ARYNews.tv | Urdu – Har Lamha Bakhabar

Tag: torture

  • سرکاری افسر پر کیچڑ اچھالنے کے الزام میں رکن کانگریس گرفتار

    سرکاری افسر پر کیچڑ اچھالنے کے الزام میں رکن کانگریس گرفتار

    مہاراشٹر : بھارت کی ریاست مہاراشٹرا کی پولیس نے ممبئی گووا ہائی وے پر کام کا جائزہ لینے والے ڈپٹی انجینئر پر گدلے پانی سے حملہ کرنے پر کانگریس کے رکن اسمبلی نتیش رینے کو گرفتار کرلیا۔

    تفصیلات کے مطابق مہاراشٹرا کے سابق وزیر اعلیٰ نارائن رینے کے بیٹے نتیش رینے کی جانب سے ممبئی گووا ہائی وے کی خراب حالت پر احتجاج کرتے ہوئے سرکاری انجینئر پر گدلا پانی انڈیلنے کی ویڈیو سامنے آئی۔

    رپورٹ کے مطابق واقعے کے بعد نتیش کے خلاف ان کے حلقے کانکاؤلی میں فرسٹ انفارمیشن رپورٹ (ایف آئی آر) درج کرادی گئی، سپرنٹنڈنٹ پولیس (ایس پی) ڈکشٹ گیدام کا کہنا تھا کہ انہیں مذکورہ کیس میں پولیس نے حراست میں لے لیا ہے۔

    رکن اسمبلی کی جانب سے سرکاری انجینئر پر گدلا پانی انڈیلنے کی ویڈیو سوشل میڈیا میں وائرل ہوئی جس میں نتیش اور کانکاؤلی میونسپل کونسل کے صدر سمیر نالاواڈے کو ڈپٹی انجینئر پراکاش خیدکار پر مٹی سے بھرے گدلے پانی کی بالٹی انڈیلتے ہوئے دیکھا جا سکتا ہے۔

    پولیس کا کہنا تھا کہ نتیش اور ان کے حامیوں کے خلاف سرکاری ملازم پر تشدد کی سیکشن 353 کے تحت مقدمہ درج کیا گیا ہے۔

    نتیش کی جانب سےسرکاری عہدیدار سے نامناسب رویہ اختیار کرنے پر مختلف حلقوں کی جانب سے تنقید پر سابق وزیر اعلیٰ نارائن رینے نے اپنے بیٹے کی کردار پر معذرت بھی کرلی تھی۔

    مہاراشٹرا کے سابق وزیر اعلیٰ نے اپنے بیان میں کہا کہ میرے بیٹے کی جانب سے سرکاری عہدیدار پر گدلا پانی پھینکنے پر میں معذرت خوا ہوں، یہ احتجاج علاقے کے لوگوں کے لیے تھا۔

    خیال رہے کہ اس سے قبل بھارتیہ جنتا پارٹی (بی جے پی) کے سینئر رہنما کیلاش ویجیاوارگیے کے بیٹے اور رکن اسمبلی آکاش کی جانب سے ایک سرکاری ملازم پر کرکٹ کے بلے سے تشدد کی ویڈیو بھی سامنے آئی تھی۔

  • جائیداد کے لالچ میں بیٹی کا ماں پر تشدد، وزیر داخلہ نے نوٹس لے لیا

    جائیداد کے لالچ میں بیٹی کا ماں پر تشدد، وزیر داخلہ نے نوٹس لے لیا

    لاہور: جائیداد کے لالچ میں غنڈوں کے ساتھ ماں اور بھائی پر تشدد کرنے والی بیٹی کے خلاف وزیر مملکت برائے داخلہ شہریار آفریدی نے فوری کارروائی کا حکم دے دیا۔

    تفصیلات کے مطابق بیٹی کا ماں پر تشدد کا واقعہ گزشتہ روز سامنے آیا تھا۔ لاہور کی رہائشی حنا ماں سے گھر خالی کروانے کے لیے غنڈوں کے ساتھ گھر میں داخل ہوئی۔ غنڈوں نے گھر میں گھس کر توڑ پھوڑ مچائی اور ماں اور بیٹے پر تشدد بھی کیا۔

    گھر میں لگے سی سی ٹی وی کیمرے میں تمام مناظر محفوظ ہوگئے۔ بعد ازاں خاتون فوزیہ نے اپنی ویڈیو بناتے ہوئے بتایا کہ گھر خالی کروانے کے لیے ان کی بیٹی حنا نے ان پر تشدد کروایا۔

