ARYNews.tv | Urdu – Har Lamha Bakhabar

Tag: Tosha Khana Reference

  • توشہ خانہ ریفرنس : نیب کی آصف زرداری کی بریت کی درخواست کی مخالفت

    توشہ خانہ ریفرنس : نیب کی آصف زرداری کی بریت کی درخواست کی مخالفت

    اسلام آباد : قومی احتساب بیورو (نیب ) نے توشہ خانہ ریفرنس میں سابق آصف زرداری کی بریت کی درخواست کی مخالفت کرتے ہوئے استدعا کی عدالت بریت کی درخواست مسترد کرے۔

    تفصیلات کے مطابق احتساب عدالت میں سابق صدر آصف زرداری اور سابق وزیراعظم یوسف رضا گیلانی کےخلاف توشہ خانہ ریفرنس کی سماعت ہوئی۔

    دوران سماعت نیب نے آصف زرداری کی بریت کی درخواست کی مخالفت کرتے ہوئے کہا احتساب عدالت آصف زرداری کی بریت کی درخواست مسترد کرے۔

    عدالت نے آصف زرداری اور یوسف رضاگیلانی کی ایک روزہ حاضری سےاستثنیٰ کی درخواستیں منظور کرلیا، جس کے بعد وکیل فاروق نائیک نے استدعا کی کہ مجھے سپریم کورٹ جانا ہے، عدالت سماعت ملتوی کرے۔

    احتساب عدالت نے سماعت مزید کارروائی کے لیے 18نومبر تک ملتوی کر دی۔

    یاد رہے توشہ خانہ ریفرنس میں یوسف رضا گیلانی اورآصف زرداری پرفردجرم عائد ہوچکی ہے تاہم ملزمان نے صحت جرم سے انکار کردیا تھا۔

    واضح رہے توشہ خانہ ریفرنس کےمطابق آصف زرداری اورنواز شریف پر غیرقانونی طور پر گاڑیاں حاصل کرنے کا الزام ہے، غیرقانونی طورپرگاڑیاں یوسف رضا گیلانی سے حاصل کی گئیں۔

  • ‘اشتہاری ملزم نوازشریف کے توشہ خانہ ریفرنس میں ظاہر اثاثے ضبط کیے جائیں’

    ‘اشتہاری ملزم نوازشریف کے توشہ خانہ ریفرنس میں ظاہر اثاثے ضبط کیے جائیں’

    اسلام آباد : توشہ خانہ ریفرنس میں احتساب عدالت نے تحریری حکم نامے میں کہا ہے کہ اشتہاری ملزم نوازشریف کے ریفرنس میں ظاہر اثاثے ضبط کیے جائیں۔

    تفصیلات کے مطابق توشہ خانہ ریفرنس میں احتساب عدالت نے نوازشریف کے اثاثوں کی قرقی کا تحریری حکم جاری کردیا، جس میں کہا گیا ہے کہ اشتہاری ملزم نوازشریف کےریفرنس میں ظاہر اثاثے ضبط کیے جائیں اور چیئر مین ایس ای سی پی، ڈپٹی کمشنر لاہور، شیخوہ پورہ، راولپنڈی ، ایبٹ آباد کو عمل کی ہدایت کردی ہے۔

    تحریری حکم میں ای ٹی او لاہور، اسلام آباد کو گاڑیاں ، بنک اکاؤنٹس قرق کرنے کی ہدایت کرتے ہوئے کہا جائیدادوں ،گاڑیوں ، اکاؤنٹس قرق کرنے سے متعلق رپورٹ پیش کی جائے ، احتساب عدالت نے عملدرآمد رپورٹ 13اکتوبر تک پیش کرنے کی ہدایت کی ہے۔

    حکم نامے میں کہا ہے کہ نواز شریف کے مختلف بینکس میں 3 غیرملکی کرنسی سمیت 8 اکاؤنٹس قرقی میں شامل ہیں جبکہ نواز شریف کے محمد بخش ٹیکسٹائل ملز میں 4 لاکھ 67 ہزار حصص اور اتفاق ٹیکسٹائل ملز میں 48ہزار 606 حصص قرق ہوں گے۔

