کراچی: وزیر داخلہ سندھ سہیل انور خان سیال کی ہدایت پر ٹریفک ایشوز کے حل اور ٹریفک نظام کو کار گر بنائے جانے کے حوالے سے سینٹرل پولیس آفس کراچی میں آئی جی سندھ کے زیر صدارت اعلیٰ سطح اجلاس ہوا۔
اجلاس میں ایڈیشنل آئی جی ٹریفک نے بتایا کہ وزیر داخلہ سندھ کی جانب سے منظوری کے بعد شہر میں مزید ڈرائیونگ لائسنس برانچز کھولنے کے حوالے سے عملی دستاویز کی جارہی ہیں۔
انہوں نے بتایا کہ اس سلسلے میں پہلے مرحلے کے تحت چار مختلف منتخب کردہ مقامات پر ڈرائیونگ لائسنس براچز کا قیام عمل میں لایا جائیگا ۔
آئی جی سندھ نے ہدایت کی کہ اس ضمن میں عملی اقدامات پر مشتمل جامع سفارشات جلد سے جلد مرتب کر کے منظوری ارسال کی جائے۔
@LingoCop @K_TrafficPolice @KTrafficPoliceU @omar_quraishi @junejo_iqra @MakhdoomQaiser @MajydAziz #Karachi @SNA110 pic.twitter.com/9yRyuWiHZU
— SindhPoliceSpokesman (@SindhPoliceCPO) November 4, 2015
ڈی آئی ٹریفک کراچی نے بتایا کہ شہر میں گا ڑیوں کی تعداد مجموعی طور پر تقریبا38 لاکھ ہے جبکہ شہر میں روزانہ 903 کے حساب سے پرائیوٹ وہیکلز کا اضافہ ہورہا ہے۔
سندھ پولیس کے ترجمان نے بتایا کہ اجلاس میں ہونے والے ایک فیصلے کے مطابق ڈرائیونگ لائسنس کی عدم موجودگی پر قانون اور قواعد وضوابط کے مطابق کاروائی کی جائیگی۔
اجلاس میں ایڈیشنل آئی جی ٹریفک خادم حسین بھٹی، ڈی آئی جی ٹریفک امیر شیخ ، ڈی آئی جی ڈرائیونگ لائسنس برانچ ڈاکٹر آفتاب پٹھان ، ڈی آئی جی ہیڈ کواٹرز سندھ عبدالعلیم جعفری ، اے آئی جی آپریشنر سندھ و دیگر پولیس کے سینئر افسران نے شرکت کی۔
