Tag: TWEET

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ وزیر اعظم نے مظلوموں کا مقدمہ دنیا کے سامنے رکھ دیا ہے۔ اب عالمی ضمیر کا امتحان ہے کہ وہ مظلوموں کا ساتھ دیتے ہیں یا کاروبار کو انسانیت پر فوقیت دیتے ہیں۔

تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان کی تقریر کو دنیا بھر میں ملنے والی پذیرائی اس بات کا ثبوت ہے کہ وہ مشن کشمیر میں کامیاب ہوئے ہیں۔

وزیراعظم عمران خان کی تقریر کو دنیا بھر میں ملنے والی پذیرائی اس بات کا ثبوت ہے کہ وہ "مشن کشمیر” میں کامیاب ہوئے ہیں۔انہوں نے مظلوموں کا مقدمہ پوری قوت کے ساتھ دنیا کے سب سے بڑے فورم پر رکھ دیا ہے۔

— Firdous Ashiq Awan (@Dr_FirdousPTI) September 28, 2019

معاون خصوصی کا کہنا تھا کہ انہوں نے مظلوموں کا مقدمہ پوری قوت کے ساتھ دنیا کے سب سے بڑے فورم پر رکھ دیا ہے۔ اب عالمی ضمیر کا امتحان ہے کہ وہ تاریخ کے کس رخ پر کھڑا ہوتا ہے۔

انہوں نے کہا کہ مہذب دنیا مظلوموں کا ساتھ دیتی ہے یا کاروبار کو انسانیت پر فوقیت دیتی ہے۔

اب عالمی ضمیر کا امتحان ہے کہ وہ تاریخ کے کس رخ کھڑا ہوتا ہے۔مہذب دنیا مظلوموں کا ساتھ دیتی ہے یا کاروبار کو انسانیت پر فوقیت دیتی ہے۔

— Firdous Ashiq Awan (@Dr_FirdousPTI) September 28, 2019

خیال رہے کہ وزیر اعظم عمران خان نے گزشتہ روز جنرل اسمبلی سے اپنا تاریخی خطاب کیا جس میں انہوں نے مقبوضہ کشمیر میں بھارتی بربریت کا پردہ چاک کردیا تھا۔

وزیراعظم عمران خان نے کہا تھا کہ نائن الیون کے بعد اسلامو فوبیا خطرناک رفتار سے بڑھا، یورپ اور مغربی ممالک میں لاکھوں مسلمان اقلیت کے طور پر رہتے ہیں، مغرب میں حجاب کو ہتھیار سمجھا جاتا ہے۔ اسلامو فوبیا اس لیے ہوا کہ کچھ مغربی رہنماؤں نے دہشت گردی کو اسلام سے جوڑا۔

عمران خان نے کہا تھا کہ ایک لاکھ کشمیریوں سے زائد کو قتل، 11 ہزار سے زائد خواتین کو زیادتی کا نشانہ بنایا گیا۔ کشمیر میں 80 لاکھ لوگ گھروں میں محصور ہیں، 80 لاکھ لوگوں پر 9 لاکھ بھارتی فوجی تعینات ہیں۔

انہوں نے کہا کہ کشمیر شدت پسندی کی طرف آیا تو اس کی وجہ اسلام نہیں ناانصافی ہوگی، جب ناانصافی ہوتی ہے تو انسان انتہائی قدم اٹھانا ہے، ناانصافی کے خلاف انسانی ردعمل کا تعلق مذہب سے نہیں ہوتا ہے، کشمیریوں کو شدت پسندی کی طرف دھکیلا جارہا ہے۔

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ اقوام متحدہ کی جنرل اسمبلی میں وزیر اعظم کے خطاب سے کشمیر کاز نئی قوت سے دنیا کے سامنے آئے گا۔ وہ قوم اور کشمیریوں کی خواہشات کو عالمی برادری تک پہنچائیں گے۔

تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ اپنی آزادی کے لیے پرعزم مظلوموں کا سفیر آج دنیا کے سب سے بڑے ایوان میں کشمیریوں کی پکار بنے گا۔

فردوس عاشق اعوان کا کہنا تھا کہ عمران خان اقوام متحدہ کو کشمیریوں سے کیے ہوئے ان کے وعدے یاد دلائیں گے۔ اقوام متحدہ کی جنرل اسمبلی میں وزیر اعظم کے خطاب سے کشمیر کاز نئی قوت سے دنیا کے سامنے آئے گا۔

