ARYNews.tv | Urdu – Har Lamha Bakhabar

Tag: TWEET

  • آئیں چلیں شہید کے گھر: ڈی جی آئی ایس پی آر

    آئیں چلیں شہید کے گھر: ڈی جی آئی ایس پی آر

    اسلام آباد: ڈائریکٹر جنرل آئی ایس پی آر میجر جنرل آصف غفور کا کہنا ہے کہ یوم دفاع و یوم شہدا 6 ستمبر کو گزشتہ سال کی طرح بھرپور طور پر منائیں گے، ہر شہید کو یاد رکھا جائے گا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یوم دفاع و یوم شہدا 6 ستمبر کو گزشتہ سال کی طرح بھرپور طور پر منائیں گے۔

    ڈی جی آئی ایس پی آر نے اپنے ٹویٹ میں کہا کہ ہر شہید کو یاد رکھا جائے اور ہر شہید کے گھر جائیں۔

    اپنے ٹویٹ میں انہوں نے ’آئیں چلیں شہید کے گھر‘ اور ’کشمیر بنے گا پاکستان‘ کا ہیش ٹیگ بھی شامل کیا۔

    خیال رہے کہ دو دن قبل آرمی چیف جنرل قمر جاوید باجوہ نے کور ہیڈ کوارٹرز لاہور اور پاکستان رینجرز پنجاب کے دورے کے دوران کہا تھا کہ مجھے اپنے افسران اور سپاہیوں پر فخر ہے، پاک فوج ثابت قدم ہے۔

    انہوں نے کہا تھا کہ انسداد دہشت گردی آپریشنز نے پاک فوج کو سخت جان بنا دیا ہے۔ پاک فوج کسی بھی قسم کے حالات کا مقابلہ کرنے کے لیے پوری طرح تیار ہے۔

  • کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے: وزیر اعظم

    کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے: وزیر اعظم

    اسلام آباد: وزیر اعظم عمران خان کا کہنا ہے کہ دنیا کو خبردار ہونا چاہیئے کہ کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بھارت سمیت دنیا بھر کے میڈیا پر مودی حکومت کی جانب سے مسلمانوں کی نسل کشی پر رپورٹس شائع ہورہی ہیں۔

    وزیر اعظم نے کہا کہ ان رپورٹس پر دنیا کو خبردار ہونا چاہیئے کہ کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے۔

    خیال رہے کہ گزشتہ روز ملک بھر میں کشمیریوں سے اظہار یکجہتی کیا گیا تھا۔ مرکزی تقریب سے خطاب کرتے ہوئے وزیر اعظم عمران خان کا کہنا تھا کہ آج پورا پاکستان کشمیریوں کے ساتھ کھڑا ہے، کشمیری بہت مشکل وقت سے گزر رہے ہیں۔

    وزیر اعظم کا کہنا تھا کہ تقریباً 80 لاکھ کشمیری گزشتہ 4 ہفتے سے کرفیو میں محصور ہیں، ہم سب کشمیریوں کے ساتھ کھڑے ہیں اور ان کے دکھ درد میں شریک ہیں۔ انتہا پسند ہندو چاہتے ہیں بھارت سے مسلمانوں کو نکال دیں۔

    انہوں نے مزید کہا تھا کہ آر ایس ایس چاہتی ہے بھارت میں صرف ہندو رہیں اور اس نظریے کی بنیاد پر کشمیریوں پر مظالم ڈھا رہی ہے۔

  • مقبوضہ کشمیر میں نسل کشی سے توجہ ہٹانے کے لیے بھارت جھوٹا آپریشن کر سکتا ہے: وزیر اعظم

    مقبوضہ کشمیر میں نسل کشی سے توجہ ہٹانے کے لیے بھارت جھوٹا آپریشن کر سکتا ہے: وزیر اعظم

    اسلام آباد: وزیر اعظم عمران خان کا کہنا ہے کہ بھارت مقبوضہ وادی و دیگر بھارتی علاقوں میں نسل کشی اور انسانی حقوق کی سنگین خلاف ورزیوں سے توجہ ہٹانے کے لیے جھوٹا آپریشن کر سکتا ہے۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ بھارتی میڈیا جھوٹا دعویٰ کر رہا ہے کہ افغانستان سے دہشت گرد مقبوضہ وادی میں داخل ہوگئے ہیں، ان کا دعویٰ ہے کہ جنوبی بھارت میں بھی کچھ دہشت گرد داخل ہوئے ہیں۔

