ARYNews.tv | Urdu – Har Lamha Bakhabar

Tag: Twitter

  • معروف شوبز شخصیات کے مداحوں کے لیے عید کے خصوصی پیغامات

    معروف شوبز شخصیات کے مداحوں کے لیے عید کے خصوصی پیغامات

    کراچی : پاکستان شوبز کی معروف شخصیات نے سماجی رابطے کی ویب سائٹ ٹوئٹر پر اپنے مداحوں کو عید مبارکباد کے پیغامات دیئے اپنے جذبات کا اظہار کیا۔

    معروف شخصیات میں ہمایوں سعید، صنم سعید ، ماروا حسین، اعجاز اسلم اور عتیقہ اڈوھو شامل ہین، جنہوں نے عید الفطر کے موقع پر نیک تمناؤں کا اظہار کیا۔

  • رمضان المبارک کی آمد پر دنیا بھر سے مشہور شخصیات کے پیغامات

    رمضان المبارک کی آمد پر دنیا بھر سے مشہور شخصیات کے پیغامات

    رحمتوں اور برکتوں کا مہینہ رمضان کی مبارکباد لوگ ایک دوسرے کو بخوشی دیتے ہیں ،ایسے میں صرف مسلمان ہی نہیں دوسرے مذاہب کے معروف شخصیات نے رمضان کی مبارکباد دی۔

    رمضان المبار ک کی فضیلتیں سمیٹنے کیلئے دنیا بھر کے راسخ العقیدہ مسلمان کار فرما ہیں، اوراس موقع پرمختلف شعبہ ہائے زندگی سے تعلق رکھنے والے کئی نامور افراد نے تمام عالم اسلام کو رمضان کے بابرکت مہینے کی مبارکباد دی ہے۔

    رمضان المبارک کومسلم امہ کیلئے فیض و برکات کامنبع قرار دیا جاتاہے۔اس موقع پر بھارتی اداکاروں سمیت کئی مشہور افراد نے بھی سماجی رابطے کی ویب سائٹ ٹوئٹر پر رمضان کے حوالے سے مسلم امہ کو مبارکباد دی ہے۔

    آئیے ان پیغامات پر ایک نظر ڈالتے ہیں۔

  • شریف خاندان متحد ہے کسی قسم کا دباوٗ نہیں: مریم نواز

    شریف خاندان متحد ہے کسی قسم کا دباوٗ نہیں: مریم نواز

    لاہور: وزیراعظم پاکستان کی صاحبزادی مریم نواز شریف نے پنامہ لیکس کے حوالے سے شریف خاندان پر دباؤ کی اطلاعات کو مسترد کردیا۔

    مریم نواز نے اپنے ٹویٹر پیغامات میں کہا ہے کہ ان کا خاندان متحد ہے اور کسی قسم کے دباؤمیں نہیں ہے۔

    مریم نواز نے ایک تصویر بھی ٹویٹ کی جس میں وزیراعظم لندن علاج کے لئے جانے سے قبل اپنی والدہ محترمہ کا ہاتھ چوم رہے ہیں۔

    دوسری جانب اطلاعات ہیں کہ پنامہ پیپرز کے دعوے کے خلاف موثر
    حکمت عملی اپنانے کے لئے وزیراعظم نواز شریف لندن میں انتہائی اہم ملاقاتیں بھی کریں گے۔

  • پانامہ لیکس پر حکمران ناراض ، جبکہ قوم اے آر وائی نیوز کے شانہ بشانہ

    پانامہ لیکس پر حکمران ناراض ، جبکہ قوم اے آر وائی نیوز کے شانہ بشانہ

    کراچی: پانامہ لیکس پرسوال اٹھانا حکمرانوں کو برا لگ گیا مسلم لیگ ن نے تو اے آروائی نیوز کا بائیکاٹ کردیا لیکن قوم نے اے آر وائی نیوز کا ہاتھ تھام لیا۔

    پانامہ لیکس پرسوال اٹھانا کے باعث حکمران مسلم لیگ ن نے اے آروائی نیوز کا بائیکاٹ کردیا، ن لیگ کی جانب سے اے آروائی نیوز کے پروگرامز میں آنے سے انکار کردیا گیا۔

    حکمران جماعت کےوزیروں مشیروں نے فیصلہ کیا ہے کہ اے آروائی نیوز کو انٹرویو بھی نہیں دیں گے بظاہریہ فیصلہ اے آروائی نیوز کی جانب سے پانامہ لیکس سے متعلق معاملات پرسوال کرنےپرکیا گیا۔

