اسلام آباد : امریکی سفارتخانے نے رحیم یار خان میں تیزگام حادثے میں قیمتی جانوں کے نقصان پر اظہار افسوس کرتے ہوئے متاثرہ افراد سے ہمدردی کا اظہار کیا، حادثے میں پینسٹھ افرادکے جاں بحق ہونےکی تصدیق ہوگئی ہے۔
تفصیلات کے مطابق اسلام آباد میں امریکی سفارتخانے کی جانب سے سماجی رابطے کی ویب سائٹ ٹوئٹر پر اپنے پیغام میں رحیم یار خان میں ٹرین کے المناک حادثے سے متاثر ہونے والے تمام افراد سے ہمدردی کا اظہار کرتے ہوئےقیمتی جانوں کے نقصان پر افسوس کیا۔
On behalf of the U.S. Mission in Pakistan, I extend my sympathies to all those affected by the tragic train accident in Rahim Yar Khan, Punjab. Chargé d’Affaires a.i. John Hoover #RahamYarKhan #Pakistan #USEmbassyISB #USPAK #USinPAK #train pic.twitter.com/lL07LOPcDQ
— U.S. Embassy Islamabad (@usembislamabad) October 31, 2019
یاد رہے لیاقت پور کے قریب تیزگام ایکسپریس میں آتشزدگی کے ہولناک واقعے میں تین بوگیوں میں سواردرجنوں مسافرزندہ جل گئے، پینسٹھ افرادکے جاں بحق ہونےکی تصدیق کردی گئی جبکہ ہلاکتوں میں اضافے کا خدشہ ہیں۔
حادثے کے بعد بہاولپور ملتان اوررحیم یارخان کےسرکاری اسپتالوں میں ایمرجنسی نافذ کردی گئی ہے،ایم ایس ڈی ایچ کیو لیاقت پورکےمطابق بارہ مسافروں کی حالت تشویشناک ہے،جاں بحق اورزخمی کی شناخت کی کوشش کررہے ہیں،چودہ لاشیں ناقابل شناخت ہیں۔
ڈی سی او جنید اسلم کا کہنا ہے کہ متاثرہ تین بوگیوں میں دو سو سات مسافرسوارتھے،اکانومی کلاس کی دوبوگیاں امیرحسین اینڈ جماعت کے نام سے بک تھیں، اکانومی کی ایک بوگی میں77،دوسری میں 76مسافر سوار تھے،اکانومی کلاس کی بوگیوں میں مسافرزیادہ تر حیدرآباد سے سوارہوئے تھے جبکہ بزنس کلاس کی بوگی میں 54 مسافر سوار تھے۔