    وزیر اعظم کا کہنا تھا کہ بھارت مقبوضہ وادی و دیگر بھارتی علاقوں میں نسل کشی سے دنیا کی توجہ ہٹانا چاہتا ہے۔

    اپنے ٹویٹ میں انہوں نے کہا کہ عالمی برادری کو خبردار کرتا ہوں بھارت مقبوضہ کشمیر میں نسانی حقوق کی سنگین خلاف ورزیوں سے توجہ ہٹانے کے لیے جھوٹا آپریشن کر سکتا ہے۔

    دوسری جانب آرٹیکل 370 اے ختم کرنے کے بعد مقبوضہ کشمیر میں 19 ویں روز بھی کرفیو جاری ہے اور مواصلات کا نظام مکمل پر معطل ہے۔

    قابض انتظامیہ نے وادی میں ٹیلی فون اور انٹرنیٹ سروس بند کررکھی ہے جبکہ ذرائع ابلاغ پر سخت پابندیاں عائد ہیں۔

    کشمیر میڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

    مقبوضہ کشمیر میں حریت قیادت کی جانب سے نماز جمعہ کے بعد احتجاج کی کال بھی دی گئی تھی، حریت رہنماؤں کی قیادت میں نماز جمعہ کے بعد سرینگر میں اقوام متحدہ کے دفتر کی جانب مارچ کیا گیا۔

  • فاشسٹ اور جنگی جنون میں مبتلا ریاستیں کامیاب نہیں ہوسکتیں: وزیر خارجہ

    فاشسٹ اور جنگی جنون میں مبتلا ریاستیں کامیاب نہیں ہوسکتیں: وزیر خارجہ

    اسلام آباد: وزیر خارجہ شاہ محمود قریشی کا کہنا ہے کہ سنہ 1965 کے بعد پہلی بار سلامتی کونسل نے کشمیر معاملہ متنازع ہونے کی تصدیق کی۔ تاریخ بتاتی ہے فاشسٹ اور جنگی جنون میں مبتلا ریاستیں کامیاب نہیں ہوسکتیں۔

    تفصیلات کے مطابق وزیر خارجہ شاہ محمود قریشی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بھارتی وزیر دفاع کا بیان تشدد کی بے لگام خواہش کی یاد دہانی ہے۔

    وزیر خارجہ کا کہنا تھا کہ پاکستان نے انتھک سفارتی کوششیں کیں، سنہ 1965 کے بعد پہلی بار سلامتی کونسل نے معاملہ متنازع ہونے کی تصدیق کی۔ تاریخ بتاتی ہے فاشسٹ اور جنگی جنون میں مبتلا ریاستیں کامیاب نہیں ہوسکتیں۔

    خیال رہے کہ مقبوضہ کشمیر پر اقوام متحدہ کی سلامتی کونسل کا اجلاس گزشتہ روز ہوا تھا جس کے دوران کونسل کو مقبوضہ کشمیر کے موجودہ حالات پر بریفنگ دی گئی تھی۔ سلامتی کونسل اجلاس میں 5 مستقل اور 10 غیر مستقل نمائندے شریک ہوئے تھے۔

    سلامتی کونسل کے اجلاس کے بعد اقوام متحدہ میں چین کے مستقل مندوب نے میڈیا سے گفتگو کرتے ہوئے بتایا تھا کہ ارکان نے مقبوضہ کشمیر کی صورتحال پر تشویش کا اظہار کیا۔

    چینی مندوب کے مطابق مقبوضہ کشمیر کا مسئلہ تاریخی ہے، مسئلہ کشمیر کو اقوام متحدہ کی قراردادوں کے مطابق حل ہونا چاہیئے، بھارتی آئینی ترامیم سے خطے میں تناؤ پیدا ہوگا۔

    انہوں نےمزید کہا تھا کہ کشمیر کی موجودہ صورتحال پر چین کو بھی تشویش ہے، بھارتی اقدامات سے چین کی سلامتی بھی چیلنج ہوئی ہے، بھارت کے یک طرفہ اقدامات درست نہیں۔

  • نامور مسلمان فٹ بالر کے خلاف متعصبانہ ریمارکس، برطانوی شہری گرفتار

    نامور مسلمان فٹ بالر کے خلاف متعصبانہ ریمارکس، برطانوی شہری گرفتار

    لندن: ممتاز مصری فٹ بالر محمد صلاح کے خلاف نفرت انگیز ریمارکس دینا والا برطانوی شہری گرفتار کر لیا گیا.

