ARYNews.tv | Urdu – Har Lamha Bakhabar

Tag: Trump

  • دہشت گردی کی روک تھام، امریکا کی پاکستان سے متعلق نئی حکمت عملی زیر غور

    دہشت گردی کی روک تھام، امریکا کی پاکستان سے متعلق نئی حکمت عملی زیر غور

    اسلام آباد: پاکستان میں امریکا کے سابق سفیر کیمرون منٹر کا کہنا ہے کہ امریکا نے سوچا ہے، دہشت گردی کی روک تھام کے لیے اب پاکستان کی سپورٹ نہیں کرنی چاہیے۔

    ان خیالات کا اظہار انہوں نے اسلام آباد میں ایک تقریب سے خطاب کرتے ہوئے کیا، سابق سفیر کیمرون منٹر کا کہنا تھا کہ اب وقت آگیا ہے پاکستان کو مزید گورننس مضبوط کرنی چاہیئے۔

    انہوں نے کہا کہ امریکا نے کافی پیسہ بلوچستان کی ترقی کے لیے دیا ہے، امریکا نے سندھ کو بھی تعلیم کی مد میں کافی پیسہ دیا، سارا پیسہ درست انداز میں استعمال کرنے کی کوشش نہیں کی گئی۔

    ڈونلڈ ٹرمپ نے پاکستان کو دی جانے والی اربوں ڈالرز کی امداد بند کردی

    ان کا مزید کہنا تھا کہ پاکستان کا شہر کراچی امریکا کے لیے معاشی حب تصور کیا جاتا ہے۔

    خیال رہے کہ گذشتہ دنوں امریکی صدر ٹرمپ نے کہا تھا کہ پاکستان ہمارے ساتھ ٹھیک طریقے سے نہیں چل رہا اس لیے پاکستان کے 1.3 ارب ڈالر بند کردی۔

    امریکی صدر ڈونلڈ ٹرمپ نے کایبنہ سمیت ڈیموکریٹ اراکین کانگریس سے ملاقات کے دوران پاکستان کے خلاف ہرزہ سرائی کرتے ہوئے کہا تھا کہ ایسے ملکوں کی امداد بند کررہے ہیں جو ہمیں کچھ نہیں دیتے۔

  • ٹرمپ نے امریکا میں ایمرجنسی نافذ کرنے کی دھمکی دے دی

    ٹرمپ نے امریکا میں ایمرجنسی نافذ کرنے کی دھمکی دے دی

    واشنگٹن : امریکی صدر ڈونلڈ ٹرمپ نے میکسیکو کی سرحد پر دیوار کی تعمیر کےلیے فنڈنگ سے انکار پر ایک مرتبہ پھر ایمرجنسی نافذ کرنے کا عندیہ دے دیا۔

    تفصیلات کے مطابق امریکی صدر ڈونلڈ ٹرمپ اور کانگریس کے درمیان گزشتہ ایک ماہ میکسیکو کی سرحد پر دیوار کی تعمیر کے سلسلے میں فنڈنگ کے معاملے پر ڈیڈ لاک چل رہا ہے جس کے باعث امریکی خفیہ ایجنسی ایف بی آئی سمیت کئی اداروں شٹ ڈاؤن کا شکار ہوگئے ہیں۔

    غیر ملکی خبر رساں ادارے کا کہنا ہے کہ ڈونلڈ ٹرمپ نے عندیہ دیا ہے کہ وہ ملک میں ہنگامی حالت نافذ کرکے کانگریس کی حمایت و توثیق کے بغیر ہی میکسیکو کی سرحد سے غیر قانونی مہاجرین کی آمد کا سلسلہ روکنے کےلیے دیوار کی تعمیر کےلیے رقم وصول کرسکتے ہیں۔

    یاد رہے کہ امریکی صدارتی انتخابات کی مہم کے دوران ڈونلڈ ٹرمپ کی جانب سے میکسیکو کی سرحد پر دیوار تعمیر کرنا اہم وعدوں میں شامل تھا۔