انہوں نے کہا کہ وزیر اعظم پر زور اور ٹھوس انداز سے کشمیریوں کا مقدمہ جنرل اسمبلی میں پیش کریں گے، وہ قوم اور کشمیریوں کی خواہشات اور جذبات کو عالمی برادری تک پہنچائیں گے۔

معاون خصوصی نے کہا کہ دنیا کو کشمیر کے مظلوموں کا ساتھ دینا ہوگا، گزشتہ سات دہائیوں میں کشمیریوں کے حق میں سب سے زیادہ توانا آواز وزیر اعظم عمران خان کی ہے جو آج قریہ قریہ نگر نگر سنائی دے رہی ہے۔

انہوں نے کہا کہ وزیر اعظم عمران خان نے ناروے کے وزیر اعظم، انڈونیشیا کے نائب صدر، روسی وزیر خارجہ اور وال سٹریٹ جرنل کے اداراتی بورڈ سے ملاقاتوں میں مقبوضہ جموں و کشمیر کی تشویشناک صورتحال، انسانی حقوق کی پامالیوں، اور خطے کے امن کو لاحق شدید خطرات سے آگاہ کیا۔

اپنے ٹویٹ میں معاون خصوصی کا مزید کہنا تھا کہ وزیر اعظم نے ہیومن رائٹس واچ کے ایگزیکٹو ڈائریکٹر کو بتایا کہ بھارتی افواج وادی میں انسانی حقوق کی دھجیاں بکھیر رہی ہے۔ مقبوضہ کشمیر میں انسانی المیہ جنم لے سکتا ہے۔

انہوں نے کہا کہ وزیر اعظم نے بتایا کہ دنیا کو خونریزی روکنے کے لیے فعال کردار ادا کرنا ہوگا۔

اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ کل دنیا کو پیغام دیا ہے کہ ہم مقبوضہ کشمیر کے بہن بھائیوں کے ساتھ کھڑے ہیں۔ پاکستان کا ہر طبقہ کشمیریوں کے ساتھ کھڑا ہے۔

تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مظفر آباد آزاد جموں و کشمیر اور پاکستان کی عوام آپ کا شکریہ کہ آپ نے کشمیر کے حق میں اپنی آواز بلند کی۔

مظفرآباد آزاد جموں کشمیر اور پاکستان کی عوام آپ کا شکریہ کہ آپ نے کشمیر کے حق میں اپنی آواز بلند کر کے دنیا کو پیغام دیا ہے کہ ہم مقبوضہ کشمیر کے بہن بھائیوں کے ساتھ کھڑے ہیں

— Firdous Ashiq Awan (@Dr_FirdousPTI) September 14, 2019

معاون خصوصی نے کہا کہ دنیا کو پیغام دیا ہے کہ ہم مقبوضہ کشمیر کے بہن بھائیوں کے ساتھ کھڑے ہیں۔ پاکستانی اور انٹرنیشنل میڈیا اور خصوصی آرٹس کمیونٹی آپ کا شکریہ کہ آپ نے اپنی موجودگی سے یہ احساس دلایا ہے کہ پاکستان کا ہر طبقہ کشمیریوں کے ساتھ کھڑا ہے۔

پاکستانی اور انٹرنیشنل میڈیا اور خصوصی آرٹس کیمونٹی آپ کا شکریہ کہ آپ نے اپنی موجودگی سے یہ احساس دلایا ہے کہ پاکستان کا ہر طبقہ کشمیریوں کے ساتھ کھڑا ہے

— Firdous Ashiq Awan (@Dr_FirdousPTI) September 14, 2019

انہوں نے کہا کہ وزیر اعظم عمران خان اقوام متحدہ کی جنرل اسمبلی سے خطاب میں دنیا کو پاکستان اور کشمیر میں بسنے والوں کے جذبات و احساسات سے آگاہ کریں گے۔

وزیر اعظم عمران خان اقوام متحدہ کی جنرل اسمبلی سے خطاب میں دنیا کو پاکستان اور کشمیر میں بسنے والوں کے جذبات و احساسات سے آگاہ کریں گے۔#KashmirSolidarityJalsa

— Firdous Ashiq Awan (@Dr_FirdousPTI) September 14, 2019

خیال رہے کہ گزشتہ روز وزیر اعظم عمران خان نے آزاد کشمیر کے دارالحکومت مظفر آباد میں کشمیریوں سے اظہار یکجہتی کے لیے تاریخی جلسے سے خطاب کیا تھا۔

