ARYNews.tv | Urdu – Har Lamha Bakhabar

Tag: Twitter

  • ٹویٹر نے صارفین کو 11 دسمبر تک کی مہلت دے دی

    ٹویٹر نے صارفین کو 11 دسمبر تک کی مہلت دے دی

    نیویارک: سماجی رابطے اور مائیکروبلاگنگ کی ویب سائٹ ٹویٹر نے 6 ماہ سے غیر فعال اور جعلی اکاؤنٹس کو بند کرنے کا اعلان کردیا اور صارفین کو آئندہ ماہ 11 دسمبر تک کی مہلت دی گئی ہے۔

    تفصیلات کے مطابق سماجی رابطے اور مائیکروبلاگنگ کی ویب سائٹ ٹویٹر نے 6 ماہ سے غیر فعال اکاؤنٹس بند کرنے کا فیصلہ کرلیا ہے ، ٹویٹر کی جانب سے جاری کردہ اعلامیے مین کہا گیا ہے کہ جو اکاؤنٹس گزشتہ 6 ماہ سے زیر استعمال نہیں انہیں گیارہ دسمبر کے بعد بند کردیا جائے گا۔

    انتظامیہ کی جانب سے وضاحت کی گئی کہ وہ اکاؤنٹس جنہیں چھ مہینوں کے دوران ایک بار بھی لاگ ان نہیں کیا گیا یا جن اکاؤنٹس کے مالکان انتقال کرچکے انہیں پہلے مرحلے میں بند کیا جائے گا۔

    اعلامیے کے مطابق صارفین کی پرائیوسی کے پیش نظر کمپنی نے یہ فیصلہ کیا تاکہ استعمال کنندگان کا اعترماد مزید بڑھایا جائے اور پلیٹ فارم کی اہمت کو اجاگر کیا جائے۔

    ٹویٹر کے ترجمان کا کہنا تھا کہ مانیٹرنگ کے بعد جو آئی ڈیز گزشتہ 6 ماہ سے زیر استعمال نہیں انہیں ڈورمنٹ (غیرضروری) اکاؤنٹس کی فہرست میں شامل کرلیا گیا اور 11 دسمبر کی رات 12 بجے سے انہیں بلاک کرنے کا سلسلہ شروع ہوجائے گا۔

    انتظامیہ نے اعلان کیا کہ سب سے پہلے امریکا سے تعلق رکھنے والے غیر متحرک اکاؤنٹس بند کیے جائیں گے اور نشاندہی کے علاوہ غیرضروری اکاؤنٹس رکھنے والے صارفین کو ایک سال کی مہلت دی جائے گی اور پھر جعلی اکاؤنٹس کو بند کردیا جائے گا۔

  • ٹویٹر کا سیاسی اشتہارات پر پابندی کا اعلان

    ٹویٹر کا سیاسی اشتہارات پر پابندی کا اعلان

    سان فرانسسکو: سماجی رابطے کی ویب سائٹ ٹویٹر نے پیسوں کے عوض سیاسی اشتہارات چلانے پر پابندی عائد کرنے کا اعلان کیا ہے۔

    تفصیلات کے مطابق سماجی رابطے کی ویب سائٹ ٹویٹر نے سیاسی اشتہارات پر پابندی عائد کرنے کا فیصلہ کیا ہے۔ ٹویٹر پر سیاسی اشتہار بازی پر پابندی 22 نومبر سے نافذ العمل ہوگی جبکہ ٹویٹر کی اس نئی پالیسی کے حوالے سے مکمل تفصیلات 15 نومبر تک دستیاب ہوں گی۔

    ٹویٹر کے سی ای او جیک ڈورسی نے اپنے پیغام میں کہا کہ اگرچہ انٹرنیٹ پر اشتہار بازی کاروباری طبقے کے لیے ناقابل یقین حد تک طاقتور اور موثر ہے لیکن ایسی طاقت سیاست کے لیے خطرات کا باعث بنتی ہے۔

    جیک ڈورسی نے کہا کہ انٹرنیٹ پر سیاسی اشتہارات عوامی بحث ومباحثے کے لیے مکمل طور پر نئے چیلنجز پیدا کر رہے ہیں، ان چیلنجز میں گمراہ کن اور غیر مصدقہ اطلاعات بھی شامل ہیں۔

