ARYNews.tv | Urdu – Har Lamha Bakhabar

Tag: Twetter msg

  • الیکشن کو چوری کرنے کی کوشش کی جا رہی ہے، ڈونلڈ ٹرمپ

    الیکشن کو چوری کرنے کی کوشش کی جا رہی ہے، ڈونلڈ ٹرمپ

    واشنگٹن : امریکی صدر ڈونلڈ ٹرمپ نے کہا ہے کہ جیتنا آسان ہے لیکن ہارنا کبھی آسان نہیں ہوتا، الیکشن چوری نہیں کرنے دیں  گے، اپنی کامیابی کا اعلان آج کروں گا۔

    سماجی رابطے کی ویب سائٹ ٹوئٹر پر اپنے پیغام میں امریکی صدر کا کہنا ہے کہ بڑی کامیابی کا اعلان آج کروں گا، ہماری کامیابی یقینی ہے لیکن الیکشن کو چوری کرنے کی کوشش کی جا رہی ہے۔

    ان کا کہنا ہے کہ ہم انہیں الیکشن چوری نہیں کرنے دیں گے، پولنگ کا عمل بند ہونے کے بعد ووٹ کاسٹ نہیں کیا جاسکتا۔

    اس سے قبل آرلنگٹن میں ریپبلکن انتخابی مہم کے مرکزی دفتر کے دورے کے موقع پر گفتگو کرتے ہوئے ٹرمپ نے کہا کہ جیتنا آسان ہے لیکن ہارنا کبھی آسان نہیں ہوتا۔

    اپنے حامیوں سے گفتگو میں انہوں نے دعویٰ کیا کہ مختلف ریاستوں میں ہماری پوزیشن مستحکم ہے، آج ایک بہترین رات ہوگی لیکن سیاست میں یقین سے کچھ نہیں کہاجاسکتا۔

  • "چچاجی ! عمران خان گھر کا خرچ ذاتی جیب سے ادا کرتے ہیں” شہباز گل

    "چچاجی ! عمران خان گھر کا خرچ ذاتی جیب سے ادا کرتے ہیں” شہباز گل

    اسلام آباد : وزیر اعظم کے معاون خصوصی ڈاکٹر شہباز گل نے کہا ہے کہ عمران خان گھر کا تمام خرچ ذاتی جیب سے ادا کرتے ہیں جاتی امرا میں 70 کلومیٹر باؤنڈری اور صدقے کے بکرے سرکاری مال سے خریدے جاتے تھے۔

    یہ بات انہوں نے سماجی رابطے کی ویب سائٹ ٹوئٹر پر نا لیگ کے رہنما شہباز شریف کو مخاطب کرتے ہوئے کہی، انہوں نے کہا کہ چچا جی ! عمران خان گھر کا تمام خرچ ذاتی جیب سے ادا کرتے ہیں، آپ کس منہ سے ان کی بات کرتے ہیں.

    شہباز گل نے کہا کہ آپ تو اپنے اور بچوں کے گھروں اور2200پولیس اہلکار پر سرکاری مال خرچ کرتے تھے، جاتی امرا میں 70 کلومیٹر باؤنڈری،صدقے کے بکرے بھی سرکاری مال سے خریدے جاتے تھے، خیرات اور بزرگوں کے ختم تک پر بے دردی سے سرکاری مال لگاتے تھے، کہاں راجہ بھوج کہاں گنگو تیلی!

    انہوں نے کہا کہ شہباز شریف صاحب جواب دہ آپ ہیں کہ بھینسیں اربوں روپے کا دودھ کیسے دیتی تھیں، ٹی ٹیز اور بے نامی اکاؤنٹس سے سرمایہ کیسے آتا تھا؟

    بڑے میاں نے لندن کے21اور دبئی کے51دورے سرکاری خرچ پر کھڑکا دیے جو سب لاحاصل رہے جبکہ آج وزیراعظم دنیا میں جہاں جائیں اس کا واضح امپیکٹ دکھائی دیتا ہے اور بیرونی دوروں پر خرچ آپ کے مقابلے میں نہ ہونے کے برابر ہے۔

