ARYNews.tv | Urdu – Har Lamha Bakhabar

Tag: Trolled

  • بابراعظم غیر ملکی کرکٹر کی ٹرولنگ کا شکار بن گئے

    بابراعظم غیر ملکی کرکٹر کی ٹرولنگ کا شکار بن گئے

    پاکستان کرکٹ ٹیم کے سابق کپتان اور پشاور زلمی کے کپتان بابراعظم کو لاہور قلندرز کے جارح مزاج بیٹر سیم بلنگز کی جانب سے ٹرولنگ کا سامنا کرنا پڑ رہا ہے۔

    پاکستان سپر لیگ (پی ایس ایل) کے 10ویں ایڈیشن میں لاہور قلندرز کی نمائندگی کرنیوالے غیر ملکی بلے باز سیم بلنگز نے گزشتہ روز اپنی انسٹاگرام اسٹوری شیئر کی، جس پر شائقین کرکٹ بھی حیران رہ گئے۔

    سیم بلنگز کی جانب سے اپنے سوشل میڈیا اکاؤنٹ پر شیئر کی گئی پوسٹ میں پی ایس ایل 2025 کی تیز ترین اور سُست ففٹیز کا حوالہ دیا گیا۔ جہاں بابراعظم نے مختصر ترین فارمیٹ میں 47 گیندوں پر نصف سنچری بنائی جبکہ انگلش کرکٹر نے محض 19 گیندوں میں سنچری بنائی۔

    کوئٹہ گلیڈی ایٹرز کے خلاف لاہور قلندرز کے سیم بلنگز نے یہ کارنامہ سرانجام دیا تھا جبکہ بابر نے اسلام آباد یونائیٹڈ کے خلاف پشاور زلمی کیلئے ناپسندیدہ ریکارڈ درج کروایا تھا۔

    واضح رہے کہ انٹرنیشنل کرکٹ کونسل (آئی سی سی) ٹیسٹ رینکنگ میں پاکستان کے سابق کپتان بابر کی تنزلی ہوگئی ہے۔ سابق کپتان رینکنگ میں ٹاپ 20 سے باہر ہوگئے ہیں، 651 ریٹنگ پوائنٹس کے ساتھ وہ 21ویں نمبر پر آگئے ہیں۔

    جنوبی افریقا کے خلاف بابر نے دو ٹیسٹ میچوں کی سیریز کے دوران چار اننگز میں 193 رنز بنائے تھے جس میں تین نصف سنچریاں شامل ہیں۔

    ویسٹ انڈیز کے خلاف ہوم سیریز میں بابر کی کارکردگی اچھی نہیں رہی اور انہوں نے چار اننگز میں صرف 45 رنز بنائے اور ان کی رینکنگ متاثر ہونے میں اہم کردار ادا کیا۔

    محمد رضوان بیٹنگ رینکنگ میں 671 پوائنٹس کے ساتھ 14 ویں پوزیشن پر برقرار ہیں جبکہ سلمان علی آغا اس وقت 32 ویں نمبر پر ہیں۔

    دیگر پاکستانی بلے بازوں میں معمولی بہتری دیکھنے میں آئی۔ شان مسعود 542 پوائنٹس کے ساتھ ایک درجہ ترقی کرکے 46 ویں اور عبداللہ شفیق 520 پوائنٹس کے ساتھ 53 ویں نمبر پر آگئے۔

    بنگلادیش بورڈ نے دورہ پاکستان کے لیے حکومت سے منظوری مانگ لی

    بیٹنگ رینکنگ میں ٹاپ پر انگلینڈ کے جو روٹ بدستور نمبر 1 ٹیسٹ بلے باز ہیں، اس کے بعد ساتھی ہیری بروک دوسرے اور نیوزی لینڈ کے کین ولیمسن تیسرے نمبر پر ہیں۔

