ARYNews.tv | Urdu – Har Lamha Bakhabar

Tag: train accident

  • شیخوپورہ ٹرین حادثہ، وزیراعظم کی پاکستان ریلوےکےآپریشنل سیفٹی ایس اوپیز پرفوری نظرثانی کی ہدایت

    شیخوپورہ ٹرین حادثہ، وزیراعظم کی پاکستان ریلوےکےآپریشنل سیفٹی ایس اوپیز پرفوری نظرثانی کی ہدایت

    اسلام آباد : وزیراعظم عمران خان نے شیخوپورہ ٹرین حادثے میں 20افراد کے جاں بحق ہونے پر افسوس کا اظہار کرتے ہوئے کہا پاکستان ریلوے کے آپریشنل سیفٹی ایس اوپیز پرفوری نظرثانی کی جائے گی۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ شیخوپورہ ٹرین حادثےپربہت افسوس ہوا جس میں کم از کم20افرادہلاک ہوئے، ہلاک افراد میں زیادہ تر سکھ یاتری تھے جو ننکانہ صاحب سے آرہےتھے، انتظامیہ کو حادثے کےزخمیوں کو طبی امداد کی فراہمی کی ہدایت کی ہے، ہلاک ہونیوالوں کے اہلخانہ کے دکھ میں برابر کا شریک ہوں۔

    وزیراعظم نے ہدایت کی پاکستان ریلوےکےآپریشنل سیفٹی ایس اوپیز پرفوری نظرثانی کی جائے گی۔

    یاد رہے شیخوپورہ میں کراچی سے لاہور جانے والی ٹرین کی زد میں ویگن آگئی تھی ، جس کے نتیجے میں 17 افراد جاں بحق اور کئی زخمی ہوگئے تھے، ریلوے حکام کا کہنا تھا کہ حادثہ فاروق آباد ریلوے اسٹیشن کے قریب پیش آیا، ریلوے اور ریسکیو ٹیمیں امدادی کارروائیوں اور ٹریک بحال میں مصروف ہیں، زخمیوں کو اسپتال منتقل کیا جارہا ہے، ڈپٹی کمشنر شیخوپورہ نے ڈی ایچ کیو اسپتال میں ایمرجنسی نافذ کردی ہے۔

    بعد ازاں وزیر ریلوے شیخ رشید احمد نے حادثے کے ذمےداران کے خلاف فوری کارروائی کی ہدایت کرتے ہوئے ڈی ای این کو فوری معطل کردیا گیا تھا۔

  • بھارت میں پٹری پر سونے والے17مزدور ٹرین سے کچل کر ہلاک

    بھارت میں پٹری پر سونے والے17مزدور ٹرین سے کچل کر ہلاک

    نئی دہلی : بھارت میں ریلوے لائن پر سونے والے 17 مزدوروں کو ٹرین نے کچل ڈالا، حادثہ صبح 6:30 بجے پیش آیا، غریب مزدور لاک ڈاؤن کے سبب پیدل گھروں کو جارہے تھے کہ تھک کر سوگئے۔

    تفصیلات کے مطابق بھارتی ریاست مہاراشٹرا کے اورنگ آبادریلوے اسٹیشن پر 17 مزدور ٹرین کے نیچے آٓکر مارے گئے، حادثہ علی الصبح ساڑھے چھ بجے پیش آیا۔

    بھارتی میڈیا کے مطابق یہ حادثہ اورنگ آباد جالنا ریلوے لائن پر ہوا ہے۔ اطلاع کے مطابق یہ حادثہ صبح 6.30 بجے پیش آیا ہے، فلائی اوور کے پاس پٹریوں پر سو نے والے17مزدور مال گاڑی کے نیچے آکر کچل کر ہلاک  ہوگئے، سب کی موقع پر ہی موت واقع ہوگئی، کارماڈ پولیس نے  موقع پر پہنچ کر لاشوں کو اسپتال پہچایا ۔

     

    ایک اسٹیل فیکٹری میں کام کرنے والے سبھی مزدور لاک ڈاؤن کی وجہ سے اپنے آبائی گھر جانے کے لیے 45 کلو میٹر پیدل چل کر کارماڈ آئے تھے، تھکان زیادہ ہونے پر وہ پٹری پر ہی سو گئے اور اچانک ان کے اوپر مال گاڑی گزر گئی۔

