کراچی: ڈالر کی قیمتوں میں کمی کے رحجان کے ساتھ ہی کچھ گاڑیوں کی قیمتیں کم اور کچھ گاڑیوں کی قیمتیں بڑھا دی گئیں۔
تفصیلات کے مطابق ٹویوٹا اور ہنڈا کار کمپنیوں کی گاڑیوں کی قیمتوں میں کمی کر دی گئی ہے، جب کہ دوسری طرف ڈالر کی قدر میں کمی کے باوجود سوزوکی کار کمپنی نے کاروں کی قیمتوں میں مزید اضافہ کر دیا ہے۔
انڈس موٹرز ٹویوٹا یارس
انڈس موٹرز نے ٹویوٹا یارس کے مختلف نوعیت کی اقسام کی قیمتوں میں کمی کی ہے، ٹویوٹا یارس 1.3 ایم ٹی کی قیمت 43 لاکھ 99000 سے کم کر کے 43 لاکھ 26000 کر دی گئی، ٹویوٹا یارس 1.3 سی وی ٹی قیمت 46 لاکھ 59000 سے کم کر کے 45 لاکھ 86000 کر دی گئی۔
ٹویوٹا یارس تمام اقسام میں 73 ہزار روپے کی کمی کی گئی ہے، ٹویوٹا یارس 1.3 سی وی ٹی ہائی 48 لاکھ 99000 سے کم کر کے 47 لاکھ 66000 کر دی، ٹویوٹا یارس 1.3 سی وی ٹی میں 1 لاکھ 33 ہزار روپے کی کمی کی گئی ہے۔
ہنڈا اٹلس سٹی کار
ہنڈا اٹلس کار کمپنی نے بھی ہنڈا سٹی کار کی قیمت میں کمی کر دی ہے، ہنڈا سٹی ایم ٹی کی قیمت میں 50 ہزار روپے کم کر کے 46 لاکھ 49 ہزار روپے کر دی گئی، ہنڈا سٹی سی وی ٹی کی قیمت میں 1 لاکھ 40 ہزار کی کمی سے اس کی نئی قیمت 46 لاکھ 89 ہزار ہو گئی ہے۔
دوسری طرف ڈالر کی قدر میں کمی کے باوجود سوزوکی کار کمپنی نے کاروں کی قیمتوں میں مزید اضافہ کر دیا ہے، سوزوکی کار کمپنی نے گاڑیوں کی قیمتوں میں 65 ہزار سے 3 لاکھ روپے سے زائد کا اضافہ کر دیا ہے۔
سوزوکی آلٹو
آلٹو وی ایکس کی قیمت میں 80 ہزار اضافے سے قیمت 23 لاکھ 31 ہزار ہو گئی، آلٹو وی ایکس آر کی قیمت میں 95 ہزار اضافہ کیا گیا، جس سے اس کی قیمت 27 لاکھ 7 ہزار ہو گئی ہے، آلٹو وی ایکس آر اے جی ایس کی قیمت میں 95 ہزار اضافے سے قیمت 28 لاکھ 94 ہزار ہو گئی، آلٹو وی ایکس ایل اے جی ایس کی قیمت میں 1 لاکھ 10 ہزار اضافے سے قیمت 30 لاکھ 45 ہزار ہو گئی۔
سوزوکی کلٹس
کلٹس وی ایکس آر 1 لاکھ 40 ہزار اضافے سے 38 لاکھ 58 ہزار روپے کر دی گئی، کلٹس وی ایکس ایل 1 لاکھ 60 ہزار اضافے سے 42 لاکھ 44 ہزار روپے کی ہو گئی، کلٹس ای جی ایس 1 لاکھ 80 ہزار اضافے سے 45 لاکھ 46 ہزار روپے کی ہو گئی۔
سوزوکی سوئفٹ
سوئفٹ جی ایل 85 ہزار اضافے سے 44 لاکھ 21 ہزار روپے کی ہو گئی، سوئفٹ جی ایل سی وی ٹی 65 ہزار اضافے سے 47 لاکھ 19 ہزار روپے کی ہو گئی، سوئفٹ جی ایل ایکس سی وی ٹی کی قیمتوں میں دس دن کے دوران دو بار اضافہ کیا گیا، یکم مارچ کو سوئفٹ جی ایل ایکس سی وی ٹی کی قیمت 85 ہزار اضافے سے 51 لاکھ 25 ہزار روپے کی گئی تھی، 11 مارچ کو دوسری بار سوئفٹ جی ایل ایکس سی وی ٹی کی قیمت میں 3 لاکھ 4 ہزار روپے اضافے سے اس کی قیمت 54 لاکھ 29 ہزار روپے کر دی گئی۔
