استنبول: ترکی میں عوام نےصدر طیب اردغان کوخودکش بم دھماکوں کا ذمہ قراد دیتے ہوئے مرنے والوں کی یاد میں تقریب منعقد کی۔
ترکی کے شہر استنبول میں خودکش دھماکوں میں ہلاک ہونے والوں کی یاد میں تقریب منعقد کی گئی جس میں شرکاء نے مرنے والوں کی تصاویر اور پلے کارڈز اٹھارکھے تھے۔
مظاہرین نے انقرہ میں امن ریلی کے دوران دھماکوں کا زمہ دار صدر طیب ارد غان کو ٹہرایا اور دہشت گردی کے واقعے کو حکومت اورانٹیلی جنس اداروں کی ناکامی قراردیا۔مظاہرین نے مرنے والوں کی یاد میں سیاہ غبارے فضا میں چھوڑے۔
راولپنڈی: آرمی چیف جنرل راحیل شریف نے ترکی کے وزیر خارجہ فریدن ہادی سے ملاقات کی ہے۔
آئی ایس پی آر کی طرف جاری بیان میں بتایا گیا ہے کہ آرمی چیف اور ترک وزیر خارجہ نے دوران ملاقات باہمی دل چسپی کے امور پر تبادلہ خیال کیا۔
آئی ایس پی آر کے مطابق اس موقع پر ترک قیادت نےعلاقائی امن کیلئے پاکستان کےکردارکوسراہا،ان کا کہنا تھا کہ دہشتگردی کو شکست دینے میں پاک فوج کی شاندار قربانیاں ہیں۔
#COAS visited War Academy,exchanged views with participants on Pak’s successful experience of fighting terrorism -2 pic.twitter.com/YdjjRjPDhj
— AsimBajwa (@AsimBajwaISPR) October 14, 2015
ترک قیادت نے کہا کہ دونوں برادر قوموں کےدرمیان لازوال تعلقات ہیں، آرمی چیف نے ترکی کوسیکیورٹی چیلنجزپرتعاون کی یقین دہانی کرائی ہے۔
آئی ایس پی آر کا کہنا ہے کہ آرمی چیف نے کہا ہے کہ سیکیورٹی چیلنجزپرترکی کوتعاون فراہم کرینگے۔
آئی ایس پی آر کے مطابق آرمی چیف کی ترک وزیردفاع،چیف آف جنرل اسٹاف سےبھی ملاقات ہوئی جس میں دونوں ممالک کادفاعی تعاون بڑھانےپربھی اتفاق کیا گیا ہے۔
راولپنڈی: آرمی چیف جنرل راحیل کی ترک صدر اور وزیراعظم سے الگ الگ ملاقاتیں کی ہیں،آرمی چیف نے سیکیورٹی چیلنجز پر ترکی کو تعاون فراہم کرنے کی یقین دہانی کرادی۔
آئی ایس پی آر کے مطابق پاک فوج کے سربراہ نے ترک صدر اور وزیر اعظم سے ملاقاتیں کیں۔۔ترک قیادت نے علاقائی امن کے لئے پاکستان کے کردار کو سراہا۔
#COAS in Turkey:Called on Turkish PM&President separately.Both leaders appreciated Pak role for regional peace-1 pic.twitter.com/nglcaMUULK
— AsimBajwa (@AsimBajwaISPR) October 13, 2015
ترک قیادت کا کہنا تھا کہ دونوں برادر قوموں کے درمیان لازوال تعلقات ہیں،دہشتگردی کو شکست دینے پر پاک فوج نے شاندار قربانیاں دیں۔
&Pak Army’s contributions in defeating terrorism.Turkish leadership emphasised fraternal ties between two brotherly nations-2
