ARYNews.tv | Urdu – Har Lamha Bakhabar

Tag: Trump

  • امریکی صدرٹرمپ نے ٹیکساس چرچ پر حملہ کرنے والے کو ذہنی مریض قرار دیدیا

    امریکی صدرٹرمپ نے ٹیکساس چرچ پر حملہ کرنے والے کو ذہنی مریض قرار دیدیا

    ٹوکیو : امریکی صدرٹرمپ نے ٹیکساس چرچ پر حملہ کرنے والے کو ذہنی مریض قرار دیدیا۔

    تفصیلات کے مطابق امریکی صدرٹرمپ نے ٹوکیو میں پریس کانفرنس کرتے ہوئے کہا کہ ٹیکساس میں چرچ پر حملہ کرنے والے شخص ذہنی مریض لگتاہے ، فائرنگ واقعےکاہتھیاروں کےعام ہونے سے تعلق نہیں، ابتدائی رپورٹس کے مطابق کافی عرصے سے یہ بہت سے مسائل کے ساتھ ساتھ ایک ناپسندید شخص تھا۔

    ٹرمپ نے کہا کہ دوسرے ممالک کی طرح ہمارے ملک میں اس قسم کے ذہنی مسائل بہت زیادہ ہیں لیکن یہ ایک دہشت گرد حملہ نہیں تھا، خوش قسمتی سے کسی اور کے پاس ایک بندوق تھی جو مخالف سمت میں گولی مار رہا تھا، ورنہ اس سے بھی کہیں زیادہ صورتحال خراب ہوتی۔

    امریکی صدر نے اس "خوفناک حملہ” کے متاثرین سے گہرے افسوس کا اظہار کیا اور کہا کہ زخمیوں اور متاثرین کے خاندانوں کے لئے دعا گو ہیں، آپ کے غم میں برابر کے شریک ہیں۔

    انکا کہنا تھا کہ اس المناک واقعے کے بعد تمام امریکی ایک ساتھ ہیں کیونکہ جب ہم متحد ہونگے تو ہم ہمیشہ طاقتور ہونگے۔

    اس سے قبل سماجی رابطے کی ویب سائٹ ٹوئٹر پر اپنے پیغام میں ٹیکساس میں ہونے والی ہلاکتوں پر افسوس کا اظہار کرتے ہوئے کہا تھا کہ خدا! سدرلینڈ اسپرنگز کے لوگوں کی حفاظت فرما، ایف بی آئی اور قانون نافذ کرنے والے موقع پر موجود ہیں اور میں تمام تر صورتحال پر نظر رکھے ہوئے ہیں۔

    صدر ٹرمپ نے کہا کہ اس دکھ اور درد کو لفظوں میں بیان نہیں کیا جا سکتا۔

    مزید پڑھیں : امریکی ریاست ٹیکساس کے چرچ میں فائرنگ‘ 27 افراد ہلاک

    یاد رہے کہ امریکی ریاست ٹیکساس کی ولسن کاؤنٹی میں سدرلینڈ اسپرنگز کے فرست بیپٹسٹ چرچ میں مسلح شخص کی فائرنگ سے 27 افراد ہلاک جبکہ پولیس کی جوابی فائرنگ  میں حملہ آوربھی مارا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈونلڈ ٹرمپ کے ذاتی طیارے کی سیر کریں

    ڈونلڈ ٹرمپ کے ذاتی طیارے کی سیر کریں

    واشنگٹن: امریکا کے ارب پتی صدر ڈونلڈ ٹرمپ بے تحاشہ دولت کے مالک ہیں۔ امریکی میڈیا کے مطابق ڈونلڈ ٹرمپ کے اثاثوں کی مالیت 4 ارب کے قریب ہے لیکن ٹرمپ نے ایک بار خود بتایا کہ ان کے کل اثاثوں کی مالیت 10 ارب ڈالر ہے۔

    امریکا کے مختلف مقامات پر کئی عمارات ٹرمپ کی ملکیت ہیں جو یا تو ان کی ذاتی عمارت ہے اور اس کا نام ٹرمپ ٹاور یا بلڈنگ رکھا گیا ہے، یا ان عمارات میں ٹرمپ نے کثیر سرمایہ کاری کر رکھی ہے۔

