ARYNews.tv | Urdu – Har Lamha Bakhabar

Tag: tomatoes

  • خلا میں اگائے گئے ٹماٹر زمین پر لائے جائیں گے

    خلا میں اگائے گئے ٹماٹر زمین پر لائے جائیں گے

    ایک طویل عرصے سے خلا میں مختلف تجربات جاری ہیں اور ایسے ہی ایک تجربے کے تحت خلا میں اگائے گئے ٹماٹر آج زمین پر لائے جارہے ہیں۔

    خلا میں اگائے گئے ٹماٹروں کو زمین پر لانے کا سفر شروع ہوگیا ہے جو آج زمین پر پہنچ جائیں گے۔

    امریکی خلائی ایجنسی ناسا کا کہنا ہے کہ بین الاقوامی خلائی اسٹیشن پر خلا کے اندر لیب میں بنائے گئے ٹماٹروں کو زمین پر لایا جارہا ہے۔

    ناسا کے اعلان کے مطابق خلائی جہاز سائنسی تجربات اور دیگر سامان لے کر آج زمین پر پہنچے گا۔

    امریکی خلائی ادارے ناسا نے گزشتہ برس انٹرنیشنل اسپیس اسٹیشن میں ٹماٹر اگانے کے منصوبے پر کام شروع کیا تھا۔

  • کیا آپ اس تصویر میں سیب ڈھونڈ سکتے ہیں؟

    کیا آپ اس تصویر میں سیب ڈھونڈ سکتے ہیں؟

    مختلف تصاویر میں چھپی ہوئی اشیا ڈھونڈنا دماغ کے لیے مشق ہے جو دلچسپ اور پریشان کن دونوں ہوسکتی ہے، تاہم پھر بھی لوگ ایسی تصاویر اور پہیلیوں میں دماغ لڑانا پسند کرتے ہیں۔

    زیر نظر تصویر بھی ایسی ہی ہے جس میں بے شمار ٹماٹر دکھائی دے رہے ہیں۔

    انسٹاگرام پر ایک آرٹسٹ نے اپنی بنائی ہوئی یہ تصویر شیئر کی، ساتھ ہی اپنے فالوورز کو چیلنج دیا کہ اس تصویر میں 3 سیب بھی موجود ہیں، کیا وہ انہیں تلاش کرسکتے ہیں؟

     

    View this post on Instagram

     

    A post shared by Gergely Dudás (@thedudolf)

    اس تصویر کو ہزاروں افراد نے لائیک کیا جبکہ متعدد نے سیب ڈھونڈنے کی کوشش بھی کی۔

    کچھ فالوورز نے لکھا کہ بالآخر وہ سیب ڈھونڈنے میں کامیاب رہے اور اس چکر میں ان کی آنکھیں دکھنے لگیں۔

    کیا آپ نے تینوں سیب تلاش کرلیے؟

  • ایک تنے پر سینکڑوں ٹماٹر اگانے کا عالمی ریکارڈ

    ایک تنے پر سینکڑوں ٹماٹر اگانے کا عالمی ریکارڈ

    باغبانی کے شوقین افراد نئے نئے تجربات کرتے رہتے ہیں، ایسے ہی ایک شخص نے ایک تنے پر سینکڑوں ٹماٹر اگانے کا عالمی ریکارڈ بنا لیا۔

    بین الاقوامی میڈیا کے مطابق برطانیہ کے ہرٹ فورڈ شائر سے تعلق رکھنے والے باغبان نے ایک ہی تنے پر سینکڑوں ٹماٹر اگانے کا نیا گنیز ورلڈ ریکارڈ بنا ڈالا ہے۔

    ڈگلس اسمتھ نامی انگلش باغبان سابق ​​ریکارڈ توڑنے میں کامیاب ہو گئے ہیں جو کہ ایک دہائی سے زیادہ عرصے سے کسی کے لیے بھی توڑنا ایک امتحان بن چکا تھا۔

    اسمتھ کا کہنا ہے کہ انہوں نے پچھلے سال اپنے گرین ہاؤس میں ایک پودے پر 839 ٹماٹر اگائے تھے جبکہ اب وہ اپنے پودے کے ایک ہی تنے پر 12 سو 69 ٹماٹر اگا کر ریکارڈ بنانے میں کامیاب ہوگئے ہیں۔