— AsimBajwa (@AsimBajwaISPR) October 13, 2015
#COAS assured Turkish leadership/brothers total support in handling their security challenges-3
— AsimBajwa (@AsimBajwaISPR) October 13, 2015
#COAS also called on Def Min, CGS separately&expressed satisfaction on def coop,Both sides vowed 2 further enhance def collaboration-4
— AsimBajwa (@AsimBajwaISPR) October 13, 2015
آئی ایس پی آر کے مطابق آرمی چیف نے ترکی کو سیکیورٹی چیلنجز پرتعاون کی یقین دہانی کرائی۔
جنرل راحیل شریف نے ترک وزیر دفاع اور چیف آف جنرل اسٹاف سے بھی ملاقات کی،جس میں دونوں ممالک کے دفاعی تعاون کو بڑھانے پر بھی اتفاق کیا گیا۔
استنبول: آرمی چیف جنرل راحیل شریف نے کہا ہے کہ پاکستان اورترکی کو ایک ہی قسم کے چیلنجز کا سامنا درپیش ہے۔
آئی ایس پی آر کے مطابق آرمی چیف نے یہ بات تین روزہ دورے پر ترکی آمد کے موقع پر کہی، ان کا کہنا تھا کہ پاکستان اورترکی کے برادرانہ تعلقات ہمیشہ اورہرآزمائش میں پورے اترے ہیں اور دونوں ملکوں کے تعلقات کو مزید بلندی پر لے جایا جائے گا۔
انہوں نے یہ بھی کہا کہ دونوں ملکوں کو ایک ہی قسم کے چیلنجز کا سامنا ہے جس سے نمٹنے کے لئے بھرپور کوششیں جاری ہیں۔
جنرل راحیل شریف نے جدید ترکی کے بانی کمال اتاترک پاشا کی قبر پرپھول چڑھائے اور فاتحہ خوانی بھی کی۔
آرمی چیف راحیل شریف نے انقرہ میں امن ریلی پر ہونے والے بم حملوں پر افسوس کا اظہار کیا۔
جنرل راحیل شریف نے ترک لینڈ فورسز کے ہیڈ کوارٹر کا دورہ کیا اوراس موقع پرآرمی چیف نے اپنے ترک ہم منصب سے ملاقات کی۔
دونوں عسکری سربراہوں کی ملاقات میں دہشت گردی اوربارودی سرنگوں کے خاتمے سے متعلق بات چیت کی گئی۔
آرمی چیف جنرل راحیل شریف کو اس موقع پر ترک افواج کی جانب سے سلامی دی گئی اور خطے میں قیامِ امن اور دہشت گردی کے خلاف جنگ پرانہیں ’’ لیجنڈ آف میرٹ‘‘ نامی اعزاز سے بھی نوازا گیا۔
انقرہ : ترکی کے دارالحکومت انقرہ میں دوبم دھماکوں میں 100 افراد ہلاک اور150زسے زائد زخمی ہوگئے۔
غیرملکی میڈیا کے مطابق دھماکے انقرہ میں ریلوے اسٹیشن کے قریب اس وقت ہوئے جب لوگ امن ریلی میں شرکت کے لئے بڑی تعداد میں جمع تھے۔
جہاں بڑی تعداد میں مقامی لوگ حکومت اور کرد علیحدگی پسندوں کے درمیان جاری کشیدگی پر پرُامن ریلی کے لئے اکھٹا ہو رہے تھے کہ اچانک یکے بعد دیگرے دو دھماکے ہوئے، دھماکوں سے 186 افراد زخمی ہوئے۔زخمیوں اورلاشوں کو اسپتال منتقل کردیا گیا ہے ۔
ترک حکام نے ہلاکتوں میں اضافے کا خدشہ ظاہرکیا ہے۔ پولیس کا کہنا ہے ایک دھماکہ خودکش حملہ آورنے کیا۔علاقے کی ناکہ بندی کرکے تحقیقات شروع کردی گئی ہیں۔