    مزید پڑھیں : نواز شریف کے اثاثوں کی تفصیلات منظرعام پر آگئی

    تحریری حکم میں کیا گیا حدیبیہ پیپر ملزمیں نواز شریف3لاکھ43 ہزار شیئرز اور حدیبیہ انجینئرنگ کمپنی میں نوازشریف کے 22 ہزار شیئرزہیں جبکہ ان کے 5 بینک اکاؤنٹس میں6 لاکھ 12 ہزار روپے موجود ہیں، غیر ملکی کرنسی اکاؤنٹس میں 566 یورو، 698 ڈالرز اور 498 برطانوی پاؤنڈز ہیں۔

    رپورٹ کے مطابق لاہور موضع مانک میں 936 کنال ،موضع بڈوکسانی میں 299 کنال ملکیت ہے،نواز شریف اور زیر کفالت افراد کےنام لاہور،شیخو پورہ ، مری اورایبٹ آباد میں جائیدادیں ہیں جبکہ مری میں بنگلہ، چھانگلہ گلی ایبٹ آباد میں 15 کنال کا مکان اور اپر مال لاہور پر جائیداد شامل ہیں۔

    تحریری حکم میں کہا گیا ہے کہ نوازشریف اور زیر کفالت افراد کے نام 1752 کنال سےزائد زرعی اراضی شامل ہیں جبکہ وہ ایک لینڈ کروزر، 2 مرسڈیز گاڑیوں سمیت 2 ٹریکٹرز کے مالک ہیں۔

  • کونسی ملز میں کتنے شیئرز اور اکاؤنٹس میں کتنی رقم ؟نواز شریف کے اثاثوں کی تفصیلات منظرعام پر آگئی

    کونسی ملز میں کتنے شیئرز اور اکاؤنٹس میں کتنی رقم ؟نواز شریف کے اثاثوں کی تفصیلات منظرعام پر آگئی

    اسلام آباد : اشتہاری نواز شریف کے کونسی ملز میں کتنے شیئرز اور کن اکاؤنٹس میں کتنی رقم سب منظرعام پر آگیا، نیب کے تفتیشی افسر نے احتساب عدالت میں رپورٹ جمع کرادی۔

    تفصیلات کے مطابق توشہ خانہ ریفرنس میں اشتہاری نواز شریف کے اثاثوں کی تفصیلات سامنے آگئیں، کونسی ملز میں کتنے شیئرز اور کن اکاؤنٹس میں کتنی رقم سب منظرعام پر آگیا، نیب کے تفتیشی افسر نے احتساب عدالت میں رپورٹ جمع کرادی۔

    نیب رپورٹ نے کہا کہ الیکشن کمیشن، ایف بی آر،ایس ای سی پی کو خطوط لکھے گئے، ایس ای سی پی کے مطابق نواز شریف کے 4کمپنیوں میں شیئرز ہیں، محمد بخش ٹیکسٹائل ملز میں نواز شریف کے 4 لاکھ 67 ہزار 950 شیئرز ، حدیبیہ پیپر ملزمیں نوازشریف 3 لاکھ 43425 شیئرز، حدیبیہ انجینئرنگ کمپنی میں نوازشریف کے 22213 شیئرز اور اتفاق ٹیکسٹائل ملز میں نوازشریف 48606 شیئرز ہیں۔

    رپورٹ میں بتایا گیا کہ نواز شریف کے نجی بینکس میں 3 غیر ملکی کرنسی سمیت 8 اکاؤنٹس ہیں، جن میں سے 5 بینک اکاؤنٹس میں 6 لاکھ 12 ہزار روپے موجود ہیں جبکہ غیرملکی کرنسی والے اکاؤنٹس میں 566یورو، 698 ڈالرز اور 498 پاؤنڈز موجود ہیں۔

    نیب کا کہنا ہے کہ ایل ڈی اے، لاہور اور شیخو پورہ کے ایڈیشنل ڈپٹی کمشنرز نے رپورٹ دی ، مری کے اسسٹنٹ کمشنر اور گلیات ڈویلپمنٹ اتھارٹی نے بھی رپورٹ دی، جس میں بتایا ہے کہ نوازشریف، ان کے زیر کفالت افراد کے نام لاہور، شیخو پورہ، مری،ایبٹ آباد میں جائیدادیں ہیں۔

