مظفر آباد : کشمیر کے دونوں حصوں کے درمیان لائن آف کنٹرول کی چکوٹھی-اڑی کراسنگ کے ذریعے آج سے تجارت اور سفر بحال ہو جائے گا۔
ایل او سی کے ذریعے آمد و رفت کیلئے آج کا دن مختص کیا گیا ہےجبکہ منگل سے جمعہ تک دو کراسنگ پوائنٹس مظفر آباد اور پونچھ سےتجارتی سرگرمیاں جاری رکھی جائیں گی۔
چھ فروری کو ہندوستان کے زیر انتظام کشمیر میں حکام نے مبینہ طور پر پاکستانی کشمیر سے آنے والے کینو سے لدے ایک ٹرک سے ممنوعہ اشیاء برآمد کی تھیں،
جس کے بعد چکوٹھی-اڑی پوائنٹ پر تجارت اور سفر روک دیا گیا تھا ۔ذرائع نے بتایا کہ زیر حراست ڈرائیور کے حامیوں کے احتجاج پر سیکورٹی صورتحال خراب ہوگئی تھی۔
