ARYNews.tv | Urdu – Har Lamha Bakhabar

Tag: Twitter

  • پاکستان: اسٹریٹ کرکٹ میں کھلاڑی کا انوکھا آؤٹ، آئی سی سی نے فیصلہ سنادیا

    پاکستان: اسٹریٹ کرکٹ میں کھلاڑی کا انوکھا آؤٹ، آئی سی سی نے فیصلہ سنادیا

    کراچی: پاکستان میں کرکٹ کی دیوانگی کوئی نئی بات نہیں اس بات کا عملی مظاہرہ اُس وقت دیکھنے میں آیا کہ جب مقامی گراؤنڈ میں کھیلے جانے میچ کے دوران بلے باز انوکھے طریقے سے آؤٹ ہوا تو کھلاڑی سے آئی سی سی سے رولنگ مانگ لی۔

    تفصیلات کے مطابق پاکستانیوں کا کرکٹ کے ساتھ چولی دامن کا ساتھ ہے، کوئی آفیشل ہو یا گلی محلے میں کھیلنے والے کھلاڑی کو انٹرنیشنل کرکٹ کونسل کے قوانین کے تحت میچز کا انعقاد کرتے ہیں۔

    گزشتہ دنوں سندھ کے کسی علاقے میں ایک میچ کھیلا گیا جس میں بلے باز بالکل انوکھے طریقے سے آؤٹ ہوا یعنی بیٹسمین نے جب اسٹروک کھیلا تو گیند بریک ہوکر دوبارہ وکٹ پر آکر لگی۔ میچ کھیلنے والے کھلاڑی نے انٹرنیشنل کرکٹ کونسل سے اس ضمن میں قوانین کے تحت فیصلہ مانگا۔

    یہ بھی دیکھیں: کراچی: انٹرنیشنل کھلاڑی کی بچوں کے ساتھ گلی میں کرکٹ، ویڈیو وائرل

    آئی سی سی نے مذکورہ گزشتہ روز اپنے ٹویٹر اکاؤنٹ پر ویڈیو شیئر کرتے ہوئے لکھا کہ حمزہ نامی کرکٹ مداح نے ہمیں صبح مذکورہ ویڈیو شیئر کرتے ہوئے رولنگ مانگی۔ انٹرنیشنل کرکٹ کونسل نے رولنگ دیتے ہوئے کہا کہ ’بدقسمتی سے کرکٹ قانون 32.1 کے تحت کھلاڑی کو آؤٹ قرار دیا جاتا ہے‘۔

    میچ کے حوالے سے مزید کوئی اطلاعات سامنے نہیں آئیں تاہم یہ بات واضح ہے کہ مذکورہ مقابلہ سندھ کے کسی علاقے میں مقامی ٹیموں کے مابین ہوا جس میں ہونے والے دلچسپ واقعے پر آئی سی سی نے رولنگ بھی دے ڈالی۔

    آئی سی سی کی جانب سے ویڈیو پر آفیشل اکاؤنٹ سے رولنگ آنا تاریخی اور حیران کن واقعہ قرار دیا جارہا ہے کیونکہ ایسا پہلی بار ہوا ہے کہ کسی مداح نے آؤٹ کے حوالے سے کرکٹ قانون کے بارے میں آگاہی اور فیصلہ حاصل کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کینسر سے لڑنے والے بالی ووڈ اداکار عرفان خان کی دو ماہ بعد واپسی

    کینسر سے لڑنے والے بالی ووڈ اداکار عرفان خان کی دو ماہ بعد واپسی

    ممبئی: کینسر کے موذی مرض میں مبتلا عرفان خان ایک بار پھر منظر عام پر آگئے انہوں نے سماجی رابطے کی ویب سائٹ پر اپنی نئی آنے والی فلم کا پوسٹر جاری کردیا۔

    تفصیلات کے مطابق گزشتہ ماہ اداکار عرفان خان نے سماجی رابطے کی ویب سائٹ ٹویٹر پر خدشہ ظاہر کیا تھا کہ کبھی کبھی آپ کے دن کا آغاز ایسے انوکھے واقعات کے ساتھ ہوتا ہے جو آپ کو زندگی کو ہلا کر رکھ دیتا ہے، گزشتہ 15 دن سے میرے اوپر یہی کیفیت طاری ہے۔