    مزید پڑھیں : امریکی صدرڈونلڈٹرمپ کا میکسیکو کے ساتھ سرحد کا دورہ

    خیال رہے کہ گزشتہ روز امریکی صدر ڈونلڈٹرمپ نے میکسیکو کے ساتھ سرحد کا دورہ کیا تھا، اس دوران انہیں بارڈر پٹرول سیکیورٹی اہلکاروں کی جانب سے بریفنگ دیتے ہوئے بتایا گیا تھا کہ ایک روز قبل 450 سے زائدغیرقانونی تارکین وطن کوگرفتارکیا، گرفتار تارکین وطن میں سے بیشتر کا تعلق وسطی امریکی ممالک سے ہے۔

    ڈونلڈ ٹرمپ کو دی جانے والی بریفنگ میں بتایا گیا کہ گرفتار ہونے والوں میں 133 کا تعلق ایشیائی اور دیگر ممالک سے ہے، گرفتار افراد 41 مختلف ممالک سے تعلق رکھتے ہیں۔

    بارڈرپٹرول ایجنٹ نے بتایا کہ پاکستانی، بھارتی اورچینی تارکین وطن کو بھی گرفتارکیا گیا، امریکی صدر نے سوال کیا کہ کتنے پاکستانی گرفتار کیے؟جس پر بارڈرپٹرول ایجنٹ نے جواب دیا کہ 2 پاکستانی میکسیکوسرحد سے حراست میں لیے گئے۔

  • امریکا میں شٹ ڈاؤن، تفتیشی ادارہ ایف بی آئی بھی لپیٹ میں آگیا

    امریکا میں شٹ ڈاؤن، تفتیشی ادارہ ایف بی آئی بھی لپیٹ میں آگیا

    واشنگٹن: امریکا میں شٹ ڈاؤن کے باعث تفتیشی ادارہ ایف بی آئی بھی متاثر ہونے لگا، ملازمین تنخواہوں سے محروم ہوگئے۔

    تفصیلات کے مطابق شٹ ڈاؤن کے نتیجے میں ایف بی آئی ایجنٹس تنخواہوں سے محروم ہیں، انتظامیہ نے معاملات فوری حل کرنے پر زور دیا ہے۔

    غیر ملکی خبر رساں ادارے کے مطابق ایف بھی آئی ایجنٹس نے مطالبہ کیا ہے کہ منتخب نمائندے تنخواہوں کی ادائیگی کو یقینی بنائیں۔

    ایف بی آئی ایجنٹس کی جانب سے وائٹ ہاؤس اور امریکی کانگریس کو پٹیشن ارسال کردی گئی، پٹیشن میں مطالبہ کیا گیا ہے کہ ایف بی آئی آپریشنز کے لیے فنڈنگ درکار ہے، فنڈ کی ترسیل کے لیے فوری اقدامات کیے جائیں۔

    مالی مشکلات سے فرائض کی انجام دہی میں مشکلات ہیں، مالی مشکلات کے باعث ایف بی آئی منصوبے جاری نہیں رکھ پارہی، تنخواہیں ادا نہ کیں نوکریاں چھوڑنے پر مجبورہوں گے۔

    حکومتی شٹ ڈاؤن: مذاکرات ناکام، ٹرمپ برہمی کا اظہار کرتے ہوئے مذاکرات چھوڑ کر اٹھ گئے

    امریکی صدر ڈونلڈ ٹرمپ اور ڈیموکریٹس ارکان کانگریس کے درمیان حکومت شٹ ڈاؤن سے متعلق مذاکرات گذشتہ روز ناکام ہوگئے تھے۔

    امریکی صدر ڈونلڈ ٹرمپ ڈیموکریٹس ارکان کانگریس سے مذاکرات کے دوران برہم ہوگئے اور میز پر زوردار ہاتھ مار کر مذاکرات چھوڑ کر چلے گئے تھے۔

    خیال رہے کہ گذشتہ روز ڈیموکریٹ ارکان کانگریس اور کانگریس کی اسپیکر نینسی پلوسی نے امریکی صدر ٹرمپ کو بحران کا ذمہ دار قرار دیا تھا۔

    واضح رہے کہ امریکی صدر ڈونلڈ ٹرمپ نے سرحدی دیوار سے متعلق اپنے خطاب میں کہا تھا کہ فیڈرل حکومت میں شٹ ڈاؤن رہے گا کیونکہ ڈیموکریٹس فنڈز فراہم نہیں کررہے۔

  • حکومتی شٹ ڈاؤن: مذاکرات ناکام، ٹرمپ برہمی کا اظہار کرتے ہوئے مذاکرات چھوڑ کر اٹھ گئے

