ارجنٹینا: سانتا فے نامی شہر میں ایک حیرت انگیز واقعہ پیش آیا کہ جب ایک خاتون اپنے گھر کے باغ میں ’’2 سر‘‘ والے سانپ کو دیکھ کراوسان کھو بیٹھی۔

 تفصیلات کے مطابق ارجنٹینا کی شہری خاتون لوجین ایرولیس اس وقت ایک مشکل مرحلے سے گزریں جب ایک عجیب الخلقت سانپ  ان کے  گارڈن میں نکل آیا۔ سانپ نے خاتون کو نہ صرف خوفزدہ کردیا بلکہ وہ تذبذت کیفیت کا شکار بھی ہوگئیں کہ پہچان بھی پارہی ہیں اور نہیں بھی۔

چھالیس سالہ لوجین کے مطابق 2 سروں والا یہ عجیب وغریب سانپ چارانچ‘ اور 10 سینٹی میٹرلمبا تھا، اس کی کھال بظاہر سانپ جیسی نظر آرہی تھی‘ وہ اسے دیکھ کرایک دم حواس باختہ ہوگئیں اورارد گرد موجود لوگوں کو شورمچا کر اپنی جانب متوجہ کرلیا۔

یہ بھی پڑھیں: ایسا سیلون جہاں سانپ انسانوں کا مساج کرتے ہیں

لوجین نے اپنے کھوئے ہوئے حواس بحال کرتے ہوئے ادھر ادھر نظر دوڑائی اور سانپ کو مار ڈالا، ایرولیس اور ان کے دوست احباب کے مطابق اس طرح کا سانپ انہوں نے اکثر فلموں میں دیکھا ہے۔

سانپ کو مارنے کے بعد انہوں نے اس کی تصویر اور ویڈیو آن لائن سماجی رابطے کی ویب سائٹ پر اپ لوڈ بھی کیں۔ ایرولیس نے فیس بک پر پکچر اپ لوڈ کرنے ساتھ یہ سوال بھی کیا کہ کوئی بتا سکتا ہے کہ یہ کیا چیز ہے؟

ایرولیس کا مزید کہنا تھا کہ زمین بہت پرانی ہوچکی ہے لہذا ایسا ممکن ہے کہ کبھی نہ دکھائی دینے والی عجیب الخلقت چیزیں اچانک ہی ہمارے سامنے نمودار ہوجائیں۔

خاتون کا یہ بھی کہنا تھا کہ میں اس بات سے متفق ہوں کہ یہ کیٹر پلر نہیں ہوسکتا ہے کیونکہ اس کی ٹانگیں نہیں تھیں، اس کا سر دیکھ کر اندازہ ہورہا تھا کہ سانپ بہت زہریلا ہے۔

 اس عجیب االخقت سانپ کے بارے میں 3000 لوگوں نے سماجی رابے کی ویب سائٹس پر پر اپنی مختلف رائے کااظہار کیا۔