  • سرکس کے لیے جوکر ہی چاہیئے: رنویر سنگھ مذاق کا نشانہ بن گئے

    سرکس کے لیے جوکر ہی چاہیئے: رنویر سنگھ مذاق کا نشانہ بن گئے

    معروف بھارتی اداکار رنویر سنگھ آج کل اپنی نئی فلم سرکس کی تشہیر میں مصروف ہیں اور اس دوران وہ ایک بار پھر مداحوں کے مذاق کا نشانہ بن گئے۔

    رنویر سنگھ کی نئی فلم سرکس 23 دسمبر کو ریلیز ہونے جارہی ہے، فلم کو معروف ہدایت کار روہت شیٹھی نے ڈائریکٹ کیا ہے اور فلم میں رنویر سنگھ کے ساتھ جیکولین فرنینڈس، پوجا ہیج اور اجے دیوگن بھی اداکاری کے جوہر دکھا رہے ہیں۔

    فلم کی تشہیر زور و شور سے جاری ہے اور ایسے میں رنویر سنگھ کا انداز ایک بار پھر طنز و مذاق کا نشانہ بن گیا۔

    بھارتی انٹرٹینمنٹ رپورٹر کی جانب سے پوسٹ کردہ ایک ویڈیو میں دیکھا جاسکتا ہے کہ رنویر سنگھ کی ٹیم میں ایک شخص لاؤڈ اسپیکر ساتھ لے کر چل رہا ہے جس پر فلم کا گانا بج رہا ہے۔

     

    View this post on Instagram

     

    A post shared by Viral Bhayani (@viralbhayani)

    رنویر سنگھ اس پر اچھلتے کودتے ناچتے ہوئے وہاں آتے ہیں اور سب سے ملتے ہیں۔

    ان کی اس ویڈیو پر لوگوں نے ان کا مذاق اڑانا شروع کردیا، ایک صارف کا کہنا تھا کہ یہ شخص اوور ایکٹنگ کی ہول سیل دکان ہے۔

    ایک اور سوشل میڈیا صارف نے کہا کہ ڈائریکٹر روہت شیٹھی بھی پریشان ہے کہ کس شخص کو اپنی فلم میں لے لیا، جبکہ ایک اور صارف نے لکھا کہ سرکس نام کی فلم میں کام کرنے کے لیے جوکر ہی چاہیئے تھا، رنویر بالکل صحیح انتخاب ہے۔

  • چھتری خود نہیں اٹھا سکتیں؟ بالی ووڈ اداکارہ لوگوں کے غصے کا شکار

    چھتری خود نہیں اٹھا سکتیں؟ بالی ووڈ اداکارہ لوگوں کے غصے کا شکار

    معروف بالی ووڈ اداکارہ کیارا ایڈوانی اپنی 2 کامیاب فلموں کی ریلیز کے بعد اچانک ہی بھارتی میڈیا کا مرکز بن گئی ہیں، تاہم حال ہی میں سامنے آنے والی ان کی ایک ویڈیو پر مداحوں نے انہیں سخت تنقید کا نشانہ بنایا ہے۔

    سوشل میڈیا پر وائرل ہونے والی ایک ویڈیو میں دیکھا جاسکتا ہے کہ کیارا اپنی گاڑی سے اتر کر شوٹ کے لیے جارہی ہیں، اس موقع پر ان کے باڈی گارڈ نے ان کے لیے چھتری تھام رکھی ہے۔

    کیارا نے ایک ہاتھ میں ایک بیگ تھام رکھا ہے اور ان کا دوسرا ہاتھ خالی ہے، تاہم وہ چھتری لینے سے گریزاں ہیں اور ان کا باڈی گارڈ چھتری تھامے ان کے ساتھ ساتھ چل رہا ہے۔

     

    View this post on Instagram

     

    A post shared by Instant Bollywood (@instantbollywood)

