ARYNews.tv | Urdu – Har Lamha Bakhabar

Tag: TWEET

  • گیتا کی واپسی: نریندرمودی، وزیراعظم پاکستان اورایدھی خاندان کے مشکور

    گیتا کی واپسی: نریندرمودی، وزیراعظم پاکستان اورایدھی خاندان کے مشکور

    نئی دہلی: بھارتی وزیراعظم نریندر مودی نے گیتا کی بحفاظت بھارت واپسی پروزیراعظم پاکستان میاں محمد نواز شریف اور ایدھی خاندان کا شکریہ ادا کیا ہے۔

    بھارتی وزیراعظم نریندرمودی اپنے ٹویٹر پیغام میں کہا ہے کہ وہ گیتا کی بھارت واپسی کو یقینی بنانے کے لئے پاکستانی وزیراعظم نوازشریف کے شکرگزارہیں۔


     

    نریندرمودی نےاپنے ایک اورٹویٹر پیغام میں گیتا کو بھارت میں خوش آمدید بھی کہا۔ انہوں نے یہ بھی کہا کہ گیتا کا بھارت واپس آنا ایک انتہائی خوشگوارموقع ہے اور انہیں گیتا کے ساتھ وقت گزار کر بے حد خوشی ہوئی۔

    اس موقع پر انہوں نے ایدھی خاندان کا شکریہ ادا کرتے ہوئے کہا کہ وہ گیتا کا خیال رکھنے پر بے حد شکرگزار ہیں اور ان کا
    یہ اقدام ان کی رحم دلی اور انسان دوستی کے اعلیٰ درجات پر ہونے کی دلیل ہے۔

    نریندر مودی نے اپنے ٹویٹ میں یہ بھی کہا کہ ایدھی خاندان نے گیتا کے لئے جو کچھ کیا اس کا نعم البدل نہیں تاہم میں اظہار مسرت کرنے کے لئے ایدھی فاوٗنڈیشن کو ایک کروڑ روپے رقم دے رہا ہوں کہ وہ اس قسم کے کارخیر کرتے رہیں۔

  • ماہرہ خان کو اداکاری نہیں آتی، عوام اپنا وقت ضائع نہ کریں، اداکارہ میرا

    ماہرہ خان کو اداکاری نہیں آتی، عوام اپنا وقت ضائع نہ کریں، اداکارہ میرا

    لاہور : پاکستان کی معروف فلمی اداکارہ میرا نے کہا ہے کہ ماہرہ خان کو اداکاری نہیں آتی نہ ہی وہ اداکا ری کے بارے میں کوئی خاص معلومات رکھتی ہیں۔

    ان خیالات کا اظہار اداکارہ میرا نے سماجی رابطے کی ویب سائٹ ٹوئٹر پر اپنے ایک پیغام میں کیا، انہوں نے کہا کہ عوام ان کی فلمیں اور اشتہارات دیکھ کر اپنا قیمتی وقت ضائع نہ کریں۔

    یاد رہے کہ پاکستانی اداکارہ ماہرہ خان بالی ووڈ کی نئی آنے والی فلم رئیس میں بھارتی سپر اسٹار شاہ رخ خان کے ساتھ جلوہ افروز ہو رہی ہیں، جبکہ بالی ووڈ کنگ خان شاہ رخ خان بھی ماہرہ خان کے مداح نکلے۔

    ایک انٹرویو میں شاہ رخ خان کا کہنا تھا کہ وہ بہت ہی نکھری ہوئی اداکارہ ہے اور مجھے بہت پہلے ان کے ساتھ کام کر لینا چاہیئے تھا۔

    ان کا کہنا تھا کہ اب مجھے بھی فلم میں ان کی طرح پرفارم کرنا پڑے گا۔

    واضح رہے کہ ماہرہ خان نے ڈرامہ سیریل ہمسفر میں شاندار اداکاری کے ذریعے پاکستان اور بھارت سمیت دنیا بھر میں مقبولیت حاصل کی اور ان کی شاندار اداکاری کی وجہ سے ہی انھیں فلم ’رئیس‘ کے لئے منتخب کیا گیا۔

