Tag: tourism minister for Sabah state Masidi Manjun

  • ملائیشیا کے جزیرے میں زلزلہ،11 افراد جاں بحق، 20زخمی

    ملائیشیا کے جزیرے میں زلزلہ،11 افراد جاں بحق، 20زخمی

    کوالالمپور: ملائیشیا کےجزیرے بورنیو میں زلزلےنےمائونٹ کینا بالو کوہلاکررکھ دیا،زلزلےسےمرنےوالوں کی تعداد گیارہ ہوگئی، امدادی کارکن لاپتا ہونے والےآٹھ سیاحوں کی تلاش میں مصروف ہیں۔

    ملائیشیا کے جزیرے بورنیو میں زلزلے نے مائونٹ کینابالوکو ہلا کر رکھ دیا، پانچ اعشاریہ نوشدت کے زلزلے سے مٹی کےتودےکےعلاوہ پتھر اورچٹانوں کے ٹکڑے بھی گرے جس کی وجہ سے یہاں کوہ پیمائی کی سرگرمیاں بند کردی گئی ہیں۔

    حکام کا کہنا ہےکہ زلزلے سے کم ازکم بیس افراد زخمی بھی ہوئےجواسپتال میں زیرعلاج ہیں، جس وقت یہ زلزلہ آیا اس وقت ماؤنٹ کینابالو پرتقریباًدوسوکوہ پیما موجود تھے۔

    سیاح مٹی کے تودے گرنے سے علاقے میں پھنسے ہوئے ہیں، زلزلےسےریاست صباح میں متعدد عمارتوں کوبھی نقصان پہنچا ہے،جبکہ زلزلے کےباعث جزیرےکےاسکول، اسپتال اورسڑکیں شدید متاثرہوئی ہیں، صوبہ کے وزیراعلی نے زلزلے میں انسانی جانوں کے ضیاع پر آٹھ جون یوم سوگ کا اعلان کیا ہے۔

  • ملائیشیا میں 6 ریکٹر اسکیل شدت کا زلزلہ

    ملائیشیا میں 6 ریکٹر اسکیل شدت کا زلزلہ

    کوالالمپور: ملائیشیا کی ریاست صباح میں واقع کوہِ کنابلو میں 6 ریکٹر اسکیل شدت کا زلزلہ آیا ہے جس میں متعدد افراد کے زخمی ہونے کی اطلاع ہے۔

    ملائیشیا کے سرکاری خبررساں ذرائع کے مطابق زلزلے میں کئی کوہ پیما اور مقامی افراد زخمی ہوئے ہیں جو کہ لگ بھگ ساڑھے تیرہ ہزار بلند چوٹی کو سر کررہے تھے ، ذرائع کا کہنا ہے کہ پتھروں کے اپنی جگہ چھوڑنے کے سبب زخمیوں کو سنگین نوعیت کے فریکچراورسرمیں چوٹیں پیش آئیں ہیں۔

    ملائشیان کے وزیرِ سیاحت مسیدی منجون نے اپنے ٹویٹڑ پیغام میں کہا ہے کہ’’ زلزلے کی شدت سے ڈنکی ائیرنامی مشہور چوٹی بھی اپنی جگہ سلامت نہ رہ سکی‘‘۔      

    کوہ پیمائی کے حوالے سے ہونے والی تمام ترسرگرمیوں کوتا حکمِ ثانی روک دیا گیا ہے۔

    امریکی محمکہ ارضیات کے مطابق زلزلہ مقامی وقت کے مطابق صبح 7:15 منٹ پر 10 کلومیٹر کی گہرائی میں آیا اور اس کا مرکز کوہِ کنابلو کے مشرق میں 54 کلومیٹر کے فاصلے پرواقعہ تھا۔

    محکمہ موسمیات کی جانب سے کسی قسم کی سونامی وارننگ جاری نہیں کی گئی ہیں اور کسی بھی بڑے جانی نقصان کی اطلاع تا حال موصول نہیں ہوئی۔

    زلزلے کے سبب کئی عمارتوں میں دراڑیں پڑگئیں اور سڑکوں کو بھی شدید نقصان پہنچا۔

    ایک مقامی شخص کے مطابق زلزلے کے جھٹکے 15 سیکنڈ تک محسوس کئے گئے ہیں۔

    مقامی میڈیا سے موصول ہونے والی اطلاعات کے مطابق زلزلے کے سبب متاثرہ علاقے میں خوفِ ہراس پھیل گیا اور لوگ گھروں اور عمارتوں سے باہر نکل آئے۔ سراسیمگی کے اثرات ایئرپورٹ پر بھی محسوس کئے گئے۔

    سوشل میڈیا کے صارفین نے زلزلے کے بعد کی تصاویر اپ لوڈ کی ہیں جن میں سڑکوں کو نقصان، ٹوٹی ہوئی کھڑکیاں، چٹخی ہوئی دیواریں اور گھروں کے اندربکھرا ہوا سامان باآسانی دیکھا جاسکتا ہے۔