    اسی طرح ٹرمپ کے پاس ایک ذاتی طیارہ بھی ہے جو نہایت عالیشان اور پرتعیش ہے۔ گو کہ صدر بننے کے بعد اب وہ سرکاری طیارے میں سفر کرتے ہیں تاہم ان کا ذاتی طیارہ فی الحال ان کے خاندان کے دیگر افراد کے زیر استعمال ہے۔

    ٹرمپ اپنے جہاز کو ’ٹی برڈ‘ کہہ کر پکارتے ہیں۔ آئیے آج ہم آپ کو ٹرمپ کے نجی طیارے کی سیر کرواتے ہیں جسے دیکھ کر آپ دنگ رہ جائیں گے۔

    طیارے میں سفر کے دوران ٹرمپ اور ان کا خاندان کسی بھی فلم سے لطف اندوز ہوسکتا ہے۔

    طیارے میں جا بجا سونے کا استعمال بھی کیا گیا ہے جن سے سیٹ بیلٹس اور نلکے وغیرہ تیار کیے گئے ہیں۔

    ٹرمپ نے اپنے طیارے کو پرآسائش اشیا کے ساتھ جدید ٹیکنالوجی سے بھی مزین کر رکھا ہے۔

    اس طیارے کی کل مالیت 10 کروڑ ڈالرز ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • داعش کوامریکا میں داخل نہیں ہونے دیں گے، امریکی صدر ٹرمپ

    داعش کوامریکا میں داخل نہیں ہونے دیں گے، امریکی صدر ٹرمپ

    واشنگٹن : امریکی صدر ڈونلڈ ٹرمپ نے مین ہٹن حملے پر افسوس کا اظہار کرتے ہوئے اسے پاگل پن قرار دیتے ہوئے کہا کہ داعش کوامریکا میں داخل نہیں ہونے دیں گے۔

    تفصیلات کے مطابق امریکی صدر ٹرمپ نے سماجی رابطے کی ویب سائٹ ٹوئٹر پر اپنے پیغام میں نیویارک کے علاقے مین ہیٹن حملے کی مذمت کرتے ہوئے کہا سیکیورٹی ادارےواقعےکی باریک بینی سےتحقیقات کررہےہیں، امریکا میں ایسے واقعات نہیں ہونے دیں گے۔

    ٹرمپ نے اپنے ٹوئٹ میں کہا کہ داعش کومشرق وسطیٰ ودیگرجگہوں پرشکست دی،اب لوٹنےنہیں دینگے، ہم داعش کوامریکا میں داخل نہیں ہونے دیں گے، حکام کوامیگریشن مزید سخت کرنے کوکہا ہے

    امریکی صدر نے کا کہنا تھا کہ حملے کےمتاثرین اورخاندانوں سےاظہارتعزیت کرتاہوں۔

    دوسری جانب برطانوی وزیراعظم ٹریزا مے نے نیویارک واقعہ پرافسوس ظاہرکیا اورمتاثرین سے اظہاریکجہتی کیا ہے۔

    مزید پڑھیں : نیویارک: حملہ آور نے ٹرک راہگیروں پر چڑھا دیا، 8 افراد ہلاک

    یاد رہے کہ امریکی شہر نیویارک کے علاقے مین ہٹن میں ایک شخص نے راہگیروں کو ٹرک تلے کچل ڈالا، حادثے میں 8 افراد ہلاک اور ایک درجن سے زائد زخمی ہوگئے جبکہ حملہ آور کو زخمی حالت میں گرفتار کرلیا گیا ہے۔

    حکام کے مطابق حملہ آور کا تعلق ازبکستان سے ہے جو سنہ 2010 میں ہجرت کر کے امریکا آیا جبکہ امریکی میڈیا کا دعویٰ ہے کہ حملہ آور سیفولو کی گاڑی سے داعش کا جھنڈا بھی ملا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایرانی فلم نفس دیکھ کر ٹرمپ کے نظریات تبدیل ہوجائیں گے، نرگس آبیار کا چلینج