  • مداحوں کےشاہ رخ خان سے بچکانہ سوالات

    مداحوں کےشاہ رخ خان سے بچکانہ سوالات

    شاہ رخ خان آج کل اپنے مداحوں سے بہت زیادہ تال میل رکھ رہے ہیں اور کہا جارہا ہے کہ اس کی وجۂ تسمیہ ان کی آنے والی فلم ’’فین‘‘ہے۔

    بالی وڈ کے سپرسٹارنے سب سے پہلے تو فیس بک پرسیٹ سے لائیو ایکشن کے مناظر پبلش کیے تھے اوراس کے بعد انہوں نے ٹویٹر پرمداحوں کے سوالات کے جوابات بھی دیے۔

    مداحوں نے بھی انہیں سوشل میڈیا پراپنے مداحوں کے درمیان متحرک پا کر انتہائی دلچسپ سوالات کرنے شروع کردئے جن میں سے یہ سب سے دلچسپ تھا۔

     

     

    شاہ رخ خان نے انتہائی تحمل اور بردباری سے مداحوں کے بچکانہ سوالات کے جوابات دیتے رہے۔

    شاہ رخ خان اور ماہرہ خان کی فلم’رئیس‘کا جب سے اعلان ہوا ہے تب سے ہی وہ خبروں کی زینت بنی ہوئی ہے خصوصاً جب سے رئیس اور سلمان خان کی سلطان کے ایک ہی وقت میں ریلیز ہونے کے امکانات پیدا ہوئے ہیں تب سے رئیس کے حوالے سے خبریں توجہ حاصل کررہی ہیں۔

     

    اس سوال و جواب کے سلسلے میں کنگ خان سے کچھ اور انتہائی دلچسپ سوال بھجی پوچھے گئے۔

    شاہ رخ خان کیونکہ سارا دن فارغ نہیں ہوتے لہذا جلد ہی انہوں نے اپنے مداحوں کا شکریہ ادا کیا اورسائن آف کرگئے۔

  • شاہراہ فیصل پرنالے سے قرآن پاک کے اوراق برآمد، عوام کا احتجاج

    شاہراہ فیصل پرنالے سے قرآن پاک کے اوراق برآمد، عوام کا احتجاج

    کراچی: شہرکے مرکزی علاقے شاہراہ فیصل میں نالے سے قرانِ پاک کے اوراق برآمد ہونے پرعلاقہ مکینوں کی جانب سے احتجاج کیا جارہا ہے جس کے سبب شاہراہ فیصل کو ٹریفک کے لئے بند کردیا گیا ہے۔

    تفصیلات کے شاہراہ ملٹری گیٹ کے قریب نالے میں سے قرآن پاک کے اوراق برآمد ہوئے ہیں جس پرعلاقہ مکینوں کی جانب سے شدید غم و غصے کا اظہار کیا جارہا ہے۔

    احتجاج کے سبب شاہراہ فیصل کو ڈرگ روڈ سے راشد منہاس اوراسٹارگیٹ سے شاہ فیصل کالونی تک کا علاقہ ٹریفک کے لئے بند کردیا گیا ہے۔

     

     

    پولیس کے مطابق مظاہرین نے ایک مرتبہ احتجاج ختم کیا لیکن کچھ دیر بعد ہی علاقہ مکین دوبارہ منظم ہوگئے جس کے سبب مرکزی شاہراہ دوبارہ بند ہوگئی ہے۔

  • آصفہ بھٹو زرداری نے دارالسکون کا دورہ کیا

    آصفہ بھٹو زرداری نے دارالسکون کا دورہ کیا

    کراچی :  سابق صدر آصف علی زرداری کی صاحبزادی آصفہ بھٹو زرداری نے دارالسکون کا دورہ کیا۔

    آصفہ بھٹو زرداری نے سماجی رابطے کی ویب سائٹ ٹوئٹر پر اپنے ٹوئٹ میں چند تصاویر پوسٹ کی جو کہ دارالسکون کے دورہ کے موقع پر لی گئی ۔

