کراچی : پاکستان سے بیرون ملک جانے والے مسافروں کو اب ایک اور شرط کو پورا کرنا لازمی قرار دے دیا گیا ہے،
تفصیلات کے مطابق نادرا کی جانب سے بیرون ملک سفر کرنے والے مسافروں پر نئی سفری پابندی کا اطلاق کردیا گیا ہے۔
اس حوالے سے ائیرلائنز انتظامیہ کو بیرون ممالک کے مسافروں سے پولیو کارڈ چیک کرنے کی ہدایات جاری کی گئی ہیں۔
نادرا حکام نے کراچی سمیت ملک بھر کے تمام ائیرپورٹس اور ائیرلائنز کے متعلقہ افسران کو مذکورہ ہدایات جاری کردی ہیں جس کا اطلاق فوری طور پر ہوگا۔
ہدایات میں کہا گیا ہے کہ بیرون ملک سفرکرنے والے تمام مسافراپڈیٹ آئن لائن پولیو کارڈ اپنے ساتھ رکھیں، ہدایات میں پرانے پولیو کارڈ کی معیاد ختم ہونے پر اپڈیٹ آن لائن پولیو کارڈ کاحصول لازمی قرار دیا گیا ہے۔