Tag: TTP commander dead

کوئٹہ: سیکورٹی فورسز نے کالعدم تنظیم کا اہم کمانڈر سمیت دو افراد کو ہلاک کردیا ہے۔

کوئٹہ میں سکیورٹی فورسز نے سریاب میں گاہی خان چوک کے علاقے میں سرچ آپریشن کیا، سکیورٹی فورسز کے مطابق اس علاقے میں ایک کالعدم شدت پسند تنظیم سے تعلق رکھنے والے افراد کی ایک مکان میں موجود گی کی اطلاع تھی۔

سیکیورٹی ذرائع کے مطابق سریاب روڈ پر فائرنگ کے تبادلے میں کالعدم تنظیم کے کمانڈر عثمان سیف اللہ سمیت دو ملزم ہلاک اور ایک ملزم کو گرفتار کرلیا گیا ہے۔

عثمان سیف اللہ کرد دہشتگردی سمیت مختلف مقدمات میں پولیس کو مطلوب تھا، دوہزار چھ میں عثمان سیف اللہ کو گرفتار بھی کیا گیا تھا تاہم وہ جیل سے فرار ہونے میں کامیاب ہوگیا تھا، محکمہ داخلہ کی جانب سے ان کے سر کی قیمت بھی مقرر کی گئی تھی۔

اس آپریشن کے دوران سکیورٹی فورسز کے تین اہلکار بھی زخمی ہوئے ہیں جن میں سے ایک کی حالت تشویشناک بتائی جاتی ہے۔

ہلاک شدہ افراد کی لاشیں سول اسپتال منتقل کردی گئیں ہیں، سیکیورٹی اہلکاروں کی جانب سے مزید تفتیش جاری ہے۔