اسلام آباد: سابق وزیر اعظم عمران خان کا کہنا ہے کہ ملک میں دہشت گردی میں 50 فیصد اضافہ ہوا اور پاک افغان سرحد سے بھی حملے ہو رہے ہیں، حکومت ان سے نمٹنے میں ناکام ہے۔
تفصیلات کے مطابق سابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ معیشت کو زمین پر لانے کے علاوہ امپورٹڈ حکومت دہشت گردی سے نمٹنے میں ناکام رہی۔
Apart from running our economy to the ground, this Imported govt has failed to deal with the 50% increase in terrorism in Pak with incidents from Chaman to Swat to Lakki Marwat to Bannu; They have also failed to deal with attacks from the international Pak-Afghan border by
— Imran Khan (@ImranKhanPTI) December 19, 2022
عمران خان کا کہنا تھا کہ چمن سے سوات، لکی مروت سے بنوں تک دہشت گردی کے واقعات میں 50 فیصد اضافہ ہوا، حکومت بین الاقوامی پاک افغان سرحد سے ہونے والے حملوں سے نمٹنے میں بھی ناکام رہی۔
انہوں نے کہا کہ ہمارے سپاہی، پولیس اور مقامی لوگ روزانہ اپنی جانوں کے نذرانے دے رہے ہیں، دہشت گردی کے بڑھتے خطرے اور مغربی سرحد کے اس پار سے حملوں کا حکومت ذکر تک نہیں کر رہی۔
عمران خان کا کہنا تھا کہ ان سب کی دلچسپی صرف این آر او 2 میں ہے۔
of a cabal of crooks. All they are interested in is their NRO2 & its preservation. Therefore, despite economy tanking they are petrified of holding elections which is the only way to stabilise economy through political stabilisation.
— Imran Khan (@ImranKhanPTI) December 19, 2022
انہوں نے مزید کہا کہ معیشت کی زبوں حالی کے باوجود حکومت انتخابات کے انعقاد سے گھبرا رہی ہے، انتخابات ہی سیاسی استحکام کے ذریعے معیشت کو مستحکم کرنے کا واحد راستہ ہے۔
