Tag: TWEET

اسلام آباد: وفاقی وزیر اطلاعات و نشریات فواد چوہدری نے نوجوان ناظم جوکھیو کے قتل ناحق پر پیپلز پارٹی کے چیئرمین بلاول بھٹو کو مخاطب کر کے کہا کہ آپ کے قریبی لوگ ان واقعات میں ملوث ہیں، اس طرح انسانیت کو مت روندیں۔

تفصیلات کے مطابق وفاقی وزیر اطلاعات و نشریات فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ اندرون سندھ سے سوشل میڈیا پر واقعات جس تواتر سے آرہے ہیں لگتا ہے سندھ میں قانون کی کوئی اہمیت نہیں رہ گئی۔

فواد چوہدری کا کہنا تھا کہ صحافی عزیز میمن کا قتل ہو، طاقتور لوگوں کے شکار کی ویڈیو اور اب لاچار عورت کا قتل، بلاول صاحب یہ کیا ہو رہا ہے؟

انہوں نے کہا کہ آپ کے قریبی لوگ ان واقعات میں ملوث ہیں، اس طرح انسانیت کو مت روندیں۔

اندرون سندہ سےسوشل میڈیا پر واقعات جس تواتر سے آرہے ہیںلگتا ہے سندھ میں قانون کی کوئ اہمیت ہی نہیں رہ گئ صحافی عزیز میمن کا قتل ہو، طاقتور لوگوں کےشکارکی ویڈیو اور اب لاچار عورت کا قتل بلاول صاحب یہ کیا ہو رہا ہے؟آپ کے قریبی لوگ ان واقعات میں ملوث ہیں اس طرح انسانیت کو مت روندیں https://t.co/T0UjEvUUWu

— Ch Fawad Hussain (@fawadchaudhry) November 5, 2021

یاد رہے کہ جامشورو کارو جبل کے علاقے میں مقامی شہری ناظم جوکھیو نے غیر ملکی افراد کی گاڑی کی ویڈیو بنائی تھی جو شکار کرنے وہاں آئے تھے۔ بعد ازاں صوبائی رکن اسمبلی جام اویس نے ناظم جوکھیو کو اپنے ڈیرے پر بلا کر تشدد کا نشانہ بنایا جس سے اس کی موت ہوگئی۔

نوجوان ناظم جوکھیو کے قتل کے خلاف لواحقین نے گزشتہ روز گھگھر پھاٹک کے قریب دھرنا دیا تھا، دھرنے کے باعث نیشنل ہائی وے ٹریفک کے لیے مکمل طور پر بند ہوگیا تھا۔

آج صبح رکن سندھ اسمبلی جام اویس نے خود کو گرفتاری کے لیے پیش کردیا ہے۔

اسلام آباد: وفاقی وزیر اطلاعات و نشریات فواد چوہدری کا کہنا ہے کہ عمران خان نے غریب ملکوں سے چرایا ہوا پیسہ امیر ممالک میں چھپانے کی حوصلہ شکنی پر زور دیا، اب پنڈورا لیکس سے عمران خان کے مؤقف کو مزید تقویت ملے گی۔

تفصیلات کے مطابق وفاقی وزیر برائے اطلاعات و نشریات فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاناما پیپرز نے دنیا کے بڑے کرپٹ لوگوں کے بیرون ملک چھپائے اثاثوں کو بے نقاب کیا، اب کہا جارہا ہے کہ آئی سی آئی جے کی ایک اور تحقیق سامنے آرہی ہے۔

فواد چوہدری کا کہنا تھا کہ عمران خان نے امیر ممالک پر زور دیا ہے کہ غریب ملکوں سے چرایا گیا پیسہ امیر ملکوں میں چھپانے کی حوصلہ شکنی ہونی چاہیئے، پاناما کی طرح پنڈورا لیکس میں غریب ممالک کا پیسہ بیرون ملک منتقل کرنے کی تفصیلات آتی ہیں تو اس سے وزیر اعظم عمران خان کے مؤقف کو مزید تقویت ملے گی۔

پانامہ کی طرح پنڈورا لیکس میں غریب ممالک کا پیسہ بیرون ملک منتقل کرنے کی تفصیلات آتی ہیں تو اس سے وزیر اعظم عمران خان کے موقف کو مزید تقویت ملے گی ۔ ہمیں امید ہے کہ یہ تحقیقات بھی پانامہ تحقیقات کی طرح شفافیت کے نئے راستے کھولے گی اور کرپشن کی حوصلہ شکنی کا ایک اور موجب بنیں گی۔

— Ch Fawad Hussain (@fawadchaudhry) October 3, 2021

انہوں نے کہا کہ ہمیں امید ہے کہ یہ تحقیقات بھی پاناما تحقیقات کی طرح شفافیت کے نئے راستے کھولے گی اور کرپشن کی حوصلہ شکنی کا ایک اور سبب بنیں گی۔