انہوں نے کہا تھا کہ نریندر مودی کو یہاں سے پیغام دینا چاہتا ہوں کہ بزدل انسان ہی کشمیریوں پر ظلم کرسکتا ہے، نریندر مودی نے کشمیریوں کو 40 دن سے گھروں میں بند کر رکھا ہے۔

عمران خان نے کہا تھا کہ نریندر مودی سے کہتا ہوں جس میں انسانیت ہوتی ہے وہ کبھی ایسا نہیں کرسکتا، دلیر انسان کبھی عورتوں اور بچوں پر تشدد نہیں کرسکتا۔ جتنا ظلم کرنا ہے کرلیں نریندر مودی آپ کامیاب نہیں ہوں گے۔

ان کا کہنا تھا کہ کشمیر کےعوام میں موت کا خوف ختم ہوچکا ہے، مودی جو مرضی کرلے کشمیری عوام کو شکست نہیں دے سکتا۔

اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ آج ایک کرب و بلا کشمیر میں بپا ہے۔ پوری وادی جیل بن چکی ہے، کشمیری شہدائے کربلا کے راستے پر چل رہے ہیں۔

تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ 10 محرم کا تاریخی دن شہدائے کربلا کی عظیم قربانی کی یاد دلاتا ہے جب حضرت امام حسین دین کی سرفرازی اور باطل کے سامنے ڈٹ گئے تھے۔

10 محرم کا تاریخی دن شہدائے کربلا کی عظیم قربانی کی یاد دلاتا ہےجب حضرت امام حسین دین کی سرفرازی اور باطل کے سامنے ڈٹ گئے تھے۔انہوں نے اسلام کے روشن اور سنہری اصولوں پر سمجھوتہ قبول نہ کیا۔

— Firdous Ashiq Awan (@Dr_FirdousPTI) September 10, 2019

معاون خصوصی کا کہنا تھا کہ انہوں نے اسلام کے روشن اور سنہری اصولوں پر سمجھوتہ قبول نہ کیا۔ یوم عاشور کا عظیم درس یہ ہے کہ مظلوم کا ساتھ دیا جائے اور حق و سچ کے لیے کسی بھی قربانی سے دریغ نہ کیا جائے۔

یوم عاشور کا عظیم درس یہ ہے کہ مظلوم کا ساتھ دیا جائے اور حق سچ کے لئے کسی بھی قربانی سے دریغ نہ کیا جائے۔

— Firdous Ashiq Awan (@Dr_FirdousPTI) September 10, 2019

انہوں نے کہا کہ ایک وہ یوم عاشور تھا جس دن نواسہ رسول دین مبین کی سربلندی کے لیے سربکف تھے۔ آج ایک کرب و بلا کشمیر میں بپا ہے۔ کرفیو کا 39 واں روز ہے، پوری وادی ہی جیل ہے، اشیائے خور و نوش اور ادویات کی شدید قلت اور جنت نظیر کا دنیا سے رابطہ منقطع ہے۔

ایک وہ یوم عاشور تھا جس دن نواسہ رسول دین مبین کی سربلندی کے لئے سربکف تھے۔ آج ایک کرب و بلا کشمیر میں بپا ہے۔کرفیو کا 39 واں روز ہے، پوری وادی ہی جیل ہے، اشیاء خوردو نوش اور ادویات کی شدید قلت اور جنت نظیر کا دنیا سے رابطہ منقطع ہے۔

— Firdous Ashiq Awan (@Dr_FirdousPTI) September 10, 2019

اپنے ٹویٹ میں معاون خصوصی نے مزید کہا کہ کربلا کا سبق ہے ’ظلم پھر ظلم ہے، بڑھتا ہے تو مٹ جاتا ہے‘۔ پاکستانی قوم اسوہ شبیری پر عمل پیرا ہے، مظلوم کشمیریوں کا ساتھ نہیں چھوڑیں گے۔ کشمیری شہدائے کربلا کے راستے پر چل رہے ہیں۔ ان کے حوصلوں کو آزمانے والوں کو شکست ہوگی۔

کربلا کا سبق ہے”ظلم پھر ظلم ہے, بڑھتا ہے تو مٹ جاتا ہے۔” پاکستانی قوم اسوہء شبیری پر عمل پیرا ہے،مظلوم کشمیریوں کا ساتھ نہیں چھوڑیں گے۔ کشمیری شہدائے کربلا کے راستے پر چل رہے ہیں ۔ ان کے حوصلوں کو آزمانے والوں کو شکست ہوگی۔

— Firdous Ashiq Awan (@Dr_FirdousPTI) September 10, 2019