    ایرانی فلم نفس دیکھ کر ٹرمپ کے نظریات تبدیل ہوجائیں گے، نرگس آبیار کا چلینج

    تہران : ایرانی فلمساز نرگس آبیار نے کہا ہے کہ امریکی صدر ڈونلڈ ٹرمپ ان کی فلم نفَس دیکھ کرایران کےحوالے سے اپنے نظریات میں یقنی تبدیلی لائیں گے۔

    تفصیلات کے مطابق غیر ملکی خبر رساں ادارے کو انٹرویو میں ایرانی فلمساز نرگس آبیار نے کہا کہ ایرانی قوم دہشت گرد نہیں ہے ،ان کی فلم نفس امریکی شہریوں اور صدر کی غلط فہمی دور کرنے میں معاون ثابت ہوسکتی ہے۔

    نرگس آبیار کا کہنا تھا کہ اگر امریکی صدر ڈونلڈ ٹرمپ ان فلم دیکھیں گے تو یقیناََ ایران سے متعلق اپنا نظریہ تبدیل کرلیں گے۔

    ایرانی فلمساز نرگس آبیار نے یہ انٹرویو امریکی صدر کے اس بیان کے بعد دیا، جس میں انہوں نے ایرانی قوم کو دہشت گرد اور مشرق وسطٰی میں بحران کا ذمہ دار قرار دیا تھا۔

    فلم نفس کی کہانی چھوٹی بچی بہار کے گرد گھوم رہی ہے، جس کی والدہ کا انتقال ہو چکا ہے۔ وہ دمے کے مریض اپنے والد، اپنی دادی اور اپنے تین بہن بھائیوں کے ساتھ رہتی ہے اس دوران 1970ء اور 1980ء کی دہائی میں  اسلامی انقلاب اور ایران عراق جنگ کے دوران رونما ہونے والے واقعات نےان کی زندگی پر گہرا اثر ڈالا تھا۔

    آبیار کا کہنا تھا کہمیں نے بہار کا انتخاب اس لئے کیا کیونکہ میں دنیا بتانا چاہتی ہوں کہ ایرانی لڑکی کو کن رکاوٹوں کا سامنا کرنا پڑتا ہے جبکہ بہار پر اپنے کزن جو لڑکے تھے انکے ساتھ کھیلنے پر بھی پابندی تھی اور ایک وقت ایسا آتا ہے جب بہار سوچتی ہے کہ کاش میں لڑکا ہوتی۔

    مزید پڑھیں : ٹرمپ کے مسلمان مخالف اقدامات، ایرانی اداکارہ کا آسکر ایوارڈ کی تقریب میں شرکت سے انکار

    نرگس نے کہا کہ ایران کی خواتین مشرق وسطی میں سب سے زیادہ انتہائی تعلیم یافتہ ہیں اور انکو ملازمتوں کی اجازت  ہیں لیکن اس اسلامی قانونی نظام کے تحت مردوں کے مقابلے میں ان کے کم حقوق ہیں، جیسے وراثت ، طلاق جبکہ وہ سفر اور کپڑے کی پابندیوں کے تابع بھی ہیں۔

    خیال رہے کہ ایرانی فلمساز نرگس آبیار کی فلم ’نفس‘ کو غیر ملکی زبانوں کی بہترین فلم کے شعبے میں آسکر کے لیے نامزد کیا گیا ہے۔

    واضح رہے کہ ایران کی معروف اداکارہ ترانہ علی دوستی نے ٹرمپ کی متعصبانہ پالیسیوں پر شدید احتجاج کیا تھا اورآسکر ایوارڈ کی تقریب میں شرکت سے انکار کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکا صدر میکسیکوکی سرحدپردیوارتعمیرکرنے کے لیے بیتاب

    امریکا صدر میکسیکوکی سرحدپردیوارتعمیرکرنے کے لیے بیتاب

    واشنگٹن : امریکی صدارتی انتخابات کے دوران کئے گئے وعدوں میں سے صدر ڈونلڈٹرمپ میکسیکو کی سرحد پردیوارکی تعمیر کا وعدہ بھی بہت جلد پورا کرنے جا رہے ہیں۔

