائنٹ موبائل 31 دسمبر کے بعد مواصلاتی کام کے لیے استعمال نہیں کیے جاسکیں گے اور مستقبل میں صرف پی ٹی اے سے منظور شدہ فون ہی مارکیٹ میں فروخت کیے جائیں گے۔

    یاد رہے کہ حکومت نے موبائل فون کی غیر قانونی اسمگل روکنے اور اسمارٹ ڈیوائسز کی چوری کو کم کرنے کے لیے ڈی آئی آر بی ایس سسٹم متعارف کرایا تھا جس کے تحت صارف اپنا موبائل رجسٹرڈ کراتا ہے۔

    موبائل فون رجسٹریشن کے تین طریقہ کار

    1. پہلا ایس ایم ایس کے ذریعے
    2. دوسرا موبائل (اینڈائیڈ) ایپلیکیشن کے ذریعے
    3. تیسرا ویب سائٹ کے ذریعے

    رجسٹریشن کا طریقہ

    اپنے موبائل کا IMEI نمبر چیک کرنے کے لیے *#06#ڈائل کریں اور اسکرین پر لکھے نمبر کو میسج میں لکھ کر 8484 پر بھیجیں، اسی طرح ان نمبرز کو ویب سائٹ اور اینڈرائیڈ ایپلیکشن پر بھی چیک کیا جاسکتا ہے۔

    تینوں طریقوں سے رجسٹریشن چیک کرنے پر پی ٹی اے کی جانب سے صارف کو جواب میں درج ذیل میں سے کوئی ایک پیغام موصول ہوگا۔

    پہلا: آئی ایم ای آئی کمپیلینٹ (IMEI Compliant) یعنی صارف کا موبائل نیٹ ورک سے رجسٹرڈ اور تصدیق شدہ ہے، یہ موبائل بلاک نہیں ہوگا۔

    اسے بھی پڑھیں: موبائل فون خریدنے اور بیچنے کے لیے شناختی کارڈ لازمی قرار

    دوسرا: ویلڈ آئی ایم ای آئی (Valid IMEI) یعنی صارف کے موبائل کا IMEI کوڈ GSMA سے تصدیق شدہ ہے مگر PTA میں اس کا کوئی ریکارڈ نہیں لہذا اسے رجسٹرڈ کروائیں وگرنہ یہ 20 اکتوبر کے بعد قابل استعمال نہیں ہوگا۔

    تیسرا: ان ویلڈ آئی ایم ای آئی (Invalid IMEI) یعنی صارف کا موبائل GSMAاور  PTA دونوں سے رجسٹرڈ اور منظور شدہ نہیں ہے کیونکہ آپ جعلی IMEI والا موبائل استعمال کررہے ہیں جو 20 کے بعد کالنگ کے لیے استعمال نہیں ہوگا۔

    گوگل پلے اسٹور ایپلیکشن لنک: https://play.google.com/store/apps/details?id=pk.gov.dirbs.dvspublic …

    ویب سائٹ لنک: https://dirbs.pta.gov.pk/

    موبائل ایپلیکیشن یا ویب سائٹ کے ذریعے تصدیق کرنے والے صارفین اپنا IMEI نمبر ایپلیکیشن کے سرچ باکس میں لکھ کر submit کا بٹن دبائیں۔

  • فیس بک کا ٹک ٹاک سے ٹکر لینے کا فیصلہ

    فیس بک کا ٹک ٹاک سے ٹکر لینے کا فیصلہ

    سان فرانسسکو: سماجی رابطے کی سب سے بڑی ویب سائٹ فیس بک نے معروف ویڈیو میوزک ایپ ’ٹک ٹاک‘ کے مدِ مقابل اپنی نئی ایپ متعارف کرانے کا فیصلہ کرلیا۔

    تفصیلات کے مطابق رواں برس موبائل صارفین کے لیے ’ٹک ٹاک‘ نامی ایپ متعارف کرائی گئی تھی جس نے دیکھتے ہی دیکھتے لوگوں کی توجہ حاصل کی اور اب اس کو استعمال کرنے والے افراد کی تعداد 5 کروڑ سے تجاوز کر چکی۔

    ٹک ٹاک دراصل Dub-smash نامی ایپ کی طرز پر بنائی گئی، جس میں صرف صارف کو ہونٹ ہلانے ہوتے ہیں اور وہ ویڈیو ریکارڈ کر کے سوشل میڈیا پر شیئر کرتا ہے۔

    نوجوانوں اور صارفین کی بڑھتی ہوئی تعداد کو مدنظر رکھتے ہوئے فیس بک نے ٹک ٹاک کی طرز پر ’لاسو‘ نامی ایپ متعارف کرانے کا فیصلہ کیا جو ابھی آزمائشی مراحل میں ہے۔

    فیس بک کی جانب سے ممکنہ طور پر آئندہ چند روز میں ’لاسو‘ کو تمام صارفین کے لیے متعارف کرایا جائے گا، ایپ کی تیار ہوچکی جبکہ اس کے قواعد و ضوابط سمیت دیگر امور حتمی مراحل میں ہیں۔

    فیس بک کی اسٹینڈ الون یعنی میوزک ایپ لاسو استعمال کرنے والے صارفین کسی بھی مقبول گانے پر ٹک ٹاک کی طرح صرف ہونٹ ہلائیں گے یا پھر کسی دوسرے صارف کے ساتھ مل کر اپنی ویڈیو بنا سکیں گے۔

    ٹیکنالوجی پر نظر رکھنے والی ویب سائٹ نے فیس بک کی نئی ایپ ’لاسو‘ کی تصویر بھی جاری کی۔ ماہرین کا ماننا ہے کہ لاسو ٹک ٹاک پر بازی لے جائے گی کیونکہ فیس بک کے دنیا بھر میں موجود صارفین کی تعداد کروڑوں میں ہے۔