    اے آر وائی نیوز کے پروگرام پاور پلےمیں ن لیگی رہنما دانیال عزیز کئی سوالوں کےجواب دینے کے بجائے برھم ہوگئے تھے۔

    واضح رہے کہ سوال اٹھانا میڈیا کا حق ہے اورجواب دینا حکمرانوں کا فرض ہے،آف شور کمپنیز پر اے آروائی نیوز نے بھی وہی سوال اٹھائے جو دنیا بھرمیں اٹھ رہے ہیں۔

    حکمرانوں کے ناراضگی اور مسلم لیگ کے بائیکاٹ کے بعد قوم نے اے آر وائی نیوز کا ہاتھ تھام لیا اور اے آر وائی نیوز کے شانہ بشانہ کھڑے ہوگئے۔

    سماجی رابطے کی ویب سائٹ ٹوئٹر پر عوام نے اے آر وائی نیوز کے حق میں ٹوئٹس کرنا شروع کردیا اور سماجی ویب سائٹ پر #PakistanStandsWithARY ٹرینڈ کرنے لگا ۔

  • سماجی رابطے کی ویب سائٹ ٹویٹرپرتحریک انصاف سب سے آگے

    سماجی رابطے کی ویب سائٹ ٹویٹرپرتحریک انصاف سب سے آگے

    سندھ اور پنجاب میں بلدیاتی انتخابات کا تیسرا مرحلہ اپنے عروج پرہے اورہرطرف الیکشن کی گہما گہمی کا عالم ہے، اس موقع پرسوشل میڈیا کے صارفین بھی کسی سے کم نہیں ہیں اوراپنے اپنے طریقے سے اپنی سیاسی وابستگی کا اظہارکررہے ہیں۔

    اس حوالے سے سماجی رابطے کی ویب سائٹ ٹویٹر پر پاکستان کی کیٹیگری میں زیادہ ترٹرینڈز آج ہونے والے بلدیاتی انتخابات سے متعلق ہیں۔

    ٹویٹر پرگردش کرنے والے ٹرینڈزمیں تحریک انصاف کے حامیوں کی جانب سے تشکیل دیا جانے والا ٹرینڈ #VoteForBat سرفہرست ہے جبکہ دوسرے نمبر پرگردش کرنے والا ٹرینڈ #JeetKaNishanTEER پاکستان پیپلزپارٹی کے کارکنان کی جانب سے تشکیل دیا گیا ہے۔

    tweet

    یہاں ہم ٹویٹرکے چند دلچسپ ٹویٹس آپ کے ساتھ شیئر کررہے ہیں۔

    ٹویٹر پر ایک صارف کا کہنا ہے کہ ووٹ صرف کاغذ کا ٹکڑا نہیں ہے کہ ڈبے میں ڈالا اور آگے بڑھ گئے بلکہ یہ کاغذ آپ کے خاندان اور اورآپ کے ملک کی بہتری کا ضامن ہے۔

     

      ایک اور صارف نے ٹویٹرپر لکھا کہ تبدیلی کے لئے، امن کے لئے، نئے پاکستان کے لئے باہرآئیں اوربلے کو ووٹ دیں۔

    ایک اورووٹر نے ایک طنزیہ تصویر پوسٹ کرتے ہوئے لکھا کہ کہ ووٹ ڈالنے سے پہلے اس تصویرکو غور سے دیکھ لیں اوراس کے بعد اپنا فیصلہ دیں۔

    ایک اورصارف کا کہنا ہے کہ ووٹ دینے سے پہلے سوچ لیں۔۔ یہ نظام ہمارے روشن مستقبل کے لئے آنے والی تبدیلی کا راستہ روک رہا ہے۔

    ایک صارف نے انتہائی دلچسپ تصویر پوسٹ کی ہے جس میں تحریک انصاف کی ایک کارکن پیپلز پارٹی کی رہنماء شیری رحمان کے ساتھ سیلفی لے رہی ہیں۔

    پاکستان پیپلز پارٹی کی رہنما شیری رحمن نے بھی اپنی ووٹ کاسٹ کرتے ہوئے اپنی تصویر ٹویٹر پر اپنےمداحوں اور حامیوں کے ہمراہ شیئر کی ہے۔

