ترک مسلح افواج کے شمالی عراق میں دہشت گردوں کے ٹھکانوں پر حملے جاری ہیں، ترک فوج نے دہشت گردوں کے 21 ٹھکانوں کو تباہ کر دیا ہے۔
بین الاقوامی خبر رساں ادارے کی رپورٹ کے مطابق ترک فوج نے عراق کے شمال میں میتینا، گارا، ہاکرک، قندیل اور آسوس کے علاقوں میں فضائی آپریشن کیا۔
ترک مسلح افواج نے کارروائی کے دوران متعدد دہشت گرد وں کو غیر فعال بنادیا۔
ترک فوج نے غاروں، پناہ گاہوں، گوداموں اور علیحدگی پسند دہشت گرد تنظیم PKK کے زیر استعمال مقامات سمیت دہشت گردوں کے 21 اہداف کو تباہ کر دیا۔
دوسری جانب فلسطین کے علاقے مغربی کنارے میں ترک نژاد امریکی سماجی کارکن عائشہ نور ایزگی کے قتل پر ترک صدر رجب طیب اردوان نے سخت رد عمل ظاہر کرتے ہوئے اس کی شدید مذمت کی ہے۔
ترکیہ کے صدر رجب طیب اردوان نے کہا ہے کہ اسرائیل کے تکبر اور دہشت گردی کو صرف اسلامی ممالک کے اتحاد سے روکا جا سکتا ہے، اس لیے اسلامی ممالک کو اسرائیل کے خلاف اتحاد تشکیل دینا چاہیے۔
روئٹرز کے مطابق طیب اردوان نے ہفتے کو استنبول کے قریب اسلامک اسکولز ایسوسی ایشن کی ایک تقریب سے خطاب میں کہا کہ ’وہ ایک قدم جو اسرائیل کے تکبر، رہزنی اور ریاستی دہشت گردی کو روک سکتا ہے، وہ اسلامی ممالک کا اتحاد ہے۔‘
سعودی عرب: متعدد غیر ملکی گداگر گرفتار
یہ بیان جمعہ کو اسرائیلی فوجیوں کے ہاتھوں ایک ترک نژاد امریکی خاتون کی ہلاکت کے بعد سامنے آیا ہے، یہ ایکٹوسٹ اسرائیلی مقبوضہ مغربی کنارے میں بستیوں کی توسیع کے خلاف احتجاج میں حصہ لے رہی تھیں۔