    ان کا کہنا تھا کہ نایاب کہانیوں کی تلاش مجھے اچھوتی بیماری کی طرف لے جائے گی اس بات کا بالکل علم نہیں تھا تاہم اب جب مرض لاحق ہونے کی تصدیق ہوچکی تب بھی میں نے شکست تسلیم نہیں کی۔

    مزید پڑھیں: عرفان خان کو دماغ کے کینسر کی تشخیص

    عرفان خان نے بتایا تھا کہ انہوں نے مرض کی تشخیص کے لیے ٹیسٹ کروائے ہیں جن کی رپورٹس کا انتظار ہے، رپورٹ سامنے آنے پر بالی ووڈ اداکار خود، انڈسٹری اور مداح حیران رہ گئے تھے کیونکہ ان میں بتایا گیا تھا کہ عرفان خان سرطان کے مرض میں مبتلا ہوچکے۔

    بعد ازاں اداکار نے سماجی رابطے کی ویب سائٹ پر اپنی بیماری کی تصدقی کرتے ہوئے بتایا تھا کہ انہیں دماغ کے کینسر (نیورو انڈکرائن) کے مرض کی تشخیص ہوئی جو کہ انتہائی پیچیدہ مرض ہے لیکن وہ اپنے چاہنے والوں کی محبت اور دعاؤں کی بدولت پر امید ہیں کہ موذی مرض سے جان چھڑا لیں گے۔

    یہ بھی پڑھیں: عرفان خان کی بگڑتی ہوئی صحت سے متعلق خبروں میں کوئی صداقت نہیں

    عرفان خان اس وقت لندن میں زیر علاج ہیں اور وہ گزشتہ دو ماہ سے اسکرین سے بالکل غائب تھے تاہم ایک بار انہوں نے طویل وقفے کے بعد سماجی رابطے کی ویب سائٹ پر اپنی نئی آنے والی فلم ’کارروان‘ کا پوسٹر جاری کیا جو رواں برس 10 اگست کو سینیما گھروں میں ریلیز کی جائے گی۔

     انہوں نے فلم میں کام کرنے والے اداکار اور اداکارہ کے لیے نیک خواہشات کا بھی اظہار کیا۔ عرفان خان کی اچانک واپسی پر مداح اور ساتھی فنکار بہت خوش ہیں اور انہوں نے اداکار کی جلد صحت یابی کے لیے دعا بھی کی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • احسن اقبال پر گولی چلانے والا محض ایک آلہ کار ہے، مریم نوازکا ٹوئٹ

    احسن اقبال پر گولی چلانے والا محض ایک آلہ کار ہے، مریم نوازکا ٹوئٹ

    اسلام آباد : پاکستان مسلم لیگ ن کی رہنما مریم نواز نے کہا ہے کہ یہ ملک ہمارا ہے، اس میں بگاڑ پیدا کرنے والی قوتوں کا محاسبہ کرنا ہوگا، گولی چلانے والا محض ایک آلہ کار ہے۔

    ان خیالات کا اظہار انہوں نے سماجی رابطے کی ویب سائٹ ٹوئٹر پر پیغام میں  وزیر داخلہ احسن اقبال پر قاتلانہ حملے میں شدید زخمی ہونے کی اطلاع پر اپنے رد عمل میں کیا۔

    مریم نواز کا کہنا تھا کہ اللہ تعالیٰ احسن اقبال کو زندگی اور مکمل صحت عطا فرمائے، آمین، احسن اقبال پر گولی چلانے والا محض ایک آلہ کار ہے، سیاسی فوائد کیلئے لوگوں کو اکسانے والے اصل مجرم ہیں، اور اس واقعے کے اصل ذمہ دار حساب برابر کرنے کیلئے لوگوں کو استعمال کرنیوالے لوگ ہیں۔

    مزید پڑھیں: نارووال، وزیر داخلہ احسن اقبال قاتلانہ حملے میں زخمی ، اسپتال منتقل، ملزم گرفتار

    یاد رہے کہ آج بروز اتوار وزیر داخلہ احسن اقبال پر نارووال میں ایک کارنر میٹنگ میں شرکت کے بعد واپسی پر قاتلانہ حملہ کیا گیا، انہیں ایک گولی لگی جو ان کے دائیں بازو کو چھوتی ہوئی پیٹ میں جالگی، تاہم اب ان کی حالت خطرے سے باہر ہے، اور وہ لاہور کے سروسز اسپتال میں زیر علاج ہیں۔