    اسمتھ کے مطابق انہیں یہ ریکارڈ بنانے میں کئی برس لگے ہیں۔

  • سوشل میڈیاپرٹماٹروں کے بائیکاٹ کی مہم شروع ، خریدار پریشان

    سوشل میڈیاپرٹماٹروں کے بائیکاٹ کی مہم شروع ، خریدار پریشان

    کراچی : ٹماٹر کی آسمان سے باتیں کرتی قیمتوں کے خلاف  تین دن تک ٹماٹروں کا بائیکاٹ کا فیصلہ کرلیا ہے، بائیکاٹ کے لیے سوشل میڈیا پر مہم کا آغاز کردیا گیا ہے۔

    تفصیلات کے مطابق ٹماٹر کی قیمتیں آسمان پر پہنچی تو سوشل میڈیا پر ہلچل مچ گئی اور عوام نے ٹماٹروں کے بائیکاٹ کا اعلان کردیا اور شہریوں سے پھل نہ خریدنے کی اپیل کی ہے۔

    سماجی رابطے کی ویب سائٹس واٹس ایپ اور فیس بک پر ب تیزی سے یہ پیغام گردش کررہا ہے کہ ٹماٹرنہ خریدیں27،26اور28 کو بائیکاٹ کریں۔

    سوشل میڈیا پر لوگوں کی بڑی تعداد اس بائیکاٹ میں حصہ لینے کا عندیہ دیا اور اس پیغام کوزیادہ سے زیادہ اپنی وال پر شیئر بھی کیا جارہا ہے۔

    کسی نے کہا ٹماٹر کو پر لگ گئے، تو کسی نے بائے بائے لکھ دیا، کسی کا کہنا تھا ٹماٹر وں نے تو مرغی کو پیچھے چھوڑ دیا۔

    ایک صارف نے ٹوئٹ میں لکھا ٹماٹر کٹاو، بریانی دہی میں بناؤ۔

    کسی منچلے نے کہا اب  لگتا ہے اب جہیز میں ٹماٹر کا ٹوکرا دینا پڑے گا۔

    شہریوں کا کہنا ہے کہ وہ اس مصنوعی مہنگائی سے تنگ آچکے ہیں، انہوں نے حکومت سے مطالبہ کیا ہے کہ ایسا نظام  بنایا جائے جوعام اشیاء کی قیمتیں  کنٹرول کرنے کے لیے مؤثر اقدامات کرے اور عوام کو ریلیف ملے۔

    یاد رہے کہ ٹماٹر کی فی کلوقیمت250روپے کی ریکارڈ سطح سے تجاوز کرگئی ہے، ٹماٹر سمیت دیگرسبزیوں کی قیمتوں میں ہوش رُبا اضافے سےعوام پریشان ہیں۔

    مزید پڑھیں : 3 روزہ پھل بائیکاٹ مہم کا آغاز

    یاد رہے کہ چند ماہ قبل پھلوں کی قیمتوں میں ہوشرباء اضافہ کیخلاف سوشل میڈیا پر عوام نے پھل نہ خریدنے کی انوکھی مہم کا آغاز کیا گیا تھا، جس کے بعد عوام نے اپنی مدد آپ کے تحت ناجائز منافع خوری کے خلاف مہم میں بھرپور حصہ لیا تھا۔

    جس کے بعد پھلوں کی قیمتیں نیچے آگئیں تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت میں ٹماٹروں کی حفاظت کے لیےسیکیورٹی گارڈزتعینات

    بھارت میں ٹماٹروں کی حفاظت کے لیےسیکیورٹی گارڈزتعینات

    نئی دہلی : بھارت میں ٹماٹروں کی قیمت بڑھنے کے باعث ٹماٹروں کو ایک جگہ سے دوسری جگہ لے جانے کے لیے مسلح گارڈز تعینات کیے گئے ہیں۔

    بھارتی میڈیا کےمطابق ریاست مدھیا پردیش کےشہر اندور میں سبزی فروش کے مطابق ٹماٹروں کی بڑھتی ہوئی قیمتوں کے باعث ان کی حفاظت کے لیے مسلح گارڈزکی خدمات حاصل کی گئی ہیں۔