     نیند میں ہونے کی وجہ سے کسی کو بھی سنبھلنے کا موقع نہیں ملا۔ مرنے والوں میں مزدوروں کے بچے بھی شامل ہیں، حادثے میں چار مزدور شدید زخمی ہوگئے۔

    اطلاع کے مطابق مزدوروں کو دیکھنے کے بعد لوکو پائلٹ نے مال گاڑی کو روکنے کی کافی کوشش کی لیکن ٹرین وقت پر نہیں رک پائی۔ حادثے کے بعد ٹریک پر مزدوروں کی لاشوں کے ساتھ روٹیاں بھی بکھری ملی ہیں جو انہوں نے کھانے کے لیے اپنے پاس رکھی تھیں۔

    مہاراشٹر کے اورنگ آباد حادثہ پر وزیراعظم نریندر مودی نے دکھ کا اظہار کیا ہے، انہوں نے ٹوئٹر پر اپنے پیغام میں کہا کہ اورنگ آباد میں ریلوے حادثے میں جان مال کے نقصان سے بے حد دکھ پہنچا ہے، وزیر ریلوے پیوش گوئل سے بات کی ہے، وہ حالت پر نظر رکھے ہوئے ہیں ہر ممکن مدد کی جارہی ہے۔

    مزید پڑھیں : بھارت، اترپردیش میں خوفناک ٹرین حادثہ، 17 افراد ہلاک

    یاد رہے کہ اس سے قبل بھارتی ریاست اتر پردیش سے نئی دہلی جانے والی فراکا ایکسپریس کے انجن سمیت 9 بوگیاں پٹری سے اتر گئی تھیں جس کے باعث 17 افراد ہلاک، 30 سے زائد افراد زخمی ہوگئے تھے۔

     

  • لاہور : ریل کار کی دو بوگیاں پٹری سے اتر گئیں، ٹرینوں کی آمد و رفت معطل

    لاہور : ریل کار کی دو بوگیاں پٹری سے اتر گئیں، ٹرینوں کی آمد و رفت معطل

    لاہور : ریل کار کی دو بوگیاں سوہاوا ریلوےا سٹیشن کے قریب پٹری سے اتر گئیں، واقعے کے بعد ٹرینوں کی آمد و رفت معطل ہوگئی، پاکستان ریلوے نے ادارے میں افسران کے تقرریوں اور تبادلوں کا نوٹیفکیشن جاری کردیا۔

    تفصیلات کے مطابق لاہور سے راولپنڈی جانے والی ریل کار کی دو بوگیاں پٹری سے اتر گئیں، بوگیاں پٹری سے اترنے کا واقعہ سوہاوا ریلوےا سٹیشن کے قریب پیش آیا۔

    تاہم بوگیاں اترنے سے کسی قسم کی جانی نقصان کی اطلاع نہیں ملی، بوگیاں اترنے کے بعد لاہور راولپنڈی سیکشن پر ٹرینوں کی آمد و رفت معطل ہوگئی۔

    ریلوے ترجمان کے مطابق ریسکیو ٹیمیں جائے وقوعہ کی طرف روانہ کردی گئیں ہیں، ٹرینوں کی روانی کیلئے جلد ٹریک بحال ہو جائے گا۔

    علاوہ ازیں پاکستان ریلوے میں تقرریوں اور تبادلوں کا نوٹیفکیشن جاری کردیا گیا ہے، نوٹیفکیشن کے مطابق طاہرمحمود ڈی ٹی او ملتان کا تبادلہ کرکے ڈی ٹی او پی ایس سی تعینات کیا گیا ہے جبکہ ڈی سی او لاہور حامد فاروق قریشی کا تبادلہ کرکے ڈی ٹی او لاہور مقرر کیا گیا ہے۔

    اس کے علاوہ ڈی ٹی ایم لاہور شیریں حنا کو ڈی سی او لاہور اور ڈی پی او ملتان نصیر احمد خان نیازی کو ڈی ٹی او ملتان تعینات کیا گیا ہے۔