    مزید پڑھیں: احسن اقبال پر قاتلانہ حملہ، فائرنگ کرنے والے ملزم کی تصاویر سامنے آگئیں

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ٹوئٹر کا تمام صارفین کو فوری طور پر اپنے پاس ورڈز تبدیل کرنے کا انتباہ

    ٹوئٹر کا تمام صارفین کو فوری طور پر اپنے پاس ورڈز تبدیل کرنے کا انتباہ

    کیلی فورنیا: مائیکروبلاگنگ اور سماجی رابطے کی ویب سائٹ ٹوئٹر  نے اپنے تمام صارفین کو فوری طور پر اپنے پاس ورڈز تبدیل کرنے کا انتباہ کر دیا ہے۔

    تفصیلات کے مطابق سوشل میڈیا ویب سائٹ ٹوئٹر کے سسٹم میں خرابی کے باعث تمام صارفین کے آئی ڈی اور پاس ورڈز ظاہر ہوگئے، جس کے باعث صارفین کا ڈیٹا بھی خطرے میں پڑ گیا۔

    کمپنی نے اپنی ایک بلاگ پوسٹ صارفین کو انتباہ کیا ہے کہ وہ فوری طور پر اپنا پاس ورڈ تبدیل کرلیں، تاکہ ان کا ڈیٹا محفوظ رہے۔

    ٹوئٹر کے مطابق سسٹم میں خرابی کو دور کرلیا گیا ہے لیکن بذریعہ نوٹیفکیشن اپنے تمام صارفین کو اس معاملے سے آگاہ کیا اور احتیاطاً پاس ورڈ تبدیل کرنے کی ہدایت بھی جاری کی۔

    ٹوئٹر کمپنی نے بلاگ پوسٹ میں پاس ورڈ تبدیل کرنے کے ساتھ پاس ورڈ سیکیورٹی کے لیے کچھ ہدایات بھی دیں۔

    پاس ورڈ ایسا رکھیں جسے کسی دوسری ویب سائٹ پر استعمال نہ کیا جاسکے۔

    ٹوئٹر کا پاس ورڈ دیگر ایپس کے پاس ورڈ سے مختلف رکھا جائے۔

    پاس ورڈ میں نمبرز، حروف اور خفیہ کیز کا استعمال ضرور کریں۔

    یاد رہے گذشتہ ماہ کے آغازمیں مائیکروبلاگنگ اور سماجی رابطے کی ویب سائٹ ٹوئٹر نے اعلان کیا تھا کہ اُس نے دہشت گردی کی ترغیب دینے یا اُس کی ترویج کرنے والے دس لاکھ سے زائد صارفین کے اکاؤنٹس بند کردیے ہیں۔

    اسی ماہ ٹوئٹر نے اپنی پرائیویسی سیٹنگز اَپ ڈیٹ کا بھی اعلان کیا تھا اور کہا تھا کہ پرائیویسی سیٹنگز میں تبدیلی کا مقصد صارفین کو اس  بات سے آگاہ کرنا  کہ کمپنی ان کا ڈیٹاکیسے استعمال کرتی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • ٹوئٹر نے 10 لاکھ سے زائد اکاؤنٹس بند کردیے

    ٹوئٹر نے 10 لاکھ سے زائد اکاؤنٹس بند کردیے

    کیلی فورنیا: مائیکروبلاگنگ اور سماجی رابطے کی ویب سائٹ ٹوئٹر نے اعلان کیا ہے کہ اُس نے دہشت گردی کی ترغیب دینے یا اُس کی ترویج کرنے والے دس لاکھ سے زائد صارفین کے اکاؤنٹس بند کردیے۔

    تفصیلات کے مطابق سماجی رابطے کی ویب سائٹ ٹوئٹر نے گذشتہ برس اعلان کیا تھا کہ انتظامیہ تشدد پر اکسانے یا پھر دوسرے صارف کو ہراساں کرنے والے اکاؤنٹس کے خلاف سخت ایکشن لینے کا ارادہ رکھتی ہے۔

    ٹوئٹر انتظامیہ کی جانب سے جاری اعلامیے کے مطابق ’ہم نے اپنے پلیٹ فارم کی شفافیت کو برقرار رکھنے کے لیے اب تک 10 لاکھ سے زائد ایسے صارفین کے اکاؤنٹس بلاک کیے جو دہشت گردی کی ترغیب دیتے یا پھر اس طرف اکساتے تھے۔

