ARYNews.tv | Urdu – Har Lamha Bakhabar

Tag: Tornado

  • چین کے شہر میں خوفناک بگولے نے کئی جانیں لے لیں (ویڈیوز)

    چین کے شہر میں خوفناک بگولے نے کئی جانیں لے لیں (ویڈیوز)

    گوانگژو: چین کے شہر گوانگژو میں ہوا کے خوفناک بگولے نے تباہی مچا دی۔

    غیر ملکی میڈیا رپورٹس کے مطابق گوانگژو میں ٹورنیڈو کے باعث مختلف حادثات میں 5 افراد ہلاک ہو گئے، جب کہ 33 افراد زخمی ہوئے۔

    ساؤتھ چائنا مارننگ پوسٹ کے مطابق گوانگ ڈونگ کے صوبائی دارالحکوت میں شدید بارش اور ژالہ باری نے پہلے ہی تباہی مچائی ہوئی تھی کہ ہفتے کی دوپہر کو ایک زور دار بگولا آیا، جس نے بہت زیادہ نقصان پہنچایا۔

    حکام نے بتایا کہ طوفانی بگولے کی شدت 3 درجے کی تھی، جو 5 کے بلند ترین درجے سے دو درجے کم تھی، سرکاری خبر رساں ایجنسی شنہوا نیوز نے رپورٹ کیا کہ نقصانات کی تحقیقات جاری ہیں، اور مجموعی طور پر 141 فیکٹری عمارتوں کو نقصان پہنچا ہے۔

    مقامی موسمی اسٹیشن نے تقریباً 3 بجے 20.6 میٹر فی سیکنڈ کی رفتار سے ہوا کا جھونکا ریکارڈ کیا، اس خوفناک بگولے سے دن میں رات کا سماں ہو گیا تھا، تباہی پھیلنے کے بعد ریسکیو ورکرز نے علاقے میں فوری کام شروع کر دیا۔

    واضح رہے کہ گوانگ ڈونگ کو شدید بارشوں کی وجہ سے ریکارڈ توڑ سیلاب کا سامنا ہے، جس کی وجہ سے ہزاروں شہری بے گھر ہو چکے ہیں، گوانگژو کے اضلاع زینگ چینگ اور پانیو کے کئی حصوں میں انڈوں کے سائز کے اولوں نے کاروں اور کھڑکیوں کو بہت نقصان پہنچایا۔

  • خوفناک سمندری طوفان : ویڈیو مناظر نے دل دہلا دیے

    خوفناک سمندری طوفان : ویڈیو مناظر نے دل دہلا دیے

    نیبراسکا : خوفناک سمندری طوفان نے امریکا میں تباہی مچادی، سوشل میڈیا پر ویڈیو دیکھ کر لوگوں میں خوف وہراس پھیل گیا۔

    غیر ملکی خبر رساں ادارے کی رپورٹ کے مطابق گزشتہ روز ملک کے مختلف حصوں میں سمندری طوفان نے بہت نقصان پہنچایا جس میں ایک ایسی عمارت کی تباہی بھی شامل ہے جس میں درجنوں افراد مقیم تھے۔

    سمندری طوفان نے امریکہ میں دو ریاستوں کو اپنی لپیٹ میں لیا ہوا ہے اس دوران شہریوں کو سختی سے متنبہ کیا گیا ہے کہ وہ اپنے گھروں میں ہی رہیں۔

    اس کے علاوہ خطرناک طوفان سے اور سیکڑوں مکانات تباہ ہوگئے اوماہا اور نیبراسکا میں ایسے بہت سے مکانات اڑ کر دور جاگرے۔

    ریاست نیبراسکا میں ایک ٹرک ڈرائیور نے قریب پہنچ کر ایک بہت بڑے سمندری طوفان کا ہولناک منظر کیمرے میں ریکارڈ کرلیا۔ یہ ویڈیو سوشل میڈیا پر وائرل ہو رہی ہے، صارفین کا کہنا ہے کہ یہ کسی فلمی سین کی طرح لگتا ہے۔

    صوبہ لنکاسٹر نیبراسکا میں سمندری طوفان ایک صنعتی عمارت سے ٹکرایا، جس کے نتیجے میں عمارت منہدم ہوگئی، اس میں 70 افراد موجود تھے جس میں متعدد زخمی ہوگئے۔

