سماجی رابطے کی ویب سائٹ ٹوئٹر پر ایک مرتبہ پھر صارفین کی جانب سے فالوورز کم ہونے کی شکایات سامنے آئی ہیں۔
ایلون مسک کے ٹوئٹر کو خریدنے کے بعد مائیکرو بلا گنگ ویب سائٹ ٹوئٹر پر کئی صارفین کے فالوورز کی تعداد میں کمی بیشی دیکھنے میں آئی ہے، پاکستان تحریک انصاف کے رہنما شہباز گل نے بھی اپنی ایک ٹویٹ میں فالورز کی کمی کا شکوہ کیا جس کے بعد دیگر صارفین نے بھی جانے والے فالوورز کی تعداد گنوانا شروع کر دی ہے۔
میرے 50 ہزار ٹوئیٹر فالورز ایک دم غائب۔ ان کو بھی کوئی مقصود چپڑاسی ٹکر گیا کیا @verified @Twitter @elonmusk
— Dr. Shahbaz GiLL (@SHABAZGIL) May 11, 2022
شہباز گل کی ٹویٹ کے جواب میں کئی صارفین نے نہ صرف فالوورز کم ہونے کی خبر سے اتفاق کیا بلکہ مضحکہ خیز انداز میں میمز بھی بناتے رہے، صارفین کا کہنا تھا کہ جانے والے فالوورز میں شاید ’بوٹ‘ یعنی جعلی اکاؤنٹس شامل ہیں۔
میرے اپنے فالورز غائب ہو گئے ہیں۔
ہم کو یہ بھی پتہ ہونا چاہیئے کہ Twitter کس کا اثاثہ ہے، وہ جو چاہیں کر سکتے ہیں۔#امپورٹڈ__حکومت__نامنظور— Taimoor Hussain (@TaimoorMughal86) May 11, 2022
ٹوئٹر صارف ساجد خان نے لکھا کہ ’میرے ساتھ بھی یہی مسئلہ ہوا ہے، ایک اور ٹوئٹر صارف احسن محبوب نے لکھا کہ ’سب بوٹ (اکاؤنٹ) چلے گئے۔
ٹوئٹر کے پبلک پالیسی ڈائریکٹر کارلوس مونشے نے گذشتہ برس امریکی سینیٹ میں سماعت کے دوران واضح کیا تھا کہ ان کی کمپنی سے متعلق فیصلے اور ٹوئٹر پر شائع کیے جانے والے مواد کا تعین سیاسی نظریات اور پارٹی وابستگیوں کی بنیاد پر نہیں کیا جاتا۔
یاد رہے کہ سابق امریکی صدر ڈونلڈ ٹرمپ نے بھی دو ہزار انیس میں ٹوئٹر کے سابق چیف ایگزیکٹیو جیک ڈارسی سے ایک ملاقات کے دوران اپنے ٹوئٹر فالوورز کی تعداد میں کمی کا شکوہ کیا تھا۔
جس کے جواب میں میں جیک ڈارسی نے ڈونلڈ ٹرمپ کو بتایا تھا کہ اکثر جعلی ٹوئٹر اکاؤنٹس کو ختم کرنے کے لیے کمپنی اس نوعیت کے اقدام اٹھاتی ہے۔