    انہوں نے کہا کہ یہ آپ کی بد دیانتی ہے کہ پہلے اپنے لفافوں سے جھوٹی خبریں پھیلاتے ہیں پھر ان ہی خبروں پر جھوٹے تبصرے اور پھر آخر میں آپ کی جھوٹی ہمدردیاں، آپ لوگ ایک مافیا ہیں اور عمران خان کو آپ سمیت کئی مافیاز کا سامنا ہے۔ وہ انشاللہ سرخرو کرے گا۔

  • فواد چوہدری پرالزام لگانے والے اینکر نے معافی مانگ لی

    فواد چوہدری پرالزام لگانے والے اینکر نے معافی مانگ لی

     اسلام آباد : وفاقی وزیر سائنس و ٹیکنالوجی فواد چوہدری نے کہا ہے کہ مجھ پرالزام لگانے والے اینکر رائے ثاقب کھرل نے معافی مانگ لی ہے، صحافتی بلیک میلرز کیلئے نوجوانوں کو ورغلانا آسان ہوتا ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، وفاقی وزیر نے کہا کہ جو تکلیف مجھے ان الزامات سے پہنچی وہ اس بیان سے کم نہیں ہوئی۔

    مزید پڑھیں : مبشر لقمان کو تھپڑ مارنے کے بعد فواد چوہدری کا اہم بیان سامنے آگیا

    صحافتی بلیک میلرز کیلئے نوجوانوں کو ورغلانا آسان ہوتا ہے، جو تکلیف ان الزامات سے پہنچی وہ اس بیان سے کم نہیں ہوئی، صحافتی بلیک میلرز کیلئے نوجوانوں کو ورغلانا آسان ہوتا ہے۔

    امید ہے آئندہ ایسے الزام سے پہلے سو دفعہ سوچیں گے، فواد چوہدری کا ٹوئٹر پیغام میں مزید کہنا تھا کہ یہ باقی نوجوان صحافیوں کیلئے بھی سبق ہے، دوسروں کی عزت کا تماشا بنانے کو صحافت نہ سمجھیں۔

    واضح رہے کہ اینکر رائے ثاقب کھرل نے اپنے ٹوئٹر پیغام میں کہا ہے کہ یہ ایک غلط فہمی تھی اور میں اس بات پر بھروسا رکھتا ہوں کہ خاندانی اور نجی معاملات کو صحافتی گفتگو کا حصہ نہیں بنایا جانا چاہیے۔ میں فواد چودھری اور دیگر افراد سے معذرت خواہ ہوں۔

  • شہباز شریف نے ابھی کوئی مقدمہ دائر نہیں کیا، برطانوی صحافی ڈیوڈ روز

    شہباز شریف نے ابھی کوئی مقدمہ دائر نہیں کیا، برطانوی صحافی ڈیوڈ روز

    لندن : برطانوی صحافی ڈیوڈ روز نے کہا ہے کہ شہباز شریف نے ابھی تک میرے خلاف کوئی مقدمہ دائر نہیں کیا۔ ن لیگی رہنما گزشتہ ایک ماہ سے لندن میں مقیم ہیں۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ تفصیلات کے مطابق برطانوی صحافی ڈیوڈ روز نے شہباز شریف کی جانب سے نوٹس بھیجنے کے معاملے کا مذاق اڑانا شروع کردیا.

    اپنے تازہ پیغام میں ان کا کہنا ہے کہ میرے پاکستانی دوستو! آپ میں سے کچھ لوگ مجھ سے پوچھتے رہتے ہیں کہ شہباز شریف نے میرے خلاف اب تک کوئی قانونی کارروائی کی یا نہیں۔

    تو میں آپ کو بتاتا چلوں کہ شہباز شریف نے ابھی تک میرے خلاف کوئی لیگل نوٹس نہیں بھیجا اور نہ ہی ابھی تک میرے خلاف کیس کیا۔