    تفصیلات کے مطابق انگلش پریمیر لیگ کے مشہور فٹ بال کلب لیور پال کے اسٹار کھلاڑی محمد صلاح کے خلاف متعصبانہ ٹویٹ کرنا میرسی سائیڈ کے باسی کو مہنگا پڑ گیا.

    برطانوی پولیس نے جمعرات کے روز ایک 32 سالہ شخص کو گرفتار کیا ہے، جس نے مائیکرو بلاگنگ کی ویب سائٹ ٹویٹر پر محمد صلاح کے خلاف ایک نفرت انگیز ٹویٹ کیا تھا.

    پولیس نے ملزم کا نام ظاہر  نہیں کیا، تفتیش کاروں‌ کا کہنا ہے کہ گرفتار شخص سے پوچھ گچھ کی جارہی ہے اور اس بات کا تعین کیا جارہا ہے کہ اس کا تعلق کسی نسل پرست جماعت سے تو نہیں.

    مزید پڑھیں: سپراسٹار محمد صلاح کا مجسمہ شدید تنقید کی زد پر

    پولیس کے ترجمان کا کہنا ہے کہ کسی بھی قسم کا نفرت انگیز بیان کسی طور قابو قبول نہیں اور اس کے خلاف سخت ترین کارروائی کی جائے گی.

    خیال رہے کہ محمد صلاح کا شمار اس عہد کے ممتاز کھلاڑیوں‌ میں ہوتا ہے، ان کا تعلق مصر سے ہے، جہاں وہ بے حد مقبول ہیں.

    برطانیہ میں‌ صلاح کو مسلمانوں کا روشن چہرہ تصور کیا جاتا ہے، میچز کے دوران لیور پول کے  سپورٹرز جو گیت گاتے ہیں، اس میں‌ صلاح کی مداح کی جاتی ہے.

  • مظلوم کشمیریوں کی حمایت میں پاکستان کے مؤقف کی تائید پر چین کا شکریہ: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ مظلوم کشمیریوں کی حمایت میں پاکستان کے مؤقف کی تائید پر سدا بہار دوست چین کا شکریہ ادا کرتے ہیں۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ چین نے ایک بار پھر مسئلہ کشمیر پر پاکستان کی حمایت کر کے ثابت کیا کہ وہ حق اور سچ کے ساتھ ہے۔

    معاون خصوصی کا کہنا تھا کہ دونوں ممالک کے مابین دوستانہ اور قریبی تعلقات کا تقاضا تھا کہ پاکستان اپنے دوست کو مودی کے سیاہ اقدام پر اعتماد میں لے۔ چین دنیا کی ابھرتی ہوئی طاقت ہے، مظلوم کشمیریوں کی حمایت میں پاکستان کے مؤقف کی تائید پر سدا بہار دوست کا شکریہ ادا کرتے ہیں۔

    انہوں نے کہا کہ دنیا خطے کو پر امن بنانے کے لیے وزیر اعظم پاکستان عمران خان کی سوچ کے ساتھ کھڑی ہے جس کا واضح ثبوت چین کا پاکستان کی حمایت پر دو ٹوک مؤقف ہے۔ پاکستان ایک ذمہ دار ریاست کے طور پر بین الاقوامی قوانین اور اقوام متحدہ کی قراردادوں کے مطابق مسئلہ کشمیر کے حل کا منتظر ہے۔

    اپنے ٹویٹ میں فردوس عاشق اعوان نے مزید کہا کہ یو این سیکرٹری جنرل کا دو ٹوک بیان کہ بھارت کشمیر کی حیثیت بدلنے سے باز رہے، پاکستان کے مؤقف کی ترجمانی ہے۔ مسئلہ کشمیر کا حل سلامتی کونسل کی قراردادوں کے تحت ہونا ہے، مودی کا اقدام جمہوریت اور بین الاقوامی قوانین پر کھلا حملہ ہے۔

    انہوں نے کہا کہ یہ اقدام ثبوت ہے کہ مودی جمہوری روایات پر یقین نہیں رکھتے۔ صرف مسلمان آبادی والی ریاست کا اسپیشل سٹیٹس ختم کرنا اس بات کا ثبوت ہے کہ ہٹلر مودی انتہا پسندانہ سوچ کو پروان چڑھایا جا رہا ہے۔

    معاون خصوصی کا کہنا تھا کہ مودی کے غیر قانونی اقدام نے بھارت کے خود ساختہ الحاق کی دستاویز کو غیر مؤثر کر دیا ہے۔