    مائیکروبلاگنگ نے اس ضمن میں ایک رپورٹ جاری کی جس میں کہا گیا ہے کہ گزشتہ برس جولائی سے دسمبر تک 2لاکھ 74 ہزار اور 460 ایسے اکاؤنٹس کو نشاندہی کے بعد بند کیا گیا جو دہشت گردی کو فروغ دے رہے تھے۔

    ٹونٹر انتظامیہ کا کہنا ہے کہ ہم صارفین کو مثبت پلیٹ فارم فراہم کرنے کے لیے اس پالیسی پر گامزن ہیں جس کے لیے باقاعدہ مانیٹرنگ ٹیم بھی ترتیب دی گئی ہے جو خاص طور پر اکاؤنٹس پر نظر رکھتی ہے۔

    دہشت گردی کے خلاف نبرآزما ممالک نے ٹویٹر انتظامیہ پر زور دیا تھا کہ وہ اپنے پلیٹ فارم پر دہشت گردوں کی ترویج کو ہرصورت روکیں کیونکہ اس اقدام سے انسداد دہشت گردی کے خلاف جنگ کے مثبت نتائج سامنے نہیں آرہے۔

    ٹوئٹر رپورٹ کے مطابق گذشتہ 6 ماہ کے دوران رپورٹ کیے جانے والے 93 فیصد اکاؤنٹس عالمی قوانین کے تحت بند کردیے گئے جبکہ 74 فیصد کو پہلے ہی ٹوئٹ پر بند کیا گیا۔

    انتظامیہ کا مزید کہنا ہے کہ گذشتہ 6 ماہ کے دوران ہر قسم کے اقدامات کے باوجود سرکاری رپورٹ میں اس بات کا انکشاف کیا گیا کہ ابھی بھی 0.2 فیصد اکاؤنٹس شدت پسندی پر لوگوں کو اُکسا رہے ہیں۔ ٹوئٹر کا مزید کہنا ہے کہ کسی بھی صارف کا اکاؤنٹ بند ہونا آزادی اظہار رائے کی پابندی نہیں بلکہ یہ اقدام دہشت گردی کی روک تھام کے لیے کیا جارہا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • اپنے الفاظ پر قائم ہوں، آئی پی ایل میں بلایا بھی گیا تو نہیں جاؤں گا، شاہد آفریدی

    اپنے الفاظ پر قائم ہوں، آئی پی ایل میں بلایا بھی گیا تو نہیں جاؤں گا، شاہد آفریدی

    کراچی : پاکستان ٹیم کے سابق کپتان شاہد خان آفریدی نے کہا ہے کہ اپنے الفاظ پراب بھی قائم ہوں کہ کشمیریوں کے ساتھ ظلم ہورہا ہے اس لیے آواز اٹھائی، آئی پی ایل میں بلایا گیا تو بھی نہیں جاؤں گا، پی ایس ایل بہت بڑی لیگ ہے۔

    یہ بات انہوں نے اے آر وائی نیوز کے پروگرام الیونتھ آور میں میزبان وسیم بادامی کو خصوصی انٹرویو دیتے ہوئے کہی، شاہد آفریدی نے کہا کہ میں پاکستان کا سپاہی ہوں، میرا ملک ہی میرا سب کچھ ہے، کشمیریوں کے ساتھ ظلم ہورہا ہے، اس لیے آواز اٹھائی۔

    انہوں نے کہا کہ کشمیر میں خواتین اور بچوں کے ساتھ ظلم ہورہا ہے، وہاں حالیہ دنوں میں20شہادتیں ہوئی ہیں، مقبوضہ کشمیر سے متعلق اپنے الفاظ پراب بھی قائم ہوں۔

    شاہد آفریدی نے اے آروائی نیوز سے خصوصی گفتگو میں کہا کہ مجھے آئی پی ایل میں بلایا گیا تو بھی نہیں جاؤں گا، میں پی ایس ایل کھیلتاہوں جو بہت بڑی لیگ بنے گی، پاکستان کی پی ایس ایل بھارت کی آئی پی ایل کو جلد پیچھے چھوڑ دے گی۔

    شاہدآفریدی کا کہنا تھا کہ جو ملک کی پہچان ہوتے ہیں انہیں مثبت سوچ کے ساتھ مثبت بات کرنی چاہئے، صرف کشمیر ہی نہیں کہیں بھی ظلم ہو، انسانیت کیلئے آواز اٹھانی چاہئے۔

