Tag: TWEET

اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ اپنے جلسوں میں مسلم لیگ ن کی مخصوص قیادت اپنی سیاست میں ریاست کے مفاد کو زک پہنچا رہی ہے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ تحریک انصاف کوئی ایسا بیانیہ نہیں بنا رہی کہ مسلم لیگ کی لیڈر شپ مودی دوستی میں اندھی ہو گئی ہے۔

فواد چوہدری کا کہنا تھا کہ مسئلہ یہ ہے کہ پے در پے جلسوں میں مسلم لیگ ن کی مخصوص قیادت جن کے پیسے پھنسے ہوئے ہیں، اپنی سیاست میں ریاست کے مفاد کو زک پہنچا رہے ہیں۔

انہوں نے مزید کہا کہ ایاز صادق کو اپنے بیان پر معافی مانگنی چاہیئے۔

تحریک انصاف کوئ ایسا بیانیہ نہیں بنا رہی کہ مسلم لیگ کی لیڈرشپ مودی دوستی میں اندھی ہو گئ ہے، لیکن مسئلہ یہ ہے کہ پے در پے جلسوں میں نون لیگ کی مخصوص قیادت جن کے پیسے پھسے ہوئے ہیں وہ اہنی سیاست میں ریاست کے مفاد کو زد پہنچا رہے ہیں، ایاز صادق کو اپنے بیان پر معافی مانگنی چاہئے https://t.co/aVn9eAbkNc

— Ch Fawad Hussain (@fawadchaudhry) November 1, 2020

اس سے قبل ایک موقع پر وفاقی وزیر کا کہنا تھا کہ اپوزیشن کی تحریک کا مقصد مقدمات پر سمجھوتہ اور کیس ٹھکانے لگانا ہے، نواز شریف اور دیگر جو پیسہ لے گئے ہیں وہ قوم کا پیسہ ہے۔

انہوں نے کہا تھا کہ نواز شریف کے پاس عوامی حمایت نہیں اور نہ کسی ہمدردی ان کے ساتھ ہے، ہم تو کہتے ہیں انتخابی اصلاحات پر بات کرنی ہے تو کل آجائیں۔

اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ فیصل آباد انڈسٹریل زون میں 200 ایکڑ پر طبی آلات بنانے کا زون قائم کردیا گیا جہاں سرنج، سوئیاں، ڈائیلسز مشین، اسٹنٹس، ایکسرے مشین اور کینولا بنائے جائیں گے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ فیصل آباد انڈسٹریل زون میں 200 ایکڑ پر طبی آلات بنانے کا زون قائم کردیا گیا۔

انہوں نے کہا کہ طبی آلات کی 1.4 ارب ڈالر کی درآمدات بہت کم ہوجائیں گی۔ ہم پاکستان میں سرنج، سوئیاں، ڈائیلسز مشین، اسٹنٹس، ایکسرے مشین اور کینولا پاکستان میں بنیں گے۔

فیصل آباد انڈسٹریل زون میں دو سو ایکڑ پر میڈیکل آلات بنانےکا زون قائم کیا ہے اس سے 1.4 ارب ڈالر کی میڈیکل آلات کی امپورٹس جو ہم کرتے ہیں بہت کم ہو جائیں گی، سرنج، سوئیاں، Canolas, Xray Machines, Heart stunts , Dialysis machines ہم پاکستان میں بنائیں گے, اگلا زون سیالکوٹ ہو گا

— Ch Fawad Hussain (@fawadchaudhry) September 27, 2020

فواد چوہدری کا مزید کہنا تھا کہ طبی آلات بنانے کا اگلا زون سیالکوٹ ہوگا۔

گزشتہ روز لاہور میں میڈیا سے گفتگو کرتے ہوئے وفاقی وزیر کا کہنا تھا کہ وینٹی لیٹرز پاکستان میں بننے شروع ہو گئے ہیں، آج پاکستان ہر ماہ 11 سو وینٹی لیٹرز بنا رہا ہے۔

انہوں نے کہا تھا کہ پاکستان نے ماسک، سینی ٹائزر اور حفاظتی کٹس بنائیں، بہت جلد لیتھیم آئن بیٹریز بھی بنانا شروع کریں گے۔

وفاقی وزیر کا مزید کہنا تھا کہ فیصل آباد میں میڈیکل انڈسٹری کا قیام عمل میں لایا جا رہا ہے، سیالکوٹ میں سمبڑیال کے مقام پر تکنیکی سینٹر بھی بنایا جا رہا ہے۔