    تفصیلات کے مطابق امریکی صدر ڈونلڈ ٹرمپ جہاں سفری پابندیوں، اسلامی شدت پسندی کا خاتمہ، ایران معاہدہ اور سب سے پہلے امریکہ جیسے وعدے پورے کر ہے ہیں وہیں میکسیکو کی سرحد پر دیوار تعمیر کرنے کا وعدہ بھی بہت جلد پورا کرنے جارہے ہیں۔

    مختلف حلقوں کی جانب سے شدید مخالفت کے باوجود تعمیراتی کمپنیوں نے دیوار کے آٹھ مختلف ڈیزائن تیار کر کے صدر ٹرمپ کو پیش کر دیئے ہیں، جن میں سب سے چھوٹی دیوار اٹھارہ فٹ جبکہ سب سے اونچی دیوار کا ڈیزائن تیس فٹ رکھا گیا ہے، ڈیزائنز میں آدھی دیوار کونکریٹ جبکہ بقیہ پر دیگر مواد استعمال ہوگا۔

    صدر ٹرمپ کے تجویز کردہ منصوبے میں میکسیکو سرحد پر بیس ارب ڈالرز کی لاگت سے دو ہزار میل لمبی دیوار تعمیر کی جائے گی، کانگریس سے ایک اعشاریہ چھ ارب ڈالرز منظور کرنے کی درخواست کی گئی ہے جبکہ صدر ٹرمپ باقی پیسے میکسیکو کی حکومت سے وصول کرنے کا ارادہ رکھتے ہیں۔

    مزید پڑھیں : سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ

    اعداد و شمار کے مطابق ہر سال میکسیکو سے سات لاکھ سے زائد افراد غیر قانونی طور پر سرحد پار کر کے امریکہ آتے ہیں جبکہ منشیات کی اسمگلنگ بھی اس سرحد پر عروج پر ہے، اس وقت امریکہ میں قانونی اور غیر قانونی طور پر 36 کروڑ سے زائد میکسیکو کے شہری آباد ہیں، جن کی رجسٹریشن پر بھی ٹرمپ انتظامیہ سختی کرتی نظر آرہی ہے۔

    ایک سروے کے مطابق ساٹھ فی صد امریکی میکسیکو کی سرحد پر دیوار تعمیر ہوتے دیکھنا نہیں چاہتے جبکہ انسانی حقوق کیلئے کام کرنے والی تنظیمیں اس دیوار کی تعمیر کو روکنے کیلئے مسلسل مظاہرے بھی کر رہی ہیں۔

    یاد رہے کہ ٹرمپ نے صدر منتخب ہونے کے بعد امریکا کے جنوب میں میکسیکو کے ساتھ سرحد پر دیوار تعمیر کرانے کا عہد کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں، ٹرمپ

    سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں، ٹرمپ

    واشنگٹن : امریکی صدر نے ری پبلکن سینیٹرز کو تنقید کا نشانہ بناتے ہوئے کہا کہ سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں۔

    تفصیلات کے مطابق امریکی صدر نے ری پبلکن سینیٹرز پر جوابی حملہ کرتے ہوئے ایک بار پھر ٹویٹر کا سہارا لیتے ہوئے کہا کہ سینیٹر باب کارکر جیسا نا اہل شخص کتے پکڑنے والے شخص کے عہدے کا بھی اہل نہیں۔

    صدر ٹرمپ کے اس ٹوئٹ کے جواب میں سینیٹر کورکر نے بھی ایک ٹوئٹ کیا، جس میں انہوں نے کہا کہ "ایک مکمل جھوٹے صدر کی ایک اور غلط بیانی۔”

    ٹرمپ نے ایک اور ٹویٹ میں سینیٹر جیف فلیک کو بھی تنقید کا نشانہ بنایا۔

    ٹوئٹر پر تنقید کے بعد صدر ٹرمپ نے کیپٹل ہِل کا دورہ کیا تھا ، جہاں انہوں نے ری پبلکن سینیٹرز کے ساتھ کھانا کھایا اور کہا کہ بیشتر ری پبلکن سینیٹرز "عظیم لوگ ہیں جو ٹیکسوں میں بڑی کٹوتیاں اور امریکہ کو کامیاب ہوتے دیکھنا چاہتے ہیں۔