    سنہ 2016 میں ہوئے امریکی صدارتی انتخابات میں ڈونلڈ ٹرمپ سے شکست کھانے والی ڈیموکریٹک امیدوار ہیلری کلنٹن نے اس پابندی کا خیر مقدم کرتے ہوئے فیس بک کو بھی اس پالیسی پر عمل پیرا ہونے کا مشورہ دیا ہے۔

    خیال رہے کہ حال ہی میں ٹویٹر کی حریف ویب سائیٹ فیس بک نے اپنے پلیٹ فارم پر سیاسی اشتہاروں پر پابندی کے امکان کو مسترد کیا تھا۔

  • مقبوضہ کشمیر کے حق میں آواز اٹھانے والے 67 پاکستانیوں کے بلاک شدہ اکاؤنٹ بحال

    مقبوضہ کشمیر کے حق میں آواز اٹھانے والے 67 پاکستانیوں کے بلاک شدہ اکاؤنٹ بحال

    اسلام آباد : ٹوئٹر انتظامیہ نے مقبوضہ کشمیرکیلیے آواز اٹھانے پر بلاک کئے گئے 67 پاکستانیوں کے اکاؤنٹس بحال کردیئے، پی ٹی اے نے کہا ٹویٹر انتظامیہ کے ساتھ پاکستانی صارفین کی بلاکنگ کے معاملات اٹھاتا رہے گا۔

    تفصیلات کے مطابق مقبوضہ کشمیر کے متعلق کئے گئے ٹوئٹس پر پاکستانی صارفین کے ٹویٹر اکاﺅنٹس بلاک کرنے کے حوالے سے پی ٹی اے نے ٹوئٹر کو 333 اکاؤنٹس کی تفصیلات فراہم کی ہیں،اس حوالے سے مشترکہ لائحہ عمل کی تیاری کے لیے ٹویٹر انتظامیہ کو ایک میٹنگ کے لیے دعوت دی گئی ہے۔

    ٹویٹر کی جانب سے اب تک 67 اکاؤنٹس (20فیصد ) بحال کر دئیے گئے، پاکستانی ٹویٹر صارفین بلاک شدہ اکاﺅنٹس کی معلومات content- [email protected] پر فراہم کریں۔

    پی ٹی اے حکام کا کہنا تھا کہ ٹویٹر انتظامیہ کے ساتھ پاکستانی صارفین کی بلاکنگ کے معاملات اٹھاتا رہے گا۔

    یاد رہے سوشل میڈیا پر مقبوضہ کشمیریوں کےلیےآواز اٹھانے والے ٹوئٹر انتظامیہ نے ایک سواٹھہتر پاکستانیوں کے اکاؤنٹس معطل کر دیے تھے، پی ٹی اے نے صارفین کی شکایت ملنے پر ٹوئٹر انتظامیہ کو خط لکھا تھا۔

    مزید پڑھیں : سوشل میڈیا پر مقبوضہ کشمیرکے لیے آواز اٹھانے والے178 پاکستانیوں کے اکاؤنٹس معطل

    خیال رہے دنیا بھر میں ڈیجٹیل میڈیا کو آزادانہ رائے کے اظہار کرنے کا ذریعہ مانا جاتا ہے ٹوئیٹر اور فیس بک پر موجود جموں و کشمیر کے بارے میں کسی طرح کی بھی حمایت کرنے والے والے بیانات کو ان کے صفحات سے ہٹایا جارہا ہے۔جب کہ ٹوئٹر اور فیس بک کے ذریعے دنیا بھر کو جموں و کشمیر میں بھارتی بربریت کے بارے میں معلومات دی جارہی تھیں۔

    پاکستان میں ٹویٹرکے 1.62 ملین جبکہ 31 ملین فیس بک کو استعمال کررہے ہیں۔ جموں و کشمیر کے حالات و واقعات کے بارے میں اپنی رائے کا اظہار کرنے والے افراد کے اکاونٹس کو معطل کردیا گیا ہے۔ بھارت کے اس اقدام کو سوشل میڈیا پر شدید تنقید کا نشانہ بنایا جارہا ہے۔

