حیدرآباد: بھارت میں ایک خاتون نے اپنے جڑواں بچے آٹھویں منزل سے نیچے پھینک دیے، اور پھر خود کشی کر لی۔
بھارتی میڈیا رپورٹس کے مطابق سکندرآباد میں ایک افسوس ناک واقعہ پیش آیا ہے، جس میں ایک خاتون نے اپنے جڑواں بچوں ڈیڑھ سالہ نتیا اور نیدرش کو اپارٹمنٹ کی آٹھویں منزل سے نیچے پھینکنے کے بعد اسی عمارت سے نیچے چھلانگ لگا کر خود کشی کر لی۔
پولیس حکام کہنا ہے کہ واقعے میں کوئی بھی زندہ نہ بچ سکا، اور موقع ہی پر تینوں کی موت واقع ہو گئی، یہ واقعہ تلنگانہ کے دارالحکومت حیدرآباد کے جڑواں شہر سکندرآباد میں پیش آیا۔
Tragedy in Bansilalpet, #Secunderabad as mother pushed her twins from the eighth floor of a multistoried apartment complex. She then jumped from the same building. All the 3 suffered head injuries and died on the spot. Alleged dowry harassment is considered to be the reason… pic.twitter.com/XFbJFHWn6g
— NewsTAP (@newstapTweets) June 19, 2023
خود کشی کرنے والی 21 سالہ سوندریا کے والدین بھی اسی اپارٹمنٹ میں رہائش پذیر تھے، انھوں نے انکشاف کیا کہ سوندریا کو اس کا شوہر گنیش جہیز کے لیے مسلسل ہراساں کر رہا تھا، جس پر اس نے یہ انتہائی قدم اٹھا لیا۔
والدین کی شکایت پر پولیس نے گاندھی نگر پولیس اسٹیشن میں مقدمہ درج کر کے تحقیقات کا آغاز کر دیا ہے۔