    یاد رہے کہ گزشتہ ماہ برطانوی صحافی ڈیوڈ روز نے زلزلہ فنڈز میں اس وقت کے وزیر اعلیٰ پنجاب شہباز شریف کی کرپشن کے حوالے سے ایک رپورٹ شائع کی تھی جس کے بعد شہبازشریف نے انہیں عدالت لے جانے کا اعلان کیا تھا۔ جس کے رد عمل میں صحافی کا کہنا تھا کہ میں اپنی خبر پر اب بھی قائم ہوں۔

    ن لیگ کے رہنما شہباز شریف گزشتہ ایک ماہ سے زیادہ عرصے سے لندن میں موجود ہیں، ٹوئٹر پر صحافی ڈیوڈ روز کی شہباز شریف کو جگتیں بھی جاری ہیں۔

    آپ کے وکلا کو خط بھیج دیا تھا : برطانوی صحافی نے شہباز شریف کا دعویٰ مسترد کردیا

    اس کے باوجود شہباز شریف نے خاموشی اختیار کی ہوئی ہے، اس حوالے سے صحافیوں کے سوالات پر بھی شہباز شریف خاموش رہے، اب سوال یہ پید اہوتا ہے کہ شہباز شریف ڈیوڈ روز کو لندن کی عدالت میں گھسیٹیں گے یا نہیں؟

  • کارکے کمپنی کو جرمانے کی ادائیگی کا مسئلہ حل کرلیا، وزیراعظم عمران خان

    کارکے کمپنی کو جرمانے کی ادائیگی کا مسئلہ حل کرلیا، وزیراعظم عمران خان

    اسلام آباد : وزیراعظم عمران خان نے کہا ہے کہ حکومت نے ترک صدر کی مدد سے کارکے کمپنی کو جرمانے کی ادائیگی کا مسئلہ حل کرلیا، حکومتی ٹیم کو مقصد کےحصول میں کارکردگی پر مبارکباد دیتا ہوں۔

    یہ بات انہوں نے سماجی رابطے کی ویب سائٹ ٹوئٹر پر اپنے مختصر پیغام میں کہی، ٹوئٹر پیغام میں انہوں نے کہا کہ کارکے کمپنی تنازع کا حل حکومت کی بڑی کامیابی ہے، ہم نے ترک صدر کی مدد سے کارکے کا مسئلہ حل کرلیا، تنازع حل ہونے سے پاکستان کو1ارب20کروڑ ڈالر کا ہرجانہ نہیں دینا پڑے گا۔

    وزیراعظم نے کہا کہ ترک صدر کی مدد سے کارکے کا مسئلہ مفاہمانہ طور پر حل ہوا، تنازعے میں عالمی عدالت نے پاکستان پر1ارب20کروڑ ڈالرکا ہرجانہ کیا تھا، حکومتی ٹیم کو مقصد کےحصول میں کارکردگی پر مبارکباد دیتا ہوں۔

    واضح رہے کہ ترکی سے تعلق رکھنے والی کارکے کمپنی کے ساتھ موجودہ حکومت کے معاملات طے پاگئے ہیں۔ پیپلز پارٹی دور حکومت میں کارکے کمپنی نے پاکستان کو بجلی پیدا کرنے والے بحری جہاز فراہم کیے تھے۔

    اس منصوبے کو سابق چیف جسٹس افتخار محمد چوہدری نے رکوا دیا تھا جس کے خلاف کمپنی نے آئی سی ایس آئی ڈی سے رجوع کیا تھا۔

    رواں سال جولائی میں انٹرنیشنل کورٹ آف سیٹلمنٹ آف انویسٹمنٹ ڈسپیوٹ نے ریکوڈک کیس کا فیصلہ سناتے ہوئے پاکستان پر بھاری جرمانہ عائد کرتے ہوئے 1ارب20کروڑ ڈالر کی رقم ادا کرنے کا حکم دیا تھا۔ پاکستان پر یہ ہرجانہ ریکوڈک کا معاہدہ منسوخ کرنے کے باعث عائد کیا گیا تھا۔