    آصفہ بھٹو کا ٹوئٹ میں بس اتنا لکھا کہ انہوں نے دارالسکون کا دورہ کیا، دورہ کے موقع پر آصفہ وہاں موجود ضیف افراد میں گھل مل گئیں، جبکہ بچوں میں تحائف بھی تقسیم کئے ۔

  • ریحام نے خواتین کارکنوں کو عمران کے ساتھ سیلفی بنانے سے روک دیا

    ریحام نے خواتین کارکنوں کو عمران کے ساتھ سیلفی بنانے سے روک دیا

    اسلام آباد: چیئرمین پی ٹی آئی عمران خان کی اہلیہ ریحام خان نے بدھ کو جوڈیشل کمیشن کی سماعت کے موقع پر کمرہ عدالت کے باہر خواتین کارکنان کو عمران خان کے ساتھ سیلفی بنانے سے روک دیا اور کہا کہ یہ کام یہاں نہیں چلے گا۔

    گزشتہ روز تحریک انصاف کے سربراہ عمران خان اپنی اہلیہ ریحام خان کے ساتھ سپریم کورٹ میں جوڈیشل کمیشن کے روبرو پیش ہونے کیلئے پہنچے تو عدالت کے باہر موجود خواتین کارکنان نے عمران خان کے ساتھ سیلفی بنانے کی ضد کی جس کو ریحام خان نے مسترد کردیا۔

  • مایہ ناز کوہ پیما مائیک ہورن کی پاکستان آمد

    مایہ ناز کوہ پیما مائیک ہورن کی پاکستان آمد

    کراچی : سوئٹزر لینڈ کے مایہ ناز کوہ پیما مائیک ہورن پاکستان پہنچ گئے ، تفصیلات کے مطابق دنیا بھر کے دس ممالک کا دورہ کرنے کے بعد سوئٹزر لینڈ کے مایہ ناز کوہ پیما مائیک ہورن پاکستان پہنچ گئے ہیں ۔

    ان کے دو ساتھی فریڈ روش اور کے بی راچن بھی ان کے ہمراہ ہیں،  مائیک ہورن پاکستان کی بلند ترین چوٹی کے ٹو کو سر کریں گے۔

    وہ اس سے قبل جرمنی، پولینڈ، لیتھونیا، لتویا، روس، قازقستان، ازبکستان، تاجکستان، کرگستان، اور چائنا کا سفر کرنے کے بعد پاکستان پہنچے ہیں۔

    مائیک ہورن نے پاکستان میں حفاظتی انتظامات کی فراہمی کے سلسلے میں پاکستان کے سابق کرکٹر وسیم اکرم کا خاص طور سے شکریہ ادا کیاہے۔

    مائیک ہورن کا شمار دنیا کے مایہ ناز کوہ پیماؤں میں ہوتا ہے انہوں نے ان ممالک کا دورہ کیا ہے جودنیا کی ایکوئٹر لائن میں آتے ہیں۔  

    اس کے علاوہ مائیک ہورن نے نارتھ پول میں ساٹھ روز کا سفر بھی طے کیا ہے، انہوں نے اپنے  کیریئر کا آغاز دنیا کے خطرناک ترین جنگل ایمزون میں سفر طے کر کے کیا۔

    یہاں یہ امر بھی قابل ذکر ہے کہ مائیکل ہورن 2011 کے کرکٹ ورلڈ کپ میں انڈین ٹیم کی منجمینٹ میں بھی شامل تھے، یاد رہے کہ مذکورہ ورلڈ کپ میں بھارتی ٹیم فاتح قرار پائی تھی۔

     

    اس کے علاوہ مائیک ہورن 2014 میں برازیل میں ہونے والے فیفا ورلڈ کپ جیتنے والی جرمن کی ٹیم کی مینجمنٹ کا بھی حصہ رہ چکے ہیں۔

    جبکہ بھارت میں ہونے والی آئی پی ایل کرکٹ لیگ میں کولکتہ نائٹ رائیڈر کی ٹیم مینجمنٹ میں بھی اپنے فرائض انجام دے چکے ہیں، یاد رہے کہ اس آئی پی ایل کا فائنل بھی کولکتہ نائٹ رائیڈر کی ٹیم نے جیتا تھا۔