    حکومتی شٹ ڈاؤن: مذاکرات ناکام، ٹرمپ برہمی کا اظہار کرتے ہوئے مذاکرات چھوڑ کر اٹھ گئے

    واشنگٹن: امریکی صدر ڈونلڈ ٹرمپ اور ڈیموکریٹس ارکان کانگریس کے درمیان حکومت شٹ ڈاؤن سے متعلق مذاکرات ناکام ہوگئے۔

    تفصیلات کے مطابق امریکی صدر ڈونلڈ ٹرمپ ڈیموکریٹس ارکان کانگریس سے مذاکرات کے دوران برہم ہوگئے اور میز پر زوردار ہاتھ مار کر مذاکرات چھوڑ کراٹھ گئے۔

    غیر ملکی خبر رساں ادارے کے مطابق مذاکرات کی ناکامی کے بعد صحافیوں سے گفتگو کرتے ہوئے صدر ٹرمپ کا کہنا تھاکہ رکن کانگریس چک شومر اور ہاؤس اسپیکر نینسی پلوسی سے مذاکرات وقت ضائع کرنے کے مترادف ہے۔

    انہوں نے کہا کہ ہاؤس اسپیکر حکومتی شٹ ڈاؤن ختم کیے بغیر مطالبات سننا نہیں چاہتیں، میں نے نینسی سے کہا اگرشٹ ڈاؤن ختم کروں تو دیوار کی منظوری دیں گے؟

    امریکا میکسیکو سرحدی دیوار، اپوزیشن ارکان کا ٹرمپ کو کرارا جواب

    جواب میں ہاؤس اسپکر نینسی پلوسی نے دیوار کی منظوری دینے سے انکار کردیا، جس کے بعد میں نے کہا ’الوداع، بائے بائے‘۔

    امریکی صدر کا کہنا تھا کہ ری پبلکن دیوار بنانے کے معاملے پر متحد ہیں، میں ملک میں ایمرجنسی بھی لگا سکتا ہوں۔

    دوسری جانب نائب امریکی صدر مائیک پینس کا کہنا ہے کہ ٹرمپ واضح کرچکے ہیں دیوار کے بغیر کوئی معاہدہ نہیں ہوگا، ڈیموکریٹس شٹ ڈاؤن ختم ہوئے بغیر مذاکرات نہیں کرنا چاہتے۔

    خیال رہے کہ گذشتہ روز ڈیموکریٹ ارکان کانگریس اور کانگریس کی اسپیکر نینسی پلوسی نے امریکی صدر ٹرمپ کو بحران کا ذمہ دار قرار دے دیا تھا۔

    واضح رہے کہ امریکی صدر ڈونلڈ ٹرمپ نے سرحدی دیوار سے متعلق اپنے خطاب میں کہا تھا کہ فیڈرل حکومت میں شٹ ڈاؤن رہے گا کیونکہ ڈیموکریٹس فنڈز فراہم نہیں کررہے۔

  • ٹرمپ کا سرحدی بحران کے خاتمے کے لیے فنڈنگ کا مطالبہ

    ٹرمپ کا سرحدی بحران کے خاتمے کے لیے فنڈنگ کا مطالبہ

    واشنگٹن : ڈونلڈ ٹرمپ نے قوم سے خطاب میں کہا کہ ’میں نے امریکی عوام کی حفاظت کی قسم کھائی تھی‘ ڈیموکریٹس میکسیکو سرحد پر دیوار کی تعمیر کےلیے فنڈنگ کےلیے راضی ہوجائیں۔

    تفصیلات کے مطابق امریکا میں میکسیکو سرحد پر دیوار کی تعمیر کا معاملہ مزید شدت اختیار کرگیا، امریکی صدر نے نشریاتی اداروں کے ذریعے قوم سے خطاب کرتے ہوئے کہا کہ جنوبی بارڈر پر دیوار نہ ہونے سے جرائم پیشہ افراد امریکا میں داخل ہورہے ہیں۔

    ڈونلڈ ٹرمپ نے اپنے خطاب میں کہا کہ جنوبی بارڈر پر دیوار کی تعمیر امریکا کی قومی سلامتی کے لیے انتہائی ضروری ہے، دیوار کی تعمیر سے امریکا میں بڑھتے ہوئے جرائم کا خاتمہ کیا جاسکتا ہے۔