    ایک صارف نے مخالف جماعت کی جانب سے اپنے حق میں پوسٹ کی جانے والی تصویر کا انتہائی دلچسپ پوسٹ مارٹم کیا ہے۔

    ایک صارف کاکہنا ہے کہ اگرکراچی ایم کیوایم کو ووٹ دیتا ہے تو پھرعمران خان کو کراچی کے عوام کے فیصلے اور مینڈیٹ کا احترام کرنا چاہئے۔

    ایک اور صارف نے کہا ہے کہ ہم اپنے محبوب شہر کے ذمہ دار ہیں اوراپنے گھرکو طالبان اوران کے معاونت کاروں سے بچائیں گے۔

  • شعیب اختراورشاہ رخ خان کی دلچسپ ویڈیوکی سوشل میڈیا پردھوم

    شعیب اختراورشاہ رخ خان کی دلچسپ ویڈیوکی سوشل میڈیا پردھوم

    پاکستان کے مایہ نازسابق فاسٹ باوٗلر شعیب اختر کی بھارتی اداکارہ شاہ رخ خان کے ہمراہ ایک انتہائی دلچسپ ویڈٰیو سوشل میڈیا پرتہلکہ مچارہی ہے۔

    ٹوئٹرپرجاری کی جانے والی اس ویڈیو میں شعیب اختر نےاپنے فینزسے کہا کہ وہ انہیں اپنے بڑے بھائی سے متعارف کرارہے ہیں اورپھرکنگ خان نے شعیب اختر کے بڑے بھائی کی حیثیت سے سرپرائز انٹری دےکرراولپنڈی ایکسپریس کابوسہ لیا۔

    کنگ خان نےشعیب اخترسےمحبت کا اظہار ہی نہیں کیا بلکہ ان کی ٹوئٹرپرآمد پرگرمجوشی سے ویلکم بھی کیا۔ جواب میں شعیب اختر نے’‘تھینک یو‘کاٹوئٹ کرکےمحبت کا جواب، محبت سےدیا۔

    واضح رہے کہ اس سے قبل شعیب اختردبنگ خان کے والد سلیم خان کی سالگرہ میں بھی شریک ہوچکے ہیں۔

  • بالی ووڈ اداکار اکشے کمار کا پاکستانی مداحوں کو سلام

    بالی ووڈ اداکار اکشے کمار کا پاکستانی مداحوں کو سلام

    کراچی: بولی ووڈ سٹار اکشے کمارکی آج2ستمبر کو ریلیز ہونے والی فلم ’سنگھ از بلنگ‘اپنے پرستاروں کی امیدوںپرپورا اترنے میں کامیاب ہو گئی ہے۔

    رپورٹ کے مطابق شائقین کی طرف سے اکشے کمار اور لارا دتا کی اداکاری کو سراہا جا رہا ہے۔سنگھ از بلنگ میں اکشے کمارنے رفتار سنگھ کا کردار ادا کیا ہے جو ہر وقت اپنی ماں کی محبت کے گن گاتا رہتا ہے ۔اکشے کی والدہ کا کردار اگنی ہوتری نے جبکہ والد کا کردار یوراج سنگھ کے والد یوگراج سنگھ نے ادا کیا ہے۔

    سنگھ از بلنگ میں رفتار سنگھ کے والد چاہتے ہیں کہ وہ گھر سے دور جائے اور اپنی زندگی بنانے کی کوشش کرے ۔اکشے کمار بہتر مستقبل کی تلاش میں دوست کے ساتھ گوا آجاتا ہے جہاں اس کی ملاقات رومانیہ پلٹ حسینہ سارہ(ایمی جیکسن) سے ہو جاتی ہے۔بعد ازاں رفتار سنگھ سارہ کی محبت میں گرفتار ہو جاتا ہے تاہم دونوں ایک دوسرے کی بات سمجھنے سے قاصر رہتے ہیں چونکہ وہ دونوں ایک دوسرے کی بات کو سمجھنے کی صلاحیت سے محروم ہو تے ہیں۔

    دوسری جانب بالی ووڈ اداکار اکشے کمار نے آج سماجی رابطے کی ویب سائٹ ٹوئٹر پر اپنی نئی فلم سنگھ از بلنگ کو فروغ دینے کے لئے ٹوئٹ کیا۔