    ٹوئیٹر اور فیس بک اکاونٹس کے استعمال پرقبضہ کرنے کے لئے ہندوستانی قانون لاگو کو کیا جارہا ہے۔ اس کی بینادی وجہ یہ ہے کہ ٹویئٹر اور فیس بک دونوں ہندوستان میں رجسٹرڈ ہیں۔جسکی وجہ سے پاکستان کی عوام کی طرف سے جو بھی سوشل میڈیا پرجموں و کشمیر کے بارے میں مواد پیش کیا جارہا ہے اس کو معطل کیا جارہا ہے جس پر پاکستانی عوام شدید اذیت کا شکار ہیں۔

  • بھارتی کرکٹ بورڈ کی جانب سے پاکستان ٹیم پر تنقید کرنے کی کوشش بری طرح ناکام

    بھارتی کرکٹ بورڈ کی جانب سے پاکستان ٹیم پر تنقید کرنے کی کوشش بری طرح ناکام

    لاہور : آسٹریلوی صحافی نے بھارتی کرکٹ بورڈ کی جانب سے پاکستانی ٹیم پر تنقید کرنے کی کوشش ناکام بنادی، بی سی سی آئی نے فاسٹ بولر اشانت شرما کی سالگرہ پر ٹوئٹ کیا جس پر آسٹریلوی صحافی نے اس کو آئینہ دکھا دیا۔

    تفصیلات کے مطابق بھارتی کرکٹ بورڈ کی جانب سے پاکستانی ٹیم پر تنقید کرنے کی کوشش کو آسٹریلوی صحافی نے ناکام بنا دیا۔

    سماجی رابطے کی ویب سائٹ ٹوئٹر پر بی سی سی آئی نے بھارتی ٹیم کے فاسٹ بولر اشانت شرما کی سالگرہ پر انہیں مبارکباد پیش کی اور پاکستان کے خلاف 2007ءمیں کھیلے جانے والے ٹیسٹ میچ کے دوران ان کی کارکردگی یاد دلائی۔

    بی سی سی آئی نے اپنے ٹوئٹر پیغام میں کہا کہ اس خاص دن کے موقع پر آپ کے پاکستان کے خلاف جارحانہ باﺅلنگ اسپیل کو یاد کرتے ہیں۔

    ان کی اس ٹوئٹ کے جواب میں آسٹریلیا کے اسپورٹس سے تعلق رکھنے والے صحافی ڈینیس نے کہا کہ اس میچ کے دوران پاکستان نے500 سے زائد رنز اسکور کئے تھے۔

    اشانت شرما محض134کی اسپیڈ سے باؤلنگ کرا رہے تھے اور انہوں نے اس دوران پاکستان کے آخری کھلاڑیوں کی ہی وکٹیں لیں۔

    ان کے اس جوابی ٹوئٹ کے بعد ٹوئٹر پر دنیا بھر کے شائقین نے بی سی سی آئی کا خوب مذاق بنایا۔ ایک صارف نے ٹوئٹ کرتے ہوئے کہا کہ بھارت چھوٹے لوگوں کا ملک ہے، ایک اور صارف نے ڈینس کو مخاطب کرتے ہوئے کہا کہ آب نے بھارت کی کیا زبردست بے عزتی کی ہے۔

  • کشمیریوں کی آواز بننے پر اے آر وائی نیوز آفیشل ٹوئٹر اکاؤنٹ کو نوٹس موصول

    کشمیریوں کی آواز بننے پر اے آر وائی نیوز آفیشل ٹوئٹر اکاؤنٹ کو نوٹس موصول

    اسلام آباد: مظلوم کشمیریوں کی آواز بننے پر اے آر وائی نیوز آفیشل ٹوئٹر اکاؤنٹ کو نوٹس ارسال کر دیا.