    نوٹیفکیشن کے مطابق صباحت مشتاق کا ہیڈ کوارٹرز لاہور سے تبادلہ کرکے اے ٹی او کراچی جبکہ مرینہ عتیق کو اے ٹی او پشاور تعینات کر دیا گیا ہے۔

     

  • کراچی سے جانے والی جناح ایکسپریس مال گاڑی سے ٹکرا گئی، تین افراد جاں بحق

    کراچی سے جانے والی جناح ایکسپریس مال گاڑی سے ٹکرا گئی، تین افراد جاں بحق

    ٍکراچی : حیدرآباد کے قریب کراچی سے جانے والی جناح ایکسپریس مال گاڑی سے ٹکرا گئی، حادثے میں تین افراد جاں بحق اور متعدد زخمی ہوگئے۔

    تفصیلات کے مطابق حیدرآباد ریلوے سٹیشن کے قریب ایک ہی ٹریک پر چلنے والی دو ریل گاڑیاں آپس میں ٹکرا گئیں، ٹرینوں کو حادثہ حیدرآباد کے مکی شاہ تھانے کی حدود خاصخیلی گوٹھ میں پیش آیا۔

    ابتدائی اطلاعات کے مطابق حادثے کے نتیجے میں تین افراد جاں بحق اور متعدد زخمی ہوگئے، حادثے کی اطلاع ملتے ہی ریسکیو ٹیموں نے جائے وقوعہ پر پہنچ کر امدادی سرگرمیاں شروع کردیں۔

    جاں بحق ہونے والوں میں جناح ایکسپریس کا ڈرائیور اور اسسٹنٹ ڈرائیور اور گارڈ بھی شامل ہیں، حادثہ اتنا شدید تھا ٹرینوں کے ٹکرانے کی آواز دور دور تک سنی گئی۔

    حادثے کے بعد ٹرین کے انجن میں آگ لگ گئی جناح ایکسپریس کا انجن مکمل تباہ ہوگیا ،جبکہ ٹرین کی بوگیاں پٹری سے اتر گئیں، حادثے کا شکار مال گاڑی کی دو بوگیاں مکمل اور ایک جزوی طور پر تباہ ہوئی۔

    وزیر ریلوے شیخ رشید نے حیدرآباد ٹرین حادثے کا نوٹس لے کر متعلقہ افسران سے رپورٹ طلب کرلی، انہوں نے ہدایت کی کہ چیف ایگزیکٹو ریلوے فوری طور پر جائے وقوعہ پر جا کر صورتحال کا جائزہ لیں اور زخمیوں کو مکمل طبی سہولتیں فراہم کی جائیں۔

    وزیر ریلوے شیخ رشید احمد نے صحافیوں کو بتایا کہ کسی مسافر کےحادثے میں جاں بحق ہونے کی اطلاع نہیں ہے، تاہم  ڈرائیور، اسسٹنٹ ڈرائیور اور گارڈ کے جاں بحق ہونے کی اطلاع ہے،ایک گھنٹے میں ٹرین حادثے کی ابتدائی تحقیقات سے میڈیا کو آگاہ کریں گے۔

    پولیس اور رینجرز نےجائے حادثہ کی سیکیورٹی سنبھال لی، میونسپل کمشنر اور میئرحیدرآباد بھی جائےحادثہ پہنچ گئے اور امدادی کارروائیوں کا جائزہ لیا۔ ریلوے انتظامیہ کا کہنا ہے کہ گاڑیوں کی آمدورفت معطل ہے، ٹریک بحالی میں بارہ گھنٹے لگیں گے۔

    یاد رہے کہ وزیرریلوے شیخ رشید نے کچھ عرصہ قبل ہی جناح ایکسپریس کا افتتاح کیاتھا، افتتاح کے بعد سےجناح ایکسپریس کو اب تک چار حادثات پیش آچکے ہیں۔

    منگل کو بھی ہڑپہ میں جناح ایکسپریس کی ڈائنگ کار میں آگ لگی تھی، ٹرین کی کراچی بن قاسم اور پڈعیدن میں بھی دو بار بوگیاں جلیں، اس حوالے سے ریلوےذرائع کا کہنا ہے کہ20گریڈ کی سی او پی ایس، سی سی ایم پوسٹ پر19گریڈ کےافسران تعینات ہیں، دونوں عہدوں کے افسران ریلوے آپریشن کے ذمہ دار ہوتے ہیں۔

