کراچی: شوبز انڈسٹری کی معروف اداکارہ مائرہ خان نے کہا ہے کہ میں حجاب کرنا چاہتی ہوں لیکن اگر میں نے حجاب کرنے کا فیصلہ کیا تو کیریئر ختم ہوجائے گا۔
اداکارہ مائرہ خان نے حال ہی میں ایف ایچ ایم پوڈکسٹ میں شرکت کی، جہاں اُنہوں نے اپنے کیریئر سمیت مخلتف موضوعات پر گفتگو کی۔
اسی پوڈکاسٹ کا ایک کلپ سوشل میڈیا پر وائرل ہورہا ہے جس میں وہ حجاب اور پاکستانی کلچر کے بارے میں گفتگو کرتے ہوئے نظر آئیں۔
مائرہ خان نے کہا کہ ایک طرف کترینہ کیف بولڈ لباس میں ہیں اور دوسری طرف میں قمیض شلوار میں ملبوس ہوں تو لوگ مجھے چھوڑ کر کترینہ کیف کو دیکھنا پسند کریں گے۔
اداکارہ نے کہا کہ اگر میں قمیض شلوار میں اپنی تصویر پوسٹ کروں گی تو اُس پر چند لائکس آئیں گے جبکہ اگر میں بولڈ لباس میں اپنی تصویر سوشل میڈیا پر پوسٹ کروں گی تو اُس پر 10 ہزار لائکس آئیں گے۔
View this post on Instagram
مائرہ خان نے کہا کہ ہم عرب ممالک کی بات کرتے ہیں، وہاں تو حجاب کا ہی کلچر ہے وہاں ایک نظام ہے کہ چاہے اداکارہ ہو، ماڈل ہو یا اینکر ہو، سب نے لازمی حجاب پہننا ہے یا سر پر ڈوپٹہ ہونا ہے جبکہ ہمارے یہاں پاکستان میں مِکس کلچر ہے۔
اداکارہ نے کہا کہ ہم اداکارائیں ڈراموں میں حجاب نہیں کرسکتیں کیونکہ ڈراموں میں کردار ایسے ہوتے ہیں کہ ہمیں سر سے دوپٹہ اُتارنا پڑتا ہے، میں چاہتی ہوں کہ حجاب کروں لیکن میرا کیرئیر مجھے اس کی اجازت نہیں دیتا۔
اُنہوں نے کہا کہ مجھے معلوم ہے کہ اگر میں نے حجاب کرنے کا فیصلہ کیا تو میرا اداکاری کا کیریئر ختم ہوجائے گا، ہم اداکارائیں بھی مجبور ہوتی ہیں، ہمارے دل میں بھی خوفِ خدا ہے لیکن ہم نے اپنے گھر بھی چلانے ہیں۔
مائرہ خان نے مزید کہا کہ آج کل کوئی بھی عورت نہیں چاہتی کہ گھر سے باہر جائے اور کام کرے، لیکن اگر شوہر اکیلا کمانے والا ہے تو پر باہر جانا پڑتا ہے۔
View this post on Instagram
واضح رہے کہ مائرہ خان اے آر وائی ڈیجیٹل کے رئیلٹی شو ’’تماشہ گھر‘‘ میں گھر کا حصہ رہی ہیں۔