    رپورٹ کے مطابق مری میں بنگلہ، چھانگلہ گلی ایبٹ آباد میں 15 کنال کا مکان، اپرمال لاہور پر جائیداد شامل ہیں جبکہ نواز شریف اور ان کے زیر کفالت افراد کے نام 1752 کنال سے زائد زرعی اراضی بھی ہیں۔

    نیب کا کہنا ہے کہ زرعی اراضی میں لاہور کے موضع مانک میں 936 کنال، موضع بڈو کسانی میں 299کنال ، موضع مال رائیونڈ میں103 کنال، موضع سلطان کے میں 312 کنال ، شیخو پورہ کے موضع منڈیالی میں 14کنال، فیروزوطن میں 88 کنال، لاہور کے موضع مانک میں 936 کنال اور بدوکی ثانی میں 299 کنال زرعی اراضی شامل ہیں۔

    رپورٹ میں کہا گیا کہ ایکسائزآفس لاہور ،اسلام آباد کے مطابق3 گاڑیاں اور2 ٹریکٹرزرجسٹرڈ ہیں، جن میں نواز شریف کی گاڑیوں میں ایک لینڈ کروزر اور 2 مرسڈیز شامل ہیں۔

  • توشہ خانہ ریفرنس : عدالت نے نواز شریف کے اثاثوں کی قرقی کا حکم دے دیا

    توشہ خانہ ریفرنس : عدالت نے نواز شریف کے اثاثوں کی قرقی کا حکم دے دیا

    اسلام آباد : توشہ خانہ ریفرنس میں احتساب عدالت نے نواز شریف کے اثاثوں کی قرقی کا حکم دے دیا، نواز شریف کی جائیداد سمیت گاڑیاں اور بنک اکاؤنٹس بھی قرقی میں شامل ہیں۔

    تفصیلات کے مطابق احتساب عدالت اسلام آباد میں توشہ خانہ ریفرنس کی سماعت ہوئی، جس میں نیب حکام نے عدالتی حکم پر نواز شریف کے اثاثوں سے متعلق اہم ریکارڈ اکٹھا کرکے پیش کیا۔

    توشہ خانہ ریفرنس میں احتساب عدالت نے نواز شریف کے اثاثوں کی قرقی کا حکم جاری کیا، نواز شریف کی جائیداد، گاڑیاں اور بنک اکاؤنٹس بھی قرقی میں شامل ہیں۔

    احتساب عدالت کی جانب سے قرق کی جانے والی جائیداد میں نوازشریف کے نام لاہور میں 1650 کنال سے زائد زرعی اراضی ان کے زیر استعمال مرسیڈیز، لینڈ کروزر اور2ٹریکٹرز بھی شامل ہیں۔

    عدالت نے لاہور کے نجی بینک میں نوازشریف کے نام پرملکی و غیرملکی اکاؤنٹس بھی قرق کرنے کا حکم دیا ہے

    توشہ خانہ ریفرنس میں احتساب عدالت نمبر 3کے جج اصغر علی نے اپنے حکم نامے میں کہا ہے کہ مری میں نواز شریف کے نام بنگلہ اورشیخوپورہ میں 102کنال زرعی اراضی بھی قرق کی جائے۔

    علاوہ ازیں احتساب عدالت اسلام آباد میں توشہ خانہ ریفرنس کی سماعت کے دوران سابق وزیرِ اعظم یوسف رضا گیلانی عدالت میں پیش ہوئے۔

    سابق صدر آصف علی زرداری اور دیگر ملزمان عبدالغنی مجید، انور مجید نے حاضری سے استثنیٰ کی درخواست دائر کردی، عدالت نے سابق وزیرِ اعظم میاں نواز شریف کا بطور اشتہاری ملزم اسٹیٹس برقرار رکھا۔

  • توشہ خانہ ریفرنس : نوازشریف کو اشتہاری قرار دینے کی کارروائی مؤخر

    توشہ خانہ ریفرنس : نوازشریف کو اشتہاری قرار دینے کی کارروائی مؤخر

    اسلام آباد:احتساب عدالت میں توشہ خانہ ریفرنس میں سابق وزیراعظم نوازشریف کو اشتہاری قرار دینے کی کارروائی مؤخر کردی گئی۔

    تفصیلات کے مطابق توشہ خانہ ریفرنس میں سابق وزیراعظم نوازشریف کو اشتہاری قرار دینے کی کارروائی مؤخر کردی گئی ، احتساب عدالت کے جج اصغر علی موسم گرما کی تعطیلات کے باعث چھٹیوں پرہیں.