    مجھے اس قسم کے ردعمل کی فکر نہیں، سچ بولنا میرا حق ہے اور بولنا بھی چاہئے، بحیثیت انسان کشمیر پرٹوئٹ کیا، اگر میں ظلم کیخلاف آواز نہ اٹھاؤ تو میں بھی خود کو اس میں شریک سمجھوں گا، دنیا میں کہیں بھی ظلم ہو آواز تو اٹھے گی۔

    مزید پڑھیں: شاہد آفریدی کا کشمیریوں کے حق میں ٹوئٹ، بھارتی میڈیا بھنا اٹھا

    ایک سوال کے جواب میں انہوں نے کہا کہ بھارتی میڈیا اپنے لوگوں کو پاکستان کے خلاف بھڑکاتا ہے جبکہ پاکستان ہمیشہ اچھے تعلقات کیلئے بھارت کے آگے پہل کرتا ہے، بھارت کا میڈیا پاکستان اور بھارت کے تعلقات خراب ہونے میں سب سے بڑا مسئلہ ہے، اس نے مجھے آئی ایس آئی کہا اچھی بات ہے میں بھی فوجی اور ملک کا سپاہی ہوں۔

    شاہدآفریدی کا کہنا تھا کہ بھارتی عوام جو پیار اور عزت دیتی ہیں وہ بہت کم جگہ پر ملتی ہے ،کرکٹ کو بھارت اور آسٹریلیا میں سب سے زیادہ انجوائے کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • عمران خان تبدیلی سے پہلے پشاور کے چوہے مار لیں، خواجہ سعد رفیق

    عمران خان تبدیلی سے پہلے پشاور کے چوہے مار لیں، خواجہ سعد رفیق

    لاہور : وفاقی وزیر ریلوے خواجہ سعد رفیق نے کہا ہے کہ تمام حدیں پار ہوگئیں مگر ہم صبر کریں گے، گالی نہیں دینگے، عمران خان تبدیلی سے پہلے پشاور کے چوہے مار لیں۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، خواجہ سعد رفیق کا کہنا تھا کہ آپ نے ہمیں ووٹ دئیے اور ہم نے وہ ووٹ ضائع نہیں کئے، میرے ذمے ریلوے تھا اور اللہ کی مدد سے ریلوے کو واپس ٹریک پرلایا، حد کراس ہو گئی مگر ہم صبر کریں گے، گالی نہیں دینگے۔

    ایک اور ٹوئٹ میں خواجہ سعد رفیق کا کہنا تھا کہ ہم لڑائی نہیں کریں گے، ہمیں ڈنڈے سوٹے پکڑ کے مخالفین سے لڑنا نہیں ہے، فیصلہ اوپر اللہ نے اور نیچے عوام نے کرنا ہے۔

    انہوں نے مزید کہا کہ اس وقت سے ڈریں کہ اللہ کا فیصلہ بہت سخت ہوتا ہے، ہمیں کوئی ڈر ور نہیں ہے ہم نے ماں باپ کی قربانی دی ہے، بہت جیلیں کاٹی ہیں، اب اور بھی کاٹ لیں گے مگر ملک کا تماشا لگ جائے گا،۔

    سعد رفیق کا کہنا تھا کہ ہم بدلے والے لوگ نہیں ہیں، معاف کرنے والے ہیں، ہمیں تو مار مار کے ہمارے بدن کالے کر دیئے گئے مگر ہم نے بدلہ نہیں لیا۔

    چیئرمین پی ٹی آئی پر تنقید کرتے ہوئے انہوں نے کہا کہ عمران خان تبدیلی سے پہلے پشاور کے چوہے مار لیں، اب لوگ اوئے طوئے کی سیاست پسند نہیں کرتے اور زرداری کلین سوئپ کی باتیں کرنے سے پہلے کراچی سے کچرا ہی اٹھا لیں, ہمارا نظریہ ہے کہ سیاست کی طاقت سے اور ووٹ کی قوت سے اپنے لوگوں کے لئے آسانیاں پیدا کریں

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آج سینیٹ میں جمہوریت ہارگئی، پتلی تماشا جیت گیا، خواجہ سعد رفیق

