Tag: tulsi-gabbard

واشنگٹن : بھارتی نژاد امریکی خاتون ڈیموکریٹ تلسی گبّارڈ نے کہا ہے کہ آئندہ ہفتے 2020 میں منعقد ہونے والے امریکی انتخابات میں شرکت کا باقاعدہ اعلان کروں گی۔

تفصیلات کے مطابق امریکی ریاست ہوائی سے رکن پارلیمنٹ منتخب ہونے والی ڈیموکریٹ تلسی گبّارڈ پہلی ہندو خاتون ہیں جنہوں نے صدارتی انتخابات میں حصّہ لینے کا ارادہ ظاہر کیا ہے جس کے باعث انہیں دنیا بھر میں تیزی سے پذیرائی مل رہی ہیں۔

امریکی نشریاتی ادارے کو انٹرویو دیتے ہوئے 37 سال ڈیموکریٹ تلسی گبّارڈ اپنی منصوبہ بندی عوام کو بتائی۔

تلسی گبّارڈ نے جمعے کے روز میڈیا سے گفتگو کرتے ہوئے کہا کہ ’صدارتی انتخابات میں حصّہ لینے کی کئی وجوہات ہیں، امریکی شہری متعدد مسائل اور چیلنجز کا سامنا کررہے ہیں اور میں ان مدد کرکے مسائل کو حل کرنا چاہتی ہوں۔

ہندو ایم پی کا کہنا تھا کہ امریکا میں صحت، جرائم سے متعلق قانونی اصلاحات اور ماحولیاتی تبدیلی اہم مسئلے ہیں، جبکہ ایک سب سے اہم مسئلہ اور ہے وہ امن اور جنگ کا ہے۔

امریکی میڈیا کا کہنا ہے کہ گبّارڈ امریکی مسلح افواج کی سابق اہلکار ہیں جو عراق جنگ میں شرکت کرچکی ہیں اور حالیہ دنوں امریکی پارلیمنٹ کی کمیٹی برائے خارجہ امور میں خدمات انجام دے رہی ہیں اور پہلی امریکی ساموئن اور کانگریس کی پہلی ہندو خاتون رکن ہیں۔

غیر ملکی میڈیا کا کہنا ہے کہ اگر تلسی گبّارڈ امریکی صدارتی الیکشن میں حصّہ لیتی ہیں تو وہ امریکی تاریخ میں صدارتی انتخابات میں شرکت کرنے والی پہلی ہندو خاتون ایم پی بن جائیں گی۔

امریکی خبر رساں ادارے کا کہنا ہے کہ بھارتی نژاد ہندو سیاست دان کو سنہ 2020 میں صدارتی انتخابات میں حصّہ لینے قبل ڈیموکریٹ امیدواروں کو پارٹی الیکشن میں شکست دینی ہوگی، جو صدارتی الیکیشن سے پہلے ہوں گے۔

امریکی میڈیا کا کہنا ہے کہ تلسی اس سلسلے میں گذشتہ کچھ ہفتوں سے ڈیموکریٹ پارٹی کے سربراہوں سے گفتگو کررہی ہیں اور امریکا میں مقیم بھارتیوں سے رابطہ کررہی ہیں تاکہ ان کا ردعمل جان سکیں۔

غیر ملکی خبر رساں ادارے کا کہنا ہے کہ 2020 میں منعقد ہونے والے امریکی صدارتی انتخابات میں تلسی گبّارڈ کے علاوہ، سینیٹر الیزبتھ وارین، سابق صدر باراک اوبامہ کے کابینہ ممبر جولیئن کاسٹرو، سابق نائب صدر جوئی بیڈن اور سینیٹر بیرنی سینڈر حصّہ لے ہیں۔