    ان کا کہنا تھا کہ ڈیموکریٹس نے میکسیکو سرحد پر دیوار کی تعمیر کےلیے فنڈنگ سے مسلسل انکار کررہے ہیں، مسئلے کے حل کے لیے ڈیموکریٹس کو آج وائٹ ہاوس طلب کیا ہے۔

    امریکی صدر کا کہنا تھا کہ میکسیکو سرحد پر دیوار کی تعمیر کا مسئلہ 45 منٹ میں حل ہوسکتا ہے۔

    دوسری جانب ڈیموکریٹس کے رہنماؤں نے ٹرمپ کے بیان پر رد عمل دیتے ہوئے کہا کہ ’ٹرمپ نے امریکی عوام کو یرغمال بنایا ہوا ہے‘۔

    سینیٹر چک شومر نے کہا کہ ڈونلڈ ٹرمپ نے زبردستی ملک میں بحران پیدا کررہے ہیں، نینسی پیلوسی اور چک شومر نے مطالبہ کیا کہ ڈونلڈ ٹرمپ فوری طور پر شٹ ڈاؤن ختم کریں۔

    مزید پڑھیں : میکسیکو سرحد پر دیوار کی تعمیر کیلئے ملک میں ایمرجنسی نافذ کرسکتا ہوں: ڈونلڈ ٹرمپ

    یاد رہے کہ 5 جنوری کو امریکی صدر ڈونلڈ ٹرمپ نے دھمکی دی تھی کہ میکسیکو سرحد پر دیوار کی تعمیر کے لئے ملک میں ایمرجنسی کا نفاذ بھی کرسکتا ہوں۔

    مزید پڑھیں : امریکی حکومت کا شٹ ڈاؤن، آٹھ لاکھ ملازمین بے روزگار

    خیال رہے کہ امریکا کے جنوبی بارڈر پر دیوار کی تعمیر کےلیے 5 ارب ڈالر سے زائد کے مطالبے سے پیدا ہونے والے تنازعے نے حکومت کے مختلف شعبوں کو گزشتہ 18 دنوں سے شٹ ڈاؤن کا سامنا ہے۔

  • ایران مشرقی وسطیٰ کے لیے خطرہ، امریکا نے دباؤ بڑھا دیا

    ایران مشرقی وسطیٰ کے لیے خطرہ، امریکا نے دباؤ بڑھا دیا

    واشنگٹن: امریکی حکام نے ایران کو مشرقی وسطیٰ کے لیے خطرہ قرار دیتے ہوئے اس پر دباؤ مزید بڑھا دیا۔

    تفصیلات کے مطابق امریکی حکام نے موقف اختیار کیا ہے کہ مشرقی وسطیٰ کے خطے کو دہشت گرد تنظیم داعش اور ایران سے خطرات لاحق ہیں۔

    غیر ملکی خبر رساں ادارے کے مطابق امریکی وزیر خارجہ مائیک پومپیو کا کہنا ہے کہ ٹرمپ انتظامیہ ایران پر اپنا دباؤ بڑھانے کے لیے کوشاں ہے، ایرانی پالیسی پر نظر رکھے ہوئے ہیں۔

    انہوں نے کہا کہ امریکا تہران میں ایرانی قیادت پر اپنا سفارتی اور تجارتی دباؤ دوگنا کر دینے کی کوششیں کر رہا ہے، تاکہ ایران اپنی سرگرمیوں سے باز آجائے۔

    امریکی وزیرخارجہ کا کہنا تھا کہ شام سے امریکی فوجی انخلاء کے فیصلے سے مشرق وسطیٰ میں خطرات کا تدارک کرنے کی کوششیں متاثر نہیں ہوں گی۔

    پومپیو نے امریکی صدر ڈونلڈ ٹرمپ کے شام سے فوجیوں کے انخلا کے فیصلے کو مناسب نہیں سمجھا، ان کا کہنا تھا کہ اس فیصلے سے شام میں دہشت گردی کے خلاف مشن متاثر ہوسکتا ہے۔

