ڈی آئی خان : تیز آندھی اور موسلادھار بارش کے باعث ڈیرہ اسماعیل خان میں متعدد درخت اور سولر پینلز اکھڑ گئے۔
اے آر وائی نیوز کی رپورٹ کے مطابق ملک بھر کے دیگر شہروں کی طرح ڈی آئی خان میں بھی تیز آندھی اور موسلادھار باش ہوئی جس کے باعث متعدد اکھڑ گئے۔
آندھی اور بارش شروع ہونے کے کچھ دیر بعد ہی شہر میں بجلی کا نظام درہم برہم ہو گیا، بجلی کے تمام فیڈرز ٹرپ ہوگئے اور بجلی کی فراہمی منقطع ہوگئی جس کے باعث شہر تاریکی میں ڈوب گیا۔
تیز آندھی اور طوفان کے باعث ڈیرہ اسماعیل خان میں متعدد سائن بورڈ اور درخت گرگئے جبکہ پہاڑپور میں آندھی اور بارش سے سولرپینل ٹوٹ گئے۔
رپورٹ کے مطابق سرائے نورنگ میں بارش کے ساتھ ژالہ باری بھی ہوئی، ڈی آئی خان کے ڈسٹرکٹ ہیڈ کوارٹرز اسپتال میں بھی بجلی کی فراہمی معطل ہوگئی جس کے باعث ناتظامیہ کو متعدد آپریشن روکنا پڑے۔