  • زرداری بیمار ہیں تو حکومت کا کیا قصور؟ ان کا علاج قوم کا نقصان ہے، فردوس عاشق

    زرداری بیمار ہیں تو حکومت کا کیا قصور؟ ان کا علاج قوم کا نقصان ہے، فردوس عاشق

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ آصف زرداری اگر بیمار ہیں تو اس میں حکومت کا کیا قصور ہے؟ حکومت ٹیکس پیئر کے پیسے سے زرداری کا علاج کرا رہی ہے جو قوم کا نقصان ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، فردوس عاشق اعوان نے کہا کہ کرپشن کے الزامات میں گرفتار ہونے والے افراد کا علاج بھی قوم کا نقصان ہے۔

    اپنے ٹوئٹر پیغام میں فردوس عاشق اعوان نے کہا کہ پوری قوم کا نقصان کرنے والے تاریخ کے بھی مجرم رہیں گے۔

    پیپلز پارٹی کے چیئرمین بلاول بھٹو زرداری کے الزامات پر ردعمل میں فردوس عاشق اعوان نے کہا کہ بلاول بھٹو ابھی تک لاڑکانہ میں ضمنی انتخاب کی ہار کے صدمے سے باہر نہیں آئے، ان کی بہکی بہکی باتیں شدید  صدمے میں مبتلا ہونےکا ثبوت ہیں۔

    انہوں نے مزید کہا کہ بلاول کو پتہ چل گیا ہے کہ سندھ سے بھی پی پی کا بوریا بسترگول ہورہا ہے کیونکہ اب عوام انہیں مسترد کر رہے ہیں۔

  • لٹیرا لیگ اور جعلی اکاؤنٹس پارٹی اندر سے فضل الرحمان کے خلاف ہیں، فردوس عاشق اعوان

    لٹیرا لیگ اور جعلی اکاؤنٹس پارٹی اندر سے فضل الرحمان کے خلاف ہیں، فردوس عاشق اعوان

    اسلام آباد : وزیراعظم کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ احسن اقبال عوام کو اکسانے کے بجائے اپنے قائدین میں صلح کرائیں، لٹیرا لیگ اور جعلی اکاؤنٹس پارٹی اندر سے مولانا فضل الرحمان کے خلاف ہیں۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، ڈاکٹر فردوس عاشق اعوان نے ٹوئٹر پیغام میں مزید کہا کہ لٹیرا لیگ اور جعلی اکاؤنٹس پارٹی اوپر سے مولانا فضل الرحمان کے ساتھ ہیں لیکن اندر سے ان کے خلاف ہیں۔

    ان کا مزید کہنا تھا کہ دونوں جماعتوں کی دو دو زبانیں ہیں، لہٰذا احسن اقبال عوام کو اکسانے کے بجائے اپنے قائدین میں صلح کرائیں، معیشت کا پہیہ جام کرنے والے آج کیسے بھاشن دیتے ہیں؟ ان کو تکلیف یہ ہے کہ قانون پر عمل داری اپنا رنگ دکھارہی ہے، ذاتی معاشی ترقی سےفرصت ملتی توملکی معیشت کی بہتری کا سوچتے۔

    فردوس عاشق اعوان نے کہا کہ مدرسے کے بچوں کو سیاسی بھٹی کا ایندھن بنانے والے جان لیں ایسےعناصر کے ساتھ نہ تو عوام ہیں اور نہ ہی اب پٹواری اور تھانیدار ساتھ ہوگا۔

    معاون خصوصی کا کہنا تھا کہ آج پارلیمان کی بالادستی کے اصول کہاں ہیں؟ ان کے لیےصرف وہ پارلیمان بالادست ہے جس میں یہ موجود ہوں۔

  • بھارت کشمیر میں انسانی تاریخ کی سب سے بڑی نسل کشی کرنے جارہا ہے، سید علی گیلانی