    بزرگ خاتون فوزیہ کا کہنا ہے کہ تشدد سے ان کا بازو ٹوٹ گیا، جاتے جاتے بیٹی نے ماں کو جان سے مارنے کی دھمکیاں بھی دیں۔ فوزیہ ہارون کے مطابق پولیس نے بھی ان کی مدد نہیں کی۔

    فوزیہ کے مطابق حنا نے ان کا زیور اور کار بھی چھین لی ہے، ان کی 2 بیٹیاں ہیں جن میں سے ایک ملک سے باہر ہے۔ وجہ تنازعہ 5 کنال 12 مرلے کا گھر ان کے مرحوم خاوند کا تھا جو اب ان کی ملکیت ہے۔

    وزیر داخلہ کا نوٹس

    وزیر مملکت برائے داخلہ نے واقعے کا نوٹس لیتے ہوئے آئی جی پنجاب کو رپورٹ پیش کرنے اور ملزمان کے خلاف ایکشن لینے کی ہدایت کردی۔ شہریار آفریدی کا کہنا تھا کہ خواتین کی حرمت، چادر اور چار دیواری کا تحفظ ریاست یقینی بنائے گی۔

    ان کا کہنا تھا کہ کمزور اور غریب طبقات کے حقوق کا تحفظ ریاست کی ترجیحات میں ہے۔

  • لاہور پولیس کا نو سالہ بچے پر بہیمانہ تشدد، ذمہ دار افسر کیخلاف مقدمہ درج

    لاہور پولیس کا نو سالہ بچے پر بہیمانہ تشدد، ذمہ دار افسر کیخلاف مقدمہ درج

    لاہور : پولیس نے نو سالہ بچے کو موبائل فون کی چوری کے الزام میں پکڑ کر سفاکانہ تشدد کا نشانہ بنا ڈالا، گرم استری اور ہیٹر لگا کر بچے کا جسم جلا ڈالا، وزیر اعلیٰ پنجاب کے نوٹس پر ذمہ دار افسر کے خلاف مقدمہ درج کرلیا گیا۔

    تفصیلات کے مطابق لاہور میں اسٹریٹ کرمنل نے موبائل چوری کے لیے نوسال کے بچے کو پھنسا دیا, دکان سے موبائل فون گھر پر دکھانے کے بہانے لیا اور ضمانت کے طور پر ایک بچے کو دکاندار کے پاس چھوڑ کر چلا گیا۔

    ملزم کے واپس نہ آنے پر دکاندار نے نو سالہ احمد کو تھانہ رائیونڈ پولیس کے حوالے کردیا، پولیس اہلکار تین دن تک بچے تشدد کرتے رہے، بچے پر بدترین تشدد کرتے ہوئے جلتے ہیٹر پر بٹھا کر چور کا پتہ پوچھتے رہے۔

    اس حوالے سے نو سالہ احمد کا کہنا ہے کہ تین روز پہلے ایک لڑکا مجھے یہ کہہ کر ساتھ لے گیا کہ ابو کے پاس چلو، لڑکا مجھے اپنے ساتھ موبائل شاپ پر لے گیا، لڑکے نے دکاندار سے موبائل لیا اور کہا گھر موبائل دکھا کر واپس آرہا ہوں، لڑکے نے دکان دار سے کہا یہ میرا چھوٹا بھائی ہے اسے ساتھ بٹھاؤ، لڑکے کے واپس نہ آنے پر دکاندار نے مجھے پولیس کےحوالےکر دیا۔

    بچے کے اہل خانہ کا کہنا ہے کہ احمد کے والد سات سال سے پہلے وفات پاچکے ہیں، اس نے اپنے ابو کو کبھی نہیں دیکھا، ہم نے3روز پہلے تھانہ گرین ٹاؤن میں احمد کی گمشدگی کی درخواست جمع کرائی تھی، آج تھانہ رائیونڈ سے کال آئی کہ اپنے بچے کو لے جاؤ,انہوں نے الزام عائد کیا کہ پولیس اہلکاروں نے احمد کو برہنہ کرکے ہیٹر پر بٹھائے رکھا۔

