امریکہ کے ٹام ڈینئیل سن نے ٹور آف اتھا سائیکل ریس جیت لی، آخری مرحلہ آسٹریلیا کے کیڈل ایونز کے نام رہا۔
امریکہ میں ہونے والی ریس کا اختتامی مرحلہ ایک سوپچیس کلو میٹر پر مشتمل تھا، پہاڑوں کے گردونواں میں ہونے والی ریس میں آسٹریلیا کے کیڈل ایونز نے غیر معمولی کارکردگی دکھاتے ہوئے کامیابی حاصل کرلی، آسٹریلوی رائڈر نے مقررہ فاصلہ تین گھنٹے دس منٹ اور باون سیکنڈز میں طے کیا، دوسرا مرحلہ جیتنے کے باوجود کیڈل ایونز ٹائٹل سے محروم رہے، امریکہ کے ڈینئیل سن نے پانچ سیکنڈز کے فرق سے دوسرے نمبر پر رہتے ہوئے ٹائٹل جیت لیا۔