    بھارت کشمیر میں انسانی تاریخ کی سب سے بڑی نسل کشی کرنے جارہا ہے، سید علی گیلانی

    سری نگر : کل جماعتی حریت کانفرنس کے چیئرمین سید علی گیلانی نے کہا ہے کہ بھارت انسانی تاریخ کا بڑا نسل کش آپریشن شروع کرنے جارہا ہے، اگر ہم مرگئے اور تم خاموش رہے تو اللہ کے آگےجواب دینا پڑے گا۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ سید علی گیلانی نے بھارتی فوج کے نہتے کشمیری عوام پر ڈھائے جانے والے مظالم پر خاموش رہنے والے دنیا بھر کے تمام مسلمانوں کو پیغام دیا ہے کہ بھارت انسانی تاریخ کا بڑا نسل کش آپریشن شروع کرنے جارہا ہے، اگر ہم مر گئے اور تم خاموش رہے تو اللہ کے آگےجواب دینا پڑے گا۔

    سید علی گیلانی نے خطہ ارض پر رہنے والے تمام مسلمانوں کے نام اپنے پیغام میں واضح کیا کہ یہ ٹوئٹ ہماری جان بچانے کا پیغام ہے اور اسے ایس او ایس کے طور پر لیا جائے، اللہ ہم سب کی حفاظت کرے۔

    واضح رہے کہ مودی سرکار امریکی صدر کی جانب سے ثالثی کی پیش کش کے بعد بوکھلاہٹ کا شکار ہے، صرف دو ہفتے کے دوران بھارت نے مقبوضہ کشمیر میں مزید اڑتیس ہزار فوجی تعینات کردیئے۔

    اس اقدام نے وادی میں سراسیمگی پھیلا دی ہے. عوام خوف و ہراس کا شکار ہیں، لوگوں نے اشیائے خورد ونوش محفوظ کرنے کا سلسلہ شروع کر دیا۔

    ادھر بیش تر پیٹرول پمپس بند ہیں، اے ٹی ایمز پرقطاریں لگ گئیں، بھارتی فورسز کو دہلی کی جانب سے چوبیس گھنٹے کارروائی کے لئے تیار رہنےکی ہدایت کر دی گئی۔

    کمشیر کا رخ کرنے والے یاتریوں اور سیاحوں کو دہلی سرکار نے فوراً وادی چھوڑنے کا حکم کادیا ہے. ملک میں عملآ گورنر راج ہے۔

    مزید پڑھیں: مودی جنگی جنون کا شکار، مقبوضہ کشمیر میں مزید 38 ہزارفوجی تعینات

    سابق پاکستان سفیر عبد الباسط نے اپنے بیان میں اندیشہ ظاہر کیا ہے کہ آرایس یس امقبوضہ وادی کو تین حصوں میں تقسیم کرنے کے منصوبے پر عمل پیرا ہے۔

  • بھارت مقبوضہ کشمیرکی حیثیت بدلنا چاہتا ہے، ڈاکٹر ملیحہ لودھی کا ٹوئٹ

    بھارت مقبوضہ کشمیرکی حیثیت بدلنا چاہتا ہے، ڈاکٹر ملیحہ لودھی کا ٹوئٹ

    واشنگٹن : اقوام متحدہ میں پاکستان کی مستقل مندوب ڈاکٹر ملیحہ لودھی نے کہا ہے کہ بھارت مقبوضہ کشمیرکی حیثیت بدلنا چاہتا ہے، پاکستان ایسی ہر کوشش کی مخالفت کرے گا جس سے ایل او سی کی صورتحال خراب ہو۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کیا، یو این سیکریٹری جنرل کو وزیرخارجہ شاہ محمود قریشی کے خط کے حوالے سے کیے گئئے ٹوئٹر پیغام میں ملیحہ لودھی کا کہنا ہے کہ شاہ محمود قریشی نے اپنے خط میں تحفظات کا اظہار کیا ہے۔

    مقبوضہ کشمیر اور ایل او سی پر پر جاری بھارت کی فوجی بربریت کیخلاف ان کا کہنا تھا کہ بھارت مقبوضہ کشمیرکی حیثیت بدلنا چاہتا ہے، پاکستان ایسی ہر کوشش کی مخالفت کرے گا، جس سے ایل او سی کی صورتحال خراب ہو، یہ اقوام متحدہ کی سیکیورٹی کونسل کی قرارداد کی کھلی خلاف ورزی ہے۔