    علاوہ ازیں میڈیا پر خبر چلنے کے بعد وزیراعلیٰ پنجاب نے گرین ٹاؤن تھانے میں بچے پر پولیس اہلکاروں کے تشدد کا سختی سے نوٹس لیا، عثمان بزدار نے بچے کے علاج معالجے کیلئے فوری اقدامات کی ہدایت کرتے ہوئے کہا کہ بچے پرپولیس اہلکاروں کی جانب سے تشدد کا واقعہ افسوسناک ہے۔

    وزیراعلیٰ نے سی سی پی او لاہور سے واقعے کی رپورٹ طلب کرلی اور تشدد کے ذمہ داراہلکاروں کے خلاف قانونی کارروائی کا حکم دیا جس کے بعد تشدد کےذمے دار افسر سعید کےخلاف مقدمہ درج کرلیا گیا۔

  • جعلی پولیس مقابلہ : نوجوان کو ڈاکو قرار دے کر مارنے والے ایس ایچ او کیخلاف مقدمہ درج

    جعلی پولیس مقابلہ : نوجوان کو ڈاکو قرار دے کر مارنے والے ایس ایچ او کیخلاف مقدمہ درج

    کراچی : تیموریہ تھانے میں پولیس کی حراست میں ملزم بلال کی ہلاکت کو مقابلہ ظاہر کرنے والے ایس ایچ اور اس کی ٹیم کےخلاف قتل کا مقدمہ درج کرلیا گیا۔

    تفصیلات کے مطابق شہر قائد میں جعلی پولیس مقابلوں کا سلسلہ تاحال جاری ہے،  تیموریہ تھانے میں زیرحراست نوجوان کو پولیس نے پہلے ڈاکو قرار دے کر مقابلے میں مار ڈالا بعد میں اسے نشئی قرار دے دیا، پولیس کی جانب سے مقدمہ درج کرنے سے انکار پرعلاقہ مکین مشتعل ہوگئے۔

    دو دن قبل گرفتار ہونے والا نوجوان بلال پولیس تشدد سے زخمی ہوا، پولیس نے طبی امداد بھی نہیں دی۔ کچھ دیر بعد زخموں کی تاب نہ لاتے ہوئےجاں بحق ہوگیا، نوجوان کی ہلاکت پر پی ٹی آئی رہنماحلیم عادل شیخ علاقہ مکینوں کے ہمراہ تیمیوریہ تھانے پہنچے۔

    حلیم عادل شیخ اور علاقہ مکینوں کے احتجاج پر نوجوان کے بھائی کی مدعیت میں ایس ایچ او اور اس کی ٹیم کیخلاف قتل کا مقدمہ درج کرلیا گیا، مقدمہ بلال کے بھائی بلاول کی مدعیت میں درج کیا گیا۔

    اس حوالے سے حلیم عادل شیخ کا کہنا ہے کہ پولیس بے گناہ لوگوں کو جعلی مقابلوں میں مارے جارہی ہے، پولیس نے بلال اور اس کے بھائی بلاول کو حراست میں لیا تھا، دو دن حراست میں رکھ کر بلال کو جان سے مار دیا گیا۔

    لیاری سے ڈکیت گروہ کے  5کارندے گرفتار، اسلحہ برآمد 

    علاوہ ازیں لیاری کے علاقے چاکیواڑہ میں پولیس نے کارروائی کرتے ہوئے5رکنی ڈکیت گروہ کے کارندوں کو گرفتار کرلیا، پولیس حکام کے مطابق مذکورہ ملزمان ڈکیتی، اسٹریٹ کرائم اور گاڑیوں چوری کی متعدد وارداتوں میں ملوث ہیں، گرفتار ملزمان سے ایک دستی بم، دو آوان بم اور اسلحہ برآمد ہوا ہے۔

  • سعودیہ میں قید خواتین رضاکاروں کو جنسی زیادتی اور تشدد کا نشانہ بنایا جارہا ہے، ایمنسٹی انٹرنیشنل

    سعودیہ میں قید خواتین رضاکاروں کو جنسی زیادتی اور تشدد کا نشانہ بنایا جارہا ہے، ایمنسٹی انٹرنیشنل

    ریاض/لندن : انسانی حقوق کی تنظیم ایمنسٹی انٹرنیشنل نے انکشاف کیا کہ سعودی عرب کی جیلوں میں انسانی حقوق کی عملبردار خواتین کو دہشت ناک زیادیتوں کا سامنا کرنا پڑرہا ہے۔