    آج سینیٹ میں جمہوریت ہارگئی، پتلی تماشا جیت گیا، خواجہ سعد رفیق

    لاہور : وفاقی وزیر ریلوے خواجہ سعد رفیق نے کہا ہے کہ سینیٹ کے حالیہ الیکشن سے واضح ہوگیا کہ جمہوریت ہارگئی اور پتلی تماشا جیت گیا، آصف زرداری اورعمران خان نے جمہوریت کی پشت پر چھرا گھونپا۔

    یہ بات انہوں نے سماجی رابطے کی ویب سائٹ ٹوئٹر پر چیئرمین و ڈپٹی چیئرمین سینیٹ کے انتخاب کے بعد رد عمل میں اپنے پیغام میں کہی۔

    خواجہ سعدرفیق نے ٹویٹر پیغام میں کہا کہ آج سینیٹ میں جمہوریت ہارگئی اور پتلی تماشا جیت گیا، عمران خان اور آصف زرداری جمہوریت کو عدم استحکام سے دوچار کرنے کے مجرم ہیں۔

    ان کا مزید کہنا تھا کہ سیاسی جمہوری قوتیں یکجانہ ہوئیں تورہی سہی جمہوریت بھی جاتی رہے گی، ان دونوں نے جمہوریت کی پشت پر چھرا گھونپا۔

    ان کا مزید کہنا تھا کہ ماضی میں بھی اکثریت کو اقلیت میں بدلنے کی کوششوں سے ملک ٹوٹا جس سے کوئی کوئی سبق نہیں سیکھا گیا۔

    مزید پڑھیں: ایک دوسرے کو چور کہنے والے آج گلے مل گئے، سینیٹ الیکشن میں دھاندلی ہوئی: مریم اورنگزیب

    اس سے قبل سینیٹ انتخاب پر اپنے رد عمل میں وزیر مملکت برائے اطلاعات ونشریات مریم اورنگزیب کا کہنا تھا کہ چیئرمین سینیٹ کے الیکشن میں دھاندلی کی گئی، کیسے کی گئی ہم یہ بھی جانتے ہیں، ایک دوسرے کو چور کہنے والے آج گلے مل گئے۔

    ان مزید کا کہنا تھا کہ غیر جمہوری عناصر قوم کے سامنے بے نقاب ہو چکے ہیں، بلوچستان میں لوگوں کو خریدا گیا، تمام مشکلات کے باوجود نواز شریف اصولوں پر ڈٹ کر کھڑے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اہم ٹویٹ کو کیسے محفوظ بنایا جائے، ٹویٹر نے خاموشی سے فیچر متعارف کرادیا

    اہم ٹویٹ کو کیسے محفوظ بنایا جائے، ٹویٹر نے خاموشی سے فیچر متعارف کرادیا

    کیلی فورنیا: سماجی رابطے اور مائیکربلاگنگ کی ویب سائٹ ٹویٹر استعمال کرنے والے صارفین جلد بازی میں اہم ٹویٹ سے محروم رہ جاتے ہیں تاہم اب کمپنی نے ایسے لوگوں کے لیے نیا فیچر متعارف کرادیا۔

    تفصیلات کے مطابق سمارجی رابطے کی ویب سائٹ ٹویٹر نے دنیا بھر میں موجود کروڑوں صارفین موجود ہیں جن کی دلچسپی کو بڑھانے کے لیے کمپنی کی جانب سے آئے روز نت نئے فیچرز متعارف کرائے جاتے ہیں۔

    ٹویٹر کا شمار سماجی رابطے کی دوسری بڑی ویب سائٹ میں ہوتا ہے گذشتہ برس انتظامیہ نے اپنی سروس میں ایک نئے فیچر کا اضافہ کیا تھا جس کے بعد صارفین 140 حروف کے بجائے 280 الفاظ کے ٹویٹ کرسکتے ہیں۔ مائیکرو بلاگنگ کی ویب سائٹ کو 140 الفاظ میں کوئی بھی بات کہنے کا منفرد اعزاز حاصل تھا کیونکہ کوئی بھی صارف کم الفاظ میں اپنی بات سمجھانے کی کوشش کرتا تھا۔

    مزید پڑھیں: ٹویٹر صارفین کے بارے میں حیران کُن تحقیق

    انٹرنیٹ پر موجود دیگر سوشل میڈیا پلیٹ فارم کو شکست دینے کے لیے ٹویٹر نے اکاؤنٹ ویریفائی کی سروس بھی متعارف کروائی تھی علاوہ ازیں انتظامیہ نے حالیہ دنوں اسنیپ چیٹ کی طرز پر ویڈیو فیچر متعارف کرنے کا اعلان کیا تھا جو تاحال سامنے نہیں آسکا۔