    مزید پڑھیں : ری پبلکن سینیٹرز کی ٹرمپ پر تنقید، جیف فلیک کا امریکی صدر کے ساتھ نہ چلنے کا اعلان

    یاد رہے کہ ری پبلکن سینیٹرز باب کارکر اور جیف فلیک نے ٹرمپ پر شدید تنقید کی تھی، جیف فلیک نے امریکی صدر کے ساتھ نہ چلنے کا اعلان کیا تھا اور کہا کہ یہ امید کرنا کہ ڈونلڈ ٹرمپ اپنے رویے میں بہتری لائیں گے تو خود کو بے وقوف بنانے کے متراف ہے۔

    امور خارجہ کمیٹی کے چیئرمین سینیٹر باب کارکر کا کہنا تھا کہ صدر ٹرمپ مسلسل غلط بیانی سے امریکہ کو آلودہ کر رہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ٹرمپ نے ایران جوہری معاہدے کو ختم کرنے کیلئے کانگریس کو 60 روز کا وقت دے دیا

    ٹرمپ نے ایران جوہری معاہدے کو ختم کرنے کیلئے کانگریس کو 60 روز کا وقت دے دیا

    واشنگٹن : عالمی معاملات پر امریکی صدراور وزیر خارجہ کے اختلافات سامنے آگئے جبکہ ٹرمپ نے ایران جوہری معاہدے کو ختم کرنے کیلئے کانگریس کو 60 روز کا وقت دے دیا ہے۔

    تفصیلات کے مطابق امریکی صدر ڈونلڈ ٹرمپ اور وزیر خارجہ ریکس ٹلرسن کے درمیان عالمی معاملات پر اختلافات کی خبریں گرم ہیں، صدر براک اوباما کے دور میں منظور کئے گئے ایران جوہری معاہدے کو صدر ڈونلڈ ٹرمپ نے ایک بڑی غلطی قرار دیتے ہوئے اس معاہدے کو ختم کرنے کیلئے کانگریس کو ساٹھ روز کا وقت دے دیا ہے۔

    صدر ٹرمپ کا کہنا ہے کہ ایران جوہری معاہدے پر عمل در آمد نہیں کر رہا اور پاسداران انقلاب کیخلاف پابندیوں سمیت ایران پر دیگر پابندیاں عائد کرنے کی ضرورت ہے۔

    امریکی صدر کے بیانات کے بر عکس وزیر خارجہ ریکس ٹلرسن کا کہنا ہے کہ ایران جوہری معاہدے پر عمل در آمد کر رہا ہے تاہم معاہدے میں موجود کچھ خامیوں کو دور کرنے کی ضرورت ہے۔

    صدر ٹرمپ نے گزشتہ ہفتے ایران کی جانب سے جوہری معاہدے پر عمل در آمد کی تصدیق کرنے سے انکار کرتے ہوئے یہ معاملہ کانگریس کو بھجوا دیا ہے تاہم ریکس ٹلرسن کا کہنا تھا کہ جب تک کانگریس ایران کے حوالے سے کوئی فیصلہ ہیں کرتی تب تک امریکہ اور دیگر ممالک کو اس معاہدے پر مکمل در آمد کرنا چاہیے۔

    خیال رہے کہ معاہدے پر دستخط کرانے والے ممالک میں امریکہ کے علاوہ برطانیہ، فرانس، جرمنی، روس اور چین شامل ہیں۔ ان پانچ ممالک نے صدر ڈونلڈ ٹرمپ کے موقف کو مسترد کرتے ہوئے ایران معاہدے سے منسلک رہنے کا اعلان کیا ہے۔

    مزید پڑھیں  : ایران جوہری ڈیل سے دستبردار نہیں ہورہے، ٹرمپ

    یاد رہے کہ چند روز قبل امریکی صدر ڈونلڈ ٹرمپ نے ایران پالیسی کا اعلان کرتے ہوئے کہا تھا کہ ایران جوہری ڈیل سے دستبردار نہیں ہورہے، پاسداران انقلاب پر سخت پابندیاں لگائیں گے۔