    اداکار اکشے کمار نہ صرف اپنے ملک میں بلکہ سرحد پار بھی اپنے مداحوں سے اچھی طرح واقف ہیں۔

     

    فلم کو فروغ دینے کے لئے اداکار اکشے کمار نے ٹوئٹر پر اپنے پاکستانی مداحوں کے ساتھ گفتگو بھی کی۔

    اداکار اکشے کمار کو ٹوئٹر پاکستانی مداحوں کی ایک بڑی تعداد نے فلم کی کامیابی پر مبارکباد دی۔

  • امریکی رازافشا کرنے والے ایڈورڈ اسنوڈن ٹویٹرپرآگئے

    امریکی رازافشا کرنے والے ایڈورڈ اسنوڈن ٹویٹرپرآگئے

    واشنگٹن: امریکہ کے بارے میں سنسنی خیز انکشافات کرنے والے سابق نیشنل سیکیورٹی ایجنسی کے اہلکار ایڈورڈ اسنوڈن نے ٹویٹرپراپنا اکاوٗنٹ بنالیا ہے، اسنورڈن اس وقت روس میں پناہ گزین ہیں۔

    ٹویٹر پر اکاوئنٹ بناتے ہی اسنوڈن کے فالوورز کی تعداد تین لاکھ کے قریب پہنچ چکے ہیں جبکہ وہ صرف اپنی سابقہ تنظیم این ایس اے کو فالو کررہے ہیں۔

    انہوں نے اپنے پہلے ٹویٹ میں کہا کہ ’’کیا آپ مجھے سن سکتے ہیں‘‘ْ۔


    انہوں نے اپنی ٹویٹرپروفائل میں لکھا ہےکہ وہ پہلے حکومت کے لئے کام کرتے تھے پر اب عوام کےلئے کام کررہے ہیں‘‘۔

    اسنوڈن کے حامی انہیں ایک ایسا باخبر شخص سمجھتے ہیں جو کہ انتہائی بے باک انداز میں حکومت کے راز فاش کرتے ہیں جب کہ امریکی حکومت ان پرانٹلی جنس انفارمیشن لیک کرنے کے جرم میں مقدمہ چلانا چاہتی ہے۔

    ایڈورڈ اسنوڈن نے مئی 2013 میں امریکہ سے رختِ سفر باندھا تھا اور جون سے 2013 سے وہ روس میں جلا وطنی اختیار کئے ہوئے ہیں۔

  • ریحام اورعمران خان کا ریحام پرتنقید کے خلاف ردعمل

    ریحام اورعمران خان کا ریحام پرتنقید کے خلاف ردعمل

    اسلام آباد: تحریک انصاف کے سربراہ عمران خان این اے 19 میں شکست کے
    بعد اپنی اہلیہ ریحام خان پر ہونے والی تنقید پر برہم ہوگئے۔

    تفصیلات کے مطابق سوشل میڈیا پر این اے 19 میں پی ٹی آئی کے امیدوار کی شکست کے بعد عمران خان کی اہلیہ ریحام خان کو تنقید کا نشانہ بنایا جارہاہے۔

    عمران خان نے سماجی رابطے کی ویب سائٹ ٹویٹر پر اپنے پیغامات میں اظہار برہمی کرتے ہوئے کہا ہے کہ ریحام خان این اے 19 میں کی انتخابی مہم میں تحریک انصاف کے امیدوار راجہ عامر زمان کے اصرار پر شریک ہوئی تھیں۔

    انہوں نے مزید کہا کہ یہ بات ریکارڈ پر رکھی جائے کہ پی ٹی آٗئی ممبران بالخصوص خواتین کے اصرار کے سبب ریحام خان پارٹی فنکشنز میں شریک ہوتی ہیں۔  

    عمران خان کا کہنا تھا کہ تحریک انصاف ہر قسم کی اقربا پروری کی مخالف ہے۔ ریحام کو نہ ےتو کوئی پارٹی عہدہ ملے گا، نہ ہی خیبر پختونخواہ میں کوئی پوزیشن ملے اور انہیں سرکاری پروٹوکول بھی نہیں دیا جائے گا۔

    تحریک انصاف کے سربراہ نے مزید کہا کہ ریحام خان ان کی جماعت کے ٹکٹ پر الیکشن میں حصہ نہیں لے سکتیں۔  

