کراچی : عوامی کالونی میں مبینہ پولیس مقابلے میں ایک دہشت گرد مارا گیا، جبکہ شہر میں فائرنگ کرکے دو ٹریفک پولیس اہلکاروں سمیت تین افراد کو موت کی نیند سلا دیا گیا۔
تفصیلات کے مطابق شہر میں پولیس اہلکار دہشت گردوں کے نشانے پر آ گئے۔ عوامی کالونی میں پولیس موبائل پرفائرنگ کی گئی، پولیس کی جوابی کارروائی میں ایک ملزم ہلاک جبکہ دو فرار ہونے میں ہو گئے۔
ہلاک ہونے والے ملزم کے قبضے سےایس ایم جی برآمد کر لی گئی۔ نیپا چورنگی کے قریب اتوار بازار میں نامعلوم موٹر سائیکل سواروں نے دو ٹریفک پولیس اہلکاروں پر فائرنگ کردی۔
جس سے نظام حسین اور محمد شیر نامی اہلکار جاں بحق ہو گئے۔واردات کے بعد حملہ آور با آسانی موقع سے فرار ہونے میں کامیاب ہوگئے۔
فائرنگ کا دوسرا واقعہ ناظم آباد میں پیش آیا جہاں گولیاں لگنے سے ایک شخص جاں بحق اوردو افراد زخمی ہوگئے۔
لیاقت آباد کے علاقے فردوس مارکیٹ میں لوٹ مار کے دوران ڈاکوؤں کی فائرنگ سے تین مزدور زخمی ہوگئے۔تمام زخمیوں کو عباسی شہید اسپتال منتقل کیا گیا۔ پولیس نے رپورٹ درج کرکے تفتیش شروع کردی۔