    امریکی صدر نے واضح کیا کہ تہران جوہری ڈیل پر روح کے مطابق عمل نہیں کررہا، معاہدہ کسی بھی وقت ختم کرسکتے ہیں۔

    واضح رہے کہ سال 2015 میں صدر براک اوباما کی حکومت میں ایران کے ساتھ یہ جوہری معاہدہ طے پایا تھا ، جس پر ایران سمیت چھ عالمی طاقتوں امریکہ، چین، روس، فرانس، برطانیہ اور جرمنی نے دستخط کئے تھے، جس کے تحت ایران پر عائد پابندیوں میں نرمی کر دی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان اور پاکستانی رہنماؤں سے بہترتعلقات کاآغازکررہے ہیں، امریکی صدر

    پاکستان اور پاکستانی رہنماؤں سے بہترتعلقات کاآغازکررہے ہیں، امریکی صدر

    واشنگٹن : امریکی صدر ڈونلڈ ٹرمپ کا کہنا ہے کہ پاکستان اور پاکستانی رہنماؤں سےبہترتعلقات کاآغازکررہےہیں، کئی محاذوں پر پاکستانی رہنماؤں کے تعاون پرشکرگزارہیں۔

    تفصیلات کے مطابق امریکی صدر ڈونلڈ ٹرمپ کا سماجی رابطے کی ویب سائٹ ٹوئٹر پر اپنے پیغام میں کہا ہے کہ پاکستان سے تعلقات بہترہورہے ہیں، پاکستان اور پاکستانی رہنماؤں سےبہترتعلقات کاآغازکررہےہیں، کئی محاذوں پر پاکستانی رہنماؤں کے تعاون پرشکرگزارہیں، پاکستان نے امریکا سے کئی سال فائدہ اٹھایا۔

    یاد رہے دو روز قبل پاک فوج کی جانب سے مغوی کینیڈین شہری اور ان کی امریکن اہلیہ سمیت تین بچوں کو ایک کامیاب آپریشن میں بازیاب کروانے پر ٹرمپ کا کہنا تھا کہ غیرملکیوں کی بازیابی پاک امریکا تعلقات کا ایک مثبت لمحہ ہے جس کا خیر مقدم کرتے ہیں۔

    انھوں نے کہا تھا کہ امید کرتے ہیں کہ دونوں ممالک کے درمیان دہشت گردی کے خلاف تعاون جاری رہے گا۔

    خیال رہے کہ ان افراد کو 2012 میں افغانستان سے اغواء کیا گیا تھا اور بعد ازاں کرم ایجنسی منتقل کیا جا رہا تھا۔

    مزید پڑھیں : امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    واضح رہے کہ اس سے قبل امریکی صدر کے پاکستان مخالف بیان اور دھمکیوں کے بعد پاک امریکا تعلقات کشیدہ ہوگئے تھے۔

    ٹرمپ نے افغانستان اور جنوبی ایشیا سے متعلق امریکی پالیسی بیان کرتے ہوئے پاکستان سے پھر ڈومور کا مطالبہ کیا تھا جبکہ ساتھ ساتھ پاکستان کو دھمکیاں دیتے ہوئے کہا تھا کہ اربوں ڈالر دیئے ہیں نتائج چاہئیں، پاکستان کو دہشت گردوں کےٹھکانوں کا صفایا کرنا ہوگا۔

    ڈونلڈ ٹرمپ نے دھمکی دی کہ افغانستان میں ہماراساتھ دینے پر پاکستان کوفائدہ ہوگا، دوسری صورت میں اسے نقصان کا سامنا کرنا پڑے گا، پاکستان اکثر ان افراد کو پناہ دیتا ہے، جو افراتفری پھیلاتے ہیں، پاکستان ہمارا اہم اتحادی ہے، پاکستان نےدہشت گردی کے خلاف جنگ میں بہت نقصان اٹھایا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی صدر ڈونلڈ ٹرمپ کا ایران سے جوہری معاہدہ ختم کرنے کا فیصلہ