    جبکہ سوشل میڈیا پر وائرل ہونے والی تصاویرسے پتہ چلتا ہے کہ اوماہا کے شمال مشرق میں تقریباً 30میل (48.3 کلومیٹر) میں چھوٹے شہر مینٹن کو نقصان پہنچا ہے۔

    یہ قابل ذکر ہے کہ قومی موسمیاتی اتھارٹی نے آج ہفتے کو آوہائیو ، کانزاس ، میزوری ، اکلاہوما اور ٹیکساس ریاستوں کے کچھ حصوں میں سمندری طوفان سے انتباہ جاری کیا ہے۔

  • اسکول میں تباہی کیسے مچی؟ خوفناک لمحے کی وائرل ویڈیو

    اسکول میں تباہی کیسے مچی؟ خوفناک لمحے کی وائرل ویڈیو

    مسی سپی: امریکی ریاست مسی سپی کے ایک اسکول میں طوفان نے تباہی مچائی، جس کی فوٹیج سی سی ٹی وی کیمرے میں قید ہو گئی، یہ ویڈیو سوشل میڈیا پر سامنے آتے ہی وائرل ہو گئی۔

    امریکی میڈیا رپورٹس کے مطابق سوشل میڈیا پر ایک فوٹیج سامنے آئی ہے، جو مسی سپی کے ایک ہائی اسکول میں خوف ناک طوفان سے ہونے والی تباہی پر مبنی ہے۔

    ویڈیو میں دیکھا جا سکتا ہے کہ اسکول میں کس طرح تباہی مچی، نیوز رپورٹس کے مطابق ریاست مسی سپی اور الاباما میں اس طوفان سے کم از کم 26 افراد ہلاک ہو چکے ہیں۔

    اس تباہ کن طوفان نے جمعہ کی رات ایک اور مقام پر جانے سے پہلے ہائی اسکول کو تہ و بالا کر کے رکھ دیا تھا، آن لائن شیئر کی گئی فوٹیج میں دیکھا جا سکتا ہے کہ طوفان نے اسکول کو اپنی لپیٹ میں لے کر اسے سیکنڈوں میں تباہ و برباد کر دیا۔

    جب طاقت ور بگولے نے اسکول کو لپیٹ میں لیا تو اس وقت بھی اسکول کی راہداری میں روشنیاں جلتی رہیں۔ واضح رہے کہ امریکی صدر جو بائیڈن نے طوفان سے متاثرہ علاقوں کے لیے وفاقی ایمرجنسی کا اعلان کیا ہے۔

  • بپھرا ہوا "بگولہ” تباہی کیسے لاتا ہے؟ خوفناک مناظر کیمرے میں قید

    بپھرا ہوا "بگولہ” تباہی کیسے لاتا ہے؟ خوفناک مناظر کیمرے میں قید

    آپ نے دنیا کے مختلف ممالک میں آنے والے طوفانوں کے بارے سن اور دیکھ رکھا ہوگا کہ ان کے آنے سے کتنی تباہی ہوئی اور لوگوں کی زندگی پر اسے کیا اثرات مرتب ہوئے۔

    اُن ویڈیوز میں طوفان کے گزرنے کے بعد کے حالات و واقعات کا مشاہدہ کیا جاتا ہے لیکن آج جو ویڈیو ہم یہاں آپ کے لیے شئیر کررہے ہیں وہ قدرت کے غصے کے نتیجے میں آنے والے طوفانوں میں سے ایک کا منظر دکھا رہی ہے۔

    ویڈیو میں جو مناظر نظر آرہے ہیں انہیں دیکھ کر یقیناً دیکھنے والے لرز جائیں گے کیونکہ اس میں نظر آنے والے لوگ اور ان کی گاڑیاں انتہائی تیز ہوا کے بگولہ کے سامنے تنکوں کی طرح اڑتے ہوئے نظر آرہے ہیں اور چند سیکنڈ میں سارا منظر ہی تبدیل ہوگیا۔