    میڈیا رپوٹس کے مطابق اندورکی سبزی منڈی میں چھ مسلح گارڈز تعینات کیےگئے ہیں تاکہ ٹماٹروں کی حفاظت کرجاسکے خاص طور پر اس وقت جب ٹماٹر ٹرک سے اتارے جا رہے ہوں۔

    خیال رہے کہ مدھیا پردیش میں کئی ایسے واقعات رپورٹ کیے گئے ہیں جہاں چور کئی ٹن ٹماٹر لوٹ کرفرارہو گئے۔

    واضح رہےکہ بھارت میں شدید بارش کے باعث کئی علاقوں میں ٹماٹرکی فصلیں تباہ ہوئی ہیں جس کے باعث ٹماٹروں کی قیمتوں میں اضافہ ہواہے اور عام آدمی کے لیے اسے خریدنا مشکل ہوگیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ٹماٹرکا استعمال ہائی بلڈ پریشر اور کولیسٹرول کو کم کرنے میں مفید

    ٹماٹرکا استعمال ہائی بلڈ پریشر اور کولیسٹرول کو کم کرنے میں مفید

    آسٹریلیا :سرخ ٹماٹروں کا استعمال ہائی بلڈ پریشر اور خون میں کولیسٹرول کی سطح کو کم کرنے میں مددگار ثابت ہوتا ہے۔

    آسٹریلیا میں ہونے والی تحقیق کے مطابق ٹماٹروں میں پائے جانے والے جُز لائکو پینے کی روزانہ پچیس ملی گر ام مقدار خون میں چکنائی کی سطح کو دس فیصد تک کم کرسکتی ہے۔

    ٹماٹر سے قدرتی طور پر ہائی بلڈ پریشر نارمل کرنے میں مدد ملتی ہے، ٹماٹر میں قدرتی طور پر پوٹاشیئم موجود ہوتا ہے، جو ہمارے بلند فشار خون کو روکتا ہے۔

    ٹماٹر لائکوپین حاصل کرنے کا ایک غیر معمولی ذریعہ ہے۔ اس میں ہمارے جسم کی صحت کے لئے بے شمار فائدے ملتے ہیں، مثال کے طور پر لائکوپین میں موجود فیٹوکمپاؤنڈ ایل ڈی ایل کے ہمارے جسم میں موجود برے کولیسٹرول کی سطح کو کم کرتے ہیں۔اور اچھے کولیسٹرول کی سطح کو بڑھاتے ہیں اس قدرتی غذا کی یہ افادیت دوسری غذاؤں کے مقابلے میں برعکس ہے، یہ وہ غذا ہے جس کو پکانے کے بعد بھی اس کی غذائیت میں کوئی کمی نہیں آتی۔

    ٹماٹر میں موجود وٹا من بی بلڈپریشر اور کولیسٹرول کی سطح کو کم رکھنے میں معاون ہوتا ہے۔اس کے نتیجے میں یہ فالج ، دل کے د ورے اور دیگر خطرناک مسائل سے بچاتا ہے۔

    ماہرین کا کہنا ہے کہ ٹماٹر کو پکا کرکھانا یا اس کا پیسٹ استعمال کرنا کچے ٹماٹر کھانے سے زیا دہ فائدہ مند ثابت ہوتا ہے اور روزانہ پچاس گرام ٹماٹر کے پیسٹ کے استعمال سے دل کی بیماریوں سے بھی محفوظ رہا جاسکتا ہے۔

    امریکا میں ہونیوالی تحقیق سے یہ بات سامنے آئی ہے کہ ٹماٹر اور ٹماٹر سے بنی ہوئی چیزوں کو خوراک میں شامل کرنے سے نہ صرف کینسر کا خطرہ کم ہوجاتا ہے، بلکہ دل کی بیماریوں سے بھی بچا جاسکتا ہے، ٹماٹر کھانے سے انسان صحت مند رہتا ہے۔

    ٹماٹر میں وٹامن کے اور کیلشیم بھی خاصی مقدار میں پایا جاتا ہے جو کہ ہڈیوں اور ہڈیوں کے ٹشوز کے لیے مفید ہوتا ہے