  • لیگی ترجمانوں کی کوششوں سے سیاہ کبھی سفید نہیں ہوسکتا: فردوس عاشق اعوان

    لیگی ترجمانوں کی کوششوں سے سیاہ کبھی سفید نہیں ہوسکتا: فردوس عاشق اعوان

    اسلام آباد: وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ لیگی رہنماؤں میں شہزاد اکبر کا سچ سننے کا حوصلہ نہیں۔ لیگی ترجمانوں کی کوششوں سے سیاہ کبھی سفید نہیں ہوسکتا۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ لیگی رہنماؤں میں شہزاد اکبر کا سچ سننے کا حوصلہ نہیں۔ ان کے پاس اپنی بے گناہی کے ثبوت موجود نہیں اس لیے شہزاد اکبر پر کیچڑ اچھال رہے ہیں۔

    فردوس عاشق اعوان نے کہا کہ مال مفت دل بےرحم کے فارمولے پر عمل کرتے ہوئے آپ نے لوٹ مار کا جو بازار گرم کیا تھا، نئے پاکستان میں اس کا حساب دینا پڑ رہا ہے۔

    اپنے ٹویٹ میں انہوں نے مزید کہا کہ تھوک کے حساب سے کرپشن کرنے والوں کو اپنے خلاف شواہد پرچون کی دکان لگ رہے ہیں؟ کرپشن کرنے والوں کی جیب سے ثبوت کی بجائے قطری خط برآمد ہوا۔

    انہوں نے کہا کہ لیگی ترجمانوں کی کوششوں سے سیاہ کبھی بھی سفید نہیں ہوسکتا۔

    اس سے قبل معاون خصوصی کا کہنا تھا کہ کرپشن میں سزا یافتہ اوت منشیات فروشی پر گرفتار افراد سیاسی قیدی نہیں، یہ لوگ قوم کے مجرم ہیں۔ شہباز شریف کا رانا ثنا اللہ کے لیے فائیو اسٹار سہولتوں کا مطالبہ مذاق ہے۔

    انہوں نے کہا تھا کہ شہباز صاحب، شہنشاہیت کے خواب سے بیدار ہوں اور نئے پاکستان کی حقیقت کا سامنا کریں۔

  • وزیر اعظم کے کامیاب دورے سے ہاؤس آف شریف کے ارمانوں پر اوس پڑ گئی: فردوس عاشق اعوان

    وزیر اعظم کے کامیاب دورے سے ہاؤس آف شریف کے ارمانوں پر اوس پڑ گئی: فردوس عاشق اعوان

    اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ وزیر اعظم عمران خان کے دورہ امریکا کی کامیابیوں سے ہاؤس آف شریف کے ارمانوں پر اوس پڑ گئی۔ وزیر اعظم نے تنازعہ کشمیر کے حل کی اہمیت کو بھرپور انداز میں اجاگر کیا۔

    تفصیلات کے مطابق وزیر اعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ وزیر اعظم عمران خان کے دورہ امریکا کی کامیابیوں سے ہاؤس آف شریف کے ارمانوں پر اوس پڑ گئی۔

    معاون خصوصی کا کہنا تھا کہ شہباز شریف کا بیان کپتان کے خلاف حسد کا اظہار ہے۔ امریکا میں پاکستانیوں کا تاریخ کا سب سے بڑا جلسہ دیکھ کر برداشت نہیں ہوا۔

    اپنے ٹویٹ میں انہوں نے مزید کہا کہ عمران خان کشمیریوں کے وکیل بن کر ابھرے، تنازعہ کشمیر کے حل کی اہمیت کو بھرپور انداز میں اجاگر کیا۔ شہباز شریف کشمیر پر سیاست کرنے سے پہلے آنکھیں کھول کر سید علی گیلانی کا بیان پڑھ لیتے۔ کشمیریوں کے قائد خوشی کا اظہار کر رہے ہیں۔

    معاون خصوصی کا کہنا تھا کہ کم ظرف سوچ کے ساتھ بسوں میں سفر کا طعنہ دینے کے بجائے عمران خان کی سادگی اور کفایت شعاری کی مثال سے سیکھتے، شہباز صاحب! آپ سب سے بڑے شعبدہ باز ہیں جو لندن میں تو سڑکیں پیدل ناپتے ہیں لیکن پاکستان آتے ہی پروٹوکول کے نشے کا شکار ہو جاتے ہیں۔

    انہوں نے کہا کہ عمران خان سے عداوت اور بغض میں جتنا عوام کو گمراہ کرتے ہیں، ان کی محبت عمران خان کے لیے بڑھتی جاتی ہے۔ ایرینا ون کے عوامی جوش و خروش، والہانہ استقبال اور صدر ٹرمپ کے ساتھ کامیاب ملاقات نے ان کی نیندیں اڑا دیں ہیں۔