    عدالت کا کہنا ہے کہ نوازشریف کو اشتہاری قرار دینے کی کارروائی مرکزی کیس کےساتھ ہو گی، نواز شریف کو اشتہاری قرار دینے اور توشہ خانہ مرکزی کیس کی سماعت 9 ستمبر کو ہو گی۔

    یاد رہے اسلام آباد ہائی کورٹ میں توشہ خانہ ریفرنس سے متعلق کیس میں سابق وزیراعظم نواز شریف نے احتساب عدالت میں طلبی کیخلاف دائردرخواست واپس لے لی تھی ، جس پرعدالت نے نواز شریف کی درخواست خارج کر دی تھی۔

    خیال رہے احتساب عدالت نے مسلسل غیر حاضری پر سابق وزیراعظم نواز شریف کی طلبی کا اشتہارجاری کرکے پیشی کاآخری موقع دے رکھا ہے۔

    واضح رہے توشہ خانہ ریفرنس کےمطابق آصف زرداری اورنواز شریف پر غیرقانونی طور پر گاڑیاں حاصل کرنے کا الزام ہے، غیرقانونی طورپرگاڑیاں یوسف رضا گیلانی سے حاصل کی گئیں۔

  • توشہ خانہ ریفرنس، نوازشریف نے احتساب عدالت میں طلبی کیخلاف دائر درخواست واپس لے لی

    توشہ خانہ ریفرنس، نوازشریف نے احتساب عدالت میں طلبی کیخلاف دائر درخواست واپس لے لی

    اسلام آباد : توشہ خانہ ریفرنس میں سابق وزیراعظم نوازشریف نے احتساب عدالت میں طلبی کیخلاف دائردرخواست واپس لے لی، درخواست واپس لینے پرعدالت نے نواز شریف کی درخواست خارج کر دی۔

    تفصیلات کے مطابق اسلام آباد ہائی کورٹ میں ڈویژن بنچ پرمشتمل چیف جسٹس اطہرمن اللہ اور جسٹس عامر فاروق نے توشہ خانہ ریفرنس سے متعلق کیس کی سماعت کی۔

    سابق وزیراعظم نواز شریف نے احتساب عدالت میں طلبی کیخلاف دائردرخواست واپس لےلی، نواز شریف کے وکیل نے درخواست اسلام آبادہائیکورٹ سے واپس لی، درخواست واپس لینے پرعدالت نے نواز شریف کی درخواست خارج کر دی۔

    نواز شریف کی جانب سےبیرسٹر جہانگیر جدون وکلا ٹیم کے ساتھ عدالت میں پیش کی ، احتساب عدالت نے نواز شریف کو نمائندے کے ذریعے پیش ہونے کا کہا تھا، احتساب عدالت نےعدم پیشی پر اشتہاری قرار دینے کی کارروائی کا بھی کہا تھا۔

    پنجاب حکومت کو نواز شریف کے بیرون ملک جانے کا نوٹیفکیشن جمع کرانے کاحکم دیا تھا، نواز شریف کے وکیل نے حکومتی نوٹیفکیشن جمع کرانے کے بجائے درخواست واپس لے لی۔

    احتساب عدالت نے نواز شریف کو پیش ہونے کیلئے آخری موقع دے رکھا تھا، نوازشریف کے وکیل سے درخواست قابل سماعت ہونے پر دلائل طلب کئے گئے تھے۔

  • توشہ خانہ ریفرنس : آصف زرداری، یوسف گیلانی پر فرد جرم عائد کرنے کا فیصلہ

    توشہ خانہ ریفرنس : آصف زرداری، یوسف گیلانی پر فرد جرم عائد کرنے کا فیصلہ

    اسلام آباد : توشہ خانہ ریفرنس میں سابق صدر آصف زرداری اور یوسف رضا گیلانی کیخلاف فرد جرم عائد کرنے کا فیصلہ کیا گیا ہے، نواز شریف کے خلاف اشتہاری قرار دینے کی کارروائی مؤخر کردی گئی۔