    تفصیلات کے مطابق ٹوئٹر انتظامیہ مودی کی آلہ کاربن گئی، آر وائی نیوز آفیشل ٹوئٹر اکاؤنٹ کو نوٹس موصول ہوا ہے۔

    ٹوئٹر نے بھارت کی درخواست پر  اے آر  وائی نیوز آفیشل ٹوئٹر اکاؤنٹ کو نوٹس بھیجا ہے، اے  آر  وائی نیو ز ٹوئٹر اکاؤنٹ کو  کشمیریوں کے لئے  15 اگست کے ٹوئٹ پرنوٹس بھیجا گیا.

    خیال رہے کہ پاکستان نے 15 اگست کو  مقبوضہ کشمیر کے عوام سے بھرپور  اظہار یک جہتی کیا تھا. اس پلیٹ فورم سے آرٹیکل 370 کے خاتمہ اور انسانی حقوق کی خلاف ورزیوں کو عوام تک پہنچایا گیا۔

    یاد رہے کہ اے آر وائی نیوز مظلوم کشمیروں کی آواز بنا ہوا ہے، 5 اگست سے بھارت کے مظالم اور زیادتی کی خبریں دنیا تک پہنچا رہا ہے.

    اے آر وائی نیوز نے ہندوستانی مظالم کو بے نقاب کیا اور  ہمیشہ حق اور سچ کی آواز بنا، قبل ازیں اے آر وائی نیوز کے سینئر اینکر ارشد شریف کو اس ضمن میں نوٹس موصول ہوا تھا۔

  • ہندوستان کا یوم آزادی ’’یوم سیاہ‘‘ بن گیا، ٹوئٹر کی ٹرینڈنگ لسٹ میں شامل

    ہندوستان کا یوم آزادی ’’یوم سیاہ‘‘ بن گیا، ٹوئٹر کی ٹرینڈنگ لسٹ میں شامل

    برسلز: ہندوستان کا یوم آزادی ’’یوم سیاہ‘‘ بن گیا، دنیا بھر میں لاکھوں افراد نے مودی سرکار پر کڑی تنقید کی جبکہ بلیک ڈے ٹوئٹر کی ٹرینڈنگ لسٹ میں شامل ہوگیا۔

    تفصیلات کے مطابق بلیک ڈے 15 اگست بھارت میں ٹوئٹر کی ٹرینڈنگ لسٹ میں آگیا، بھارت میں بلیک ڈے 15 اگست کاہیش ٹیگ ٹرینڈ میں چوتھے نمبر پر پہنچ گیا۔

    دنیا بھر سے لاکھوں افراد نے ’’15اگست یوم سیاہ‘‘ کے ٹرینڈ پر ٹوئٹس کیں، اور بھارتی حکومت کو شدید تنقید کا نشانہ بناتے ہوئے کشمیریوں سے اظہار یکجہتی کی۔

    دوسری جانب کشمیرکونسل یورپ کے زیراہتمام بھارت کایوم آزادی یوم سیاہ کے طورپر منانے کیلئے برسلز میں بھارتی سفارتخانے کے سامنے ایک احتجاجی مظاہرہ کیا گیا۔

    مظاہرے میں کشمیریوں، پاکستانیوں اور بیلجیم اور دیگر یورپی ممالک میں قائم مختلف تنظیموں کے نمائندوں سمیت مختلف شعبہ زندگی سے تعلق رکھنے والے لوگوں کی بڑی تعداد نے شرکت کی۔

    بھارتی فوج کی بلا اشتعال فائرنگ سے پاک فوج کے 3 جوان شہید

    مظاہرے کے شرکاء نے بھارت کے خلاف نعرے بازی کی اور مقبوضہ کشمیرمیں بھارتی فوجیوں کی طرف سے جاری مظالم کی مذمت کی۔

    مظاہرے کے دوران بھارتی حکومت کے نام ایک یادداشت سفارتخانے میں پیش کی گئی۔ یادداشت میں مقبوضہ کشمیر میں کرفیو فوری طور پر ہٹانے اور تمام کشمیری سیاسی رہنماﺅں کو بلا تاخیر رہا کرنے کا مطالبہ کیا گیا۔

  • بھارت مقبوضہ کشمیرمیں ریاستی مظالم پرآوازاٹھانے والے ٹویٹر اکاؤنٹس بند کرنے کے درپے