    معاون خصوصی کا مزید کہنا تھا کہ شہباز شریف کا وزیر اعظم کے دورہ امریکا کے حوالے سے بیان ان کی پست سوچ اور کرپٹ خصلت کا آئینہ دار ہے۔

  • قومی مفادات کے لیے بلاول بھٹو کا حکومت کی غیر مشروط حمایت کا اعلان

    قومی مفادات کے لیے بلاول بھٹو کا حکومت کی غیر مشروط حمایت کا اعلان

    اسلام آباد: پاکستان پیپلز پارٹی کے چیئرمین بلاول بھٹو نے قومی مفادات کے لیے حکومت کی غیر مشروط حمایت کا اعلان کردیا، ان کا کہنا تھا کہ تعمیری تنقید کرتا رہوں گا تاہم پاکستان کی حمایت کرنا اولین مقصد ہے۔

    تفصیلات کے مطابق پاکستان پیپلز پارٹی کے چیئرمین بلاول بھٹو نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ دنیا سے تعلقات بہتر کرنے کی حکومتی کوشش کو سراہنا چاہیئے۔

    بلاول بھٹو کا کہنا تھا کہ دنیا سے تعلقات بڑھانے کی حکومت کی کوشش کی حمایت کرتا ہوں، ضرورت پڑنے پر تعمیری تنقید کرتا رہوں گا تاہم پاکستان کی حمایت کرنا اولین مقصد ہوگا۔

    واضح رہے کہ وزیر اعظم عمران خان دورہ امریکا پر ہیں جہاں گزشتہ روز انہوں نے امریکی صدر ڈونلڈ ٹرمپ سے ملاقات کی۔

    پاکستان کی جانب سے ملاقات کے جاری کردہ اعلامیے کے مطابق وزیر اعظم نے امریکی کارپوریٹ سیکٹر کو پاکستان میں سرمایہ کاری کی دعوت دی اور امریکی صدر کو پاکستان کے سماجی و اقتصادی ترقی پر نقطہ نظر سے آگاہ کیا۔

    اعلامیے میں کہا گیا کہ امریکی صدر نے جنوبی ایشیا میں امن پر وزیر اعظم کے نقطہ نظر کی تعریف کی۔ صدر ٹرمپ نے مسئلہ کشمیر کے حل میں ثالثی کا کردار ادا کرنے کی بھی پیشکش کی اور مذاکرات کے بعد امریکی صدر نے وزیر اعظم اور وفد کو وائٹ ہاؤس کا دورہ بھی کروایا۔

  • انتخابات کا مرحلہ مکمل ہوتے ہی فاٹا آئینی فریم ورک میں شامل ہوجائے گا: فواد چوہدری

    انتخابات کا مرحلہ مکمل ہوتے ہی فاٹا آئینی فریم ورک میں شامل ہوجائے گا: فواد چوہدری

    اسلام آباد: وفاقی وزیر سائنس و ٹیکنالوجی فواد چوہدری کا کہنا ہے کہ انتخابات کا مرحلہ ہوتے ہی فاٹا آئینی فریم ورک میں شامل ہوجائے گا۔ یہ پاکستانی قوم کی عظیم کامیابی ہے۔

    تفصیلات کے مطابق وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ فاٹا کے غیور عوام کو مبارک، انتخابات کا مرحلہ ہوتے ہی فاٹا آئینی فریم ورک میں شامل ہوجائے گا۔

    فواد چوہدری کا کہنا تھا کہ یہ پاکستانی قوم کی عظیم کامیابی ہے، وزیر اعظم عمران خان کی دلچسپی سے یہ کامیابی ممکن ہوئی۔

    اپنے ٹویٹ میں انہوں نے مزید کہا کہ افواج پاکستان اور سیاسی جماعتوں کا کردار بھی قابل تعریف ہے۔

    خیال رہے کہ صوبہ خیبر پختونخواہ میں ضم کیے گئے قبائلی علاقوں میں پہلے تاریخ ساز انتخابات کے لیے پولنگ جاری ہے، عوام پہلی بار ووٹ کا حق استعمال کر رہے ہیں۔

    28 لاکھ سے زائد ووٹرز حق رائے دہی استعمال کر رہے ہیں، 2 خواتین سمیت 285 امیدوار میدان سیاست میں‌ مدمقابل ہیں۔