    ذرائع کے مطابق ناتجربہ کارافسران کی وجہ سےریلوے آپریشن کئی عرصے بری طرح متاثر ہے، چند ماہ میں متعدد گاڑیوں کے پٹری سے اترنے کےواقعات رونما ہوچکے ہیں۔

  • مصر میں ٹرین حادثہ، 24 مسافر ہلاک، وزیر برائے ٹرانسپورٹ مستعفی

    مصر میں ٹرین حادثہ، 24 مسافر ہلاک، وزیر برائے ٹرانسپورٹ مستعفی

    قاہرہ: مصر میں ہولناک ٹرین حادثے کے نتیجے میں 24مسافر ہلاک جبکہ 40 سے زائد افراد زخمی ہوگئے۔

    تفصیلات کے مطابق ملکی دارالحکومت قاہرہ میں ریلوے اسٹیشن پر خطرناک ٹرین حادثے میں چوبیس افراد ہلاک اور درجنوں زخمی ہوگئے۔

    غیر ملکی خبر رساں ادارے کا کہنا ہے کہ حادثے کے بعد ملکی وزیربرائے ٹرانسپورٹ ہشام عرفات نے اپنے عہدے سے استعفیٰ دے دیا۔

    ابتدائی تحقیقات کے مطابق تیزرفتار ٹرین اسٹیشن کے پلیٹ فارم سے ٹکرائی جس کے باعث ریل کے فیول ٹینک میں دھماکا ہوا اور آگ لگ گئی۔

    اس حادثے میں اسٹیشن پر موجود مسافر بھی زخمی ہوئے، جبکہ مصری وزیراعظم مصطفیٰ مدبولی نے ملکی وزیربرائے ٹرانسپورٹ کا استعفیٰ قبول کرلیا۔

    آگ بجھانے والے عملے اور امدادی کارکنوں نے موقع پر پہنچ کر امدادی کارروائیاں شروع کر دیں۔ یہ حادثہ صبح کے وقت ہوا جب گاڑی میں اپنے کام کاج پر جانے والوں کا رش ہوتا ہے۔

    حکام واقعے سے متعلق تحقیقات کررہی ہے، جلد حادثے کے حوالے سے مکمل تفصیلات منظرعام پر آئیں گیں، خصوصی ٹیمیوں نے جائے وقوعہ سے شواہد بھی اکھٹے کیے۔

    خیال رہے کہ گذشتہ سال فروری میں مصر کے شمالی شہر بحریہ میں پیش آنے والے ٹریفک حادثے میں 19 افراد ہلاک ہوگئے تھے، یہ حادثہ مال گاڑی کے مسافر ٹرین سے پیچھے سے ٹکرانے کے نتیجے میں رونما ہوا تھا۔

  • واشنگٹن: تیز رفتار ٹرین پٹری سے اتر گئی، چھ ہلاک 74 زخمی

    واشنگٹن: تیز رفتار ٹرین پٹری سے اتر گئی، چھ ہلاک 74 زخمی

    واشنگٹن : امریکی ریاست واشنگٹن کے شہر ٹاکوما میں ٹرین حادثے میں چھ افراد ہلاک اور74 زخمی ہوگئے۔

    امریکی میڈیا کے مطابق ٹاکوما میں ہائی اسپیڈ ٹرین ٹریک سے اترگئی، حادثے کے سبب مذکورہ ٹرین پل سے گر گئی جس کے سبب متعدد گاڑیاں ہائی وے پرگری ٹرین کی بوگیوں سےٹکراگئیں۔

    حادثے میں 6 افراد ہلاک، 74 زخمی ہوگئے، ریلوے حکام نے واقعے کی تصدیق کردی ہے، حکام کا کہنا ہے کہ ٹرین کو حادثہ واشنگٹن کی پیرس کاؤنٹی میں پیش آیا۔

    اطلاع ملتے ہی ریسکیو ادارے جائے وقوعہ پر پہنچ گئے، حادثے کی جگہ پر امدادی کارروائیاں شروع کر دی گئی ہیں، آخری اطلاعات تک ہلاک و زخمی ہونے والوں کو اسپتال منتقل کیا جارہا تھا۔

     