    بھارت مقبوضہ کشمیرمیں ریاستی مظالم پرآوازاٹھانے والے ٹویٹر اکاؤنٹس بند کرنے کے درپے

    اسلام آباد: مودی سرکار نے ٹویٹر پر بھارتی مظالم کے خلاف آواز اٹھانے پر اے آروائی نیوز کے سینئر اینکر ارشد شریف سمیت آٹھ اکاؤنٹس بند کرنے کی درخواست کردی۔

    تفصیلات کے مطابق بھارتی وزارتِ داخلہ کی جانب سے ٹویٹر انتظامیہ سے درخواست کی گئی تھی کہ پاکستان سے تعلق رکھنے والے آٹھ ٹویٹر اکاؤنٹ بند کردیے جائیں۔ یاد رہے کہ سینئر اینکر پرسن ارشد شریف سمیت یہ آٹھ افراد مسلسل بھارتی مظالم کو آشکار کررہے ہیں۔

    بھارت کی جانب سے درخواست کیے گئے اکاؤنٹس میں اے آروائی نیوز کے اینکر پرسن ارشد شریف، مدیحہ شکیل، اور حریت رہنما سید علی شاہ گیلانی سمیت دیگر افراد شامل ہیں۔

    بھارت کی جانب سے جاری کردہ بیان میں یہ بھی کہا گیا ہے کہ ان اکاؤنٹس کو بند کرنے کی درخواست وزارتِ آئی ٹی کے تحت کی گئی ہے۔

    بھارت سے تعلق رکھنے والے سندیپ متل نے اس حوالے سے ٹویٹ بھی کیا ہے کہ ہم نے ٹویٹر انتظامیہ سے پاکستان سے تعلق رکھنے والے مذکورہ بالا اکاؤنٹس بند کرنے کی درخواست کی تھی ، تاہم تین اکاؤنٹس ابھی بھی فعال ہیں۔ فعال اکاؤنٹس میں اے آروائی نیوز کے اینکر پرسن ارشد شریف کا اکاؤنٹ بھی شامل ہے۔

    اس حوالے سے اینکر پرسن ارشد شریف کا کہنا ہے کہ بھارت کے اس عمل سے اس کی بوکھلاہٹ آشکار ہورہی ہے ، بھارت کو پریشانی ہے کہ انہوں نے کشمیر میں کرفیو نافذ کررکھا ہے اور میڈیا کو رپورٹنگ کی اجازت نہیں پھر کس طرح پاکستان کا میڈیا ان کے ظلم وجبر کو سامنے لارہا ہے۔

    انہوں نے یہ بھی کہا کہ ایسی حرکتوں سے بھارت مزید بے نقاب ہوتا چلا جائے گا اور ایک دن بالاخر عالمی برادری بھارت کا مکروہ چہرہ دیکھ لے گی۔

  • افریقی نژاد قانون ساز کی تضحیک کرنے پر ٹرمپ کو تنقید کا سامنا

    افریقی نژاد قانون ساز کی تضحیک کرنے پر ٹرمپ کو تنقید کا سامنا

    واشنگٹن:امریکی صدر ڈونلڈ ٹرمپ افریقی نژاد قانون ساز کو تضحیک کا نشانہ بناتے ہو ئے ریاست میری لینڈ کے شہر بالٹی مور کو سڑی ہوئی گندگی کہنے پر نسل پرستی کے نئے الزامات اور تنقید کی زد میں آگئے۔

    تفصیلات کےمطابق امریکی صدر نے گزشتہ روز میری لینڈ کے ساتویں ضلعے کے امریکی ترجمان اور کانگریس کے اقلیتی رکن علیجہ کمنگز کو نشانہ بنایا تھا جن کا شمار ٹرمپ کے ناقدین میں ہوتا ہے،کانگریس کی اسپیکر نینسی پیلوسی نے ڈونلڈ ٹرمپ پر انسانی حقوق اور اقتصادی انصاف کے چیمپئن، بالٹی مور کے عزیز رہنما پر نسل پرست حملے کا الزام عائد کیا۔

    نینسی پیلوسی جو بالٹی مور میں پیدا ہوئیں اور ان کے والد نے وہاں میئر کی خدمات بھی سرانجام دیں، نے کہا کہ ہم سب ان کے خلاف تمام نسل پرست حملوں کو مسترد کرتے ہیں۔