    امریکی وزیرخارجہ جلد مشرقی وسطیٰ اور خلیجی عرب ممالک کا دورہ کریں گے

    خیال رہے کہ امریکی وزیرخارجہ مائیک پومپیو جلد مشرقی وسطیٰ اور خلیجی عرب ممالک کا دورہ کریں گے، اس موقع پر علاقائی سالمیت اور خطے سے دہشت گردی کے خاتمے پر زور دیا جائے گا۔

    واضح رہے کہ گذشتہ دنوں امریکی سیکریٹری خارجہ مائیک پومپیو نے کہا تھا کہ ایران بین البراعظمی بیلسٹک میزائل چھوڑنے کی تیاری کررہا ہے، ایران کو عالمی امن خطرے میں ڈالنے کی اجازت نہیں دیں گے۔

  • شام سے امریکی فوج کا انخلا، وائٹ ہاؤس کا اہم بیان سامنے آگیا

    شام سے امریکی فوج کا انخلا، وائٹ ہاؤس کا اہم بیان سامنے آگیا

    واشنگٹن: امریکی صدر ڈونلڈ ٹرمپ کے شام سے امریکی فوج کے انخلا کے اعلان پر وائٹ ہاؤس کا بھی اہم بیان سامنے آگیا۔

    تفصیلات کے مطابق امریکی وائٹ ہاؤس کا کہنا ہے کہ صدر ٹرمپ کا شام سے فوجیوں کے انخلا کا بیان حتمی ہے، اس موقف سے پیچھے نہیں ہٹیں گے۔

    غیر ملکی خبر رساں ادارے کے مطابق وائٹ ہاؤس کی جانب سے جاری کردہ بیان میں کہا گیا ہے کہ امریکی صدر ڈونلڈ ٹرمپ کا جنگ زدہ ملک شام سے متعلق موقف تبدیل نہیں ہوا، فوج کی واپسی یقینی بنائیں گے۔

    امریکی محکمہ دفاع اس جنگ زدہ ملک سے امریکی فوجی دستوں کی محفوظ واپسی کا ایک منصوبہ تیار کررہا ہے، جلد عملی شکل تیار کرلی جائے گی۔

    ڈونلڈ ٹرمپ نے سماجی رابطے کی ویب سایٹ پر یکم جنوری کو ٹویٹ کیا تھا کہ ’ہم اپنے فوجیوں کو اپنے فوجیوں کو ان کے اہل خانہ کے پاس آہستہ آپستہ گھر بھیجیں گے۔

    شام سے امریکی افواج کی واپسی سے متعلق ٹرمپ کا اہم بیان سامنے آگیا

    امریکی صدر کا کہنا تھا کہ فوجی اہلکار انخلاء کے ساتھ ساتھ بیک وقت داعش نے لڑتے بھی رہیں گے۔

    یاد رہے کہ ڈونلڈ ٹرمپ نے 19 دسمبر کو اعلان کیا تھا کہ ہم نے داعش کو شکست دے دی، اور آئندہ 30 دنوں میں امریکی فورسز شام سے نکل جائیں گی۔

    واضح رہے کہ 24 دسمبر کو امریکی حکام نے خانہ جنگی کا شکار ملک شام سے امریکی فوجیوں کے انخلاء کے حکم نامے پر مستعفی ہونے والے وزیر دفاع جیمز میٹس کے دستخط کرنے کی تصدیق کی تھی۔

  • ٹرمپ کے خلاف تقریر، کانگریس کی رکن راشیدہ طلیب کو تنقید کا سامنا

    ٹرمپ کے خلاف تقریر، کانگریس کی رکن راشیدہ طلیب کو تنقید کا سامنا

    واشنگٹن : صدر ٹرمپ کے مواخذے کا اعلان کرنے والی کانگریس کی پہلی مسلمان خاتون رکن راشیدہ طلیب کو اپنی تقریر پر تنقید کا سامنا کرنا پڑ رہا ہے۔

    تفصیلات کے مطابق امریکی کانگریس کی رکن منتخب ہونے والے پہلی مسلمان خاتون راشیدہ طلیب نے ڈونلڈ ٹرمپ کے مواخذے کے عزم کا اظہار کرتے ہوئے صدر ٹرمپ کو امریکا کے لیے بڑا خطرہ قرار دیا تھا۔

    اے آر وائی نیوز کے نمائندے کا رپورٹ میں کہنا تھا کہ راشیدہ طلیب نے دوران تقریر امریکی صدر ڈونلڈ ٹرمپ کےلیے نامناسب اور بداخلاقی پر مبنی الفاظ کا استعمال بھی کیا تھا جس کی وجہ سے انہیں شدید تنقید کا سامنا کرنا پڑ رہا ہے۔