علاوہ ازیں پاکستان نے ترکی کے دارالحکومت انقرہ میں ہونے والے دوبم دھماکوں میں 100بے گناہ افراد کی ہلاکت اور150زسے زائد افراد کے زخمی ہو نے کو واقعے پر اپنے انتہائی دکھ اور افسوس کا اظہار کرتے ہوئے واقعے کی پرزور الفاظ میں مذمت کی ہے۔
دفتر خارجہ سے جاری ایک بیان میں ترکی کے عوام اور حکومت سےاظہار تعزیت کرتے ہوئے کہا گیا ہے کہ ہم یقین رکھتے ہیں کہ ترکی اپنے عزم کے ساتھ دہشت گردی کی اس لعنت پر قابو پالے گا۔
برسلز: نیٹو نے روسی طیاروں کی جانب سےترکی کی فضائی حدود کی خلاف ورزی پر روس کی جانب سے دی جانے والی وضاحت مسترد کردی۔
نیٹو کا موقف تھا کہ روس شام میں اپنی زمینی فوج میں اضافہ کررہا ہے اور سمندروں میں بھی جگہ بنارہا ہے اس کا یہ موقف کہ غلطی سے فضائی حدود کی خلاف ورزی ہوئی تسلیم نہیں کیاجاسکتا ہے۔
ترکی کے صدر طیب اردگان نے تنبیہہ کی ہے کہ ان کے ملک کی فضائی حدود کی خلاف ورزی پرترکی کے صبر کا پیمانہ لبریزہورہا ہے۔
برسلز میں نیوز کانفرنس سے خطاب کرتے ہوئے ان کا مزید کہنا تھا کہ ترکی پر حملہ نیٹو پر حملہ ہے۔
اس موقع پرنیٹو کے سیکرٹری جنرل جینزاسٹولٹن برگ کا کہنا ہے کہ نیٹو اتحاد کوملنے والی اتحاد کے مطابق روس شام میں بری افواج تعینات کررہا ہے اور بحیرہ روم میں اپنی بحری طاقت میں بھی اضافہ کررہا ہے۔
دوسری جانب روسی سفارت خانے نے تصدیق کی ہے کہ شام میں داعش کے خلاف سرگرم روسی جنگی طیاروں کی جانب سے ترکی کی فضائی حدود کی خلاف ورزی کا واقعہ پیش آیا ہے تاہم ترکی کی جانب سے تازہ الزامات کا جائزہ لیا جارہا ہے۔
واضح رہے کہ روسی جنگی طیاروں کی جانب سے ہفتہ اور اتوار کو دو مرتبہ ترکی کی فضائی حدود کی خلاف ورزی کی گئی جس پر ترک حکومت نے روسی سفیر کو طلب کرکے شدید احتجاج ریکارڈ کرایاتھا۔
انقرہ : ترکی کی سمندری حدود میں شامی پناہ گزینوں کی کشتی اُلٹ گئی ، حادثے میں 17پناہ گزین ڈوب کرہلاک ہو گئے۔
غیر ملکی خبر رساں ایجنسی کے مطابق ہلاک ہونیوالوں میں پانچ بچے اورپانچ خواتین بھی شامل ہیں ۔
یہ شامی پناہ گزین ترکی سے یونان جانےکی کوشش کر رہے تھے کہ دوران سفر کشتی اُلٹ گئی۔
واضح رہے کہ شامی پناہ گزینوں کو جرمنی نے اپنی سرزمین پر پناہ دینے کے لئے آمادگی ظاہر کی تھی۔
مذکورہ پناہ گزیں اپنی زندگی بچانے کیلئے اپنی اور اپنے معصوم بچوں کی جان پر کھیل کر محفوظ مقامات کا رخ کررہے ہیں۔
تاہم کئی یورپی ممالک شامی پناگزینوں کو پناہ دینے کے لئے تیارنہیں ہیں۔