    تفصیلات کے مطابق احتساب عدالت اسلام آباد میں توشہ خانہ ریفرنس کی سماعت جج سید اصغر علی نے کی، اس موقع پر آصف علی زرداری، بلاول بھٹو زرداری، وکیل فاروق ایچ نائیک، آصفہ بھٹو، راجہ پرویزاشرف، اور دیگر بھی موجود تھے۔

    احتساب عدالت نے یوسف رضا گیلانی اور آصف زرداری پر 9 ستمبر کو فرد جرم عائد کرنے کا فیصلہ کرتے ہوئے سماعت ملتوی کردی، عبدالغنی مجید اور انور مجید بھی فردجرم کے لیے 9 ستمبر کو طلب کرتے ہوئے آصف زرداری کو آئندہ سماعت پر استثنیٰ دینے کی استدعا مسترد کردی اور کہا کہ ملزم خود پیش ہو۔

    دوران سماعت ڈپٹی پراسیکیوٹر نیب سردار مظفر اور آصف زرداری کے وکلاکے درمیان تلخ جملوں کا تبادلہ بھی ہوا، نیب پراسیکیوٹر اور وکیل صفائی نے ایک دوسرے کو شٹ اپ کہہ دیا۔

    دوران سماعت وکیل فاروق ایچ نائیک نے کہا کہ آصف زرداری بیمار ہیں، عدالت بھری ہوئی ہے اگر کورونا ہوگیا تو کون ذمےدار ہوگا؟ ہم 7 ناکوں سے ہوکر عدالت پہنچے ہیں۔

    جس پر جج احتساب عدالت کا کہنا تھا کہ مجھے بھی احتساب عدالت پیش ہونے میں مشکلات پیش آئیں، مجھے بھی چیک پوسٹ پر روکا گیا ،یوٹرن لے کر دوسرے راستے سے آیا،6جگہوں پر ناکے لگے تھے، موٹروے پولیس کے آفس کے راستے عقبی راستے سےعدالت پہنچا، معاملے کو انتظامیہ کے ساتھ اٹھاؤں گا تاکہ آئندہ ایسی صورتحال نہ ہو۔

    نوازشریف کو اشتہاری قرار دینے کی کارروائی موخر

    دوسری جانب احتساب عدالت نے توشہ خانہ ریفرنس میں سابق وزیر اعظم نوازشریف کو اشتہاری قرار دینے کی کارروائی موخر کردی، نواز شریف توشہ خانہ ریفرنس میں عدالتی کارروائی کا حصہ بن گئے ان کے وکیل نے احتساب عدالت میں آج کی سماعت ملتوی کرنے کی درخواست دائر کردی۔

    سابق وزیر اعظم نواز شریف کے وکیل بیرسٹر جہانگیر جدون عدالت میں پہنچے اور درخواست دائر کرتے ہوئے کہا کہ اسلام آباد ہائی کورٹ میں احتساب عدالت کی کارروائی کو چیلنج کیا ہے جس کے فیصلے کا انتظار کیا جائے۔

    عدالت نے نوازشریف کو اشتہاری قرار دینے کی کارروائی 25 اگست تک روکتے ہوئے نواز شریف کی حد تک آج کی سماعت ملتوی کرنے کی درخواست منظور کرلی تاہم آصف زرداری سمیت دیگر ملزمان کے حوالے سے کیس کی سماعت جاری رکھی۔

     

  • توشہ خانہ ریفرنس : آصف زرداری کی عدالت میں پیشی، سخت حفاظتی انتظامات

    توشہ خانہ ریفرنس : آصف زرداری کی عدالت میں پیشی، سخت حفاظتی انتظامات

    اسلام آباد : پیپلزپارٹی کے شریک چیئرمین آصف علی زرداری توشہ خانہ ریفرنس میں آج عدالت میں پیش ہوں گے، اس موقع پر سیکیورٹی کے سخت ترین انتظامات کیے گئے ہیں۔

    تفصیلات کے مطابق سابق صدر آصف علی زرداری توشہ خانہ ریفرنس میں آج احتساب عدالت کے سامنے پیش ہوں گے، اس حوالے سے سخت ترین انتظامات کیے گئے ہیں، ایک ہزار سے زائد پولیس افسران و جوان سیکیورٹی کے فرائض سرانجام دیں گے۔