    ویڈیو میں دکھایا گیا ہے کہ موسم بے حد خوشگوار ہے، آسمان پر بادل چھائے ہوئے ہیں طوفانی موسم کا اندازہ گاڑی کے اندر سے لی گئی ویڈیو سے باآسانی لگایا جاسکتا ہے اور ہلکی ہلکی بارش کے ساتھ ایک کار سڑک پر اپنی معمول کی رفتار سے رواں دواں ہے کہ اچانک سامنے والی گاڑی ہوا میں معلق ہوکر زور سے ہلتی ہے اور اچانک غائب ہوجاتی ہے اور اسکرین پر کچھ دکھائی نہیں دیتا دو سے چار سیکنڈ کے بعد سڑک پر ایک عورت بیٹھی ہوئی دکھائی دیتی ہے۔

    غالباً یہ طوفانی بگولہ ہی تھا جو گاڑی کو اپنے ساتھ لے گیا اور وہ عورت اس کار کی ڈرائیور ہے جو اُڑتی ہوئی کار سے باہر نکل آئی اور اس بگولے نے اسے سڑک پر پھینک دیا، یہ منظر دیکھنا واقعی بہت خوفناک ہے۔

    سوشل میڈیا پر ویڈیو کو تقریباً 28 لاکھ سے زائد صارفین نے دیکھا اور اپنے کمٹنس میں کہا کہ یہ موسمیاتی تبدیلی کا نتیجہ ہے، اس پر کسی کو مورد الزام نہیں ٹھہرایا جاسکتا اور یقیناً کسی بھی قدرتی آفت سے شہری علاقوں میں زیادہ نقصان ہوتا ہے۔

  • امریکا پر سیاہ آفت ٹوٹ پڑی

    امریکا پر سیاہ آفت ٹوٹ پڑی

    الاباما: امریکی ریاستوں الاباما اور جارجیا میں آندھی نے وسیع پیمانے پر تباہی مچا دی ہے۔

    تفصیلات کے مطابق امریکی ریاستوں الاباما اور جارجیا میں اچانک پیدا ہونے والے ہوا کے بگولوں کی زد میں آ کر 5 افراد لقمہ اجل بن گئے۔

    قومی موسمیاتی سروس کا کہنا ہے کہ الاباما میں 7 مختلف مقامات پر جمعرات کو آندھی اور بگولوں نے تباہی مچائی، جمعے کو دیگر جنوبی ریاستوں کو بھی خطرہ لاحق ہے۔

    الاباما میں کال ہون کاؤنٹی پولیس چیف نے بتایا کہ بگولوں کی زد میں آتے ہوئے کم سے کم 5 اموات ہوئی ہیں، متعدد افراد زخمی ہو چکے ہیں، کئی مکانات، عمارتوں اور گاڑیوں کو بھی شدید نقصان پہنچا ہے۔

    امریکا میں ہزاروں کمسن بچے زیر حراست

    الاباما ایمرجنسی منیجمنٹ ایجنسی کے ڈائریکٹر کا کہنا تھا کہ طوفان نے سیکڑوں گھر تباہ کر دیے ہیں۔

    ریاست الاباما میں تباہی مچانے کے بعد آندھی نے جمعے کی صبح کو جارجیا کے شہر نیونن کا رخ کیا، جہاں اس نے بڑے پیمانے پر گھروں اور عمارتوں کو نقصان پہنچایا۔

    محکمہ موسمیات کے مطابق یہ آندھی طوفانوں کے ایک خطرناک سسٹم کا حصہ تھا، جو الاباما کے شہر برمنگھم کے جنوب میں منڈلا رہا ہے۔ یہ طوفان ایک لانگ ٹریک سُپر سیل ہے جس نے وسطی الاباما کی کئی کاؤنٹیز میں متعدد آندھیاں پیدا کیں۔

    اس سسٹم نے امریکی ریاست تک پہنچنے سے قبل 100 میل کی رفتار سے سفر کیا تھا، ماہرین موسمیات کا کہنا ہے کہ نامساعد موسمی حالات سے تقریباً 55 لاکھ افراد متاثر ہوں گے۔

    رپورٹس کے مطابق آندھی کے باعث پیل ہام شہر میں 30 تا 50 عمارتیں متاثر ہوئیں، مکانات کی چھتیں اڑ گئیں، درخت اور بجلی کے کھمبے اکھڑ گئے۔