Tag: Tump

واشنگٹن: ڈونلڈ ٹرمپ کے خلاف جنگی جرائم کے سابق تفتیش کار کو اسپیشل پراسیکیوٹر مقرر کر دیا گیا۔

تفصیلات کے مطابق امریکی حکومت نے سابق صدر ڈونلڈ ٹرمپ کے خلاف کارروائی تیز کر دی، امریکی محکمہ انصاف نے ٹرمپ کے خلاف حساس دستاویزات سمیت 2 کیسز کی پیروی کے لیے ایک آزاد وکیل نامزد کر دیا۔

جنگی جرائم کے سابق تفتیش کار جیک اسمتھ کو ٹرمپ کیس میں اسپیشل پراسیکیوٹر مقرر کیا گیا ہے، جیک اسمتھ نے کہا کہ وہ تحقیقات کو تیزی سے آگے بڑھائیں گے اور آزادنہ فیصلے کریں گے۔

ڈونلڈ ٹرمپ نے شدید احتجاج کرتے ہوئے اسپیشل پراسیکیوٹر کی تقرری کے فیصلے کو غیر منصفانہ قرار دے دیا۔ انھوں نے کہا کہ یہ کسی طور قابل قبول نہیں ہے، میں گزشتہ 6 سال سے تحقیقات بھگت رہا ہوں، مزید نہیں بھگت سکتا۔

جنگی جرائم کے سابق پراسیکیوٹر جیک اسمتھ کو اٹارنی جنرل میرک گارلینڈ نے ایک نیوز کانفرنس میں خصوصی وکیل مقرر کیا، جیک اسمتھ ان تحقیقات کی قیادت کریں گے کہ ٹرمپ نے خفیہ دستاویزات اور کیپیٹل فسادات میں اپنے مبینہ کردار کو کیسے ہینڈل کیا۔

واشنگٹن: امریکی میڈیا کا کہنا ہے کہ صدر ڈونلڈ ٹرمپ عالمی خاتون رہنماؤں میں صرف ملکہ برطانیہ ہی ہیں جن کی وہ عزت اور احترام کرتے ہیں۔

ایک رپورٹ میں ڈیلی میل نے لکھا کہ منگل کو صدر ڈونلڈ ٹرمپ اور ملکہ برطانیہ ایلزبتھ دوم کے درمیان ٹیلی فونک گفتگو ہوئی، یہ گفتگو اس رپورٹ کے سامنے آنے کے بعد ہوئی ہے کہ ٹرمپ نے خواتین عالمی رہنماؤں کو ‘توہین آمیز’ فون کالز کی ہیں۔

رپورٹ میں کہا گیا تھا کہ صدر ٹرمپ نے دنیا کی طاقت ور خواتین کے ساتھ نامناسب رویہ اختیار کیا، انھوں نے سابق برطانوی وزیر اعظم تھیریسا مے کو ‘کمزور’ اور جرمن چانسلر انگیلا مرکل کو ‘احمق’ کہا۔

امریکہ کی 25 سے زائد ریاستوں میں کورونا کیسز میں اضافہ

تاہم امریکی صدر ملکہ برطانیہ کے بے حد مشتاق ہیں، اور کہتے ہیں کہ اُن دونوں کے درمیان ایک خود کار قسم کا قریبی تعلق ہے، گزشتہ روز فون کال پر ٹرمپ نے ملکہ ایلزبتھ کو 94 ویں سال گرہ کی مبارک باد دی، خیال رہے کہ ملکہ اپریل میں پیدا ہوئی ہیں تاہم وہ سرکاری طور پر اپنی سال گرہ جون میں مناتی ہیں۔

دونوں رہنماؤں نے فون پر کرونا وائرس کی وبا سے درپیش صورت حال پر بھی گفتگو کی، ٹرمپ نے ملکہ برطانیہ سے وبا کے دوران مرنے والے برطانویوں کی ہلاکت پر تعزیت بھی کی۔

رپورٹ میں کہا گیا کہ ٹرمپ جب روسی صدر ولادی میر پیوٹن سے بات کرتے ہیں تو ایک طاقت ور آدمی کی توثیق کے حصول کے لیے ان کا لہجہ بہت دھیما ہوتا ہے، لیکن جب وہ عالمی خواتین لیڈرز سے بات کرتے ہیں تو ان کا لہجہ توہین آمیز ہو جاتا ہے۔