ویڈیو رپورٹ: رانا فاروق عمر
ملتان میں ان دنوں بوگی ریسٹورنٹ کے چرچے ہیں، جہاں شہری کھانے کے ساتھ ساتھ تاریخی مقامات کے نظاروں سے بھی لطف اٹھاتے ہیں۔
ملتان میں پی ایچ اے نے شہر کے وسط گھنٹہ گھر چوک پارک میں ٹرین کی ناکارہ بوگی کو ریسٹورنٹ میں بدل دیا، جہاں شہری نہ صرف ٹرین کے سفر کی یادیں تازہ کرتے ہیں بلکہ لذیذ کھانوں سے بھی لطف اندوز ہوتے ہیں۔
بوگی کی چھت سے ملتان کے تاریخی مقامات گھنٹہ گھر، اولیائے کرام کے مزارات، قلعہ اور دمدمہ کے خوب صورت نظارے بھی کیے جا سکتے ہیں۔
کیفے ماضی، جہاں وائی فائی نہ ہونے کی وجہ حیرت انگیز ہے: ویڈیو رپورٹ
شہری کہتے ہیں بوگی میں بیٹھ کر کھانا کھاتے محسوس ہوتا ہے جیسے وہ ٹرین کا سفر کر رہے ہوں۔ بوگی ریسٹورنٹ ٹھیکے پر لینے والے ٹھیکیدار کا کہنا ہے کہ اس منفرد آئیڈیا کا بہت اچھا ریسپانس مل رہا ہے۔ ملتان کے تاریخی مقامات کی سیر کے لیے آنے والے شہریوں کے لیے بوگی ریسٹورنٹ ایک زبردست پکنک پوائنٹ بن چکا ہے۔