    تفصیلات کے مطابق برطانیہ کی انسانی حقوق کی غیر سرکاری تنظیم ایمنسٹی انٹرنیشنل نے سعودی عرب سے متعلق اپنی حالیہ رپورٹ میں کہا ہے کہ ریاست سعودی عرب کے صوبے جدہ کی دھابن جیل میں قید انسانی حقوق کی عملبردار خواتین کو دوران تفتیش جنسی زیادتی، تشدد اور دیگر ہولناک زیادتیوں کا نشانہ بنایا جارہا ہے۔

    ایمنسٹی انٹرنینشل نے اپنی رپورٹ میں بتایا ہے کہ گرفتار خواتین رضاکاروں کو دوران تفتیش بجلی کے جھٹکے لگائے گئے اور اس قدر کوڑے مارے گئے ہیں کہ متاثرہ خواتین کھڑی ہونے کے بھی قابل نہیں رہیں۔

    جمعے کے روز جاری ہونے والی رپورٹ میں انکشاف کیا ہے کہ تفتیش کاروں نے کم از کم 10 خواتین کو ہولناک تشدد کا نشانہ بنایا گیا اور تفتیش کاروں نے جبراً ایک دوسرے کو بوسہ دینے پر مجبور کیا گیا۔

    انسانی حقوق کی تنظیم کا کہنا تھا کہ تفتیش کاروں نے ایک خاتون قیدی سے کہا کہ تمھارے اہل خانہ مرچکے ہیں، جیل حکام کے جھوٹ کے باعث متاثرہ خاتون ایک ماہ تک شدید صدمے میں رہی جبکہ ایک اور خاتون کو کال کوٹری میں بند کرکے بجلی کے جھٹکے دئیے گئے۔

    برطانوی میڈیا کا کہنا ہے کہ گرفتار خواتین میں لجین الھذلول اور عزیزہ الیوسف بھی شامل ہیں جنہیں گزشتہ برس مئی میں خواتین کو ڈرائیورنگ کی اجازت دینے کیلئے اور مردوں کی لازمی سرپرستی کے خلاف مہم چلانے کے جرم میں گرفتار کیا گیا تھا۔

    ایمنسٹی انٹرنیشنل کا کہنا ہے کہ مذکورہ خواتین کو قید میں رکھا ہوا ہے لیکن سعودی حکام کی جانب سے نہ ان پر کوئی مقدمہ چلایا جارہا ہے اور نہ ہی نہیں کسی وکیل تک رسائی کا حق حاصل ہے۔

    برطانوی خبر رساں ادارے کا کہنا ہے کہ ایمنسٹی انٹرنیشنل کی رپورٹ منظر عام پر آنے کے بعد برطانوی اراکین پارلیمنٹ کی جانب سے سعودیہ پر خواتین قیدیوں تک رسائی کےلیے دباؤ ڈالا جارہا ہے۔

    غیر ملکی خبر رساں ادارے کا کہنا ہے کہ انسانی حقوق کی عالمی تنظیم کی نومبر 2018 میں یہ رپورٹ مرتب کی تھی اور دسمبر 2018 میں سعودی حکام سے خواتین قیدیوں تک رسائی کی درخواست کی تھی لیکن انسانی حقوق کی تنظیم کو ابھی کوئی جواب موصول نہیں ہوا۔

    مزید پڑھیں: اقوام متحدہ جمال خاشقجی کے قتل کی تحقیقات کرے، ایمنسٹی انٹرنیشنل

    خیال رہے کہ بین الاقوامی انسانی حقوق کی تنظیم کی یہ رپورٹ ایسے موقع پر سامنے آئی جب دنیا بھر میں سعودی عرب سے تعلق رکھنے والے صحافی جمال خاشقجی کے استنبول کے سعودی قونصلیٹ میں لرزہ خیز قتل کی عالمی سطح پر تحقیقات کا مطالبہ ہورہا ہے۔

  • جرمنی: تشدد اور قتل کے جرم میں جوڑے کو 13 برس قید کی سزا

    جرمنی: تشدد اور قتل کے جرم میں جوڑے کو 13 برس قید کی سزا

    برلن : جرمنی کی عدالت نے دو خوایتن کو تشدد کے بعد قتل کرنے کے جرم میں خاتون اور اس کے شوہر کو 13 برس قید کی سزا سناتے ہوئے جیل بھیج دیا۔