    ان کا کہنا تھا کہ ریحام سیاسی سرگرمیوں میں مشغول ہورہی ہیں اور یہ ہمارے دھرنے کی کامیابی ہے کہ خواتین اور نوجوان سیاست کی جانب راغب ہورہے ہیں۔

    عمران خان نے مزید کہا کہ جب لوگ سیاست کی جانب راغب ہوں گے تب ہی وہ اپنے حقوق اور عدم مساوات کے خلاف کھڑے ہوسکیں گے۔

    تحریک انصاف کے سربراہ نے یہ بھی اعلان کیا کہ ریحام خان کے پاس پہلے ہی بہت کام ہے بالخصوص بے گھر بچوں کی بہبود کے حوالےسے لہذا وہ آئندہ پی ٹی آئی کے کسی بھی ایونٹ میں شرکت نہیں کریں گی۔

    انہوں اس بات کی بھی وضاحت کی کہ ریحام خان این اے 246 کے ضمنی انتخابات میں اس لئے شریک ہوئی تھیں کہ ہم وہاں خوف کی فضا کاخاتمہ چاہتے تھے۔

     
    ریحام خان کا ردعمل

     

    تحریک انصاف کے سربراہ عمران خان کی اہلیہ ریحام خان نے بھی خود پر ہونے والی تنقید کے خلاف ٹویٹر کے ذریعے اپنے ردعمل کا اظہار کیا ہے۔

    ان کا کہنا تھا کہ میں اوروں کی حمایت کرتی رہی ہوں لیکن ان کی حمایت سے کبھی زندگی میں کچھ حاصل نہیں کیا۔

    ریحام خان کا کہنا تھا کہ عمران خان سے شادی سے قبل بھی مجھے کئی سیاسی جماعتوں کی جانب سے انتخابات لڑنے کی دعوت دی گئی لیکن میں نے ہمیشہ انکار کردیا

    انہوں نے یہ بھی کہاکہ مجھ سے بارہا یہ سوال پوچھا گیا ہے اور میں الیکشن میں حصہ لینے سے انکارکرتی رہی ہوں۔

    عمران خان اور میرا مشترکہ مقصد پاکستان کی فلاح ہے عمران خان سیاسی جدوجہد کے ذریعے ایسا کررہے ہیں اور میں رضاکارانہ طور پر بچوں کی تعلیم کے لئے کوشاں ہوں۔

    ریحام خان کا کہنا تھا کہ میں دیکھتی ہوں کہ میرے شوہر اس قوم کے بہتر مستقبل کے لئے کئی کئی گھنٹے کام کرتے ہیں اور میں ہر اس کام میں انکی حمایت کروں گی جس کے لئے انہوں نے اپنی زندگی وقف کررکھی ہے۔

    انہوں نے یہ بھی وضاحت کی کہ وہ تحریک انصاف کی محض اس لئے حمایت کرتی ہیں کہ ان کے شوہر نے اپنی اس جماعت کے لئے وقف کررکھی ہے۔

  • شاہ رخ خان فلم کی شوٹنگ میں زخمی

    شاہ رخ خان فلم کی شوٹنگ میں زخمی

    بالی وڈ کے سپر اسٹار شاہ رخ خان اپنی آئندہ آنے والی فلم ’فین‘کی شوٹنگ کے دوران زخمی ہوگئے ہیں۔

    کنگ خان نے سماجی رابطے کی ویب سائٹ ٹویٹر پر اپنے شوٹنگ کے دوران زخمی ہونے کے بارے میں ٹویٹ کیا ہے جو کہ ممکنہ طور پرآنے والی فلم فین کی شوٹنگ تھی۔

    یاد رہے کہ اس سے قبل بھی نامور اداکار مئی کے مہینے میں فلم کی شوٹنگ کے دوران زخمی ہوگئے تھے اوراس کا اعلان بھی انہوں نے ٹویٹرپرکیا تھا۔

    شاہ رخ خان نے اپنے حالیہ ٹویٹر پیغام میں اپنے مداحوں کو بتایا تھا کہ وہ طویل اورمشکل شوٹس میں مصروف ہیں۔

    یاد رہے کہ شاہ رخ خان ان دنوں اپنے آنے والی فلم فین کی شوٹنگ میں مشغول ہیں جو کہ 15 اپریل، 2016 میں ریلیز ہوگی۔ شاہ رخ خان اس فلم میں بیک وقت سپر سٹار اور اپنے ’فین‘ کا کردار نبھا رہے ہیں۔