Tag: UAE vs india

پرتھ : ورلڈ کپ گروپ بی میں بھارت اور یو اے ای کی ٹیمیں مدمقابل ہیں۔ یو اے ای کے ایک سو تین رنز کے ہدف کے تعاقب میں بھارت کی بیٹنگ جاری ہے۔

تفصیلات کے مطابق پرتھ میں بھارت نے یو اے ای کو قابو کرلیا۔ میچ کا ٹاس یو اے ای نے جیت کر پہلے بیٹنگ کا فیصلہ کیا۔ بیٹسمینوں کی خراب پرفارمنس نے کپتان کے فیصلے کو غلط ثابت کردیا۔

سات رنز پر پہلی وکٹ گرنے کے بعد کھلاڑیوں کی لائن لگ گئی، اور وہ ایک ایک کرکے پویلین کی جانب لوٹنا شروع ہوگئے۔

یو اے ای کی  پوری ٹیم بتیسویں اوور میں ایک سو دو رنزبناکر آؤٹ ہوگئی۔ آٹھ بیٹسمین ڈبل فیگرز تک بھی نہ پہنچ سکے۔ شیمان انور پینتیس رنز بنا کر نمایاں رہے۔

بھارت کے روی چندرن ایشون نے چار اور رویندراور جڈیجا نے دو دو کھلاڑیوں کو آؤٹ کیا۔ ایشون نے اپنے دس اوورز میں پچیس رنز دے کر چار وکٹیں اپنے نام کیں،

اس وقت پانچ اوورزمیں بھارت نے بغیر کسی نقصان کے انیس رنز بنا لئے ہیں۔