اسلام آباد : برطانوی حکومت کی جانب سے پاکستان کا نام ریڈ لسٹ میں شامل ہونے کے باعث پاکستانی نژاد برطانوی بیمارخاتون اپنے شوہر کے ہمراہ مشکلات میں پھنس گئیں۔
تفصیلات کے مطابق برطانوی حکومت کی جانب سےپاکستان کوریڈ لسٹ میں شامل کرنے کے معاملے پر پاکستانی نژاد برطانوی بیمارخاتون اپنے شوہر کے ہمراہ مشکلات میں پھنس گئیں۔
بیمارخاتون کے شوہر نے اے آر وائی نیوز پر پاکستان اوربرطانیہ کے وزرائےاعظم سے اپیل کی ہے کہ 5ماہ سےبرطانیہ نہیں جاسکےجمع پونجی بھی ختم ہوگئی ہے ، ادویات تک نہیں خرید سکتےہماری فوری مدد کی جائے۔
بزرگ شہری کا کہنا تھا کہ خاتون کی ادویات علاج معالجے کی سکت ختم ہوگئی ہے ، برطانیہ میں میری اہلیہ کو علاج معالجے کی سہولیات میسر تھیں، حکومت برطانیہ پاکستان کا نام فوری طور پر ریڈ لسٹ سے ہٹائے۔
خیال رہے گذشتہ ماہ ہ برطانیہ نے کورونا کے ڈیلٹا ویریئنٹ کے گڑھ بھارت کو کورونا کی ریڈ لسٹ سے نکالنے کا اعلان کیا تھا جبکہ پاکستان اس فہرست میں بدستور موجود ہے حالانکہ پاکستان میں کورونا کیسز بھارت سے کہیں زیادہ کم ہیں۔
بعد ازاں پاکستان کو برطانوی ٹریول ریڈ لسٹ سے نہ نکالنے کی ممکنہ وجہ سامنے آئی تھی ، ذرائع کا کہنا تھا کہ پاکستان کی جانب سے برطانیہ کو کرونا سے متعلق ڈیٹا فراہم نہیں کیا گیا تھا، جس پر برطانوی حکام نے پاکستان کو ریڈ لسٹ سے نہ نکالا۔