  • پیرس ایئر شو : پاکستانی پائلٹ نے’ٹاپ گن ‘کی یاد دلادی

    پیرس ایئر شو : پاکستانی پائلٹ نے’ٹاپ گن ‘کی یاد دلادی

    کراچی : پاکستانی پائلٹ نے پیرس ایئر شو کی ایک تصویر میں ہالی ووڈ کی مشہور فلم ’’ٹاپ گن ‘‘ کی یاد دلادی۔

    تفصیلات کے مطابق پیرس میں جاری پیرس ائیر شو کے حوالے سے سماجی رابطے کی ویب سائٹ  ٹوئٹر پر ایک تصویر جاری کی گئی ہے ۔

    جس میں دیکھا جا سکتا ہے کہ ایک پاکستانی پائلٹ جے ایف 17 طیارہ میں موجود اٹلی میں تعینات پاکستانی سفیر تہمینہ جنجوعہ کو جہاز کے بارے میں آگاہی فراہم کررہاہے۔

    تصویر کی خاص بات یہ ہے کہ یہ تصویر 1986 میں بننے والی ایک کامیاب فلم ٹاپ گن کے ایک سین کی یاد دلاتی ہے۔  

    واضح رہے کہ پیرس میں جاری اس ایئر شو میں پاکستان ایئرفورس کے جوان اور ٹیکنیشن بھی حصہ لے رہے ہیں۔

    جبکہ ایئروائس مارشل ارشد ملک نے ایئر شو میں ہونے والی ہوابازی کے مظاہروں کا جائزہ بھی لیا۔

    علاوہ ازیں مذکورہ ٹوئٹ پر لوگوں کی جانب سے کافی پسندیدگی کا اظہار کیاجا رہا ہے۔

  • نجم سیٹھی’ آئی سی سی‘ کی صدارت سے دستبردار

    نجم سیٹھی’ آئی سی سی‘ کی صدارت سے دستبردار

    لاہور: پاکستان کرکٹ بورڈ کے چیئرمین نجم سیٹھی آئی سی سی کی صدارت سےسابق کھلاڑیوں کے حق میں دستبردارہوگئے۔

    تفصیلات کے مطابق اس فیصلے کا اعلان پی سی بی کے چیئرمین نجم سیٹھی نے سماجی رابطے کی ویب سائٹ ٹویٹرپرکیا ہے۔

    اپنے ٹویٹر پیغام میں نجم سیٹھی نے کہا ہے کہ میں آئی سی سی کی صدارت سے دستبردار ہونے کافیصلہ کیا ہے۔ میری پی سی بی سے درخواست ہے کہ سابق کھلاڑیوں میں سے کسی بہترین کھلاڑی کو اس عہدے کے لئے نامزد کیا جائے۔

    ان کا کہنا تھا کہ انہوں نے یہ فیصلہ کھیل کی روح کو برقرار رکھنے کے لئے کیا ہے۔

    واضح رہے کہ نجم سیٹھی نے یکم جولائی 2015 کو آئی سی سی کی صدارت کا منصب سنبھالنا تھا۔

  • طاہر شاہ ہالی وڈ فلموں میں جلوہ گرہوں گے

    طاہر شاہ ہالی وڈ فلموں میں جلوہ گرہوں گے

    پاکستانی گلوکار طاہر شاہ نے ٹویٹر پر اعلان کیا ہے کہ وہ بہت جلد ہالی وڈ میں انٹری مارنے والے ہیں۔

    ٹویٹر پر شیئر کئے گئے پیغام کے مطابق طاہر شاہ جلد ہی ہالی وڈ کی فلم ’’آئی ٹو آئی‘‘ میں جلوہ گر ہوں گے۔

    طاہر شاہ کا گان 2013 میں بے پناہ وائرل ہوا تھا اور اسے غیر معمولی شہرت ملی تھی۔ گانے کو اس کے کمزور گرامر والے انگریزی جملوں کے سبب بے پناہ تنقید کا نشانہ بھی بنایا گیا تھا۔

    دو روزقبل طاہرشاہ نے ٹویٹر پراپنے فالوورز سے وعدہ کیا تھا کہ وہ جلد ہی ایک بڑا اعلان کریں گے۔