    ملیحہ لودھی کا مزید کہنا تھا کہ یہ خط یو این سیکیورٹی کونسل کے ممبران کو بھی پہنچایا گیا، خط میں انسانی حقوق اور ایل اوسی کی خلاف ورزیوں کی تفصیلات ہیں۔

    مزید پڑھیں: بھارت کلسٹربم استعمال کرکےعالمی قوانین کی خلاف ورزی کررہاہے، ڈی جی آئی ایس پی آر

     ڈی جی آئی ایس پی آرمیجرجنرل آصف غفور نے سماجی رابطے کی ویب سائٹ ٹوئٹر پر بھارت کی جانب سے ایل او سی پر کلسٹر ٹوائے بم کے استعمال کے حوالے سے کہا بھارتی فوج کاکلسٹربم کااستعمال قابل مذمت ہے، بھارت کلسٹربم استعمال کرکےعالمی قوانین کی خلاف ورزی کررہاہے۔

  • ٹیکس ریٹرن جمع کرانے کا ریکارڈ بن گیا، فضل الرحمان اپنی سیاست آئینی حدود میں کریں، فواد چودھری

    ٹیکس ریٹرن جمع کرانے کا ریکارڈ بن گیا، فضل الرحمان اپنی سیاست آئینی حدود میں کریں، فواد چودھری

    اسلام آباد : وفاقی وزیر سائنس و ٹیکنالوجی فواد چودھری نے کہا ہے کہ حکومت کو بڑی کامیابی ملی ہے، ملکی تاریخ میں پہلی بار ٹیکس ریٹرن جمع کرانے کا نیا ریکارڈ بن گیا، انہوں نے کہا کہ فضل الرحمان اپنی سیاست آئین کی حدود میں رہ کر کریں۔

    تفصیلات کے مطابق وفاقی وزیر سائنس و ٹیکنالوجی فواد چودھری نے سماجی رابطے کی ویب سائٹ ٹویئٹر پر اپنے پیغام میں کہا ہے کہ تحریک انصاف کی حکومت کو ٹیکس ریٹرن کے معاملے پر بہت بڑی کامیابی ملی ہے۔

    وزیراعظم عمران خان کی حکومت میں ملکی تاریخ میں پہلی بار ٹیکس ریٹرن جمع کرانے کا نیا ریکارڈ بن گیا، فواد چوہدری نے کہا کہ اب تک 21لاکھ شہریوں نے ٹیکس ریٹرن جمع کرائے۔

    ایف بی آر کی تاریخ میں اتنے بڑے ٹیکس ریٹرن فائل نہیں ہوئے، ٹیکس ریٹرن والوں کی تعداد40لاکھ تک لے جانا سال2019کاہدف ہے۔

    علاوہ ازیں وفاقی وزیر فواد چوہدری نے مولانا فضل الرحمان کے بیان پر ان کو کرارا جواب دیا ہے، فواد چوہدری نے کہا کہ مولانا صاحب آپ کی زبان، کلام اور اقدام کسی سیاسی جماعت کے نہیں، آپ کے اقدامات دہشت گردوں والے ہیں۔

    وفاقی وزیر فواد چوہدری نے ان کو مشورہ دیا کہ آپ سیاست آئین کی حدود میں رہ کر کریں، بانی ایم کیو ایم بننے کی کوشش نہ کریں ورنہ لیبیا جانا پڑسکتا ہے اور لیبیا کےایسے حالات نہیں کہ آپ وہاں پاکستان جیسی آرام دہ زندگی گزار سکیں۔

    واضح رہے کہ مولانا فضل الرحمان نے اپنے ٹوئٹڑ پیغام میں کہا تھا کہ آج کا ملین مارچ آخری ہے اب ہمارا اگلا پڑاؤ اسلام آباد میں ہوگا، اگست کے مہینہ میں جعلی حکومت مستعفی ہو جائے وگرنہ اکتوبر میں انشاءاللہ اسلام آباد کا رخ کریں گے اور اس حکومت کا خاتمہ کردیں گے۔