    تفصیلات کے مطابق جرمنی کی عدالت نے قتل کیس کی سماعت کرتے ہوئے شمال مغربی ریاست کے ایک جوڑے کو دو خواتین کا بہیمانہ تشدد کے بعد قتل کرنے کے جرم سزا سناتے ہوئے جیل منتقل کرنے کا حکم دے دیا۔

    غیر ملکی خبر رساں ادارے کا کہنا تھا کہ عدالت نے 49 سالہ انجیلکا واگنر کو اپنے 48 سالہ شوہر ولفرائڈ واگنر کے ہمراہ قتل کا جرم ثابت ہونے پر 13 اور 11 برس قید کی سزا سنائی گئی ہے۔

    مقامی خبر رساں ادارے کا کہنا ہے کہ مجرموں نے دو خواتین کو گھر میں بے تحاشا تشدد کا نشانہ بنایا تھا جس کے باعث دونوں خواتین کی موت واقع ہوگئی تھی، جرمنی کے علاقے رائن میں مذکورہ ملزمان کا گھر ’ہاوس آف ہارر‘ کے نام سے مشہور ہوگیا۔

    عدالتی دستاویزات کے مطابق سزا یافتہ جوڑے نے متاثرین کو گھر کے اندر تشددکا نشانہ بنایا گیا، گلا دبایا، آگ سے جلایا اور گرم پانی کی بھاپ سے بھی جسم کے مختلف حصوں کو جلایا گیا تھا، مجرموں نے متاثرہ خواتین کے سر کے بال کاٹ کر بجلی کے جھٹکے بھی دئیے گئے اور آنکھوں میں کالی مرچ کا اسپرے بھی کیا تھا۔

    غیر ملکی خبر رساں ادارے کا کہنا تھا کہ متاثرہ خواتین گھر گھر جاکر چیزیں فروخت کیا کرتی تھی اور مقتول مذکورہ جوڑے کے گھر بھی اشیاء فروخت کرنے آئی جہاں انہیں تشدد کے بعد قتل کردیا گیا۔

    پولیس کا کہنا ہے کہ سزا یافتہ جوڑے اپنی گاڑی میں 41 سالہ متاثرہ خاتون کو اس کے گھر چھوڑنے جارہے کہ راستے میں گاڑی خراب ہوگئی جس کے بعد ایمبولینس میں خاتون کو گھر لے جانے کی کوشش کی تاہم ایمبولینس اسپتال لے گئی جہاں متاثرہ خاتون دوران علاج ہلاک ہوگئی۔

    مقامی میڈیا کا کہنا ہے کہ دونوں میاں بیوی کو پولیس نے اسپتال میں ہی گرفتار کرلیا تھا۔

    جرمن پولیس کا کہنا ہے کہ 49 سالہ مجرمہ نے دوران تفتیش اعتراف کیا کہ سنہ 2013 میں بھی 33 سالہ خاتون کو تشدد کے بعد قتل کیا اور لاش کے ٹکڑے کرکے نذر آتش کردیا تھا۔

  • حافظ آباد: سابق ایم این اے نے حکم نہ ماننے پر موٹرمکینک کے ہاتھ اور دانت توڑ دیئے

    حافظ آباد: سابق ایم این اے نے حکم نہ ماننے پر موٹرمکینک کے ہاتھ اور دانت توڑ دیئے

    حافظ آباد : سابق ایم این اے نے اپنے محافظوں کے ذریعے کہنا نہ ماننے کی پاداش میں موٹر مکینک کو مار مار کر لہولہان کردیا، بازو اور دانت توڑ ڈالے۔

    تفصیلات کے مطابق حافظ آباد کے سابق ایم این اے کا حکم نہ ماننا غریب محنت کش کا جرم بن گیا، سابق ایم این اے لیاقت عباس کے محافظوں نے موٹر مکینک کو تشدد کا نشانہ بنایا۔

    موٹر مکینک محمد اسلم نے لیاقت عباس بھٹی کی گاڑی ٹھیک کرنے سے انکار کیا تھا، جس پر طیش میں آکر موٹر مکینک کو سابق ایم این اے کے ڈیرے پر لے جاکر تشدد کا نشانہ بنایا گیا، تشدد سے موٹر مکینک کا بازو اور دو ڈانٹ ٹوٹ گئے۔

    موٹرمکینک کے جسم کے مختلف حصوں پر تشدد کے نشانات بھی واضح ہیں، زخمی محمد اسلم کو علاج کے لئے اسپتال منتقل کردیا گیا ہے۔