    امریکی صدر ڈونلڈ ٹرمپ کا ایران سے جوہری معاہدہ ختم کرنے کا فیصلہ

    واشنگٹن : امریکی صدر ڈونلڈ ٹرمپ کا ایران سے جوہری معاہدہ ختم کرنے کا فیصلہ کرلیا ہے،اعلان کسی بھی وقت متوقع ہے۔

    امریکی میڈیا کے مطابق امریکی صدرڈونلڈ ٹرمپ نے ایران سےجوہری معاہدہ ختم کرنے کا فیصلہ کرلیا اور ٹرمپ جوہری معاہدہ ختم کرنے کا کسی بھی وقت اعلان کر سکتے ہیں، عالمی برادری نے صدرٹرمپ کے فیصلے پر تشویش کا اظہار کیا ہے، اعلان کے بعد کانگریس ایران پر پابندیاں عائد کرسکتی ہے، کانگریس کے پاس ایران پر پابندیوں کیلئے60 روز ہونگے۔

    وائٹ ہاؤس پریس سکریٹری سارا سینڈرز نے کہا ایران کے بارے میں صدر مجموعی حکمتِ عملی پر مشتمل اپنا فیصلہ کرچکے ہیں، صدر ٹرمپ نے کیا فیصلہ کیا، اس کیلئے انتظار کریں، امریکی ایران سے نمٹنے کیلئے کوئی وسیع پالیسی چاہتے ہیں،  ٹرمپ ایران کیساتھ معاہدے یا کسی ایک حصے پر اتفاق رکھنے پر متفق نہیں، ایران عالمی معاملات پر اب بھی غلط انداز اپنائے ہوئے ہیں۔

    ایران سے جوہری معاہدے کی توثیق نہ کرنے پر  عالمی برداری میں تشویش پائی جارہی ہے۔

    برطانوی وزیراعظم تھریسامے نے صدرڈونلڈ ٹرمپ کو فون کرکےایران جوہری معاہدے پراحتیاط سےغور کرنے کے بعد فیصلہ کرنے کا مشورہ دیا اور معاہدے کو علاقائی سلامتی کے لئے انتہائی اہم قراردیا۔

    برطانوی وزیر خارجہ بورس جانسن نے امریکی ہم منصب ریکس ٹلرسن کوفون کیا اوردنیا کو محفوظ بنانے کی ضرورت پرزوردیا۔

    رکن کانگریس الیوٹ کا کہنا ہے کہ امریکا کو ایران جوہری معاہدے کی پاسداری کرنی چاہیے، جبکہ چیئرمین امورخارجہ کمیٹی ایڈ روئس نے کہا کہ  معاہدے کو بہتر کرنے کیلئےاتحادیوں سے ملکر کام کیا جائے، بین الاقوامی معائنہ کاروں کو ایرانی جوہری تنصیبات تک رسائی حاصل ہے۔

    مزید پڑھیں : ایران کے ساتھ نیوکلیئرمعاہدہ باقی نہیں رہا‘ ڈونلڈ ٹرمپ

    یاد رہے گذشتہ ماہ امریکی صدر ڈونلڈ ٹرمپ نے ایران کے میزائل تجربے پرردعمل دیتے ہوئے کہا تھا کہ ایران کے ساتھ جوہری معاہدہ باقی نہیں رہا۔

    دوسری جانب اس سے قبل ایران کے صدر حسن روحانی نے خبردار کیا تھا کہ اگر ڈونلڈ ٹرمپ  نے عالمی طاقتوں کے ساتھ طے پانے والے معاہدے کو ختم کیا تو وہ اس کی  قیمت چکانے کیلئے تیار رہیں۔

    خیال رہے کہ امریکی صدر کو معاہدے پر عمل درآمد کی اگلی تصدیق 15 اکتوبر سے قبل کرنی ہے۔

    واضح رہے کہ سال 2015 میں صدر براک اوباما کی حکومت میں ایران کے ساتھ یہ جوہری معاہدہ طے پایا تھا ، جس پر ایران سمیت چھ عالمی طاقتوں امریکہ، چین، روس، فرانس، برطانیہ اور جرمنی نے دستخط کئے تھے، جس کے تحت ایران پر عائد پابندیوں میں نرمی کر دی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکی صدر کی ڈپٹی اسسٹنٹ آج پاکستان پہنچ رہی ہیں، وزارت خارجہ