    راشیدہ طلیب نے دوران تقریر کہا کہ ’جب آپ سچ بولتے ہیں تو لوگ آپ سے محبت کرتے ہیں اور آپ کو منتخب کرتے ہیں، آپ جیتے ہیں تو آپ کا بیٹا کہتا ہے کہ ماما آپ جیت گئیں اور اگر آپ جیت نہیں سکتے تو ہم کہتے ہیں کہ بے بی جیت نہیں سکتے ہم ان کا مواخذہ کریں گے‘۔

    دوسری جانب امریکی صدر ڈونلڈ ٹرمپ نے راشیدہ طلیب کی تقریر پر رد عمل دیتے ہوئے کہا کہ ’وہ ایسی شخصیت ہیں جن کو میں نہیں جانتا شاید آپ جانتے ہوں، میرے خیال میں انہوں نے نامناسب الفاظ کا استعمال کرکے اپنی اور اپنے خاندان کی توہین کی ہے‘۔

    صدر ٹرمپ نے کہا کہ ’راشیدہ طلیب نے اپنے بیٹے اور ان تمام لوگوں کے سامنے جو وہاں موجود تھے ایسی زبان استعمال کرنا ان کی اور ان کے خاندان کی توہین ہے اور میرے خیال میں وہ امریکا کی بھی عزت نہیں کرتیں‘۔

    امریکی صدر کی جانب سے رد عمل دینے پر راشیدہ طلیب نے سماجی رابطے کی ویب سایٹ پر ٹویٹ کرتے ہوئے کہا کہ وہ ہمیشہ سچ کی طاقت کے ساتھ بولیں گی۔

    راشیدہ طلیب نے امریکی خبر رساں ادارے کے لیے لکھی گئی تحریر میں کہا تھا کہ ’صدر ٹرمپ روزانہ امریکی آئین اور جمہوریت پر حملہ کرتے ہیں، ہر گزرتا دن مزید درد لے کر آتا ہے اس لیے صدر ٹرمپ کا مواخذہ ہونا ضروری ہے‘۔

    غیر ملکی میڈیا کا کہنا تھا کہ امریکی کانگریس کی اسپیکر نینسی پیلوسی نے راشیدہ طلیب کا خطاب جس میں انہوں نے ٹرمپ کے لیے نامناسب الفاظ کا استعمال کیا نظر کردیا۔

    نینسی پیلوسی کا کہنا تھا کہ انہوں نے ایسی زبان استعمال نہیں کی اس کے باوجود ٹرمپ نے انہیں بدترین کہا۔

  • میکسیکو سرحد پر دیوار کی تعمیر کیلئے ملک میں ایمرجنسی نافذ کرسکتا ہوں: ڈونلڈ ٹرمپ

    میکسیکو سرحد پر دیوار کی تعمیر کیلئے ملک میں ایمرجنسی نافذ کرسکتا ہوں: ڈونلڈ ٹرمپ

    واشنگٹن: امریکی صدر ڈونلڈ ٹرمپ نے دھمکی دی ہے کہ میکسیکو سرحد پر دیوار کی تعمیر کیلئے ملک میں ایمرجنسی کا نفاذ بھی کرسکتا ہوں۔

    تفصیلات کے مطابق امریکی صدر نے ایک مرتبہ پھر حکومتی شٹ ڈاؤن ختم کرنے سے انکار کردیا، اپنے دھمکی آمیز بیان میں کہا ہے کہ ملک میں ایمرجنسی کا نفاذ بھی ممکن ہے۔

    ڈیموکریٹس اراکین کانگریس سے ملاقات کے بعد میڈیا سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ ایمرجنسی لگا کر میسکیو سرحد پر دیوار کی تعمیر کا حکم نامہ جاری کرسکتا ہوں۔

    انہوں نے کہا کہ ابھی ایمرجنسی لگائی نہیں جلد لگا سکتا ہوں، مذاکرات کے ذریعے میکسیکو سرحد پر دیوار تعمیر ہوجائے تو اچھی بات ہے۔