    ان کی اس ویڈیو پر مداحوں نے کیارا پر سخت تنقید کی۔ سوشل میڈیا صارفین کا کہنا تھا کہ مغرور اداکارہ ذرا سی چھتری بھی خود نہیں تھام سکتیں اور اس کے لیے انہوں نے ملازم رکھا ہوا ہے۔

    کیارا ایڈوانی کی حال ہی میں 2 فلمیں بھول بھلیاں 2 اور جگ جگ جیو او ٹی ٹی پلیٹ فارمز پر ریلیز ہوئی ہیں اور دونوں ہی کامیاب ہوئی ہیں۔

  • بیٹی کی تصویر لیک ہونے پر کوہلی کا ردعمل، لیکن مداح ناراض

    بیٹی کی تصویر لیک ہونے پر کوہلی کا ردعمل، لیکن مداح ناراض

    نئی دہلی: بھارتی کرکٹ ٹیم کے کھلاڑی ویراٹ کوہلی اور ان کی اہلیہ اداکارہ انوشکا شرما کی بیٹی وامیکا کی پہلی جھلک منظر عام پر آگئی جس کے بعد جوڑے نے ایک بار پھر میڈیا سے بیٹی کی تصاویر شیئر نہ کرنے کی اپیل کی ہے، تاہم اس بار ٹویٹر صارفین ان کی اس اپیل کو ڈرامہ قرار دے رہے ہیں۔

    2 روز قبل جنوبی افریقہ کے خلاف میچ میں کوہلی نے ففٹی اسکور کی جس کے بعد انہوں نے اپنی اہلیہ اور بیٹی کی طرف اشارہ کیا اور اس لمحے سینکڑوں کیمروں نے کوہلی کی بیٹی کا چہرہ عکس بند کرلیا۔

    جوڑا گزشتہ 1 سال سے اپنی بیٹی کا چہرہ کیمروں اور عام لوگوں سے چھپائے ہوئے تھا اور کئی بار کوہلی نے فوٹوگرافرز سے اپنی بیٹی کی تصاویر نہ کھینچنے کی اپیل بھی کی تھی۔

    اب بچی کی تصویر منظر عام پر آنے کے بعد جوڑے نے ایک بار پھر بیان جاری کرتے ہوئے اپنا مؤقف دہرایا ہے۔

    جوڑے کی جانب سے کہا گیا کہ تصویر ان کی لاعلمی میں کھینچی گئی اور وہ نہیں جانتے تھے کہ کیمرہ اس وقت بچی پر ہے، وہ ایک بار پھر بچی کی تصاویر شیئر نہ کرنے کی اپیل کرتے ہیں۔

    تاہم اس بار ٹویٹر صارفین انہیں بخشنے کو تیار نہیں، ٹویٹر صارفین نے ان کی اپیل کو منافقت اور ڈرامہ قرار دے دیا۔

    ایک ٹویٹر صارف نے لکھا کہ جوڑے نے یہ حرکت جان بوجھ کر کی ہے، اگر وہ اپنی بچی کی تصویر لیک ہونے کے بارے میں اتنے ہی فکر مند تھے تو وہ اسے اسٹیڈیم میں ہی نہ لاتے جہاں سینکڑوں کیمرے موجود تھے۔

    ایک اور صارف نے لکھا کہ یہ کیسے کہا جاسکتا ہے کہ آپ کیمرے سے لاعلم تھے؟ ظاہر سی بات ہے کہ کوہلی نے 50 اسکور کی اس وقت تمام کیمروں کا رخ ان کی طرف تھا، اس وقت انہوں نے اپنی ففٹی کا جشن منایا اور اپنی اہلیہ اور بیٹی کی طرف اشارہ کیا تو لازمی طور پر کیمرے کا رخ بھی وہیں ہوگا جہاں ان کا شارہ تھا۔

    کچھ صارفین تاحال جوڑے کی حمایت کر رہے ہیں اور ان کی پرائیوسی کا احترام کرنے پر زور دے رہے ہیں۔