Tag: Trump order

واشنگٹن: امریکی صدر ڈونلڈ ٹرمپ کا کہنا ہے کہ ملک میں خواتین کھلاڑیوں کے حقوق کیلئے جاری جنگ آج ختم ہوگئی،امریکا میں صرف دو جنس ہیں مرد اور عورت، اس کے علاوہ کوئی تیسری جنس نہیں۔

غیر ملکی ذرائع ابلاغ کے مطابق امریکی صدرڈونلڈ ٹرمپ کا وائٹ ہاؤس میں خطاب کے دوران کہنا تھا کہ خواتین کھلاڑیوں کی جگہ مردوں کو کھیلنے کی اجازت نہیں دے سکتے۔

واضح رہے کہ امریکی صدر آج خواتین کے مقابلوں میں مردوں کی شمولیت کیخلاف ایگزیکٹوآرڈرپردستخط کرینگے۔

اس سے قبل وائٹ ہاؤس کی پریس سیکریٹری کیرولین لیوٹ کا کہنا تھا کہ ٹرمپ نے غزہ میں امریکی فوج تعینات کرنے کا کوئی فیصلہ نہیں کیا۔

اپنے بیان میں ان کا کہنا ہے کہ صدر ٹرمپ کا غزہ میں امریکی فوج بھیجنے کا ارادہ نہیں ہے، صدر ٹرمپ خطے میں استحکام کے لیے غزہ کی تعمیر نو میں امریکا کی شمولیت ضروری سمجھتے ہیں۔

وائٹ ہاؤس کی پریس سیکریٹری کیرولین لیوٹ نے صحافیوں کو بتایا کہ ٹرمپ کا ماننا ہے کہ امریکہ کو خطے میں استحکام کو یقینی بنانے کے لیے غزہ کی تعمیر نو میں شامل ہونا چاہیے۔

انہوں نے کہا کہ اس بات کا مطلب یہ نہیں ہے کہ غزہ میں امریکی فوج تعینات کیے جائے گی۔

لیوٹ نے مزید کہا کہ ٹرمپ چاہتے ہیں کہ غزہ میں رہنے والے فلسطینیوں کو عارضی طور پر منتقل کیا جائے تاکہ اس علاقے کی دوبارہ تعمیر کی جاسکے۔

ٹرمپ نے منگل کو فلسطینیوں کو مستقل طور پر غزہ سے نکال کر دوبارہ بسانے کا مطالبہ کیا تھا، جس پر عالمی سطح پر شدید مذمت کی گئی ہے۔

یاد رہے کہ گزشتہ روز امریکی صدر ٹرمپ اور اسرائیلی وزیر اعظم نیتن یاہو نے مشترکہ پریس کانفرنس کرتے ہوئے کہا تھا کہ ایران پر سخت پابندیاں عائد کریں گے تاکہ وہ کبھی ایٹمی قوت نہ بن سکے۔

اپنے خطاب میں ٹرمپ نے کہا کہ مجھے امید ہے کہ غزہ جنگ بندی معاہدے سے خونریزی ختم ہوجائے گی۔

امریکا سے غیرقانونی مقیم 104 بھارتی ہتھکڑیاں لگا کر ڈی پورٹ

ٹرمپ کا کہنا تھاکہ ہم غزہ کے لوگوں کیلئے ملازمتیں دیں گے، شہروں کو بسائیں گے، غزہ کو دوبارہ تعمیر کرنے اور اس پر قبضہ کرنے کا عمل ان لوگوں کے ذریعے نہیں ہونا چاہیے۔