    صدر ٹرمپ کا کہنا تھا کہ میں کسی کو دھمکی نہیں دے رہا، مجھے دھمکی دینے کی اجازت ہے، دیوار کی تعمیر کے لیے سرحد پر موجود نجی زمینوں پر قبضہ بھی کیا جاسکتا ہے۔

    امریکی صدر ڈونلڈ ٹرمپ نے میکسیکو بارڈر بند کرنے کی دھمکی دے دی

    ان کا مزید کہنا تھا کہ ملٹری قوانین کے تحت کسی کی بھی زمینوں پر قبضہ کیا جاسکتا ہے۔

    خیال رہے کہ گذشتہ دنوں امریکی صدر ڈونلڈ ٹرمپ نے خبردار کیا تھا کہ اگر میکسیکو سرحد پر دیوار تعمیر کرنے کے لیے فنڈ جاری نہ کیے گئے تو سرحد بند کردی جائے گی۔

    واضح رہے کہ میکسیکو سرحد پر دیوار کی تعمیر کے لیے فنڈ کی مد میں 23 بلین ڈالر درکار ہے، جبکہ صدر ٹرمپ نے فنڈ نہ ملنے کی صورت میں بارڈر بند کرنے کی دھمکی دیتے ہوئے ذمہ دار کانگریس کو قرار دیا ہے۔

  • کم جونگ اُن کا خط موصول، ٹرمپ ملاقات کے لیے راضی ہوگئے

    کم جونگ اُن کا خط موصول، ٹرمپ ملاقات کے لیے راضی ہوگئے

    واشنگٹن: امریکی صدر ڈونلڈ ٹرمپ شمالی کوریا کے رہنما کم جونگ اُن کا خط موصول ہونے کے بعد ملاقات کے لیے راضی ہوگئے۔

    تفصیلات کے مطابق وائٹ ہاؤس میں صحافیوں سے گفتگو کرتے ہوئے امریکی صدر کا کہنا تھا کہ شمالی کوریا جوہری ہتھیار تلف کرتا ہے تو مذاکرات کے لیے تیار ہیں۔

    انہوں نے کہا کہ انہیں شمالی کوریا کے رہنما کم جونگ اُن کا خط موصول ہوا جس میں ملاقات کی خواہش کا اظہار کیا گیا ہے۔

    ڈونلڈ ٹرمپ کا کہنا تھا کہ شمالی کوریا کو جوہری ہتھیاروں سے پاک کرنا ان کی پالیسی کا حصہ ہے، اگر شمالی کوریا اپنے جوہری ہتھیاروں دستبردار ہونے پر آمادہ ہے تو وہ مذاکرات کرنے کیلئے تیار ہیں۔

    امریکی صدر نے کم جونگ ان سے جلد ملاقات کا عندیہ دیا ہے۔

    خیال رہے کہ گذشتہ دنوں شمالی کوریا کے سربراہ کم جونگ ان نے ایک بار پھر دھمکی دی تھی کہ اگر امریکی اقتصادی پابندیاں مسلسل جاری رہیں تو وہ دوبارہ جوہری پروگرام شروع کردیں گے۔

    امریکی پابندیاں، شمالی کوریا کی جوہری پروگرام دوبارہ شروع کرنے کی دھمکی

    انہوں نے کہا تھا کہ ہم خطے سے جوہری تنصیبات کا خاتمہ کرچکے ہیں، نہیں چاہتے دوبارہ نیوکلیئر پروگرام شروع کریں، امریکا کا رویہ ایسا ہی رہا تو ہم جوہری ہتھیاروں کا سلسلہ دوبارہ شروع کردیں گے۔

    واضح رہے کہ جون 2018 میں سنگاپور کے جزیرے سینٹوسا میں امریکی صدر ڈونلڈ ٹرمپ اور جنوبی کوریا کے سربراہ کم جونگ اُن کے درمیان ون آن ون تاریخی ملاقات جزیرہ سینٹوسا کے کیپیلا ہوٹل میں ہوئی تھی، دونوں رہنماؤں کی جانب سے مثبت تاثر سامنے آیا تھا۔

    بعد ازاں امریکی صدر ڈونلڈ ٹرمپ نے میڈیا سے گفتگو کرتے ہوئے کہا تھا کہ شمالی کوریا کے سربراہ کم جونگ ان کو وقت آنے پر وائٹ ہاؤس ضرور بلاؤں گا۔