  • سرگودھا کے قریب ٹرین کے نیچے آکرنوجوان جاں بحق

    سرگودھا کے قریب ٹرین کے نیچے آکرنوجوان جاں بحق

    سرگودھا: صوبہ پنجاب کے شہر سرگودھا کے قریب نوجوان ٹرین کے نیچے آکر جاں بحق ہوگیا۔

    تفصیلات کے مطابق پولیس لائنز کا رہائشی 17 سالہ نوجوان ساحل عمرسرگودھا کے قریب ٹرین کے نیچے آکر جان کی بازی ہار گیا۔ پولیس کا کہنا ہے کہ نوجوان پاؤں پھسلنے سے چلتی ٹرین کے نیچے آکرجاں بحق ہوا۔

    پولیس نے جاں بحق نوجوان کی لاش کو اسپتال منتقل کردیا جہاں قانونی کارروائی کے بعد لاش ورثا کے حوالے کردی جائے گی۔

    خیال رہے کہ رواں سال جنوری میں لودھراں میں اسکول کے بچوں سے بھرے دو چنگ چی رکشا کو ہزارہ ایکسپریس نے روند ڈالا تھا جس کے نتیجے میں 7 بچوں سمیت 9 افراد جاں بحق ہوگئے تھے۔

    لودھراں حادثہ: جاں بحق افراد کی تعداد 9 ہوگئی

    بعدازاں پولیس نے ٹرین ڈرائیور اور پھاٹک کے ذمہ دار ملازم کو حراست میں لے لیا تھا۔

    کراچی: 2 مسافر ٹرینوں میں خوفناک تصادم ، 22 افراد جاں بحق

    واضح رہے گزشتہ سال نومبر میں لانڈھی میں فرید ایکسپریس اور زکریا ایکسپریس میں تصادم کے نتیجے میں 22 افراد جاں بحق اور 60 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹرین حادثات اورحکومت کارویہ انتہائی شرمناک ہے، عمران خان

    ٹرین حادثات اورحکومت کارویہ انتہائی شرمناک ہے، عمران خان

    اسلام آباد: چیئرمین تحریک انصاف عمران خان کا کہنا ہے کہ پہ درپہ ٹرین حادثات حکومتی کی نااہلی کا منہ بولتا ثبوت ہیں، یوں لگتا ہے کہ جیسے ریلوے کے وزیرکا وزارت کے معاملات سے کوئی لینا دینا نہیں ہے۔

    تفصیلات کے مطابق چیئرمین تحریک انصاف عمران خان نے شیخوپورہ ٹرین حادثے میں قیمتی جانوں کے ضیاع پرافسوس کا اظہار کرتے ہوئے کہا ہے کہ ٹرین حادثات اورحکومت کارویہ انتہائی شرمناک ہے، یوں لگتا ہے کہ جیسے ریلوے کے وزیرکا وزارت کے معاملات سےکوئی لینا دینا نہیں ہے۔

    عمران خان نے کہا کہ ریلوے وزیر کبھی ببرشیر سے دھمکاتا ہے اور کبھی ججوں کی تضحیک کرتا ہے، ریلوے کے وزیر کو اپنے محکمے کی حالت دیکھ کرحیا آنی چاہیے،  جب وزیراعظم ہی ہٹ دھرمی سے کام لیں گے تو وزیروں کواخلاقیات کون سکھائے گا ؟

    انکا مزید کہنا تھا کہ حکومت ریلوے کراسنگ پوائنٹس محفوظ نہیں بنا سکتی تو اس سے مزید کس قسم کی کارکردگی کی توقع کی جاسکتی ہے، حادثے کی ذمہ داری چھوٹے ملازم پر ڈال کر بڑے مجرموں کو بچانے کی کوئی کوشش قبول نہیں کی جائے گی۔

    شیخورہ پورہ: ٹرین اور آئل ٹینکر میں تصادم‘ 2افراد جاں‌ بحق‘ 10زخمی

    یاد رہے کہ شیخوپورہ کے قریب لاہور سے کراچی جانے والی شالیمار ایکسپریس رات گئے ریلوے پھاٹک پر کھڑے آئل ٹینکر سے ٹکرا گئی تھی، جس کے باعث انجن اور بوگیوں میں آگ بھڑک اٹھی، حادثے میں ٹرین ڈرائیورعبداللطیف اور اسسٹنٹ ڈرائیور عبدالحمید جاں بحق جبکہ 10مسافر زخمی ہو گئے تھے جبکہ کئی مسافروں نے چھلانگیں لگا کر جانیں بچائیں۔

