لندن : برطانیہ میں انتخابی سرگرمیاں زوروشور سے جاری ہیں، برطانوی عوام کل عام انتخابات میں حق راہے دہی استعمال کریں گے، کنزرویٹو اور لیبر پارٹیوں میں کانٹے کا مقابلہ ہے۔
برطانیہ میں عام انتخابات کی گہما گہمی عروج پر ہے، سیاسی رہنماوں کی ملاقاتوں کا سلسلہ بھی جاری ہے، کل ہونے والے عام انتخابات میں دارالعوام کی چھ سو پچاس نشستوں پر حق رائے دہی استعمال کیا جائے گا۔
چھ سو پچاس نشستوں میں انگلینڈ کی پانچ سو تینتس، اسکاٹ لینڈ کی انسٹھ، ویلز کی چالیس اور شمالی آئر لینڈ کی اٹھارہ نشستیں شامل ہیں۔
انتخابات میں کُل تین ہزار نو سو اکہتر امیدوار حصہ لے رہے ہیں، جن میں سےایک ہزار بیس خواتین ہیں، سب سے زیادہ امیدوار کنزرویٹو پارٹی کے چھ سو اڑتالیس ہیں جبکہ لیبر اور لب ڈیم کے امیدواروں کی تعداد چھ سو اکتیس ہے۔
چھ سو پچاس میں سے تین سو چھبیس نشستیں لینے والی جماعت حکومت بنا سکےگی ، فیصلہ کن اکثریت نہ ملنے کی صورت میں انتخابات دوبارہ ہونگے۔