    امریکی صدر کی ڈپٹی اسسٹنٹ آج پاکستان پہنچ رہی ہیں، وزارت خارجہ

    اسلام آباد : وزارت خارجہ ذرائع کا کہنا ہے کہ امریکی صدر کی ڈپٹی اسسٹنٹ آج پاکستان پہنچ رہی ہیں، امریکی صدر ٹرمپ کے بیان کے بعد کسی بھی اعلیٰ امریکی عہدیدار کا پہلا دورہ پاکستان ہے۔

    وزارت خارجہ ذرائع کے مطابق امریکی صدر کی ڈپٹی اسسٹنٹ آج پاکستان پہنچ رہی ہیں، لیزا کرٹس جنوبی اور وسط ایشیا کے لئے سینئر ڈائریکٹربھی ہیں، لیزا کرٹس سیکریٹری خارجہ سے مذاکرات کریں گی۔

    ذرائع کا کہنا ہے کہ دورے میں امریکی سیکریٹری خارجہ کےدورہ پاکستان پر گفتگو ہوگی, دونوں کی کل ملاقات وفود کی سطح پرہوگی اور دو طرفہ تعلقات،افغانستان،خطےکی صورتحال پر بات ہوگی۔

    لیزا کرٹس کی وزیر خارجہ خواجہ آصف سے ملاقات کا بھی امکان ہے۔

    خیال رہے کہ امریکی صدر ٹرمپ کے پاکستان مخالف بیان کے بعد کسی بھی اعلیٰ امریکی عہدیدار کا پہلا دورہ پاکستان ہے۔

    یاد رہے کہ چند روز قبل وزیرخارجہ خواجہ آصف نے اپنے دورہ امریکہ میں اپنے ہم منصب سے ملاقات کی، اس موقع پر ریکس ٹیلرسن کا کہنا تھا  کہ پاکستان اور امریکا کے تعلقات دیرینہ اور پیچیدہ ہیں، پاکستان کےاندرمتعدد معاملات میں امریکا کو بھی دلچسپی ہے۔

    مزید پڑھیں : ٹرمپ کے الزامات، پاکستان کی امریکی نائب وزیرخارجہ کی میزبانی سے معذرت

    اس سے قبل ٹرمپ کے بیان کے بعد  پاکستان نے نائب امریکی وزیرخارجہ کی میزبانی سے بھی معذرت کرلی تھی، امریکی نائب وزیرخارجہ برائےجنوبی وسطی ایشیا ایلس ویلز دورہ پاکستان پر آنے والی تھی۔

    پاکستان نے امریکا سے متعلق پالیسی میں بڑی تبدیلی کردی تھی، جس کے مطابق کوئی بھی امریکی عہدیدار اسلام آباد کی مرضی کے بغیر پاکستان کے دورے پر نہیں آسکتا، دورے کا شیڈول باہمی مشاورت سے طے کیا جائے گا۔

    واضح رہے کہ افغانستان اور جنوبی ایشیا سے متعلق امریکی پالیسی بیان کرتے ہوئے پاکستان سے پھر ڈومور کا مطالبہ کیا تھا جبکہ ساتھ ساتھ پاکستان کو دھمکیاں دے ڈالیں اور کہا اربوں ڈالر دیئے ہیں نتائج چاہئیں، پاکستان کو دہشت گردوں کےٹھکانوں کا صفایا کرنا ہوگا۔

    مزید پڑھیں : امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    ڈونلڈ ٹرمپ نے دھمکی دی تھی کہ افغانستان میں ہماراساتھ دینے پر پاکستان کوفائدہ ہوگا، دوسری صورت میں اسے نقصان کا سامنا کرنا پڑے گا،  پاکستان اکثر ان افراد کو پناہ دیتا ہے، جو افراتفری پھیلاتے ہیں، پاکستان ہمارا اہم اتحادی ہے، پاکستان نےدہشت گردی کے خلاف جنگ میں بہت نقصان اٹھایا ہے

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