    متاثرہ شخص محمد اسلم نے کہا ہے کہ سابق ایم این اے کے محافظوں نے مجھ پر بہت ظلم وتشدد کیا، انہوں نے اپیل کی کہ وزیراعظم اور وزیراعلیٰ پنجاب واقعے کا نوٹس لیں اور مجھے انصاف فراہم کیا جائے۔

  • بزرگ سکھ پر تشدد، کیفلیورنیا پولیس چیف کے بیٹے پر فرد جرم عائد

    بزرگ سکھ پر تشدد، کیفلیورنیا پولیس چیف کے بیٹے پر فرد جرم عائد

    واشنگٹن : کیلیفورنیا کی عدالت نے پولیس چیف کے نوجوان بیٹے پر بزرگ سکھ صاحب سنگھ کو لوٹنے اور بہیمانہ تشدد کا نشانہ بنانے کے الزام میں فرد جرم عائد کردی۔

    تفصیلات کے مطابق امریکی ریاست کیلیفیورنیا کی عدالت نے بدھ کے روز ریاستی پولیس کے سربراہ کے 18 سالہ بیٹے پر بزرگ سکھ کو رہائشی علاقے میں لوٹنے اور تشدد کرنے کے الزام میں فرد جرم عائد کردی ہے۔

    امریکی خبر رساں ادارے کا کہنا تھا کہ متاثرہ سکھ کی شناخت 71 سالہ صاحب سنگھ کے نام سے ہوئی ہے، جسے پیر کے روز کیلیفورنیا کے شہر مینٹیکا میں نشانہ بنایا گیا تھا۔

    پولیس کا کہنا تھا کہ صاحب سنگھ پر حملے کا واقعہ گلی میں لگے سی سی ٹی وی کیمروں میں ریکارڈ ہوگیا تھا، ویڈیو میں دیکھا جاسکتا ہے کہ بزرگ شخص سڑک پر جارہا تھا کہ اچانک دو نوجوانوں نے صاحب سنگھ کو لوٹنے کی نیت سے روکا اور کچھ لمحے بعد بزرگ شہری پر لاٹیں برسانہ شروع کردیں۔

    پولیس نے میڈیا کو بتایا کہ ملزمان کے حملے میں زخمی ہونے والے صاحب سنگھ کو طبی امداد کے لیے فوری طور پر اسپتال منتقل کردیا گیا تھا، جنہیں اسپتال انتظامیہ نے علاج کے بعد خارج کردیا تھا۔

    غیر ملکی خبر رساں ادارے کا کہنا تھا کہ پولیس نے 71 سالہ بزرگ پر حملے کی ویڈیو سماجی رابطے کی ویب سایٹ فیس بُک پر جاری کردی تھی جس کی مدد سے ملزمان کو گرفتار کیا گیا۔

     

    امریکی میڈیا کا کہنا تھا کہ گرفتار ملزمان میں ایک شخص کا کیلیفورنیا پولیس کے سربراہ کا 18 سالہ بیٹا تھا، جس پر ریاست کی اعلیٰ عدالت سے بزرگ شخص پر تشدد کرنے اور لوٹنے کا باقائدہ مقدمہ قائم کردیا ہے۔

  • چاکلیٹ کھانے پرکم سن ملازمہ کے ہاتھ جلا دیے

    چاکلیٹ کھانے پرکم سن ملازمہ کے ہاتھ جلا دیے

    لاہور : پنجاب کے صوبائی دارالحکومت کے علاقے گلشن راوی میں کمسن گھریلو ملازمہ پر مبینہ تشدد کا ایک اور واقعہ سامنے آیا ہے،بچی کا الزام ہے کہ اسے مالکان کے بچوں کی چاکلیٹ کھانے پر استری سے جلایا گیا،متاثرہ بچی کو چائلڈ پروٹیکشن بیورو نے تحویل میں لے لیا۔

    تفصیلات کے مطابق لاہور کے علاقے گلشنِ راوی میں کمسن گھریلو ملازمہ پر بہیمانہ تشدد کا ایک اور واقعہ سامنے آیا ہے‘ ۹ سالہ شکیلہ نے الزام عائد کیا ہےکہ اس کے مالکان نے بنا پوچھے چاکلیٹ کھانے پر اسے استری سے جلایا ہے۔
    ذرائع کا کہنا ہے کہ گلشنِ راوی کے رہائشی بلال اور اس کی اہلیہ نے اُن کے بچوں کی چاکلیٹ کھانے پر تشدد کا نشانہ بنایا،استری سے ہاتھ جلائے ،بال نوچے اور پھر گھر سے نکال دیا۔