    نیب آفس کے باہر رکاوٹیں لگادی گئیں، پولیس کی بھاری نفری تعینات کی گئی ہے۔ پولیس نے جی الیون سگنل سے نیب دفتر جانے والا راستہ بند کر دیا۔

    اسلام آباد کی پولیس کی جانب سے پیپلزپارٹی کے کارکنان کو نیب کورٹ جانے سے روکنے کی کوشش کی جارہی ہے، فرحت اللہ بابر ،نیئر بخاری، لطیف کھوسہ کو کورٹ جانے کی اجازت دیدی گئ۔

    ذرائع کے مطابق احتساب عدالت کے ملازمین اور کام کی غرض سے آنے والے شہری اپنے ضروری کاغذات ہمراہ رکھیں گے، متعلقہ افراد کے علاوہ کسی شخص کو داخلے کی ہرگز اجازت نہیں ہوگی، احتساب عدالت کو چاروں اطرف سے باڑ لگا کر بند کردیا جائے گا اور شہریوں کے لیے متبادل راستے فراہم کیے جائیں گے۔

    قبل ازیں اسلام آباد ایئر پورٹ پہنچنے پر میڈیا سے گفتگو کرتے ہوئے آصف زرداری نے کہا کہ نیب کیسز سے گھبرانے والے نہیں، ماضی میں بھی مقدمات کا ڈٹ کر سامنا کیا اب بھی کریں گے۔

    سابق صدر آصف علی زرداری کا کہنا تھا کہ جنہوں نے جھوٹے مقدمات بنائے انہوں نے منہ کی کھائی، موجودہ مقدمات کا بھی نتیجہ یہی نکلے گا، پیپلزپارٹی کیلئے جیل اور ریل نئی بات نہیں، ہم نے مقدمات سے بھاگ کر ملک نہیں چھوڑا بلکہ ان کا ڈٹ کر مقابلہ کیا۔

  • توشہ خانہ ریفرنس : نواز شریف نے احتساب عدالت کا حکم نامہ چیلنج کر دیا

    توشہ خانہ ریفرنس : نواز شریف نے احتساب عدالت کا حکم نامہ چیلنج کر دیا

    اسلام آباد : سابق وزیراعظم نواز شریف نے توشہ خانہ ریفرنس میں احتساب عدالت کا حکم نامہ چیلنج کر دیا، عدالت نے 17 گست تک پیشی کا آخری موقع دے رکھا ہے۔

    تفصیلات کے مطابق سابق وزیراعظم نواز شریف نے توشہ خانہ ریفرنس میں اسلام آبادہائی کورٹ سےرجوع کرتے ہوئے احتساب عدالت کا حکم نامہ چیلنج کر دیا، درخواست میں استدعا کی گئی ہے کہ نمائندے کےذریعے عدالت میں نمائندگی کی اجازت دی جائے۔

    احتساب عدالت نے مسلسل غیر حاضری پر سابق وزیراعظم نواز شریف کی طلبی کا اشتہارجاری کرکے پیشی کاآخری موقع دے رکھا ہے۔

    عدالت نے کہا تھا نواز شریف جان بوجھ کر عدالتی کارروائی سے مفرورہیں، ملزم کو اشتہاری قرار دینےکی کارروائی شروع کردی، نواز شریف کو ریفرنس کا جواب دینے کے لئے سترہ اگست تک آخری موقع دیا جاتا ہے۔

    یاد رہے قومی احتساب بیورو (نیب) نے توشہ خانہ ریفرنس میں سابق صدر آصف زرداری اور سابق وزیراعظم نواز شریف کی گاڑیاں قبضے میں لینے کا فیصلہ کیا تھا۔

    نیب نے آصف علی زرداری کی 3گاڑیوں کی ملکیت منجمد کردیں جبکہ نواز شریف کی توشہ خانہ سے لی جانے والی مرسیڈیز گاڑی کی ملکیت بھی منجمد کردی گئی تھی۔

    خیال رہے توشہ خانہ ریفرنس کےمطابق آصف زرداری اورنواز شریف پر غیرقانونی طور پر گاڑیاں حاصل کرنے کا الزام ہے، غیرقانونی طورپرگاڑیاں یوسف رضا گیلانی سے حاصل کی گئیں۔