    سابق نائب صدر جو بائیڈن نے سماجی رابطے کی ویب سائٹ پر کیے گئے ٹویٹ میں کہا کہ علیجہ کمنگز اور بالٹی مور کے عوام پر اس طرح حملہ کرنا انتہائی غلط ہے،وائٹ ہاؤس کے نصف درجن امیدوارں نے ٹرمپ کے بیان کے مذمت کی۔

    غیر ملکی خبر رساں ادار ے کے مطابق 2020 انتخابات میں ڈیموکریٹک کے سیاہ فام امیدوار کمالا حارث کا کہنا تھا کہ اپنی مہم کا ہیڈکوارٹر علیجہ کمنگز کے ضلعے میں ہونے پر فخر ہے اور ٹرمپ کے حملے کو شرم ناک قرار دیا۔

    بالٹی مور کے سیاہ فام ڈیموکریٹک میئر برنارڈ جیک ینگ نے ٹرمپ کے بیان کو مسترد کیا اور اسے ’ تکلیف دہ اور نقصان دہ قرار دیا،بعد ازاں ڈونلڈ ٹرمپ نے مختلف ٹوئٹس میں کہا کہ ’برائے مہربانی کوئی نینسی پیلوسی کو بتائے کہ حال ہی میں انہیں اپنی جماعت کی جانب سے نسل پرست قرار دیا گیا تھا۔

    واضح رہے کہ امریکی صدر نے سماجی رابطے کی ویب سائٹ پر کیے گئے ٹویٹ میں کہا تھا کہ ’اگر علیجہ کمنگز بالٹی مور میں کچھ وقت گزارتے تو ممکن تھا کہ وہ اپنے ڈسٹرکٹ کی گندگی صاف کر دیتے‘۔

    امریکی صدر نے مزید کہا تھا کہ ’ان کا ضلع امریکا میں سب سے بدترین جگہ ہے جہاں کوئی بھی انسان زندگی گزارنے کی خواہش نہیں کر سکتا‘۔

  • وزیراعظم کا امریکا میں فقید المثال جلسہ، ٹوئٹر پر ٹاپ ٹرینڈ بن گیا

    وزیراعظم کا امریکا میں فقید المثال جلسہ، ٹوئٹر پر ٹاپ ٹرینڈ بن گیا

    واشنگٹن: وزیراعظم عمران خان کا امریکا میں ہونے والا جلسہ سماجی رابطے کی ویب سائٹ ٹوئٹر پر ٹاپ ٹرینڈ بن گیا۔

    تفصیلات کے مطابق وزیراعظم عمران خان کے واشنگٹن میں خطاب سے قبل جلسہ ٹویٹر پر ٹاپ ٹرینڈ بن گیا، ٹرینڈ کے تحت جلسہ گاہ کی تازہ ترین تصاویر اور ویڈیوز شیئر کی جارہی ہیں۔

    ٹوئٹر پر ٹاپ ٹین میں سے 5 ٹرینڈز وزیراعظم عمران خان کے جلسے کے نام ہوگئے، اب سے کچھ دیر بعد عمران خان کیپٹل ون ارینا واشنگٹن میں امریکا میں مقیم پاکستانیوں سے خطاب کریں گے۔

    وزیر اعظم عمران خان تین روزہ دورے پر امریکا میں ہیں، امریکا میں مقیم پاکستانیوں کا بھرپور جوش و خروش دیکھنے میں آرہا ہے، کیپٹل ون ارینا میں وزیر اعظم کے جلسے کی تیاریاں مکمل ہو چکی ہیں جس میں 22 ہزار افراد کی شرکت متوقع ہے۔

    کیپٹل ایرینا کے باہر لوگوں کی بڑی تعداد موجود ہے اور پاکستان زندہ باد کے نعرے لگا رہے ہیں، وزیر اعظم پاکستانی کمیونٹی سے رات 2 بجے خطاب کریں گے، جلسے کی براہ راست کوریج اے آر وائی نیوز پر دیکھی جا سکے گی۔