    متاثرہ بچی مضروب حالت میں گلی میں بیٹھی رو رہی تھی تو اہل محلہ میں سے ایک شخص تھانے لے گیا۔پولیس نے مالک بلال کو بلایا اور تو وہ اور اس کی اہلیہ تین گھنٹے تک آئیں بائیں شائیں کرتے رہے۔ اس موقع پر شکیلہ کو تھانے لانے والے شہری نے احتجاج کیا تو اسے تھانے سے نکال دیا گیا اور معاملہ چائلڈ پروٹیکشن بیورو کے پاس چلا گیا۔

    یہ بھی پڑھیں

    ٹی وی اینکرکاملازمہ پر تشدد 

     سابق لیگی ایم پی اے کے گھر کمسن ملازمہ پر تشدد

    جج کے گھر میں کمسن ملازمہ پرتشدد

    چئیر پرسن چائلڈ پروٹیکشن بیورو سے تعلق رکھنے والی صبا صادق نے مالکان کے خلاف مقدمہ درج کرادیا ہے ،ان کا کہنا ہے کہ متاثرہ بچی کو مکمل طبی اور قانونی معاونت فراہم کی جائے گی۔

    یاد رہے کہ گزشتہ سال اسی نوعیت کا ایک واقعہ لاہور میں رپورٹ ہوا تھا ‘ جب ایک معروف ٹی وی اینکر پر الزام عائد کیا گیا تھا کہ انہوں نے ایک کمسن بچی کو والدین کی مرضی کے خلاف حبسِ بے جا میں رکھا اور اسے تشدد کا نشانہ بھی بنایا‘ اس موقع پر تھانہ سندر کی پولیس نے کارروائی کرتے ہوئے بچی کو اسکے والدین کے حوالے کیا تھا۔

    انہی دنوں سابق لیگی ایم این اے رشید اکبر نوانی اورسابق ایم پی اے سعید اکبر نوانی کے گھر میں ملازمہ پر تشدد کی کہانی سامنے آئی تھی ‘ سر عام کی ٹیم نے ایک کارروائی کے دوران مذکورہ بچی کو بازیاب کرایا، بچی کے ہاتھوں پیروں پر تشدد کے نشانات واضح تھے ، لوہے کی دہکتی سلاخوں سے جلایا گیا تھا۔ بارہ سالہ آمنہ کو ڈرایا دھمکایا اور مارا پیٹا گیااور سر سے پیر تک زخموں سے چور حالت میں چائلڈ پروٹیکشن بیورو کے حوالے کی گئی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • ٹریفک پولیس کا شہری پر بدترین تشدد، ویڈیو وائرل

    ٹریفک پولیس کا شہری پر بدترین تشدد، ویڈیو وائرل

    اسلام آباد: ٹریفک پولیس کی جانب سے ایک شہری پر تشدد کیا گیا، شہری کو لاتوں اور گھونسوں سے مارا گیا،حکام نے فوٹیج کا نوٹس لے لیا۔

    اطلاعات ہیں کہ یہ ویڈیو ایک راہ گیر کی جانب سے بنائی گئی ہے جسے خود بھی نہیں پتا تھا کہ شہری پر تشدد کیوں کیا گیا؟ بعدازاں یہ ویڈیو سوشل میڈیا پر وائرل ہوگئی اور میڈیا کو بھی موصول ہوئی۔

    ویڈیو میں دیکھا جاسکتا ہے کہ تین اہل کاروں نے ایک شہری کو سڑک پر لٹایا ہوا ہے، قبل ازیں اسے کتنا مارا گیا یہ نہیں معلوم تاہم ویڈیو میں دیکھیں تو شہری کو اہلکار نے بھرپور لات کمر پر ماری۔

    اس ضمن میں پولیس حکام نے کہا ہے کہ وہ تحقیقات کررہے ہیں کہ یہ شہری کون ہے جس پر تشدد کیا گیا جب کہ پولیس اہل کاروں کی شناخت کرلی گئی ہے، تاہم شہری نے کسی بھی تھانے میں تشدد کے خلا ف کوئی درخواست جمع نہیں کرائی۔