استنبول: ترکی میں ایک پولیس افسرباغیوں کے خوف سے اپنی شادی کی تقریب میں شریک نہیں ہوسکا جس کی وجہ باغیوں کے ہاتھوں سیکیورٹی فورسز کے اہلکاروں کے قتل کے واقعات کے سبب اسٹیشن تک محدود رہنے کی ہدایات تھیں۔
تفصیلات کے مطابق احمد نامی 25 سالہ پولیس اہلکار کو پہلے تو پیراملٹری پولیس حکام نے 18 ستمبر کو ہونے والی شادی کی تقریب میں شریک ہونے کی اجازت دی تھی۔
اجازت ملنے کے باوجود پولیس اہلکار کی 21 سالہ دلہن فاطمہ کو اپنے مہمانوں کو اکیلے ہی ویلکم کہنا پڑا کیونکہ احمد کے حکام نے فیصلہ صادر کیا کہ عراقی سرحد کے ساتھ واقع اسٹیشن سے سفرکرنا خطرناک ہے۔
غیرملکی نیوزایجنسی کی جانب سے جاری کردہ ویڈیو میں دیکھا جاسکتا ہے کہ پولیس اہلکار کی دلہن سفید کپڑوں میں ملبوس بالوں میں پھول سجائے نم آنکھوں سے اپنے مہمانوں کو خوش آمدید کہہ رہی ہے۔
رواں سال جولائی سے اب تک 150 سے زائد سپاہیوں اور پولیس اہلکاروں کو بم حملوں اور گولی مار کر ہلاک کیا جاچکا ہے اور ان واقوات کا الزام کردستان ورکرز پارٹی کے مسلح کارکنان پرعائد کیا جارہا ہے۔
اسلام آباد: پاکستانی دفترِ خارجہ نے ترکی میں ہونے والے دہشت گرد حملے میں ترک فوجیوں کے جاں بحق ہونے کے واقعے کی شدید مذمت کی ہے۔
تفصیلات کے مطابق گزشتہ روز 6 ستمبر 2015 کو ترکی کے صوبہ ہقاری میں دغلیقا کے علاقے میں دہشت گردوں نے ترک مسلح افواج پر حملہ کیا جس میں متعدد فوجی جاں بحق جبکہ کئی زخمی ہوئے ہیں۔
پاکستان نے اس واقعے کی شدید مذمت کرتے ہوئے ہر قسم کی دہشت گردی کے خلاف صف آرا رہنے کے عزم کاارادہ کیا ہے۔
دفتر خارجہ سے جاری کردہ بیان کے مطابق پاکستانی حکومت اور قوم دکھ کی اس گھڑی میں اپنے ترک بھائیوں کے ساتھ ہے جہاں ان دنوں دہشت گردوں کی پرتشدد کاروائیوں میں کئی شہری اور فوجی اپنی جانوں کا نذرانہ پیش کرچکے ہیں۔
بیان میں جاں بحق ہونے والے افراد کے اہلِ خانہ سے ہمدردی کا اظہارکرتے ہوئے امید ظاہر کی ہے کہ ترک قوم جلد ہی اپنی ہمت اور حوصلے سے دہشت گردی کے اس عفریت پرقابو پالے گی۔
انقرہ: ترکی میں فوج اور کرد باغیوں میں جھڑپوں کے دوران 4 شہریوں سمیت 6 افراد ہلاک ہوگئے ہیں۔
سیکورٹی ذرائع کے مطابق شامی سرحد کے قریب کرد باغیوں نےراکٹ لانچرزسےترک ملٹری بیس پرحملہ کیا۔
غیرملکی خبررساں ادارے کے مطابق مشرقی قصبے میں ترک فوجیوں اورکرد باغیوں میں جھڑپیں دوسرے روز بھی جاری رہیں۔ ترک باغیوں اور کرد جنگجوؤں میں ڈھائی سالہ سیزفائرمعاہدہ رواں سال جولائی میں باغیوں کے ہاتھوں دو پولیس اہلکاروں کے قتل کے بعد ٹوٹ گیا۔
اہلکاروں کے قتل کے بعد ترکی کی جانب سے ترکی اورعراق میں باغیوں کے خلاف کارروائیوں کا آغازکردیا گیا ہے۔