    ایک ہفتہ قبل ٹویٹر نے صارفین کی خواہشات کو مدنظر رکھتے ہوئے خاموشی سے ایک نئے فیچر کا اضافہ کردیا جس کی ویڈیو بھی جاری کی گئی، کمپنی کا کہنا ہے کہ اگر کوئی بھی صارف مائیکروبلاگنگ کی ویب سائٹ استعمال کرتے ہوئے کوئی ٹویٹ محفوظ بنانا چاہتا ہے تو اب یہ بہت آسان ہے۔

    یہ بھی پڑھیں: ٹویٹر کا اکاؤنٹ ویریفائی سہولت فی الوقت بند کرنے کا اعلان

    ویڈیو کے مطابق کمپیوٹر یا موبائل پر ٹویٹر استعمال کرنے والا صارف مذکورہ ٹویٹ کو ایڈ بک مارک کر کے محفوظ بنا سکتا ہے اور پھر اپنی ضرورت کے وقت اُسے سیٹنگ میں جاکر بک مارک سے حاصل کرسکتا ہے۔

    واضح رہے کہ بک مارک کی سہولت انٹرنیٹ پر سب سے پہلے گوگل کی جانب سے سن 2000 میں متعارف کروائی گئی تھی جس کے تحت صارف اپنی پسندیدہ ویب سائٹ کو ایک بٹن کے ذریعے محفوظ بناسکتا ہے اور ضرورت پڑنے پر اُسے دیکھ بھی سکتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • استعفے مانگنے والوں کو استعفے دینے پڑگئے! اللہ کی شان! مریم نوازکا ٹوئٹ

    استعفے مانگنے والوں کو استعفے دینے پڑگئے! اللہ کی شان! مریم نوازکا ٹوئٹ

    لاہور : سابق وزیر اعظم کی صاحبزادی اور نواز لیگ کی رہنما مریم نواز نے کہا ہے کہ استعفے مانگنے والوں کو استعفے دینے پڑگئے! اللہ کی شان! خالی کرسیاں گواہی دے رہی ہیں عوام نے نوازشریف کی تائید کردی۔

    یہ بات انہوں نے مال روڈ لاہور میں ہونے والے متحدہ اپوزیشن کے جلسے پر رد عمل دیتے ہوئے اپنے ٹوئٹر پیغام میں کہی۔

    سماجی رابطے کی ویب سائٹ پر ان کا کہنا تھا کہ جلسے میں دکھنے والی خالی کرسیاں گواہی دے رہی ہیں کہ عوام نے نوازشریف کی تائید کردی۔

    شیخ رشید کے اسمبلی سے مستعفی ہونے کے حوالے سے انہوں نے کہا کہ استعفےمانگنے والوں کو استعفے دینے پڑگئے! اللہ کی شان!

    اگلے ٹوئٹ میں مخالفین کے بارے میں لکھا کہ سازشی عناصر 2018  تک صبرکریں بلکہ اس کے بھی صبرکریں، ساڑھے چار سال سے مسترد شدہ  کٹھ پتلیوں کے ناٹک کا یوم حساب آپہنچا، الیکشن میں یہ عوام کےغضب کا ایندھن ہوجائیں گے۔

    علاوہ ازیں وفاقی وزیر ریلوے خواجہ سعد رفیق نے بھی ٹوئٹر پر اپنے خیالات کا کھل کر اظہار کیا، ان کا کہنا تھا کہ قتل کے مقدمے کا فیصلہ چوک پر نہیں عدالت میں ہوگا، شور مچا کراور گند ڈال کر کسی کو قاتل نہیں بنا سکتے۔

    انہوں نے متنبہ کیا کہ جمہوریت کے ساتھ کوئی کھلواڑ ہوا توپہلی ذمہ داری شیطانی اتحاد کی ہوگی، قادری صاحب کی قلابازیاں ضرب المثل بن چکی ہیں، طاہرالقادری نے ہمیشہ جمہوریت کےخلاف کردار ادا کیا۔

    ان کا کہنا تھا کہ کینیڈین شہری پاکستان میں انتشار اور افراتفری پھیلانے آتے ہیں، ملک کو عدم واستحکام سے دوچار کرنیوالے غیر ملکی ایجنڈے پرعمل پیرا ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