    ریلوے حکام کے مطابق آئل ٹینکر کے ڈرائیوراور پھاٹک عملےکو پولیس نے حراست میں لے لیا ہے،حادثے کی مکمل تحقیقات کی جائیں گی۔

  • بولان:جعفر ایکسپریس کی کئی بوگیاں اُلٹ گئیں،13جاں بحق،100زخمی

    بولان:جعفر ایکسپریس کی کئی بوگیاں اُلٹ گئیں،13جاں بحق،100زخمی

    کوئٹہ: بلوچستان کے ضلع بولان میں جعفر ایکسپریس کی 4 بوگیاں انجن سمیت پٹری سے اتر گئیں، جس کے نتیجے میں 13 افراد جاں بحق جبکہ 150 سے زائد زخمی ہوگئے۔

    تفصیلات کے مطابق جعفر ایکسپریس کوئٹہ سے راولپنڈی جارہی تھی کہ اچانک ٹرین کی چار بوگیاں انجن سمیت پٹری سے اتر گئیں، جس میں انجن ڈرائیور، فائرمین اور دو پولیس اہلکار موقع پر ہی دم توڑ گئے۔

    حادثہ بولان کے علاقے آب گم میں پیش آیا، کوئٹہ سے راوالپنڈی جانے والی جعفر ایکسپریس ٹرین میں تقریبا 300 مسافر سوار تھے.

    سیکیورٹی فورسز اور امدادی ٹیموں کے اہلکاروں نے جائے حادثہ پر پہنچ کر لاشوں اور زخمیوں کو اسپتال منتقل کیا، ایف سی کوئیک ری ایکشن فورس جائے حادثہ پر پہنچ گئی ہے.

    ریسکیو حکام کا کہنا ہے کہ حادثے کی وجہ سے ایک دوسرے پر گرنے والی بوگیوں کو ہٹانے میں مزید وقت لگ سکتا ہے، ایک مسافر نے بتایا ہے کہ ٹرین تیز رفتاری کے باعث الٹی تھی، ریلوے حکام نے ابھی تک حادثے میں کسی قسم کی تخریبی کارروائی کا امکان ظاہر نہیں کیا۔

  • گوجرانوالہ ٹرین حادثہ ٹریک خراب ہونےسےہوا، تحقیقاتی رپورٹ

    گوجرانوالہ ٹرین حادثہ ٹریک خراب ہونےسےہوا، تحقیقاتی رپورٹ

    گوجرانوالہ : ٹرین حادثے کی ابتدائی تحقیقاتی رپورٹ مکمل کرلی گئی۔ رپورٹ کے مطابق حادثہ ٹریک خراب ہونے کے باعث پیش آیا۔

    گوجرانوالہ میں ٹرین ریلوے ٹریک خراب ہونے کی وجہ سے نہر میں گری۔ تفصیلات کے مطابق ابتدائی تحقیقاتی رپورٹ میں وجہ سامنے آگئی ۔

    سات رکنی مشترکہ تحقیقاتی ٹیم کی ابتدائی رپورٹ کے مطابق حادثہ ٹرین پل ٹوٹنے سے نہیں بلکہ ریلوے ٹریک خراب ہونے کے باعث پیش آیا ۔

    تحقیقاتی رپورٹ کے مطابق ٹریک پر ستر میٹر تک انجن اور بوگیوں کی رگڑ کے نشانات پائے گئے ہیں۔ جائے حادثہ پر پاک فوج کاریسکیو آپریشن بھی مکمل کرلیا گیا ہے۔

    حادثے میں جاں بحق تمام اٹھارہ افرادکی لاشیں نہرسےنکال لی گئی ہیں۔واضح رہے کہ جمعرات کوپنوعاقل سےکھاریاں جانے والی ٹرین گوجرانوالہ کےقریب حادثےکاشکارہوگئی تھی۔ٹرین میں پاک فوج کےدوسوجوان سوارتھے۔